ഗവ.എൽ.പി.എസ്. കഴിവൂർ മൂലക്കര/പ്രവർത്തനങ്ങൾ/2025-26

പ്രവേശനോത്സവം

രാവിലെ 10 മണിക്ക് പിടിഎ പ്രസിഡന്റ് ശ്രീ ഷിബു അവർകളുടെ അധ്യക്ഷതയിൽ പ്രവേശനോത്സവപരിപാടികൾ ആരംഭിച്ചു .ബഹുമാനപ്പെട്ട സ്കൂൾ ഹെഡ്മിസ്ട്രസ് ശ്രീമതി സുനി എഡ്‌വിൻ സ്വാഗതം ആശംസിച്ചു .ബിആർസി കോ ഓർഡിനേറ്റർ ശ്രീമതി ദീപ ടീച്ചർ ഉദ്ഘാടനം നിർവഹിച്ചു .ശ്രീ കുഞ്ഞിരാമൻ സ്മാരക ഗ്രന്ഥശാല പ്രതിനിധി അഡ്വക്കേറ്റ് ഷാജി ആശംസകൾ അർപ്പിച്ചു.പൂർവ്വവിദ്യാർഥികളും ഗ്രന്ഥശാലാ പ്രതിനിധികളും അധ്യാപകരും സംയുക്തമായി പഠനോപകാരണങ്ങളടങ്ങിയ കിറ്റ് വിതരണം ചെയ്തു .കുട്ടികൾക്ക് മധുരം നൽകി ,നവാഗതരെ മുതിർന്ന കുട്ടികൾ ക്ലാസ്സിലേക്ക് ആനയിച്ചു .

പരിസ്ഥിതിദിനം

ജൂൺ 5 പരിസ്ഥിതി ദിനത്തോടനുബന്ധിച്ച്‌ വിവിധ പരിപാടികൾ നടന്നു .പ്രത്യേക അസ്സംബ്ലി നടത്തുകയും പരിസ്ഥിതി ദിന സന്ദേശം എച്ച് .എം നൽകുകയും ചെയ്തു .പരിസ്ഥിതി ദിന പ്രതിജ്ഞ കുട്ടികൾ ഏറ്റുചൊല്ലി .പോസ്റ്റർ രചന ,ക്വിസ് ,പ്രസംഗം തുടങ്ങിയ മത്സരങ്ങൾ നടത്തി .സ്കൂൾ പരിസരത്തു ഫലവൃക്ഷ ചെടികളും അലങ്കാര ചെടികളും നട്ടു .ഫലവൃക്ഷ ചെടികൾ വീട്ടിൽ നടാൻ കുട്ടികൾക്ക് കൊടുത്തയച്ചു .സ്കൂളും പരിസരവും വൃത്തിയാക്കുകയും പ്ലാസ്റ്റിക് വിമുക്തമാക്കുകയും ചെയ്തു .

വായന വാരാചരണം

ജൂൺ 19 മുതൽ 25 വരെ ഒരാഴ്‌ചക്കാലം വായനവാരമായി ആചരിച്ചു .ജൂൺ 19 നു പ്രത്യേക അസ്സംബ്ലി കൂട്ടുകയും വായനദിനത്തിന്റെ പ്രാധാന്യത്തെകുറിച്ച് എച്ച് .എം സന്ദേശം നൽകി .കുട്ടികൾ വായന ദിന സന്ദേശം പങ്കുവച്ചു .ഓരോ ദിവസവും വിവിധ പ്രവർത്തനങ്ങൾ നടത്തി .

19 ആം തിയതി -പുസ്തക പ്രദർശനം ,പുസ്തക വായന ,വായന മത്സരം

20 ആം തിയതി -പുസ്തകവായന ലൈബ്രറി സന്ദർശനം

23 ആം തിയതി -പുസ്തക പരിചയം ,വായനക്കുറിപ്പ് അവതരണം

24 ആം തിയതി -വായന ദിന ക്വിസ് ,പുസ്തക വായന .കവിതാ രചന

26 ആം തിയതി -പതിപ്പ് പ്രകാശനം ,സമാപന സമ്മേളനം

രണ്ടാം ദിവസം സ്കൂളിനു സമീപമുള്ള കുഞ്ഞിരാമൻ സ്മാരക ലൈബ്രറി സന്ദർശിക്കുകയും വൈവിധ്യ്മാർന്ന പുസ്തകങ്ങൾ പരിചയപ്പെടുകയും വായിക്കുകയും അവിടെ നിന്നും കുട്ടികൾ മെമ്പർഷിപ് എടുക്കുകയും വായനക്കായി പുസ്തകങ്ങൾ എടുക്കാനുള്ള അവസരവും ലഭിച്ചു .

