സെന്റ് മേരീസ് ജി എച്ച് എസ് ചൊവ്വന്നൂർ/അക്ഷരവൃക്ഷം/കൊറോണതൻ നാൾ വഴിയിലൂടെ

കൊറോണതൻ നാൾ വഴിയിലൂടെ       (പതിവിലും നേരത്തെ ഉണർന്ന മാളൂട്ടിയെ കണ്ട് മുത്തശ്ശി അമ്പരന്നു) മുത്തശ്ശി :ഇന്നെന്താ മാളൂട്ടി നേർത്തെ എണീറ്റത്? മാളൂട്ടി :ഒന്നുമില്ല മുത്തശ്ശി.... അമ്മയെയും അച്ഛനെയും കാണാൻ തോന്നുന്നു. മുത്തശ്ശി: മാളൂട്ടിക്ക് എന്താ ഇപ്പോൾ അങ്ങനെ തോന്നുന്നത്. അവർ അവരുടെ ഡ്യൂട്ടിക്ക് ചെന്നില്ലെങ്കിൽ പിന്നെ രോഗികളെ ആരാ നോക്കാനുള്ളത്. മാളൂട്ടിക്ക് മുത്തശ്ശി ഉണ്ടല്ലോ അവർക്ക് ആരാ ഉള്ളത്? മാളൂട്ടി : അല്ല മുത്തശ്ശി ഈ കൊറോണ എന്താ മാറാത്തത്? മുത്തശ്ശി : അറിയില്ല കുട്ടീ. ഇങ്ങനെയൊരു രോഗം ഞാൻ ജനിച്ചതിൽ പിന്നെ ആദ്യമായിട്ടാണ്. പിന്നെ മോള് പേടിക്കണ്ട കേട്ടോ... അച്ഛനും അമ്മയും കൊറോണ ബാധിക്കാതിരിക്കാൻ മുൻകരുതൽ എടുത്തിട്ടുണ്ടാകും. നമ്മുടെ ആരോഗ്യ പ്രവർത്തകരെല്ലാം ഒരുമിച്ച് കൊറോണയെ തുരത്തും. മാളൂട്ടി : എന്തായാലും ഞാൻ വലുതായാൽ ഡോക്ടർ ആകില്ല മുത്തശ്ശിയെ പോലെ ഞാനും ടീച്ചർ ആകും. അപ്പോൾ പിന്നെ ഇങ്ങനെയുള്ള രോഗങ്ങൾ വന്നാലും മാരകമായ ഭയം വേണ്ടല്ലോ. മുത്തശ്ശി :എല്ലാ ജോലിക്കും അതിന്റെതായ ബുദ്ധിമുട്ടുകളുണ്ട്. ഏത് ജോലി ആയാലും അത് ആസ്വദിച്ച് ചെയ്താൽ അതൊരു ബുദ്ധിമുട്ട് ആവില്ല. മോള് പോയി പല്ലുതേച്ച് കുളിച്ചു വാ നമുക്ക് ദോശയും ചമ്മന്തിയും കഴിക്കാം. (അമ്മിണി - മുത്തശ്ശിയുടെ സഹായത്തിനുള്ള സ്ത്രീയാണ്). മുത്തശ്ശി: അമ്മിണി എന്താ ഈ മഹാമാരി ഒഴിഞ്ഞു പോകാത്തത്. പേടിയാകുന്നു അല്ലേ? കുട്ടിയെ ആശ്വസിപ്പിക്കുമ്പോഴും എന്റെ ഉള്ളു നീറുകയാണ്. അമ്മിണി : അറിയില്ല... ഇ ലോകത്ത് ഓരോരുത്തർ മരിക്കുമ്പോഴും ഞാൻ ചിന്തിക്കുകയാ കേരളത്തിൽ ജനിച്ചത് നമ്മുടെ ഭാഗ്യം കൊണ്ടാ എന്ന് . മുത്തശ്ശി : അന്യ രാജ്യങ്ങളിലേക്കു കുടിയേറി പാർക്കുന്നവർക്ക് ഇതൊരു പാഠമാകണം. അപ്പോഴേക്കും മാളു വരുന്നു അവൾ അമ്മിണിയെ നോക്കി നിൽക്കുന്നു. മുത്തശ്ശി: എന്താ മാളു ചിന്തിക്കുന്നത്? മാളു: അതെ അമ്മിണിച്ചേച്ചിക്കു വരില്ലാട്ടോ. മുത്തശ്ശി: അതെ മാളൂട്ടി അമ്മിണി ചേച്ചി എപ്പോഴും സോപ്പിലാണ് അലക്കുമ്പോഴും പാത്രം കഴുകുമ്പോഴും കൊറോണ സോപ്പിനെ ഭയക്കുന്നു. (എല്ലാവരും ചിരിക്കുന്നു). മാളൂട്ടി: മുത്തശ്ശി അതാ മഴവില്ല് മുത്തശ്ശി: രാവിലെ ലേശം ചാറ്റൽ മഴ ഉണ്ടായി അതാ മഴവില്ല് മോളെ. ഈ കൊറോണ കാരണം കുറച്ച് ഗുണം ഉണ്ടായിട്ടുണ്ട് അപകടമരണം കുറഞ്ഞു, അന്തരീക്ഷ മലിനീകരണം കുറഞ്ഞു, പറയൂ മാളൂട്ടി ഈ കൊറോണയിൽനിന്നു നമ്മൾ എന്തു പഠിച്ചു.. മാളൂട്ടി: ശാസ്ത്രം ജയിച്ചാൽ മനുഷ്യൻ ജയിക്കും. മതമേതായാലും കൊറോണക്ക് മുന്നിൽ എല്ലാവരും ഒന്ന്. മുത്തശ്ശി: നന്നായി പറഞ്ഞു മാളൂട്ടി. (മുത്തശ്ശി മാളൂട്ടിയെ തന്നിലേക്ക് ചേർത്തു പിടിക്കുന്നു). ആവണി എസ് 5 A സെന്റ് മേരീസ് ജി എച്ച് എസ്‌ ചൊവ്വന്നൂർ ചാവക്കാട് ഉപജില്ല തൃശൂർ അക്ഷരവൃക്ഷം പദ്ധതി, 2020 കഥ