സെന്റ് ജോസഫ്സ് ഗേൾസ് എച്ച് എസ് ചെങ്ങൽ/ലിറ്റിൽകൈറ്റ്സ്/2023-26

25036-ലിറ്റിൽകൈറ്റ്സ്
സ്കൂൾ കോഡ്	25036
യൂണിറ്റ് നമ്പർ	LK/2018/25036
അംഗങ്ങളുടെ എണ്ണം	40
റവന്യൂ ജില്ല	ആലുവ
വിദ്യാഭ്യാസ ജില്ല	എറണാകുളം
ഉപജില്ല	ആലുവ
ലീഡർ	ഫാത്തിമ സുഹറ
ഡെപ്യൂട്ടി ലീഡർ	അന്നെമിൻ
കൈറ്റ് മാസ്റ്റർ / മിസ്ട്രസ് 1	സുധ ജോസ്
കൈറ്റ് മാസ്റ്റർ / മിസ്ട്രസ് 2	ആഷ്‌ലി ഡേവിഡ്
അവസാനം തിരുത്തിയത്
10-10-2025	Chengal

ലിറ്റിൽ കൈറ്റ്സ് ഭരണ സമിതി

സ്ഥാനപ്പേര്	സ്ഥാനപ്പേര്	പേര്	ഫോട്ടോ
ചെയർമാൻ	പി ടി എ പ്രസിഡന്റ്	സെബി കൂട്ടുങ്ങൽ
കൺവീനർ	ഹെഡ്മിസ്ട്രസ്	സിസ്റ്റർ ജൈസ് തെരേസ്
വൈസ് പ്രസിഡന്റ്	എം പി ടി എ പ്രസിഡന്റ്	ഷെജി സിജോ
ജോയിന്റ് കൺവീനർ	ലിറ്റിൽ കൈറ്റ് മിസ്ട്രസ്	സുധ ജോസ്
ജോയിന്റ് കൺവീനർ	ലിറ്റിൽ കൈറ്റ് മിസ്ട്രസ്	രമ്യ
കുട്ടികളുടെ പ്രതിനിധി	ലിറ്റിൽ കൈറ്റ്സ് ലീഡർ
കുട്ടികളുടെ പ്രതിനിധി	ലിറ്റിൽ കൈറ്റ്സ് ലീഡർ

ലിറ്റിൽ കൈറ്റ്സ് പ്രവർത്തനങ്ങൾ  

ലാബ് സജ്ജീകരണങ്ങൾ

വിദ്യാലയ വർഷാരംഭത്തിന്റെ മുന്നോടിയായി സ്കൂൾ കമ്പ്യൂട്ടർ ലാബ് ലിറ്റിൽ കൈറ്റ്സ് അംഗങ്ങളുടെ നേതൃത്വത്തിൽ വൃത്തിയാക്കി .എല്ലാ ക്‌ളാസ്സുകളിലേക്കുമുള്ള ലാബ് ടോപ്പും മറ്റു അനുബന്ധ ഉപകരണങ്ങളും എല്ലാ ക്‌ളാസ്സുകളിലേക്കും വിതരണം ചെയ്തു .അവ പ്രോജെക്ടറുമായി ബന്ധിപ്പിക്കുവാനും മറ്റും അധ്യാപകരെ സഹായിച്ചു

അനിമേഷൻ ക്‌ളാസ്സുകൾ

ജൂൺ മാസത്തിലെ അനിമേഷൻ ക്‌ളാസ്സുകൾ നടത്തി .രണ്ടു ദിവസമായാണ് നടത്തിയത് .കുട്ടികൾ വളരെ താത്പര്യപൂർവ്വം ക്‌ളാസ്സുകളിൽ പറയുന്ന പ്രവർത്തനങ്ങൾ ചെയ്തു

എട്ടാം തരത്തിലെ കുട്ടികളുടെ അഭിരുചി പരീക്ഷക്കുള്ള സഹായം

എട്ടാം തരത്തിലുള്ള കുട്ടികൾക്ക് നടത്തിയ അഭിരുചി പരീക്ഷക്കുള്ള സഹായങ്ങൾ ഒൻപതാം ക്ലസ്സിലുള്ള കുട്ടികൾ ചെയ്തു .പരീക്ഷയ്ക്കായി കംപ്യൂട്ടർ ലാബ് ഒരുക്കുന്നതിലും കുട്ടികൾക്കുള്ള രജിസ്റ്റർ നമ്പറുകൾ വിതരണം ചെയ്യുന്നതിലും കുട്ടികളെ പരീക്ഷയ്ക്കായി  ഒരുക്കുന്നതിലും ലിറ്റിൽ കൈറ്റിസിന്റെ സഹായം ഉണ്ടായിരുന്നു .

