എസ്.എൻ ജി.എച്ച്.എസ്.ചെമ്പഴന്തി/അക്ഷരവൃക്ഷം/ശുചിത്വം

തിരിച്ചറിവ് വേനൽക്കാല അവധി ആഘോഷിക്കാനുള്ള തയ്യാറെടുപ്പിലായിരുന്നു അമൽ. അപ്രതീക്ഷിതമായി വന്ന കൊറോണ രോഗം കാരണം ആർക്കും പുറത്തിറങ്ങാൻ പറ്റാത്ത അവസ്ഥയായി. അവൻ്റെ അച്ഛൻ കടയിൽ പോയി വന്നതിനു ശേഷം കൈയും കാലും സോപ്പ് ഉപയോഗിച്ചു ശുചിയാക്കി. ഇത് ശ്രദ്ധിച്ചുകൊണ്ടിരുന്ന മുത്തച്ഛൻ അമലിനോട് പറഞ്ഞു, തൻ്റെ കാലത്തു പുറത്തു പോയി വരുന്ന സമയം ഉമ്മറത്ത് കിണ്ടിയിൽ വെള്ളം ഉണ്ടായിരിക്കും. അത് ഉപയോഗിച്ച് കൈയും കാലും കഴുകിയശേഷം മാത്രമേ വീട്ടിൽ കയറാറുള്ളൂ. പുതുതലമുറ ഇത് ശീലമാക്കിയിരുന്നുവെങ്കിൽ ഇതുപോലുള്ള രോഗങ്ങൾ വരില്ലായിരുന്നു. എപ്പോഴുള്ളവരിൽ പോഷകാംശം കുറഞ്ഞ ഭക്ഷണ രീതിയാണ്. അതുകൊണ്ടുതന്നെ പ്രതിരോധശക്തി എല്ലാവരിലും കുറവാണ്. അതിനാലാണ് രോഗങ്ങളെ പ്രതിരോധിക്കാൻ പറ്റാത്തതും. മുത്തച്ഛൻ്റ ഈ വാക്കുകൾ അവൻ്റെ മനസ്സിൽ തട്ടി. ശുചിത്വമായി ഇരിക്കുമെന്ന് അവൻ തീരുമാനമെടുത്തു. മറ്റുള്ളവരെ ഇത് അറിയിക്കണമെന്ന് അവൻ നിശ്ചയിച്ചു. അനഘ സുരേഷ് .എസ് 7 B ശ്രീ നാരായണ ഗുരുകുലം ഹയർ സെക്കൻഡറി സ്കൂൾ,ചെമ്പഴന്തി കണിയാപുരം ഉപജില്ല തിരുവനന്തപുരം അക്ഷരവൃക്ഷം പദ്ധതി, 2020 കഥ