സെന്റ് ആന്റണീസ് ജി. എച്ച്. എസ്സ്. സൌത്ത് താണിശ്ശേരി/പ്രവർത്തനങ്ങൾ/2025-26

പ്രവേശനോത്സവം 2025

പരിസ്ഥിതിദിനം1 2025

'പരിസ്ഥിതി ദിനം'

സെന്റ് ആന്റണീസ് ജി.എച്ച്.എസ് സൗത്ത് താണിശ്ശേരി സ്കൂളിൽ 2025 ജൂൺ 5-ാം തീയതി പരിസ്ഥിതി ദിനം ആഘോഷിച്ചു. പരിസ്ഥിതി സംരക്ഷണത്തിന്റെ പ്രാധാന്യം വിദ്യാർത്ഥികൾക്ക് ബോധ്യപ്പെടുത്തുന്നതിനായി പ്രത്യേക പരിപാടി സംഘടിപ്പിച്ചു. ഈ പരിപാടിയിൽ മുഖ്യാതിഥികളായി നിമ്മി ആന്റോ ഇൻഫെക്ഷൻ കൺട്രോൾ നഴ്‌സ്, ജിഎംഎച്ച് മാള, അനുപമ വി എസ് നഴ്സിംഗ് ഇൻചാർജ്, ജിഎംഎച്ച് മാളയും പങ്കെടുത്തു. അവർ ആരോഗ്യസംരക്ഷണവും ശുചിത്വവും പരിസ്ഥിതി സംരക്ഷണവും മനുഷ്യജീവിതത്തിൽ എത്ര പ്രധാനമാണെന്ന് വിദ്യാർത്ഥികൾക്ക് പറഞ്ഞു കൊടുത്തു.വിദ്യാർത്ഥികൾ പരിസ്ഥിതി സംരക്ഷിക്കാമെന്ന് പ്രതിജ്ഞ എടുത്തു. വൃക്ഷത്തൈ നട്ടുപിടിപ്പിക്കൽ, പ്ലാസ്റ്റിക് ഉപയോഗം കുറയ്ക്കുക, പ്രകൃതിയെ സംരക്ഷിക്കുക എന്നിവയുടെ ആവശ്യകതയെ കുറിച്ച് അധ്യാപകർ വിദ്യാർത്ഥികളെ ഓർമ്മിപ്പിച്ചു.“പ്രകൃതിയെ സംരക്ഷിക്കൂ – ഭാവിയെ രക്ഷിക്കൂ” എന്ന സന്ദേശത്തോടെ പരിപാടി സമാപിച്ചു.

ZESTHA 2K25

സെന്റ് ആന്റണീസ് GHS സൗത്ത് താണിശ്ശേരി സംഘടിപ്പിച്ച ZESTHA 2K25 പരിപാടി 01/08/2025 ന് രാവിലെ 10.30 ന് സ്കൂൾ ഓഡിറ്റോറിയത്തിൽ വച്ച് വളരെ ആവേശകരമായി നടന്നു. വിദ്യാർത്ഥികളുടെ കലാപ്രതിഭ വളർത്തുകയും അവരുടെ ആത്മവിശ്വാസം വർദ്ധിപ്പിക്കുകയും ചെയ്യുക എന്ന ലക്ഷ്യത്തോടെ പരിപാടി സംഘടിപ്പിച്ചു.പ്രശസ്ത നൃത്താധ്യാപിക മിസ്. സ്വർണ എ. ജിനൻ (ഭരതനാട്യം എം.എ.) മുഖ്യാതിഥിയായി പങ്കെടുത്തു. അവർ ഭാരതനാട്യത്തിന്റെ സൗന്ദര്യവും ശാസ്ത്രീയതയും വിദ്യാർത്ഥികൾക്ക് വിശദീകരിച്ചു. കൂടാതെ, വിദ്യാർത്ഥികൾക്ക് പ്രചോദനമേകുന്ന സന്ദേശവും നൽകി.പരിപാടിയിൽ വിവിധ നൃത്തങ്ങൾ, ഗാനങ്ങൾ, കലാപരിപാടികൾ എന്നിവ കുട്ടികൾ അവതരിപ്പിച്ചു. വിദ്യാർത്ഥികൾ വളരെ ഉത്സാഹത്തോടെയും ആത്മാർത്ഥതയോടെയും കൂടി പങ്കെടുത്തു. അധ്യാപകരും വിദ്യാർത്ഥികളും ഒരുമിച്ച് ഒരുക്കിയ ഈ പരിപാടി വളരെ വിജയകരമായി സമാപിച്ചു.ZESTHA 2K25 വിദ്യാർത്ഥികൾക്ക് സന്തോഷവും ആത്മവിശ്വാസവും നൽകുന്ന ഒരു മനോഹര അനുഭവമായി മാറി.