വൈ ഐ പി രെജിസ്റ്ററേഷൻ

ഏറ്റവും കൂടുതൽ കുട്ടികളെ വൈ ഐ പി രെജിസ്ട്രേഷൻ നടത്തുക എന്നതാണ് ഈ വർഷത്തെ ലക്‌ഷ്യം .അതിനായി ലിറ്റിൽ കൈറ്സ് അംഗങ്ങൾ ഗ്രൂപ്പുകളായി തിരിഞ്ഞു ആശയങ്ങൾ പങ്കിടുകയും അവതരിപ്പിക്കുകയും ചെയ്തു .ഇതിനു സയൻസ് അധ്യാപികമാരും അവരെ സഹായിച്ചു

ഡിജിറ്റൽ മാഗസിൻ നിർമാണ കമ്മറ്റി രൂപീകരണം

ഈ വർഷത്തെ ഡിജിറ്റൽ മാഗസിൻ ഒൻപതാം ക്‌ളാസ്സിലെ ലിറ്റിൽ കൈറ്റ്സ് അംഗങ്ങളുടെ നേതൃത്വത്തിൽ ആണ് തയ്യാറാക്കുന്നത് ,അതിനുള്ള മുന്നൊരുക്കമായി ലിറ്റിൽ കൈറ്റ്സ് അംഗങ്ങൾ കൂടി ഓരോ ക്‌ളാസിൽ നിന്നും പ്രതിനിധികളെ തിരഞ്ഞെടുത്തു .കുട്ടികളുടെ രചനകൾ ശേഖരിക്കാൻ തുടങ്ങി

എം ഐ ടി ആപ്പ് ഇൻവെന്റർ  

മൊബൈൽ ആപ്പുകൾ നിർമിക്കുന്നതിനുള്ള വിവിധ പ്ലാറ്റുഫോമുകളെക്കുറിച്ച മനസിലാക്കി .എം ഐ ടി ആപ്പ് ഇൻവെന്ററിന്റെ യൂസർ ഇന്റർഫേസ് കംപോണന്റുകൾപരിചയപ്പെട്ടു.മൊബൈൽ ആപ്പിന്റെ ലെയ്  ഔട്ട് ഡിസൈൻ ചെയ്യാൻ കഴിഞ്ഞു   

പ്രിലിമിനറി ക്യാമ്പിനായുള്ള ലാബ് സജീകരണങ്ങൾ ഒരുക്കൽ

എട്ടാം തരത്തിലുള്ള കുട്ടികൾക്കുള്ള പ്രീലിമിനാരി ക്യാംപിനായി കമ്പ്യൂട്ടർ ലാബ് ലിറ്റിൽ കൈറ്റ്സ് കുട്ടികളുടെ നേതൃത്വത്തിൽ ഒരുക്കി .അതിനായി  ഓപ്പൺ ടൂൺസ് സ്ക്രാച്ച് എന്നെ സോഫ്ട്‍വെയറുകൾ ലാബിലെ എല്ലാ കംപ്യൂട്ടറിലും ഡൌൺലോഡ് ചെയ്തു ഇൻസ്റ്റാൾ ചെയ്തു .

ഇൻസ്പയർ അവാർഡ് രെജിസ്റ്ററേഷൻ

ഇൻസ്പയർ അവാർഡ്  രെജിസ്റ്ററേഷന് വേണ്ടി ലിറ്റിൽ കൈറ്സ് അംഗങ്ങളുടെ സഹായം ലഭിച്ചു.അവരാണ് സ്കൂൾ തല രെജിസ്റ്ററേഷനുകൾ നടത്തിയത് .വിദ്യാലയത്തിൽ നിന്നും അഞ്ച് രെജിസ്റ്ററേഷനുകൾ നടത്തി .

