19:24, 5 ജൂൺ 2026-നു നിലവിലുള്ള രൂപം

സ്കൂൾ പ്രവർത്തനങ്ങൾ (2026-2027)

ജൂൺ 1: പ്രവേശനോത്സവം

അറിവിന്റെ ഖനി തേടി പ്രവേശനം നേടിയ കുട്ടികളെയും രക്ഷിതാക്കളെയും ആവേശത്തിലാറാടിച്ച് ചെണ്ടമേളത്തോടൊപ്പം ചേർന്ന പ്രവേശനോത്സവം ബല്ല സ്കൂളിനും നാടിനും വേറിട്ട അനുഭവമായി. അറുന്നൂറിൽപരം കുട്ടികളെയും അവരുടെ രക്ഷിതാക്കളെയും അധ്യാപകരെയും കൊണ്ട് സ്കൂൾ പരിസരം തിങ്ങിനിറഞ്ഞു. ഈ വർഷം മാത്രം നൂറ്റിഅമ്പതിൽ കൂടുതൽ കുട്ടികളാണ് പുതുതായി പ്രവേശനം നേടിയത്. അക്ഷരങ്ങൾ കൊണ്ട് തയ്യാറാക്കിയ തൊപ്പികൾ ധരിച്ചും ബലൂണുകളും കടലാസുപൂക്കളും

ജൂൺ 5:🌍🌱ലോക പരിസ്ഥിതി ദിനവും ഇക്കോ ക്ലബ് ഉദ്ഘാടനവും

2026 ജൂൺ 5 ലോക പരിസ്ഥിതി ദിനത്തോടനുബന്ധിച്ച് ജിഎച്ച്എസ്എസ് ബല്ല ഈസ്റ്റ്‌ സ്കൂളിൽ പ്രത്യേക അസംബ്ലിയും ലോക പരിസ്ഥിതി ദിനാചരണവും ഇക്കോ ക്ലബ് ഉദ്ഘാടനവും രാവിലെ 11 മണിക്ക് സംഘടിപ്പിച്ചു. പരിപാടിക്ക് എച്ച്.എം. ഇൻചാർജ് ശ്രീമതി ഷിബി ടീച്ചർ അധ്യക്ഷത വഹിച്ചു. ഇക്കോ ക്ലബ് ഇൻചാർജ് ശ്രീമതി ഹാജിറ ടീച്ചർ സ്വാഗതം ആശംസിക്കുകയും പരിസ്ഥിതി സംരക്ഷണത്തിന്റെ പ്രാധാന്യത്തെക്കുറിച്ച് സംസാരിക്കുകയും ചെയ്തു. പരിപാടി റിട്ട. എ.ഇ.ഒ. ഹോസ്ദുർഗ് ശ്രീ. ജയരാജ് പി.വി. ഉദ്ഘാടനം ചെയ്തു. പരിസ്ഥിതി സംരക്ഷണത്തിൽ വിദ്യാർത്ഥികളുടെ പങ്കും പ്രകൃതിയോടുള്ള ഉത്തരവാദിത്തബോധവും സംബന്ധിച്ച് അദ്ദേഹം സന്ദേശം നൽകി. ശ്രീ. കൃഷ്ണാനന്ദൻ മാസ്റ്റർ ആശംസകൾ അർപ്പിച്ച് വിദ്യാർത്ഥികളെ പരിസ്ഥിതി സൗഹൃദ പ്രവർത്തനങ്ങളിൽ സജീവമായി പങ്കാളികളാകാൻ പ്രോത്സാഹിപ്പിച്ചു. പരിപാടിയുടെ ഭാഗമായി എൽ.പി. വിഭാഗത്തിനായി ചിത്രരചനാ മത്സരവും യു.പി., ഹൈസ്കൂൾ വിഭാഗങ്ങൾക്കായി പോസ്റ്റർ രചനാ മത്സരവും സംഘടിപ്പിച്ചു. വിദ്യാർത്ഥികൾ ആവേശപൂർവം പങ്കെടുത്തു. പരിസ്ഥിതി സംരക്ഷണ പ്രതിജ്ഞ ചൊല്ലുകയും വൃക്ഷത്തൈ നട്ടുപിടിപ്പിക്കൽ ഉൾപ്പെടെയുള്ള പ്രവർത്തനങ്ങൾ നടത്തുകയും ചെയ്തു. വിദ്യാർത്ഥികളിൽ പരിസ്ഥിതി അവബോധം വളർത്തുന്നതിനും പ്രകൃതി സംരക്ഷണത്തിന്റെ ആവശ്യകത ബോധ്യപ്പെടുത്തുന്നതിനും പരിപാടി സഹായകമായി. പരിപാടി വിജയകരമായി സമാപിച്ചു. 🌱