സ്വാതന്ത്ര്യദിനം

2025 ആഗസ്റ്റ് 15-ാം തീയതി സെൻ്റ് ആൻ്റണീസ് GHS സൗത്ത് താണിശ്ശേരി സ്കൂളിൽ സ്വാതന്ത്ര്യദിനം വളരെ ആഘോഷപൂർവ്വം സംഘടിപ്പിച്ചു. രാവിലെ സ്കൂളിൽ നടന്ന ചടങ്ങിൽ PTA പ്രസിഡന്റ് Mr. Aunty Antony, ഹെഡ്മിസ്ട്രസ് Sr. Sinda, അധ്യാപകർ, ഗൈഡ്സ് വിദ്യാർത്ഥിനികൾ, മറ്റ് വിദ്യാർത്ഥികൾ എന്നിവർ പങ്കെടുത്തു.ചടങ്ങിന്റെ ഭാഗമായി ദേശീയപതാക ഉയർത്തൽ നടന്നു. PTA പ്രസിഡന്റ് Mr. Aunty Antony ദേശീയപതാക ഉയർത്തി. തുടർന്ന് എല്ലാവരും ചേർന്ന് ദേശീയഗാനം ആലപിച്ചു. ഹെഡ്മിസ്ട്രസ് Sr. Sinda സ്വാതന്ത്ര്യദിനത്തിന്റെ പ്രാധാന്യം വിദ്യാർത്ഥികൾക്ക് വിശദീകരിക്കുകയും ദേശസ്നേഹ സന്ദേശം നൽകുകയും ചെയ്തു.അധ്യാപകരും ഗൈഡ്സ് വിദ്യാർത്ഥിനികളും ചടങ്ങുകൾ ക്രമമായി നടത്താൻ നേതൃത്വം നൽകി. ഈ സ്വാതന്ത്ര്യദിനാഘോഷം എല്ലാ വിദ്യാർത്ഥികൾക്കും ദേശസ്നേഹവും ഐക്യവും വളർത്തുന്ന ഒരു മനോഹരമായ അനുഭവമായി.

കായികമേള

സെന്റ് ആന്റണീസ് ജി.എച്ച്.എസ്, സൗത്ത് താണിശ്ശേരിയിൽ 2025 സെപ്റ്റംബർ 16-ാം തീയതി കായിക ദിനാഘോഷം ആവേശപൂർവ്വം സംഘടിപ്പിച്ചു. വിദ്യാർത്ഥികളുടെ കായിക കഴിവുകൾ വളർത്തുന്നതിനും മത്സരാത്മക മനോഭാവം വർധിപ്പിക്കുന്നതിനുമായി ഈ പരിപാടി സ്കൂൾ മൈതാനത്തിൽ വെച്ച് നടത്തി.ചടങ്ങിൽ മുഖ്യാതിഥിയായി ശ്രീ. എം.പി അനിൽ സർ (റിട്ട. കായിക അധ്യാപകൻ, എസ്.എൻ.ഡി.പി ഹയർ സെക്കൻഡറി സ്കൂൾ, പാലിശ്ശേരി) പങ്കെടുത്തു. അദ്ദേഹം കായികാഭ്യാസത്തിന്റെ പ്രാധാന്യം വിദ്യാർത്ഥികൾക്ക് വിശദീകരിക്കുകയും ആരോഗ്യകരമായ ജീവിതത്തിനായി കായിക പ്രവർത്തനങ്ങളിൽ സജീവമായി പങ്കെടുക്കണമെന്ന് ഉപദേശിക്കുകയും ചെയ്തു.കായികമേളയുടെ ഭാഗമായി വിവിധ മത്സരങ്ങൾ സംഘടിപ്പിച്ചു.പ്രധാനമായും ഓട്ടം, ഹർഡിൽസ്, ജാവലിൻ ത്രോ തുടങ്ങിയ ഇനങ്ങളിൽ വിദ്യാർത്ഥികൾ ആവേശത്തോടെ പങ്കെടുത്തു. ഓരോ മത്സരവും അധ്യാപകരുടെ നേതൃത്വത്തിൽ ക്രമമായി നടത്തി. വിദ്യാർത്ഥികൾ മികച്ച കായിക മനോഭാവത്തോടെ മത്സരിച്ചു.അധ്യാപകരുടെയും വിദ്യാർത്ഥികളുടെയും സഹകരണത്തോടെ കായികദിനാഘോഷം വിജയകരമായി സമാപിച്ചു. ഈ പരിപാടി വിദ്യാർത്ഥികളുടെ ആത്മവിശ്വാസവും സംഘാത്മക മനോഭാവവും വർധിപ്പിക്കാൻ സഹായിച്ചു.

