ഗവൺമെന്റ് എച്ച്.എസ്.എസ് കുളത്തുമ്മൽ/അക്ഷരവൃക്ഷം/നല്ല ശീലങ്ങൾ

നല്ല ശീലങ്ങൾ  ഹരിതാഭമാം കാടുകൾ മേടുകൾ വയലുകളെല്ലാം ഇന്ന് പുസ്തകങ്ങളിൽ ഉറങ്ങീടുന്നു വിണ്ടുകീറിയ പാടങ്ങൾ നീരു- വറ്റിയ പുഴതൻ നെഞ്ചകം മണലൂറ്റുകാർ തുരന്ന പാടുകളെങ്ങും. വേണം നമുക്ക് നല്ല ശീലങ്ങൾ. കേരത്തിൻ നാട്ടിലെങ്ങും മണ്ട- പോയ കല്പവൃക്ഷം നഗരഹൃദയഭൂവിൽ സൈറൻ- മുഴക്കും നിബിഡമാം 'കോൺക്രീറ്റ്' കാടുകൾ തൻ ആകാശക്കുഴലുകൾ കരിംധൂപം വിസർജിക്കുന്നു സദാ. വേണം നമുക്ക് നല്ല ശീലങ്ങൾ. അറിവുള്ളോരിന്നലെ മൊഴിഞ്ഞില്ലേ ? ഭൂഗോളത്തിൻ കരിമ്പടത്തില- ങ്ങിങ്ങ് ഓട്ടകൾ അർക്കൻ തന്നാപൽ കിരണങ്ങൾ പതിക്കുന്നു താഴേക്ക്. വേണം നമുക്ക് നല്ല ശീലങ്ങൾ. നഗരവൽക്കരണത്തിനായ് പരിഷ്ക്കാരികൾ നമ്മൾ കാടുകൾ തെളിച്ച് 'കോൺക്രീറ്റ് ' കാടുകൾക്കായ് കൈമോശം വന്ന ജൈവ- വൈവിധ്യത്തെയോർത്ത് മുതല- ക്കണ്ണീർ പൊഴിച്ചു നമ്മൾ. വേണം നമുക്ക് നല്ല ശീലങ്ങൾ. എന്ത് ! ആഗോളതാപനമെന്നോ ? നമുക്കുണ്ട് എയർക്കണ്ടീഷനു- കളും ഫാനുകളും ജലാശയങ്ങളിലേക്കെല്ലാം വിഷ- മാലിന്യങ്ങളൊഴിക്കി നാം സൗകര്യപൂർവം ജലജീവികൾ ചത്തുലയുന്നു. വേണം നമുക്ക് നല്ല ശീലങ്ങൾ. ഭൂമിമാതാവിൻ നിമ്നോന്നത- ഘടന മാറ്റി വരച്ചു നാം ബഹുനില ഫ്ളാറ്റുകൾ പണി- തുയർത്താൻ. ചൊല്ലാം നമുക്ക് 'ഭൂമി സർവം സഹ' ചൊല്ലാം നമുക്ക് 'സഹിക്കാനും പരിധിയില്ലേ' ? നിനയ്ക്കാത്ത നേരത്തെത്തി- യില്ലേ മഹാമാരി,പ്രളയം, സുനാമി,ഉരുൾപൊട്ടൽ,പിന്നെ വരൾച്ചയും............... വേണം നമുക്ക് നല്ല ശീലങ്ങൾ. പ്ളാസ്റ്റിക്കുകൾ അവിടെയു- മിവിടെയും വലിച്ചെറിഞ്ഞു നമ്മൾ പിന്നെ മണ്ണിനെ നമ്മൾ വിളിച്ചു : വന്ധ്യ. വേണം നമുക്ക് നല്ല ശീലങ്ങൾ. പരിസ്ഥിതിയെ വിവേകമായുപ- യോഗിക്കാം. കരുതിവെയ്ക്കാം നാളെയുടെ മക്കൾക്കായ്.   അമൃത എം സി 9 C ഗവണ്മെന്റ് എച്ച് എസ് എസ് കുളത്തുമ്മൽ കാട്ടാക്കട ഉപജില്ല തിരുവനന്തപുരം അക്ഷരവൃക്ഷം പദ്ധതി, 2020 കവിത  സാങ്കേതിക പരിശോധന - Sathish.ss തീയ്യതി: 17/ 04/ 2020 >> രചനാവിഭാഗം - കവിത