കൂടാതെ ക്‌ളാസ് ലൈബ്രറി സജ്ജീകരണം ,ക്‌ളാസ് ലൈബ്രേറിയൻ ചുമതല നൽകൽ ,ക്‌ളാസ് ലൈബ്രറി രജിസ്റ്റർ തയ്യാറാക്കൽ,വീട്ടിൽ വായനക്കായി പുസ്തകങ്ങൾ കൊടുത്തയക്കൽ ,'അമ്മ വായന പ്രോത്സാഹിപ്പിക്കൽ തുടങ്ങിയ പ്രവർത്തനങ്ങൾ നടന്നു.

ലഹരി വിരുദ്ധ ദിനം

ജൂൺ 26 ലഹരി വിരുദ്ധ ദിനത്തോടനുബന്ധിച്ച് പ്രത്യേക അസ്സംബ്ലി കൂട്ടുകയും ലഹരി വിരുദ്ധ ബോധവൽക്കരണം നൽകുകയും ലഹരി വിരുദ്ധ പ്രതിജ്ഞ ചൊല്ലിക്കൊടുക്കുകയും ചെയ്തു.ലഹരി വിരുദ്ധ പോസ്റ്റർ ,ക്വിസ് ,പതിപ്പ് തയ്യാറാക്കൽ തുടങ്ങിയ പ്രവർത്തനങ്ങൾ നടത്തി .കൂടാതെ അസ്സംബ്ലിയിൽ സൂമ്പ ഡാൻസ് നടത്തി .

പ്രകൃതി നടത്തം

പ്രകൃതി സംരക്ഷണ ദിനത്തോടനുബന്ധിച്ച് ജൂലൈ 11ആം തിയതി ശാന്തിഗ്രാമിലേക്ക് പഠനപദയാത്ര നടത്തി.രാവിലെ 10 മണിക്ക് സ്കൂളിൽ നിന്നും കാൽനടയായി ശാന്തി ഗ്രാമിലേക്ക് പോയി.പ്രകൃതിയെ അടുത്തറിയാനും നിരീക്ഷിക്കാനും ശാന്തിഗ്രാമിലെ വൈവിധ്യമാർന്ന പ്രകൃതി അനുഭവങ്ങൾ നേരിട്ടറിയാനും വെച്ചൂർപശുക്കൾ ,പ്രകൃതി കൃഷി ,ലൈബ്രറി;ചെറുധാന്യങ്ങൾ, തുടങ്ങിയവ നേരിട്ടുകാണാനും ചെറുധാന്യങ്ങൾ,വിത്തുകൾ തുടങ്ങിയവ വാങ്ങാനും അവസരം ലഭിച്ചു.പ്രകൃതിയും നാമും എന്ന വിഷയത്തെക്കുറിച്ച് ശാന്തിഗ്രാം അംഗങ്ങൾ ക്ലസ്സെടുത്തു.

ചാന്ദ്രദിനം

ജൂലൈ 21 ചാന്ദ്ര ദിനം വിവിധ  പരിപാടികളോടെ ആചരിച്ചു.പ്രത്യേക അസ്സംബ്ലി കൂടുകയും ചാന്ദ്ര ദിനത്തിന്റെ പ്രാധാന്യത്തെക്കുറിച്ച് വിശദീകരിക്കുകയും ചെയ്തു.ക്വിസ് ,പോസ്റ്റർ രചന,റോക്കറ്റ് നിർമാണം ,പതിപ്പ് നിർമ്മാണം ,തുടങ്ങിയ പ്രവർത്തനങ്ങൾ നടന്നു.നീൽ ആം സ്‌ട്രോങ്‌മായി അഭിമുഖം ചാന്ദ്രദിന പാട്ട്,വിവിധ കലാപരിപാടികൾ എന്നിവ നടന്നു.

