പയസ് ഗേൾസ് എച്ച്.എസ്. ഇടപ്പള്ളി/പ്രവർത്തനങ്ങൾ/2025-26

അധ്യാപക രക്ഷാകർത്തൃ യോഗം-ജൂലൈ 10

അധ്യാപക രക്ഷാകർത്തൃ സമിതിയുടെ 2025-26 അധ്യയന വർഷത്തെ ആദ്യ പൊതുയോഗം ജൂലൈ 10-ാം തിയതീ വ്യാഴായ്ച്ച നടത്തി. ഈ അധ്യായന വർഷത്തെ ക്ലാസ് പി.ടി.എ യും നടന്നു. സ്റ്റാഫ് സെക്രട്ടറി ശ്രീമതി ജിൻഷി വ‌ർഗ്ഗീസ് 2024-25ലെ വാർഷിക റിപ്പോർട്ട് അവതരിപ്പിച്ചു. വെരി.റവ.ഫാ. ആന്റണി മടത്തുംപ്പടി അധ്യക്ഷത വഹിച്ചു. പത്താം ക്ലാസ്സിൽ മുഴുവൻ എ പ്ലസ് നേടിയ 19 വിദ്യാർത്ഥികൾളെ ഈ മിറ്റിംങിൽ ആദരിച്ചു. കൂടാതെ മോറൽ പരീക്ഷയിൽ ഉന്നത മാ‌ർക്ക് കരസ്ഥമാക്കിയ കുട്ടികൾക്കും, എൻ.എം.എം.എസ് പരീക്ഷയിലും യു.എസ്.എസ് പരീക്ഷയിലും വിജയികളായ കുട്ടികൾക്കൂം സമ്മാനം നൽകി. തുടർന്ന് വിദ്യാർത്ഥി പ്രതിനിധി കുമാരി ഏഞ്ചല ആന്റണി നന്ദി പറ‍ഞ്ഞു. പ്രശസ്ത പ്രഭാഷകൻ റാഷി മക്കർ മാതാപിതാക്കൾക്ക് ബോധവൽക്കരണ ക്ലാസ് എടുത്തു. പി.ടി.എ പ്രസിഡന്റ് ജമാൽ ടി.എച്ച് ആശംസ അ‌‌ർപ്പിച്ചു.

ബോധവൽക്കരണ ക്ലാസ് - ജൂൺ 4

സന്മാ‍‌‌ർഗ്ഗപഠനത്തിന്റെ ഭാഗമായി കുട്ടികൾക്ക് വേണ്ടി ബോധവൽക്കരണ ക്ലാസ് നടത്തി. അഡ്വ. ലിറ്റോ പാലത്തിങ്കൾ [മോട്ടിവേഷണൽ സ്പീക്കർ] ക്ലാസ് നയിച്ചു. കുട്ടികളിലെ നല്ല സ്വഭാവം, ശീലങ്ങൾ എന്നിവയെപ്പറ്റി ക്ലാസ് എടുത്തു. തുടർന്ന് ലഹരിക്കെതിരെ മജീഷ്യൻ മാജിക് ഷോ നടത്തി. കുട്ടികളിൽ ലഹരിക്കെതിരെയും ലഹരി ചൂഷണങ്ങളെ പറ്റിയും വിശദമായി മനസ്സിലാക്കാൻ മാജിക് ഷോ സഹായിച്ചു. ഗവൺമെന്റിന്റെ നിർദ്ദേശ പ്രകാരം സ്കൂൾ തുറന്ന് രണ്ട് ആഴ്ച കാലം ലഹരിക്കെതിരെയും സന്മാർഗ്ഗപാഠങ്ങളും ടീച്ചർമാർ എട്ടാമത്തെ പിരീ‍ഡുകളിൽ ക്ലാസ് എടുത്തു.

ജൂൺ 11

ബാലജന സഖ്യത്തിന്റെ നേതൃത്വത്തിൽ ജീവിത ശൈലി രോഗങ്ങളെക്കുറിച്ച് വൈറ്റില വെൽകെയർ ആശുപത്രിയിലെ ഡോ.ജോസഫ് ഫിലിപ്പ് കുട്ടികൾക്കായി ക്ലാസ് എടുത്തു. തുടർന്ന് ഡോ.അശ്വതി രാജു കുട്ടികളിലെ ശുചിത്വശീലങ്ങളെ കുറിച്ച് അതിന്റെ പ്രാധാന്യത്തെക്കുറിച്ചും നാം കഴിക്കേണ്ട ഭക്ഷണ ക്രമങ്ങളെക്കുറിച്ചും ക്ലാസ് എടുത്തു. നല്ല ആരോഗ്യ ശീലങ്ങൾ, വ്യായാമം, കായിക ക്ഷമത എന്നിവയെക്കുറിച്ചും സംസാരിച്ച് കുട്ടികൾക്ക് അറിവ് പകർന്ന് നൽകി.