സ്കൂൾ തല ഐ ടി ക്വിസ്

സ്കൂൾ തല ഐ ടി ക്വിസ് നടന്നു .ലിറ്റിൽ കൈറ്റ്സ് അംഗങ്ങൾ  കൂടാതെ മറ്റു വിദ്യാർത്ഥികളും ഇതിൽ പങ്കെടുത്തു .

ഉപജില്ലാ തല യൂത്ത് ഫെസ്റ്റിവൽ ഡോക്യൂമെന്റഷൻ

ആലുവയിൽ വെച്ച് നടന്ന സബ് ജില്ലാ യുവജനോത്സവം പൂർണ്ണമായും രേഖപ്പെടുത്തിയത് ലിറ്റിൽ കൈറ്റ്സ് വിദ്യാർത്ഥികളാണ്. KITE നൽകിയ ക്യാമറകളും വെബ്ക്യാമുകളും ഉപയോഗിച്ചാണ് ലിറ്റിൽ കൈറ്റ്സ് യൂണിറ്റിലെ കുട്ടികൾ ഈ ദൃശ്യ-ശ്രാവ്യ ഡോക്യുമെന്റേഷൻ വിജയകരമായി പൂർത്തിയാക്കിയത്. യുവജനോത്സവത്തിന്റെ വിവിധ വേദികളിലെ കലാപരിപാടികളും മത്സരങ്ങളും ഉൾപ്പെടെയുള്ള എല്ലാ പ്രവർത്തനങ്ങളും വിദ്യാർത്ഥികൾ നേരിട്ട് ചിത്രീകരിക്കുകയും, ദൃശ്യങ്ങൾ റെക്കോർഡ് ചെയ്യുകയും ചെയ്തു. ഈ സംരംഭത്തിലൂടെ കുട്ടികൾക്ക് ഫോട്ടോഗ്രാഫി, വീഡിയോഗ്രാഫി, ലൈവ് സ്ട്രീമിംഗ് എന്നിവയിൽ പ്രായോഗിക പരിശീലനം നേടാൻ സാധിച്ചു. മാത്രമല്ല, പൊതുപരിപാടികൾ കൃത്യതയോടെയും കാര്യക്ഷമതയോടെയും ഡോക്യുമെന്റ് ചെയ്യാനുള്ള അവരുടെ കഴിവ് തെളിയിക്കുന്ന ഒന്നുകൂടിയായി ഈ പ്രവർത്തനം.

ഡിജിറ്റൽ മാഗസിൻ നിർമ്മാണം

ഒൻപതാം ക്ലാസിലെ ലിറ്റിൽ കൈറ്റ്സ് വിദ്യാർത്ഥികൾ പൂർണ്ണമായും സ്വയം തയ്യാറാക്കിയ 'Kyte Bytes 2025' എന്ന ഡിജിറ്റൽ മാഗസിൻ വിദ്യാലയത്തിന് അഭിമാനമായി. കുട്ടികളുടെ സർഗ്ഗാത്മക രചനകളും വിവിധ വിവരസാങ്കേതിക മികവുകളും ഉൾപ്പെടുത്തിക്കൊണ്ട്, സ്വതന്ത്ര സോഫ്റ്റ്‌വെയറായ സ്‌ക്രൈബസ് ഉപയോഗിച്ചാണ് മാഗസിന്റെ രൂപകൽപ്പന പൂർത്തിയാക്കിയത്. ഫാത്തിമത്ത് സുഹ്‌റ, അനെമിൻ എന്നിവരായിരുന്നു ഈ മാഗസിന്റെ മുഖ്യ പത്രാധിപർ. വിദ്യാലയത്തിലെ വാർഷികാഘോഷ വേദിയിൽ വെച്ച് മാഗസിന്റെ പ്രകാശനം നിർവ്വഹിച്ചു, തുടർന്ന് എല്ലാ വായനക്കാർക്കുമായി ഇത് സ്‌കൂൾ വിക്കിയിൽ പ്രസിദ്ധീകരിക്കുകയും ചെയ്തു. രചന മുതൽ ഡിസൈനിംഗ്, എഡിറ്റിംഗ് വരെയുള്ള എല്ലാ പ്രവർത്തനങ്ങളും കുട്ടികൾ തന്നെ ഏറ്റെടുത്ത് വിജയകരമായി പൂർത്തിയാക്കി എന്നത് ഈ ഉദ്യമത്തിന്റെ ഏറ്റവും വലിയ സവിശേഷതയാണ്.