വിദ്യാരംഗം കലാസാഹിത്യ വേദി

വിദ്യാരംഗം കലാസാഹിത്യ വേദിയുടെ ഉദ്‌ഘാടനം 18/07/2025 വെള്ളിയാഴ്ച 1.30 പി.എം ന് നടന്നു.ബഹുമാനപ്പെട്ട എച്ച് .എം സുനി എഡ്‌വിൻ ആശംസകളർപ്പിച്ചു.വാർഡ് മെമ്പർ ശ്രീ മണികണ്ഠൻ പരിപാടി ഉത്‌ഘാടനം ചെയ്തു.നാടൻപാട്ട്,കഥ,കവിത തുടങ്ങിയവ കുട്ടികൾ അവതരിപ്പിച്ചു.ബഹു.ജോയ് വർഗീസ് സർ നാടൻപാട്ട് പരിശീലനം നൽകി.കഥാപുസ്തകങ്ങൾ വായനക്കായി കുട്ടികൾക്കു നൽകി.

ചങ്ങാതിക്കൊരു തൈ

കേരള ഹരിത മിഷൻ സ്കൂൾ കുട്ടികൾക്കായി തയ്യാറാക്കിയ ചങ്ങാതിക്കൊരു തൈ എന്ന പ്രവർത്തനം 29/07/2025 ന് നടന്നു.ബഹുഃ എച്ച്.എം സുനി എഡ്‌വിൻ ഉദഘാടനം ചെയ്തു.കുട്ടികൾ ഫല വൃക്ഷ തൈകൾ കൊണ്ടുവരികയും പരസ്പരം കൈമാറുകയും ചെയ്തു.

ഹിരോഷിമ നാഗസാക്കി ദിനാചരണം

ഹിരോഷിമ ,നാഗസാക്കി ദിനത്തോടനുബന്ധിച്ചുള്ള പ്രവർത്തനങ്ങൾ ആഗസ്ത് 6,7,8 തീയതികളിൽ നടന്നു.6 ആം തിയതി പ്രത്യേക അസ്സെംബ്ലി,യുദ്ധവിരുദ്ധ ബോധവൽക്കരണം പോസ്റ്റർ നിർമ്മാണം ,7 ആം തിയതി സഡാക്കോ കൊക്ക് നിർമ്മാണം ,8 ആം തിയതി ക്വിസ് മത്സരം തുടങ്ങിയ പ്രവർത്തനങ്ങൾ നടന്നു.

സ്വാതന്ത്ര്യ ദിനാഘോഷം

ആഗസ്ത് 15 സ്വാതന്ത്ര്യ ദിനം വിവിധ പരിപാടികളോടെ ആഘോഷിച്ചു.രാവിലെ 9 ന് ബഹുമാനപ്പെട്ട എച്ച് എം പതാക ഉയർത്തി.എസ് .എം.സി ചെയർമാൻ സ്വാതന്ത്ര്യ ദിന സന്ദേശം നൽകി.തുടർന്ന് കുട്ടികളുടെ വിവിധ കലാപരിപാടികൾ നടന്നു.സ്വാതന്ത്ര്യ ദിന സന്ദേശം,പ്രസംഗം,ദേശഭക്തി ഗാനാലാപനം,സ്വാതന്ത്ര്യ സമര സേനാനികളുടെ വേഷം ധരിച്ച കുട്ടികൾ ഇവ വളരെ മനോഹരമായിരുന്നു.കുട്ടികൾക്ക് മധുരം വിതരണം ചെയ്തു.തുടർന്ന് കുഞ്ഞിരാമൻ സ്മാരക ഗ്രന്ഥശാലയിൽ നടന്ന സ്വാതന്ത്ര്യ ദിനാഘോഷ പരിപാടിയിൽ അധ്യാപകരും വിദ്യാർത്ഥികളും പങ്കെടുത്തു.ആഗസ്ത് 14 ന് വിവിധ മത്സരങ്ങൾ നടന്നു'പ്രസംഗം,ദേശഭക്തി ഗാനാലാപനം,ക്വിസ്,പതാക നിർമ്മാണം,പതിപ്പ്‌തയ്യാറാക്കൽ തുടങ്ങിയ മത്സരങ്ങളിൽ വിജയികളായവർക്ക് സമ്മാനം നൽകി.