ജൂൺ 20

ഈഡിസ് കൊതുക് നിർമ്മാർജനത്തിന് വേണ്ടിയുള്ള ബോധവൽക്കരണ പ്രതിജ്‍ഞ 9ബിയിലെ മാളവിക കെ മേനോൻ കുട്ടികൾക്കും അധ്യാപകർക്കും ചൊല്ലി കൊടുത്തു. സ്കൂൾ അസംബ്ലിയിലാണ് പ്രതിജ്ഞ ചൊല്ലിയത്.

പരസ്ഥിതി ദിനം - ജൂൺ 5

പരിസ്ഥിതി ദിനത്തോടനുബന്ധിച്ച് പോസ്റ്റ‍‍‍‍‍‌ർ മേക്കിംഗ് മത്സരം, പ്ലക്കാർഡ് നിർമ്മാണ മത്സരം തുടങ്ങിയവ എച്ച്.എസ്, യു.പി വിഭാഗം ക്ലാസുകാ‌ർ നടത്തി. പരിസ്ഥിതി ദിന പോസ്റ്ററുമൊക്കെയായി കുട്ടികൾ സ്ക്കൂൾ പരിസരത്ത് റാലി നടത്തി. നേച്ചർ ക്ലബിന്റെ നേതൃത്വത്തിൽ വീഗാലന്റ് ഹോംസ് സി.ഈ.ഒ ജേക്കബ് കുരിവിള വൃക്ഷ തൈകൾ നട്ട് ഉത്ഘാടനം ചെയ്തു. തുടർന്ന് വൃക്ഷ തൈ വിതരണവും നടത്തി. പരിസ്ഥിതിദിനത്തിന്റെ പ്രാധാന്യത്തെപ്പറ്റി കാലടി ശ്രീ ശങ്കരാചാര്യ യൂണിവേഴ്സിറ്റിയിലെ മുൻ വൈസ് ചാൻസിലർ ഡോ. എം.സി ദിലീപ് കുമാർ സംസാരിച്ചു.

ജൂൺ 19 - വായനാദിനം

വായനാദിനത്തോടനുബന്ധിച്ച് പോസ്റ്റർ മത്സരം, ക്വിസ്, പത്രപാരായണം തുടങ്ങിയ മത്സരങ്ങൾ നടത്തി. പുസ്തക നിരൂപണം നടത്തി.

ജൂൺ 24 - വിവിധ ക്ലബുകളുടെ ഉത്ഘാടനവും ലോക സംഗീത യോഗ ദിനങ്ങളുടെ ആഘോഷവും

വിവിധ ക്ലബുകളുടെ ഉത്ഘാടനം ശ്രീമതി ഡോ.തനൂജ നിർവഹിച്ചു. ബാലജനസഖ്യം ഉത്ഘാടനം എ.സി.കെ നായർ [മൻ സായൽ ഡയറക്ടർ] നിർവഹിച്ചു. യോഗ ദിനം യോഗചാര്യർ ശ്രീ.നിശാന്ത് കൈയറും സംഗീതദിന ഉത്ഘാടനം പ്രശസ്ത ഗായകനായ ശ്രീ.ഡോ. മധു എം, ഗായിക ശ്രീമതി. സിന്ധു രാധകൃഷ്ണ കർത്തയും ചേർന്ന് നിർവഹിച്ചു. തുടർന്ന് കുട്ടികളുടെ ഗാനാലാപനവും യോഗ ഡാൻസുമുണ്ടായിരുന്നു.

ജൂൺ 26

മുഖ്യമന്ത്രി ശ്രീ. പിണറായി വിജയന്റെ ലഹരി വിരുദ്ധ സന്ദേശം സ്കൂൾ അസംബ്ലിയിൽ അധ്യാപിക സിസ്റ്റർ അനൂപ വായിച്ചു. ലഹരി വിരുദ്ധ പ്രതിജ്ഞ 9ഡിയിലെ മിലോണ ചൊല്ലി കൊടുത്തു.