ഐ ടി ഉപജില്ലാ മത്സരങ്ങൾക്കുള്ള തയ്യാറെടുപ്പ്

ഉപജില്ലാതല ഐ.ടി. മത്സരങ്ങളിൽ മികച്ച വിജയം നേടുന്നതിനായി വിദ്യാർത്ഥികൾക്ക് അവരുടെ മത്സര ഇനങ്ങൾക്കനുസരിച്ച് ഊർജ്ജിതമായ പരിശീലനം നൽകി. മലയാളം കമ്പ്യൂട്ടിംഗിൽ പങ്കെടുത്ത അനീമിന് മലയാളം ടൈപ്പിംഗ് വേഗത വർദ്ധിപ്പിക്കുന്നതിനും യൂണിക്കോഡ് ഫോർമാറ്റിംഗിലും പ്രത്യേക പരിശീലനം നൽകി. മൾട്ടിമീഡിയ പ്രസന്റേഷനു വേണ്ടി ഉപയോഗിച്ച് ആകർഷകമായ സ്ലൈഡുകൾ, അനിമേഷനുകൾ, വിവരങ്ങൾ ചിട്ടപ്പെടുത്തൽ എന്നിവയിൽ പ്രാവീണ്യം നേടി. വെബ് പേജ് നിർമ്മാണത്തിന് തയ്യാറെടുത്ത അൽഫോൻസാ നീസൺ HTML, CSS എന്നിവയുടെ അടിസ്ഥാന പാഠങ്ങളിലും ലളിതമായ വെബ് പേജ് നിർമ്മാണ രീതികളിലും പരിശീലനം ലഭിച്ചു. കൂടാതെ, ആനിമേഷൻ ഇനത്തിൽ ഫാത്തിമത്ത് സുഹറയ്ക്ക് 2D ആനിമേഷന്റെ അടിസ്ഥാന തത്വങ്ങളിലും സോഫ്റ്റ്‌വെയറുകളുടെ ഉപയോഗത്തിലും പരിശീലനം പൂർത്തിയാക്കി. സ്ക്രാച്ച് പ്രോഗ്രാമിംഗിനായി തിരഞ്ഞെടുത്ത ശ്രീനന്ദ ബ്ലോക്ക് കോഡിംഗ്, പ്രോജക്റ്റ് ലോജിക് എന്നിവയിൽ പ്രായോഗിക പരിശീലനം നൽകി. ഈ പരിശീലനം എല്ലാ വിദ്യാർത്ഥികളുടെയും സാങ്കേതികപരമായ കഴിവുകൾ വികസിപ്പിക്കാനും മത്സരത്തിന് വേണ്ട ആത്മവിശ്വാസം വർദ്ധിപ്പിക്കാനും സഹായിച്ചു.