ഓണാഘോഷം

ഈ വർഷത്തെ ഓണാഘോഷം 'ആർപ്പോ 2 കെ 25 ' 27/08 2026 ന് കെങ്കേമമായി ആഘോഷിച്ചു. എസ് .എം.സി ചെയർമാൻ ശ്രീമതി ചിത്ര അധ്യക്ഷത വഹിച്ച പരിപാടിയിൽ ബഹു. എച്ച്. എം.സുനി എഡ്‌വിൻ സ്വാഗതം ആശംസിച്ചു. ജോയ് വർഗീസ് സർ ഓണസന്ദേശം നൽകി .പൂക്കളം ഒരുക്കിയും ഓണക്കളികൾ കളിച്ചും ഓണപ്പാട്ടുകൾ പാടിയും കൈകൊട്ടിക്കളിച്ചും ആശംസകൾ കൈമാറിയും ഓണം ആഘോഷിച്ചു. വിഭവ സമൃദ്ധമായ ഓണസദ്യ എല്ലാവരും ആസ്വദിച്ചു കഴിച്ചു. ഉച്ചക്കുശേഷം കുഞ്ഞിരാമൻ സ്മാരക ഗ്രന്ഥശാലയിൽ വച്ച് നടന്ന ഓണാഘോഷ പരിപാടിയിൽ അധ്യാപകരും മുഴുവൻ കുട്ടികളും പങ്കെടുത്തു.ഗ്രന്ഥശാലയിൽ നിന്നും മുഴുവൻ കുട്ടികൾക്കും ഓണസമ്മാനം ലഭിച്ചു.

ഗാന്ധിജയന്തി

ഒക്ടോബർ 2 ഗാന്ധിജയന്തിയോടനുബന്ധിച്ച് ഒരാഴ്ച സേവനവാരമായി ആചരിച്ചു.ബഹു.എച്ച്.എം.പരിപാടി ഉദ്‌ഘാടനംചെയ്തു .3ആം തിയതി എല്ലാ കുട്ടികളേയും ഉൾപ്പെടുത്തി ഗാന്ധി ചിത്രംവര നടത്തി.6 ആം തിയതി ഗാന്ധി ക്വിസ് നടത്തി.7 ആം തിയതി കുട്ടികൾ തയ്യാറാക്കി വന്ന പതിപ്പ് പ്രകാശനവും പ്രദർശനവും നടത്തി.8 ആം തിയതി സ്കൂളും പരിസരവും വൃത്തിയാക്കുകയും സേവനവാരമായി ആചരിക്കുകയും ചെയ്തു.

ടുബാക്കോ ഫ്രീ സ്കൂൾ

ലഹരിക്കെതിരെ കുട്ടികൾക്കു ബോധവൽക്കരണം നൽകുക എന്ന ലക്ഷ്യത്തോടെ ഒക്ടോബർ 27 മുതൽ 'ടുബാക്കോ ഫ്രീ സ്കൂൾ' എന്ന ഒരാഴ്ചക്കാലം നീണ്ടുനിൽക്കുന്ന പ്രവർത്തനം നടന്നു.പരിപാടി ബഹു.എച്ച്.എം.ഉദ്‌ഘാടനംചെയ്തു.ലഹരിക്കെതിരെപ്രത്യേക അസ്സെംബ്ലി,ബോധവൽക്കരണം,പോസ്റ്റർ നിർമ്മാണം,മുദ്രാവാക്യ നിർമ്മാണം,ക്വിസ് മത്സരം,ബോധവൽക്കരണ റാലി തുടങ്ങിയ പ്രവർത്തനങ്ങൾ നടന്നു.

കേരളപ്പിറവി

നവംബർ 1 കേരളപ്പിറവി ദിനം നവംബർ 3 ആം തിയതി വർണ്ണാഭമായി ആഘോഷിച്ചു.പ്രത്യേക അസ്സംബ്ലി കൂടുകയും കേരളപ്പിറവിദിന സന്ദേശം ബഹു എച്ച്.എം.നൽകുകയും ചെയ്തു.കേരളപ്പിറവിദിന പ്രതിജ്ഞ കുട്ടികൾ ഏറ്റുചൊല്ലി.കുട്ടികൾ കേരള വേഷം ധരിച്ച് സ്കൂളിൽ എത്തി.കേരളഗാനാലാപനം,പ്രസംഗം,വിവിധ കലാപരിപാടികൾ,പതിപ്പ് തയ്യാറാക്കൽ,ക്വിസ് തുടങ്ങിയ പ്രവർത്തനങ്ങൾ നടന്നു.