എസ്.എൻ.വി.എച്ച്.എസ്.എസ്. ആനാട്/അക്ഷരവൃക്ഷം/'''പരിസ്ഥിതി'''

പരിസ്ഥിതി പ്രകൃതിയാലുള്ളതും മനുഷ്യർ അധ്വാനിച്ചുണ്ടാക്കിയതുമായ എല്ലാവസ്തുക്കളും ചേർന്നതാണ് പരിസ്ഥിതി. .മൃഗങ്ങളും, സസ്യങ്ങളും,കുളങ്ങളും, തോടുകളും, കെട്ടിടങ്ങളും, റോഡുകളും അങ്ങനെ പലതും.ഇവയിൽ പലതും ആരും പ്രത്യേകമായി ഉണ്ടാക്കിയതല്ല.പ്രകൃതിയിൽത്തന്നെ ഉള്ളതാണ്. പ്രകൃതി ഒരു വരദാനമാണ്.പരിസ്ഥിതിക്ക് ദോഷകരമായ രീതിയിൽ മനുഷ്യൻ പ്രവർത്തിക്കുന്നത് ലോകനാശത്തിനു കാരണമാകുന്നു. പുഴകളും കുളങ്ങളും ഉപയോഗിക്കാതായി. പുഴകളിൽ പുല്ലു വളർന്നു.പുഴ കാടായി.കുളങ്ങൾ മാറ്റി റിയൽ എസ്റ്റേറ്റാക്കി.കിണറുകൾ മണ്ണിട്ടുമൂടി കുഴൽക്കിണറുകളെ ആശ്രയിക്കാൻ തുടങ്ങി.മരങ്ങൾ വെട്ടിനശിപ്പിച്ചു.കടകളിൽ കണ്ടിരുന്ന പലതും അപ്രത്യക്ഷമായി.പ്രഭാതത്തിൽ കലപിലകൂടി ഉണർത്തുന്ന പക്ഷികൾ ഇല്ലാതായി.പ്രഭാതങ്ങൾ നിശബ്ദമായി. പ്രകൃതി ആകെ മാറി.മനുഷ്യർ നൂതനമായ സാങ്കേതിക വിദ്യകൾ കണ്ടുപിടിക്കുകയും അതുവഴി ഭൂമിയുടെ മാറിടം കുത്തിപ്പിളർത്തുകയും കുന്നുകളും,മലകളും,ഇടിച്ചുനിരത്തുകയും അംബരചുംബികളായ കെട്ടിടങ്ങൾ പടുത്തുയർത്തുകയും ,ഉപയോഗശൂന്യമായ പാഴ്‌വസ്തുക്കൾ വലിച്ചെറിഞ്ഞു മണ്ണിനെയും മറ്റു ജലാശയങ്ങളെയും മലീമസമാക്കുകയും ചെയ്യുന്നു. പരിസ്ഥിതി സംരക്ഷണത്തിന്റെ പ്രാധാന്യത്തിനെക്കുറിച്ച് ഓർമിക്കാനുള്ള അവസരമായി ഐക്യരാഷ്ട്രസഭയുടെ ആഭിമുഖ്യത്തിൽ 1972 മുതലാണ് ലോകപരിസ്ഥിതിദിനം ആചരിച്ചു തുടങ്ങിയത്.നഗരങ്ങളെല്ലാം മലിനീകരണത്തിന്റെ മാരകഫലങ്ങൾ അനുഭവിച്ചു തുടങ്ങിയിരിക്കുന്നു.കൂടുതൽ ആളുകൾ നഗരങ്ങളിൽ താമസിക്കുന്നത് കുടിവെള്ളത്തിനും ശുചീകരണത്തിനും പ്രശ്നങ്ങൾ ഉണ്ടാക്കുന്നു.മനുഷ്യവംശത്തെത്തന്നെ കൊന്നൊടുക്കാൻ ശേഷിയുള്ള മാരകരോഗങ്ങൾ പടർന്നു പിടിക്കുന്നു.ഈ സമൂഹത്തിൽ പരിസ്ഥിതിയെ സംരക്ഷിക്കേണ്ടത് മനുഷ്യരായ നമ്മുടെ കർത്തവ്യമാണ്. ഫർഹാന.യു.എ 8G എസ്.എൻ.വി.എച്ച്.എസ്.എസ്,ആനാട് നെടുമങ്ങാട് ഉപജില്ല തിരുവനന്തപുരം അക്ഷരവൃക്ഷം പദ്ധതി, 2020 ലേഖനം  സാങ്കേതിക പരിശോധന - Sreejaashok25 തീയ്യതി: 20/ 04/ 2020 >> രചനാവിഭാഗം - ലേഖനം