ഗവ.എച്ച്.എസ്സ്.എസ്സ് വീയപുരം/സ്റ്റൂഡന്റ് പോലീസ് കാഡറ്റ്/2025-26

ജി. എച്ച്. എസ്. എസ്. വീയപുരം SPC യൂണിറ്റിന്റെ 2025-26 വർഷത്തെ പ്രവർത്തനങ്ങൾ

പ്രവേശനോത്സവം

2025 ജൂൺ  9

വെള്ളപ്പൊക്കത്തെ തുടർന്ന് ക്യാമ്പ് പ്രവർത്തിച്ചിരുന്നതിനാൽ സ്കൂൾ 2025-26 അദ്ധ്യയന വർഷം പ്രവർത്തനങ്ങൾ ഒരു ആഴ്ച വൈകിയാണ് ആരംഭിച്ചത്. 2025 ജൂൺ 9 ന് പ്രവേശനോത്സവം നടത്തി. SPC കേഡറ്റുകൾ മധുരം നൽകി നവാഗതരായ കുട്ടികളെ സ്വീകരിച്ചു.

യോഗദിനാചാരണം

യോഗാചാര്യനായ കൃഷ്ണകുമാർ സർ കേഡറ്റുകളെ യോഗ പരിശീലിപ്പിക്കുന്നു

2025 ജൂൺ  21

SPC യൂണിറ്റിൻ്റെ നേതൃത്ത്വത്തിൽ  യോഗദിനം-ജൂൺ  21 ആചരിച്ചു. യോഗാചാര്യനായ കൃഷ്ണകുമാർ സർ കേഡറ്റുകൾക്ക് യോഗയെ കുറിച്ച് ക്ലാസ്സ് നൽകി.

പോലീസ് സ്റ്റേഷൻ സന്ദർശനം

2025 ജൂൺ  23

ലീഗൽ ലിറ്ററസി പ്രോജക്ടിൻ്റെ ഭാഗമായി പോലീസ് സ്റ്റേഷൻ്റെ പ്രവർത്തനങ്ങൾ നേരിട്ടറിയുന്നതിനായി കേഡറ്റുകൾ 2025 ജൂൺ  23 ന് വീയപുരം പോലീസ് സ്റ്റേഷൻ സന്ദർശിച്ചു. വീയപുരം പോലീസ് സ്റ്റേഷനിലെ SI രാജീവ്, CPO രജ്ഞിത്ത് എന്നിവർ പോലിസ് സ്റ്റേഷൻ്റെ പ്രവർത്തനവും, സ്റ്റേഷനിൽ ഉളള വിവിധ ആയുധങ്ങളും കേഡറ്റുകൾക്ക് പരിചയപ്പെടുത്തി.

• 
  പോലീസ് സ്റ്റേഷന്റെ പ്രവർത്തങ്ങൾ പോലീസ് ഉദ്യോഗസ്ഥർ കേഡറ്റുകൾക്ക് വിശദീകരിച്ചു കൊടുക്കുന്നു.
• 
  CPO രജ്ഞിത്ത് സ്റ്റേഷനിൽ ഉളള വിവിധ ആയുധങ്ങൾ കേഡറ്റുകൾക്ക് പരിചയപ്പെടുത്തുന്നു

അന്താരാഷ്ട്ര ലഹരിവിരുദ്ധദിനാചരണം

അന്താരാഷ്ട്ര ലഹരിവിരുദ്ധദിനാചരണ പരിപടികളുടെ ഉദ്ഘാടനം വീയപുരം പഞ്ചായത്ത് പ്രസിഡൻ്റ് ശ്രീമതി ഷീജ സുരേന്ദ്രൻ നിർവഹിക്കുന്നു