ജൂൺ 30

എച്ച് സി എൽ ഫൗണ്ടേഷൻ ഹോക്കി ചാമ്പ്യന്മാരായ കേരള ടീമിലെ അംഗങ്ങളായ നമ്മുടെ സ്കൂളിലെ വിദ്യാർത്ഥികളായ നിജിത ടിറ്റോ, അലീമ ഹനാൻ, ഗൗരി കൃഷ്ണ, അൻസിയ ജെ എൻ തുടങ്ങിയ കുട്ടികളെ എച്ച് എം ശ്രീമതി റോഷ് ബിനു ടീച്ചർ ആദരിച്ചു. പേവിഷ ബാധയുടെ ബോധവൽക്കരണവുമായി ബന്ധപ്പെട്ട് ഒരു അവലോകനം 8 സിയിലെ ആയിഷ എം സ്കൂൾ അസംബ്ലിയിൽ അവതരിപ്പിച്ചു.

ജൂലൈ 5 - ബഷീർ ദിന ആഘോഷം

പ്രശസ്ത സാഹിത്യക്കാരനും കഥാകൃത്തുമായ ശ്രീ വൈക്കം മുഹമ്മദ് ബഷീറിന്റെ ജന്മദിനം സ്കൂളിൽ ആഘോഷിച്ചു. വിദ്യാരംഗം കലാസാഹിത്യവേദിയുടെ ആഭിമുഖ്യത്തിൽ മലയാളം അധ്യാപകരായ രമ്യ ടീച്ചർ, നിമ്മി ടീച്ചർ, സിസ്റ്റർ അനൂപ എന്നിവരുടെ നേതൃത്വത്തിൽ ബഷീർ കൃതികളെ പരിചയപ്പെടുത്തൽ, കുട്ടികളുടെ അവലോകനം, ബഷീർ കൃതികളിലെ കഥാപാത്രങ്ങളുടെ ആവിഷ്കാരം എന്നിവ സംഘടിപ്പിച്ചു.

ജൂലൈ 10 - അധ്യാപക രക്ഷാകർത്തൃ സമിതി 2025-26 പൊതുയോഗം

ഈ അധ്യായന വർഷത്തെ ഭാരവാഹികളുടെ തെരഞ്ഞെടുപ്പ് ക്ലാസ് പി.ടി.എയും അന്നേ ദിവസം തന്നെ നടന്നു. കൂടാതെ എസ് എസ് എൽ സി 2025-ൽ ഫുൾ A+ കിട്ടിയ വിദ്യാർത്ഥികളെ ആദരിക്കുന്ന ചടങ്ങും നടന്നു. യോഗത്തിൽ പ്രധാന അധ്യാപക ശ്രീമതി റോഷ് ബിനു ടീച്ചർ സ്വാഗതം അർപ്പിച്ചു. അധ്യക്ഷനായി സ്കൂൾ മാനേജർ വെരി.റവ. ഫാ. ആന്റണി മടത്തുംപ്പടി സംസാരിച്ചു. 2025-26 അധ്യായന വർഷത്തെ പി.ടി.എ പ്രസിഡന്റായി ശ്രീ. ടോണി ജോസ്, വൈസ് പ്രസിഡന്റായി ശ്രീ ആസിഫ് ടി.എ, മദർ പി.ടി.എ ആയി ശ്രീമതി ഷീബ ജേസൺ, ഓഡിറ്ററായി ശ്രീ ജേൽബിൻ തോമസ് എന്നിവരെയും തെരഞ്ഞെടുത്തു. രക്ഷാകർത്തക്കൾക്കായി ഒരു മോട്ടിവേഷണൽ ക്ലാസുമുണ്ടായിരുന്നു. മോട്ടിവേഷൻ സ്പീക്കർ ശ്രീ രാശി മരക്കാർ ക്ലാസ് നയിച്ചു. വളരെ നല്ല രീതിയിൽ രക്ഷകർത്താക്കളെ ഈ തലമുറയിൽ കുട്ടികളെ എങ്ങനെ ശ്രദ്ധിക്കണം എങ്ങനെ നേർവഴി കാണിച്ചുകൊടുക്കണം എന്ന് രാശി സാർ ക്ലാസ് എടുത്തു.