'സബ്ഡിസ്ട്രിക്ട് ലെവൽ വർക്ക്എക്സ്പീരിയൻസ് മത്സരത്തിൽ സെന്റ് ആന്റണീസ് ജി.എച്ച്.എസ് ലെ വിദ്യാർത്ഥികൾ മികച്ച വിജയം നേടി.

' ഉപജില്ലാതലത്തിൽ ഹൈസ്കൂൾ തലത്തിലും യുപി തലത്തിലും രണ്ടാം സ്ഥാനം കരസ്ഥമാക്കി യുപി വിഭാഗത്തിൽ അമേയ യു.എസ് (വെജിറ്റബിൾ പ്രിന്റിംഗ്), കൊളോണി ഫ്രാൻസിസ് (ക്ലേ മോഡൽ), വിനായക് സുബീഷ് (വുഡ് വർക്ക്) എന്നിവർ ഒന്നാം ഗ്രേഡ് നേടി. ആഞ്ചല ഡേവിസ് എംബ്രോയിഡറി മത്സരത്തിൽ രണ്ടാം ഗ്രേഡ്, അഗ്നൽ പി.ജെ പേപ്പർ ക്രാഫ്റ്റിൽ മൂന്നാം ഗ്രേഡ്, അൽന പി സുധീഷ് സ്റ്റഫ്ഡ് ടോയ്സിൽ മൂന്നാം ഗ്രേഡ്, ഇമ്മാനുവൽ വി.ജെ ഷീറ്റ് മെറ്റൽ വർക്കിൽ മൂന്നാം ഗ്രേഡ്, ആൽമിക ഫിന്റോ ബീഡ്സ് വർക്കിൽ നാലാം ഗ്രേഡ് നേടി. കൂടാതെ, HS വിഭാഗത്തിൽ നിന്നും ബെലിൻഡ (ബാംബൂ പ്രൊഡക്റ്റ്), ശ്രീനന്ദന സുമേഷ് (മെറ്റൽ എൻഗ്രേവിംഗ്), അഭിന ഗോപൻ (റെക്സിൻ വർക്ക്), ദേവിക (ബഡ്ഡിംഗ്), നന്ദന സി.ആർ (ഡോൾ മേക്കിംഗ്), തീർത്ഥ പി.എ (നാച്ചുറൽ ഫൈബർ) എന്നിവർ ഒന്നാം ഗ്രേഡ് നേടി മികച്ച പ്രകടനം കാഴ്ചവെച്ചു. വിദ്യാർത്ഥികളുടെ ഈ മികച്ച നേട്ടം സ്കൂളിനും അധ്യാപകർക്കും അഭിമാനകരമാണ്.

'സെന്റ് ആന്റണീസ് ജി.എച്ച്.എസ് സൗത്ത് താണിശ്ശേരി സ്കൂളിൽ വാർഷിക ദിനം, മാതാപിതാക്കളുടെ ദിനം, വിടവാങ്ങൽ സമ്മേളനം

