അഴീക്കോട് എച്ച് എസ് എസ്/അക്ഷരവൃക്ഷം/കൊറോണയോട്

ശോഭയാ‍‍‍ർന്ന ഒരു നാളേയ്ക്ക് തീർന്നില്ലേ നിൻറെ ദാഹം ഇനിയും എന്തിനു ചൂഴ്ന്നെടുക്കുന്നു രക്തവും മാംസവും ? അനാഥമായ പാതകൾ നോക്കി പൊട്ടിച്ചിരിക്കുന്നതെന്തിന് ? നീ പരത്തിയ ഭയം കാട്ടുതീയായി ചുട്ടെരിക്കുന്നത് കാണുന്നില്ലേ ? നിൻറെ വിഷപ്പല്ലുകൾ കാർന്നുതിന്നുന്ന ജീവിതങ്ങളുടെ കരച്ചിൽ കേൾക്കുന്നില്ലേ ? വിശപ്പിൻറെ മറ്റൊരുഗ്രഭാവം ഞാനിതാ കാണുന്നു ഈ നിമിഷം വേനൽ ചൂടിൽ ദാഹജലം കിട്ടാതെ വിശപ്പകലാതെ അലയുന്ന പക്ഷികളും അറവുമാടുകളും കടത്തിണ്ണയിലെ മനുഷ്യ ക്കോലങ്ങളും നീ വരുത്തിയ ഈ ദുർഗതി മറക്കില്ല ലോകം നിൻറെ കരങ്ങളൊടുക്കിയ ജീവിതങ്ങൾ നിൻറെ അന്ത്യം കണ്ടു ചിരിക്കട്ടെ ചുമരുകൾക്കുള്ളിൽ നീ തളച്ച ബാല്യങ്ങൾ ആത്മരോഷം കൊള്ളട്ടെ നീ തന്നെ ഒരുക്കിയ യുദ്ധക്കളത്തിൽ നിന്റ മരണം അകലെയല്ല.