ജൂലൈ 21 - ചാന്ദ്ര ദിനാഘോഷം

ചാന്ദ്രദിനത്തോടനുബന്ധിച്ച് സയൻസ് ക്ലബ് വിവിധ പരിപാടികൾ സംഘടിപ്പിച്ചു. യു.പി, എച്ച്.എസ് വിഭാഗങ്ങളിലെ ക്വിസ്, കോളാഷ് തുടങ്ങിയവ സംഘടിപ്പിച്ചു.

ജൂലൈ 28

കേരള സ്റ്റേറ്റ് റാങ്കിംഗ് ഷട്ടിൽ ബാഡ്മിന്റൺ ടൂർണമെന്റിൽ നമ്മുടെ സ്കൂളിലെ 7-ാം ക്ലാസിലെ ജുവൈരിയ ഷഹ്സാദി വിജയിയായി. U13 ഗേൾസ് ഡബിൾസിൽ വിജയിയും U13 ഗേൾസ് സിംഗൾസിൽ റണർ അപ്പുുമായി.

ജൂലൈ - 30

കേരള സ്റ്റേറ്റ് ഫെൻസിംഗ് ചാമ്പ്യൻഷിപ്പിൽ 7-ാം ക്ലാസിലെ തനുശ്രീ ജിജോഷ് സ്വർണ മെഡൽ നേടി.

ആഗസ്റ്റ് 06 - ഹിരോഷിമാദിനം

ഹിരോഷിമാദിനം ആചരിച്ചു. കുട്ടികൾ സഡാകോ കൊക്ക് ഉണ്ടാക്കി സ്കൂളിൽ പ്രദർശിപ്പിച്ചു.

ആഗസ്റ്റ് - 07

കേരള സ്റ്റേറ്റ് യൂത്ത് വെൽഫെയർ ബോർഡ് നടത്തിയ സയൻസ് ക്വിസിൽ 8-ാം ക്ലാസിലെ നെഹല ഫാത്തിമ, 9-ാം ക്ലാസിലെ അവന്തിക സി.എസ് എന്നിവർ രണ്ടാം സ്ഥാനം കരസ്ഥമാക്കി.

ആഗസ്റ്റ് 12 - പയസ് ദിനം

പയസ് ദിനം വിവിധ കലാപരിപാടികളോടെ ആഘോഷിച്ചു.

ആഗസ്റ്റ് 14

സ്കൂൾ പാ‌ർലമെന്റ് ഇലക്ഷൻ നടത്തി.

തൃക്കാക്കര എം എൽ എ ശ്രീമതി ഉമാ തോമസ് സ്കൂൾ ലൈബ്രറിയിലേക്ക് പുസ്തക നിധി പദ്ധതിയുമായി പുസ്തക വിതരണം നടത്തി.

ആഗസ്റ്റ് 15 - സ്വാതന്ത്ര്യ ദിനം

സ്വാതന്ത്ര്യ ദിനം വിച്ചലമായ പരിപാടികളോടെ ആഘോഷിച്ചു. സ്കൂൾ മാനേജർ വെരി.റവ.ഫാ. ആന്റണി മടത്തുംപടി ദേശീയ പതാക ഉയർത്തി. വിദ്യാർത്ഥികൾ റാലി നടത്തി. മധുര പലഹാര വിതരണം നടത്തി. ദേശ ഭക്തിഗാനാലാപനവും ഉണ്ടായിരുന്നു.

ആഗസ്റ്റ് -18

ഓണ പരീക്ഷ ആരംഭിച്ചു.

ആഗസ്റ്റ് 29 - ഓണാഘോഷം

ഈ വർഷത്തെ ഓണാഘോഷ പരിപാടികൾ എച്ച്.എം ശ്രീമതി. റോഷ് ബിനു ടീച്ചർ ഉത്ഘാടനം ചെയ്തു. ഓണപ്പൂക്കളമിട്ടു, ഓണപ്പാട്ടുകൾ പാടി, നൃത്തരൂപങ്ങൾ നടത്തിയും മാവേലി മന്നനേയും വാമനനേയും എതിരേറ്റു. വടംവലി മത്സരം, മലയാളിമങ്ക തുടങ്ങിയവ നടത്തി. തുടർന്ന് കുട്ടികൾക്കായി പായസ വിതരണവും നടത്തി. ഓണ അവധിക്കായി സ്കൂൾ അടച്ചു.