ജനുവരി 9, 2026 വെള്ളിയാഴ്ച ഉച്ചയ്ക്ക് 1.30ന് സമ്മേളനം വിപുലമായി നടത്തപ്പെട്ടു. സ്കൂൾ മാനേജ്മെന്റ്, പി.ടി.എ, അധ്യാപകർ, വിദ്യാർത്ഥികൾ എന്നിവരുടെ സംയുക്ത ആഭിമുഖ്യത്തിലാണ് പരിപാടി സംഘടിപ്പിച്ചത്. വിരമിക്കുന്ന അധ്യാപികയായ ശ്രീമതി ജോളി കെ ആന്റണിയെ ആദരിക്കുന്നതിനും ഈ ചടങ്ങ് പ്രത്യേക പ്രാധാന്യo നൽകി. പരിപാടി പ്രാർത്ഥനയോടെ ആരംഭിച്ച്, ഹെഡ്മിസ്ട്രസ് സിസ്റ്റർ സിൻ്റ FCC സ്വാഗതം പറഞ്ഞു. തുടർന്ന് സ്റ്റാഫ് സെക്രട്ടറി ശ്രീമതി മെർലി വർഗീസ് പാത്താടൻ വാർഷിക റിപ്പോർട്ട് അവതരിപ്പിച്ചു. ജില്ല പഞ്ചായത്ത് അംഗം ശ്രീ സാജൻ കൊടിയൻ അധ്യക്ഷത വഹിച്ച യോഗത്തിൽ, വികാരി റവ. ഡോ. നെവിൻ ആട്ടോക്കാരൻ ഉദ്ഘാടനം നിർവഹിച്ചു. റവ. സിസ്റ്റർ വിനയ ബാസ്റ്റിൻ FCC ഫോട്ടോ അനാച്ഛാദനം നിർവഹിക്കുകയും, ശ്രീമതി സിൽവി സേവ്യർ മെമെന്റോ സമർപ്പിക്കുകയും ചെയ്തു. തുടർന്ന് സമ്മാനദാനം, അനുമോദനങ്ങൾ എന്നിവ നടത്തുകയും പരിപാടിയുടെ അവസാനം വിരമിക്കുന്ന അധ്യാപികയായ ശ്രീമതി ജോളി കെ ആന്റണി നന്ദിപ്രസംഗം നടത്തി. പി.ടി.എ വൈസ് പ്രസിഡന്റ് ശ്രീ സുധി സുരേന്ദ്രൻ നന്ദി പറഞ്ഞു. തുടർന്ന് വിദ്യാർത്ഥികളുടെ വൈവിധ്യമാർന്ന കലാപരിപാടികൾ അരങ്ങേറി. AI (Artificial Intelligence) ബോധവത്കരണ പരിശീലന ക്ലാസ് മാതാപിതാക്കൾക്കായി സംഘടിപ്പിച്ചു.

സെന്റ് ആന്റണീസ് ജി.എച്ച്.എസ് സൗത്ത് താണിശ്ശേരി ലിറ്റിൽ കൈറ്റ്സ് ക്ലബ്ബിന്റെ നേതൃത്വത്തിൽ 2026 ഏപ്രിൽ 16-ാം തീയതി വ്യാഴാഴ്ച ഉച്ചയ്ക്ക് 3.00 മുതൽ 4 മണിവരെ എ.ഐ. (Artificial Intelligence) ബോധവത്കരണ പരിശീലന ക്ലാസ് സംഘടിപ്പിച്ചു. മാതാപിതാക്കൾക്കായി നടത്തിയ ഈ പരിശീലനം സ്കൂൾ IT Lab ൽ വെച്ചായിരുന്നു. ലിറ്റിൽ കൈറ്റ്സ് ക്ലബ്ബിലെ വിദ്യാർത്ഥികൾ എ.ഐയുടെ പ്രാധാന്യം, ഉപയോഗങ്ങൾ, അതിന്റെ ഗുണങ്ങളും ദോഷങ്ങളും എന്നിവയെ കുറിച്ച് ലളിതമായി അവതരിപ്പിച്ചു. ഇന്നത്തെ കാലഘട്ടത്തിൽ വിദ്യാഭ്യാസം, ആരോഗ്യരംഗം, കൃഷി തുടങ്ങി വിവിധ മേഖലകളിൽ എ.ഐയുടെ പ്രാധാന്യം അവർ വിശദീകരിച്ചു. കൂടാതെ കുട്ടികൾ മൊബൈൽ ഫോൺ, ഇന്റർനെറ്റ് എന്നിവ സുരക്ഷിതമായി ഉപയോഗിക്കേണ്ടതിന്റെ ആവശ്യകതയും മാതാപിതാക്കൾക്ക് ബോധ്യപ്പെടുത്തി. പരിശീലന ക്ലാസിൽ പങ്കെടുത്ത മാതാപിതാക്കൾക്ക് എ.ഐയെ കുറിച്ചുള്ള സംശയങ്ങൾ ചോദിക്കാൻ അവസരമുണ്ടായിരുന്നു. അധ്യാപകരും വിദ്യാർത്ഥികളും ചേർന്ന് സംശയങ്ങൾക്ക് വ്യക്തമായ മറുപടി നൽകി. പരിപാടി മാതാപിതാക്കൾക്ക് ഏറെ ഉപകാരപ്രദവും അറിവേകുന്നതുമായതായി മാറി. അവസാനം നന്ദിപ്രസംഗത്തോടുകൂടി പരിപാടി സമാപിച്ചു.