അഴീക്കോട് എച്ച് എസ് എസ്/അക്ഷരവൃക്ഷം/കൊറോണയോട്

പ്രതിരോധം   തീർന്നില്ലേ നിൻറെ ദാഹം ഇനിയും എന്തിനു ചൂഴ്ന്നെടുക്കുന്നു രക്തവും  മാംസവും ?   അനാഥമായ പാതകൾ നോക്കി പൊട്ടിച്ചിരിക്കുന്നതെന്തിന് ? നീ പരത്തിയ ഭയം കാട്ടുതീയായി ചുട്ടെരിക്കുന്നത് കാണുന്നില്ലേ ? നിൻറെ വിഷപ്പല്ലുകൾ കാർന്നുതിന്നുന്ന ജീവിതങ്ങളുടെ കരച്ചിൽ കേൾക്കുന്നില്ലേ ? വിശപ്പിൻറെ മറ്റൊരുഗ്രഭാവം ഞാനിതാ കാണുന്നു ഈ നിമിഷം വേനൽ ചൂടിൽ ദാഹജലം കിട്ടാതെ വിശപ്പകലാതെ അലയുന്ന പക്ഷികളും  അറവുമാടുകളും കടത്തിണ്ണയിലെ മനുഷ്യ ക്കോലങ്ങളും നീ വരുത്തിയ ഈ ദുർഗതി മറക്കില്ല ലോകം  നിൻറെ കരങ്ങളൊടുക്കിയ ജീവിതങ്ങൾ  നിൻറെ അന്ത്യം കണ്ടു ചിരിക്കട്ടെ  ചുമരുകൾക്കുള്ളിൽ നീ തളച്ച ബാല്യങ്ങൾ ആത്മരോഷം കൊള്ളട്ടെ നീ തന്നെ ഒരുക്കിയ യുദ്ധക്കളത്തിൽ നിന്റ മരണം അകലെയല്ല. ജനിഷ ജയൻ 9 അഴീക്കോട് എച്ച് എസ് എസ് പാപ്പിനിശ്ശേരി ഉപജില്ല കണ്ണൂർ അക്ഷരവൃക്ഷം പദ്ധതി, 2020 കവിത  സാങ്കേതിക പരിശോധന - pkgmohan തീയ്യതി: 18/ 04/ 2020 >> രചനാവിഭാഗം - കവിത