സബ് ഡിസ്ട്രിക്ട് ഐ ടി ഫെസ്റ്റ്

08/09/2025

ഒക്ടോബർ 8-ന് ആലുവ സെന്റ് ഫ്രാൻസിസ് സ്കൂളിൽ നടന്ന ജില്ലാ ഐ.ടി മേളയിൽ സബ് ജില്ലയിലെ ഒരു സ്കൂൾ ഹൈസ്കൂൾ വിഭാഗത്തിൽ മികച്ച സ്കൂളായി തിരഞ്ഞെടുക്കപ്പെട്ടു. സ്കൂളിൽ നിന്നും പങ്കെടുത്ത വിദ്യാർത്ഥികൾ മികച്ച പ്രകടനമാണ് കാഴ്ചവെച്ചത്. അനാമിൻ മലയാളം ടൈപ്പിംഗിൽ 'എ' ഗ്രേഡോടെ ഒന്നാം സ്ഥാനം നേടി. ഫാത്തിമ മർവ മൾട്ടിമീഡിയ പ്രസന്റേഷനിൽ 'എ' ഗ്രേഡ് കരസ്ഥമാക്കി ഒന്നാമതെത്തി. ഫാത്തിമത്ത് സുഹാര ആനിമേഷനിൽ ഒന്നാം സ്ഥാനം നേടിയപ്പോൾ, അൽഫോൻസ നിസൺ വെബ് ഡിസൈനിംഗിൽ 'എ' ഗ്രേഡോടെ രണ്ടാം സ്ഥാനത്തിന് അർഹനായി. വൈക ഡിജിറ്റൽ പെയിന്റിംഗിൽ 'എ' ഗ്രേഡ് നേടിയപ്പോൾ, ശ്രീനന്ദ സ്ക്രാച്ച് പ്രോഗ്രാമിംഗിൽ 'ബി' ഗ്രേഡ് സ്വന്തമാക്കി. വിദ്യാർത്ഥികളുടെ ഈ മികച്ച പ്രകടനം സ്കൂളിന് അഭിമാനമായി മാറി.

റീൽസ് മത്സരം  

10/10/2025

ലിറ്റിൽ കൈറ്റ്സ് യൂണിറ്റിലെ നമ്മുടെ വിദ്യാർത്ഥികൾ, KITE സംഘടിപ്പിച്ച 'എന്റെ സ്കൂൾ എന്റെ അഭിമാനം' എന്ന റീൽസ് മത്സരത്തിൽ സജീവമായി പങ്കെടുത്തു. വിദ്യാലയത്തിന്റെ അനന്യമായ നേട്ടങ്ങളും, നൂതനമായ പഠനരീതികളും, മികച്ച അടിസ്ഥാന സൗകര്യങ്ങളുടെ ഉപയോഗവും വിഷയമാക്കി അവർ ആകർഷകമായ റീൽസുകൾ നിർമ്മിച്ചു. വീഡിയോയുടെ തിരക്കഥാരചന, ചിത്രീകരണം, അവതരണം (ആങ്കറിംഗ്), അഭിമുഖങ്ങൾ എന്നിവയെല്ലാം കുട്ടികൾ സ്വയം നിർവ്വഹിച്ചു എന്ന പ്രത്യേകത ഈ ഉദ്യമത്തിനുണ്ട്. പൂർത്തിയാക്കിയ ഈ വീഡിയോകൾ സ്കൂളിന്റെ ഔദ്യോഗിക സോഷ്യൽ മീഡിയ പേജുകളിൽ (ഇൻസ്റ്റാഗ്രാം, ഫേസ്ബുക്ക്) #എന്റെസ്കൂൾഎന്റെഅഭിമാനം, #MySchoolMyPride എന്നീ ഹാഷ്‌ടാഗുകളോടെ പോസ്റ്റ് ചെയ്യുകയും കൈറ്റ്-വിക്ടേഴ്സ് ചാനലിനെ ടാഗ് ചെയ്യുകയും ചെയ്തിട്ടുണ്ട്. ഈ പ്രവർത്തനം വഴി നമ്മുടെ വിദ്യാർത്ഥികൾ തങ്ങളുടെ വീഡിയോ നിർമ്മാണത്തിലുള്ള കഴിവുകൾ വർദ്ധിപ്പിക്കുകയും, വിദ്യാലയത്തിന്റെ അഭിമാനം ഡിജിറ്റൽ പ്ലാറ്റ്‌ഫോമുകളിലൂടെ പുറംലോകത്തെ അറിയിക്കുകയും ചെയ്തു.