സെപ്റ്റംബ‌ർ - 08

ഓണ അവധിക്ക്ശേഷം സ്കൂൾ തുറന്നു. കുട്ടികളുടെ പഠനനിലവാരം മെച്ചപ്പെടുത്തുവാനുള്ള കാര്യങ്ങൾ ചർച്ച ചെയ്തു.

സെപ്റ്റംബ‌ർ - 11

വിദ്യാരംഗ കലാസാഹിത്യ വേദി എറണാകുളം ഉപജില്ല സർഗ്ഗോത്സവത്തിൽ കഥാരചനക്ക് മിൻഹ ഹനീഫയ്ക്ക് ഒന്നാം സമ്മാനവും ആയിഷ എമ്മിന് നാടൻ പാട്ടിന് രണ്ടാം സമ്മാനം ലഭിച്ചു. ഗണിത, ശാസ്ത്ര മേളകൾ നടത്തി.

സെപ്റ്റംബർ - 12

ക്ലാസ് പി ടി എയും രക്ഷാകർത്താക്കൾക്ക് കുട്ടികളുടെ പഠന നിലവാരം മനസ്സിലാക്കുന്നതിന് വേണ്ടി പി ടി എ എക്സിക്കേഷനും നടത്തി. ആൾ കേരള സ്റ്റേറ്റ് റാങ്കിംഗ് ചാമ്പ്യൻഷിപ്പ് - കോട്ടയം നടത്തിയ മത്സരത്തിൽ 7-ാം ക്ലാസിലെ ജൂവൈരിയ ഷഹ്സാദ്, U13 Girls doubles and third in U13 Girls singles-ും വിജയിച്ചു.

സെപ്റ്റംബർ - 15

സോഷ്യൽ സയൻസ്, വർക്ക് എക്സ്പീരിയൻസ് മേള നടത്തി. കുട്ടികൾ വിവിധ മത്സരങ്ങളിൽ പങ്കെടുത്തു.

സെപ്റ്റംബർ - 16

സയൻസ്, മാക്സ് ക്വിസ് മത്സരങ്ങൾ നടത്തി.

സെപ്റ്റംബർ - 17

അധ്യാപക ദിനത്തിന്റെ സ്കൂൾ തല ആഘോഷം നടത്തി.

സെപ്റ്റംബ‌ർ - 18

സ്കൂൾ കലോത്സവം മിഴിവ് - 2025

സെപ്റ്റംബർ 19

വിവിധ കലാപരിപാടികളോടെ ഹെഡ്മിസ്ട്രസ് ശ്രീമതി റോഷ് ബിനു ടീച്ചർ ഉദ്ഘാടനം നടത്തി. ഓരോ ഹൗസുകളുടെയും അത്യുഗ്രൻ മത്സര പരിപാടികൾ നടന്നു. ആദ്യ ദിവസമായ സെപ്റ്റംബർ 18ന് സിംഗിൾ ഐറ്റംസ് നടന്നു. തുടർന്ന് രണ്ടാം ദിവസം സെപ്റ്റംബർ 19ന് ബാക്കിയുള്ള സിംഗിൾ, ഗ്രൂപ്പ് ഐറ്റംസുകളും നടത്തി.

സെപ്റ്റംബർ 22

ഉപജില്ല ഹോക്കി മത്സരങ്ങളും സബ് ജൂനിയർ വിഭാഗത്തിൽ നമ്മുടെ സ്കൂൾ ജേതാക്കളായി.

സെപ്റ്റംബർ - 23

ലിറ്റിൽ കൈറ്റ്സിന്റെ ഭാഗമായി റോബോട്ടിക് എക്സപോ നടത്തി. സോഫ്റ്റ്വെയർ ഫ്രീഡം ഡേ 25 നടത്തി.

സെപ്റ്റംബർ 24

എറണാകുളം ഉപജില്ല ചെസ്സ് ചാമ്പ്യഷിപ്പിൽ 8ാം ക്ലാസിലെ ശ്രുതിക ജാസ്മിൻ ഒന്നാം സമ്മാനം കരസ്ഥമാക്കി. ഉപജില്ല ഫെൻസിംഗ് മത്സരത്തിൽ 7ാം ക്ലാസിലെ തനുശ്രീ ജിജോഷ് ഒന്നാം സ്ഥാനം കരസ്ഥമാക്കി.