"ബ്ലോഗ് പ്രവർത്തനങ്ങൾ" എന്ന താളിന്റെ പതിപ്പുകൾ തമ്മിലുള്ള വ്യത്യാസം

                             ഞങ്ങളുടെ സ്കൂളിന്റെ ബ്ലോഗ് പ്രവർത്തനങ്ങൾ ഒരു പ്രത്യേക രീതിയിലാണ് നടത്തപ്പെടുന്നത്. ബ്ലോഗുകൾ എഡിറ്റ് ചെയ്യുന്നതിനും പ്രസിദ്ധീകരിക്കുന്നതിനുമുള്ള സാധ്യതകൾ കുട്ടികളെ മനസ്സിലാകുന്ന തരത്തിൽ അവരെക്കൊണ്ടുതന്നെ അധ്യാപകരുടെ സാന്നിദ്ധ്യത്തിൽ എഡിറ്റിംങ്ങുകളും മറ്റു പ്രവർത്തനങ്ങളും നടത്തുന്നു. എന്നാൽ യൂസർനെയിമും അഡ്മിനിസ്ട്രേഷൻ പാസ്സ്‌വേർഡും കുട്ടികൾക്ക് നൽകുന്നില്ല. പകരം എഡിറ്റിംഗിനായി ബ്ലോഗ് ലോഗിൻ ചെയ്ത് തുറന്നുകൊടുക്കുന്നു. ആവശ്യമുള്ളവർക്ക് സ്വന്തമായി എങ്ങനെ ബ്ലോഗ് നിർമിക്കാം എന്നതിനെപ്പറ്റി പറഞ്ഞുകൊടുക്കുകയും ചെയ്യുന്നു. അതുപോലെ ബ്ലോഗ് പ്രവർത്തനത്തിന്റെ ഭാഗമായി വീഡിയോകളും മറ്റും അപ്‌ലോഡ് ചെയ്യുന്നതിന് യൂട്യൂബിലേക്ക് ലിങ്ക് ചേർക്കുന്നതും വീഡിയോകൾ അപ്‌ലോഡ് ചെയ്യുന്നതും അവർക്ക് പറഞ്ഞുകൊടുക്കുന്നു. ഇവിടെ സ്കൂൾ വിക്കിയുടെ പ്രധാന പേജിൽ പരാമർശിച്ചിരിക്കുന്ന ഐ.ടി. ട്യൂട്ടോറിയൽ വീഡിയോകളിൽ ചിലത് യൂട്യൂബിൽ അപ്‌ലോഡ് ചെയ്തത് വിദ്യാർത്ഥികൾ തന്നെയാണ്.  [https://itclubgvhss.wordpress.com/ ബ്ലോഗ് പരിശോധിക്കാം]

                           കുട്ടികൾക്ക് ബ്ലോഗ് പ്രവർത്തനം പഠിക്കുവാൻ വേണ്ടി മാത്രമായി നിർമ്മിച്ച മറ്റൊരു ബ്ലോഗിനെ പറ്റിയാണ് ഇനി പറയുന്നത്. സംഗീതത്തിന് പ്രാധാന്യം നൽകികൊണ്ടാണ് ഈ ബ്ലോഗ് പ്രസിദ്ധീകരിച്ചിരിക്കുന്നത്. ഇതിന്റെ ലിങ്ക് ഇവിടെ കൊടുക്കുന്നു. [https://songsandragas.blogspot.com/ സംഗീതത്തിന് പ്രാധാന്യം നൽകിക്കൊണ്ടുള്ള ബ്ലോഗ്] കുട്ടികളുടെ സാന്നിധ്യത്തിൽ ഇത് ഈ വർഷവും വിപുലമായ രീതിയിൽ അപ്ഡേറ്റ് ചെയ്യപ്പെടുന്നതാണ്. ഇങ്ങനെ അധ്യാപകരുടെയും വിദ്യാർത്ഥികളുടെയും ഒരു കൂട്ടായ്മയാണ് ഇവിടെ നടക്കുന്ന ബ്ലോഗ് പ്രവർത്തനങ്ങൾ. സമൂഹത്തിന് പ്രയോജനപ്രദമായതരത്തിൽ ഓരോ വിഷയങ്ങളിലുമുള്ള വിഭവങ്ങൾ ഒരുക്കുവാൻ പ്രത്യേകം ശ്രദ്ധിക്കുന്നതാണ്. അത്തരത്തിലുള്ള വിഭവങ്ങൾ എളുപ്പം ലഭ്യമാകുന്ന വിധത്തിൽ ക്രമീകരിച്ചുവെയ്ക്കുവാനും ശ്രദ്ധിക്കുന്നതാണ്.