ജി.എച്ച്. എസ്.എസ്.ചീമേനി/അക്ഷരവൃക്ഷം/ അർദ്ധവിരാമം

അർദ്ധവിരാമം സൃഷ്ടി ഏദൻതോട്ടത്തിലെ വിലക്കപ്പെട്ട കനി ഹാ.. അത്.. അതിന്നലെ വളർന്നൊരു ചെടിയായി എന്ത്? ആന്നെ, ആദവും ഹൗവ്വയും - കാറ്റുകൊള്ളാനിറങ്ങിയതായിരുന്നു അന്നേരം. ചെടിയെങ്ങനെയാ? കറുപ്പിന്റെ വശ്യത ഇരുളിന്റെ വന്യത പുതിയ സൗന്ദര്യം പുതിയ സൃഷ്ടി ! സ്ഥിതി മൊബൈലിന്റെ ഉറക്കെകരച്ചിലുകളാണ് എന്നും ഉറക്കം ഉണർത്തിയിരുന്നത് ഇന്നലെ ഉറങ്ങിയില്ല, ഉണരാൻ പുതിയ കനി മനസിലുരുണ്ടുപിരണ്ടു ചുമരിലെ ചില്ലുകണ്ണാടിയിൽകണ്ടു, അതേ കറുപ്പിന്റെ വന്യമായ ഇരുൾ   * * * * * അകത്തിരുന്നു ശ്വാസം കിട്ടാതെ പിടഞ്ഞ 'പൂച്ചകരച്ചിലുകൾ 'കേട്ടു അവ തേടിയിറങ്ങിയപ്പോൾ, കരിയെഴുതിയ കണ്ണിനു വേണ്ടിയുള്ള കച്ചവടകണക്കുകൾ ഉയർന്നു മിണ്ടാതിരുന്നു. ദൂരെ നിന്ന് കണക്കു തെറ്റിക്കുമാ- റൊരു ചിരി കേട്ടു ചിരിയായിരുന്നോ? അല്ല, വിധിയറിഞ്ഞ പൊട്ടിച്ചിരി റഹീമിന്റേതായിരുന്ന - രാമിന്റെ അട്ടഹാസം അപ്പോഴും മിണ്ടിയില്ല അകലെ മന്ത്രങ്ങൾക്കിടയിൽ നിന്നും ഒരു കരച്ചിൽ കേൾക്കാം. കേട്ടുനിൽക്കേ അവൾ വന്നു ആര്? മുഖമാകെ മാന്തിപ്പറിക്കപ്പെട്ടവൾ അവൾക്കു മുന്നിലൂടെ ഐഫോണിന്റെ കീപാഡുകൾ ഓടിമറഞ്ഞു - എനിക്കൊന്നും അറിയില്ലെന്ന് പുലമ്പികൊണ്ട്. കറുപ്പ്.. എങ്ങും ഇരുൾ.. സംഹാരം മരത്തെ കുറിച്ച് കേട്ടിട്ടുണ്ടോ? പച്ച ഇലകളുള്ള മരം അതെന്താണ്? വായു ഫ്രീ ആയിട്ടു തന്നിരുന്ന.. ഓ അത്, അതിനെയിപ്പോ കാണാറേയില്ല. * * * * * വെള്ളം കയറുന്നുണ്ടോ? ടൈൽസിൽ ചെളി പുരളും പോലെ ഉണ്ട് എങ്ങോട്ട് പോകും? രാം നടന്നു റഹീമിന്റെ വീട്ടിലേക്ക് അവരൊന്നിച്ചു നടന്നു ചിരിക്കണ്ട, കാര്യമായിട്ടാണ് അവരൊന്നിച്ചാണ്‌ വിരാമം താണ്ഡവം കഴിഞ്ഞു കൊന്തയും കുറിയുമൊക്കെ രണ്ടായി പിരിഞ്ഞു രാം ചിരിച്ചു -അല്ല, അതേ അട്ടഹാസം റഹീം അതിനു മറുപടിയായി അട്ടഹസിച്ചു പള്ളിയിലും അമ്പലത്തിലും അന്യമതസ്ഥർക്ക് പ്രവേശനമില്ലാതായി ആണും പെണ്ണുമായി കൊലവിളികൾ ഉച്ചത്തിലായി മങ്കൊമ്പിൽ പൂച്ചയും മനുഷ്യനും വീണ്ടും തൂങ്ങിയാടി * * * * * * പക്ഷെ, ആരുമറിഞ്ഞില്ല എന്ത്? പൂർണ്ണവിരാമം ആയിട്ടില്ല കഴിഞ്ഞത് വെറും അർദ്ധവിരാമം മാത്രമാണെന്ന്.              - നിരഞ്ജന പി Plus One B ജി.എച്ച്. എസ്.എസ്.ചീമേനി ചെറുവത്തൂർ ഉപജില്ല കാസർഗോഡ് അക്ഷരവൃക്ഷം പദ്ധതി, 2020 കവിത  സാങ്കേതിക പരിശോധന - Vijayanrajapuram തീയ്യതി: 22/ 04/ 2020 >> രചനാവിഭാഗം - കവിത