ലിറ്റിൽ കൈറ്റ്സ് തനതു പ്രവർത്തനങ്ങൾ‌‌‌‌‌‌‌‌‌‌‌

സ്കൂൾ തിരഞ്ഞെടുപ്പ്

ഈ വർഷത്തെ സ്കൂൾ തിരഞ്ഞെടുപ്പ് ഇലക്ട്രോണിക് വോട്ടിംഗ് മെഷീനിൽ ആണ് നടത്താൻ തീരുമാനിച്ചത് .അതിനു വേണ്ടി സമ്മതി എന്ന ആപ്പ് കുറെ മിസ്ട്രെസ്സുമാരുടെ നേതൃത്വത്തിൽ ഇൻസ്റ്റാൾ ചെയ്തു .ഹെഡ് ഗേളിന്റെ തിരഞ്ഞെടുപ്പിനായി ഒന്നും ബോയ്സ് റെപ്രെസെന്ററ്റീവ്സ് ആയി മറ്റൊരു മാഷിനും ലിറ്റിൽ കൈറ്റിസിന്റെ നേതൃത്വത്തിൽ ഒരുക്കി.തിരഞ്ഞെടുപ്പിന് ശേഷം റിസൾട്ട് ഡിജിറ്റൽ ആയി തന്നെ ലഭിച്ചു .ഈ പ്രവർത്തനം വളരെ നന്നായി ചെയ്യാൻ ലിറ്റിൽ കൈറ്സ് അംഗങ്ങൾക്ക് സാധിച്ചു  

സ്ട്രീംസ് ഇക്കോ ഹബ്

ബി ആർ സി യുടെ നിർദ്ദേശപ്രകാരം  സ്ട്രീമിസ് ഇക്കോ ഹബ് പ്രവർത്തനങ്ങൾക്കായി ഒരു പ്രൊജക്റ്റ് റിപ്പോർട്ട് നൽകി .കൈറ്റ് മിസ്ട്രെസ്സായ സുധ ടീച്ചറുടെ മേൽനോട്ടത്തിലാണ് റിപ്പോർട്ട് തയ്യാറാക്കിയത് .ഓട്ടിസം ബാധിച്ച കുട്ടികൾക്കുപകരിക്കുന്ന ഒരു ഹാൻഡ് സിഗ്നൽ കൺവെർട്ടർ എ ഐയുടെ സഹായത്തോടെ നിർമ്മിക്കുന്നതിനുള്ള ഒരു പ്രൊജക്റ്റ് ആണ് തയ്യാറാക്കിയത് .അത് ബി ആർ സിയിൽ അവതരിപ്പിച്ചു

ലോക മുങ്ങി മരണ നിവാരണ ദിനം

ലോക മുങ്ങി മരണനിവാരണ ദിനത്തോടനുബന്ധിച്ചു കേരളം ഡിസാസ്റ്റർ മാനേജ്മെന്റ് നടത്തിയ റീൽസ് മത്സരത്തിൽ ഈ വിദ്യാലയത്തിലെ കുട്ടികൾ പങ്കെടുത്തു .അധ്യാപകരായ സിസ്റ്റർ ജിൻസ,സിസ്റ്റർ ക്രിസ്ലിൻ, റോസ്  എന്നിവർ നേതൃത്വം നൽകി .ലിറ്റിൽ കൈറ്റ്സ് അംഗങ്ങളും ഇതിൽ പങ്കെടുത്തു

https://www.instagram.com/reel/C913z-zyNCP/?igsh=ZjFkYzMzMDQzZg==

സ്കൂൾ കലോത്സവ തയ്യാറെടുപ്പ്

https://youtu.be/kIGug2YYY_0?feature=shared

സ്കൂൾ കലോത്സവവുമായി ബന്ധപ്പെട്ടു ലിറ്റിൽ കൈറ്റ്സ് കുട്ടികൾ പ്രൊമോഷൻ വീഡിയോ തയ്യാറാക്കി .കലോത്സവത്തിനുവേണ്ട ഓഡിയോ ഫയലുകൾ കോപ്പി ചെയ്യുകയും അവ കുട്ടികൾക്ക് മത്സരങ്ങൾക്ക് പ്ലേയ് ചെയ്‌തു കൊടുക്കുകയും ചെയ്തു. ചുമതല ഏല്പിച്ചിരിക്കുന്ന കുട്ടികൾ പരിപാടികളുടെ ഫോട്ടോകൾ എടുക്കുകയും വീഡിയോ തയ്യാറാക്കുകയും ചെയ്തു