ഗവൺമെൻറ്, എച്ച്.എസ്. എസ് അയിരുപ്പാറ/അക്ഷരവൃക്ഷം/അതിജീവനം

അതിജീവനം കേരള ജനത നിലനിൽപ്പിനായി കൈകോർത്ത നിമിഷമാണ് പ്രളയകാലം ജാതിമതങ്ങളുടെ പേരിൽ നിരവധി വർഗീയ ലഹളകൾ നടന്ന നാടാണ് നമ്മുടേത്.എന്നിരുന്നാലും ഇവയെല്ലാം മാറ്റി നിർത്തി പണക്കാരനെന്നോ പാവപ്പെട്ടവനെന്നോ ഭേദം കൂടാതെ ഏവരും രക്ഷാപ്രവർത്തനത്തിന് കൈ കോർത്ത നിന്ന സമയം കേരളീയരായ നമ്മുക്കൊരിക്കലും മറക്കാനാകില്ല. ഏതൊരുവനും ഒരിക്കലെങ്കിലും വാക്കു കൊണ്ടോ പ്രവൃത്തി കൊണ്ടോ അപമാനിച്ചിട്ടുള്ള മത്സ്യത്തൊഴിലാളികളാണ് അവരുടെ ഉപജീവനമാർഗമായ വള്ളങ്ങൾ ഉപയോഗിച്ച് രക്ഷാപ്രവർത്തനങ്ങളിൽ ഏർപ്പെട്ടത്. മനുഷ്യനെ മനുഷ്യനാക്കി തീർക്കാൻ വന്ന ദുരന്തകാലമാകാം പ്രളയം. എല്ലാ സർക്കാർ ജീവനക്കാരും ഒരു മാസത്തെ ശമ്പളം മുഖ്യമന്ത്രിയുടെ ദുരിതാശ്വാസ നിധിയിലേക്ക് സംഭാവന ചെയ്തു അതോടൊപ്പം സമൂഹത്തിലെ വിവിധ സംഘടനകൾ, വ്യക്തികൾ തുടങ്ങി പലരും അവർക്കു കഴിയുന്ന സംഭാവനകൾ നൽകി... ഇവയെല്ലാം തന്നെ മനുഷ്യർ സഹജീവികൾക്കായി ചെയ്ത നന്മയുടെ പ്രവർത്തനങ്ങളായിരുന്നു. ഒരു പക്ഷെ, കേരളത്തെ തന്നെ പലപ്പോഴുമായി നൊമ്പരപ്പെടുത്തിയതും ലജ്ജിപ്പിച്ചതുമായ ചില സംഭവങ്ങൾക്കുള്ള തിരിച്ചടിയാകാം ഈ പ്രളയം. വിശപ്പിന്റെ പേരിൽ കുറച്ചു ഭക്ഷണം മോഷ്ടിച്ച മധുവെന്ന ആദിവാസിയെ തല്ലിക്കൊന്ന ജനത വിശപ്പിന്റെ വില മനസിലാക്കിയത് പ്രളയകാലത്താണ്.അങ്ങനെ ചിലരുടെ ദുരന്തകാലം മറ്റുള്ളവർക്ക് തിരിച്ചറിയലിനു ള്ള കാലമായി മാറി ആരതീ കൃഷ്ണ +1 commerce ഗവൺമെൻറ്,_എച്ച്.എസ്._എസ്_അയിരുപ്പാറ കണിയാപുരം ഉപജില്ല തിരുവനന്തപുരം അക്ഷരവൃക്ഷം പദ്ധതി, 2020 ലേഖനം  സാങ്കേതിക പരിശോധന - sheebasunilraj തീയ്യതി: 24/ 04/ 2020 >> രചനാവിഭാഗം - ലേഖനം