2025 ജൂൺ  26

അന്താരാഷ്ട്ര ലഹരി വിരുദ്ധ ദിനാചരണത്തിന്റെ ഭാഗമായി വീയപുരം ഗവൺമെൻ്റ് ഹയർസെക്കൻ്ററി സ്കൂളിൽ പോലീസ്, ഹെൽത്ത് ഡിപ്പാർട്ട്മെൻ്റുകളുടെയും സ്കൂളിലെ SPC, വിമുക്തി ക്ലബ്ബ്, ഹെൽത്ത് ക്ലബ്ബ് എന്നിവയുടേയും  സഹകരണത്തോടെ വിവിധ പ്രവർത്തനങ്ങൾ നടത്തുകയുണ്ടായി. ബോധവത്കരണ ക്ലാസ്സ്, ലഹരി വിരുദ്ധ പ്രതിജ്ഞ, ലഹരി വിരുദ്ധ റാലി, ഒപ്പുശേഖരണം, പോസ്റ്റർ രചന മത്സരം, ഫ്ലാഷ് മോബ്.

1. ബോധവത്കരണ ക്ലാസ്സ്

            സ്കൂൾ പ്രിൻസിപ്പൽ ഡി. ഗോപകുമാറിൻ്റെ അദ്ധ്യക്ഷതയിൽ നടന്നയോഗം വീയപുരം പഞ്ചായത്ത് പ്രസിഡൻ്റ് ശ്രീമതി ഷീജ സുരേന്ദ്രൻ ഉദ്ഘാടനം ചെയ്തു. ചെറുതന പഞ്ചായത്ത് പ്രസിഡൻ്റ് എബി മാത്യൂ, വീയപുരം പഞ്ചായത്ത് മെമ്പർ ഇഗേഷ് എം, വീയപുരം പോലീസ് SHO ഷഫീക്ക് എ, SI പ്രദീപ്, വീയപുരം ഹെൽത് ഇൻസ്പെക്ടർ സുനിൽ സുധാകരൻ എന്നിവർ ചടങ്ങിൽ സംസാരിക്കുകയും ലഹരിയുടെ ദൂഷ്യ വശങ്ങളെക്കുറിച്ച് കുട്ടികളെ ബോധവത്കരിക്കുയും ചെയ്തു. വീയപുരം പോലീസ് സബ് ഇൻസ്പെക്ടർ ശ്രീ. രാജീവ് നന്ദി പ്രകാശിപ്പിച്ചു.

SPC കേഡറ്റുകൾ ലഹരിവിരുദ്ധ പ്രതിജ്ഞ ചെയ്യുന്നു.

2. ലഹരി വിരുദ്ധ പ്രതിജ്ഞ

വീയപുരം പോലീസ് സബ് ഇൻസ്പെക്ടർ ആയ ശ്രീ. രാജീവ് കുട്ടികൾക്ക് ലഹരി വിരുദ്ധ പ്രതിജ്ഞാ വാചകം ചൊല്ലികൊടുത്തു.

3. ലഹരി വിരുദ്ധ റാലി

ലഹരി വിരുദ്ധ റാലി വീയപുരം പഞ്ചായത്ത് പ്രസിഡൻ്റ് ഷീജ സുരേന്ദ്രൻ ഫ്ലാഗ് ഓഫ് ചെയ്തു. വീയപുരം സ്കൂളിൽ നിന്നും ആരംഭിച്ച ലഹരിവിരുദ്ധ റാലി വീയപുരം ജംഗ്ഷനിൽ എത്തിച്ചേരുകയും പൊതുജനപങ്കാളിത്തം കൊണ്ട് ശ്രദ്ധേയമാവുകയും ചെയ്തു. വിദ്യാർത്ഥികളോടൊപ്പം അദ്ധ്യാപകർ, അനദ്ധ്യാപകർ, പി. റ്റി. എ പ്രതിനിധികൾ, ജനപ്രതിനിധികൾ എന്നിവരും റാലിയുടെ ഭാഗമായി. റാലിയിൽ പങ്കെടുത്ത എല്ലാ വിദ്യാർത്ഥികൾക്കും ജംഗഷനിലെ ഓട്ടോ തൊഴിലാളി യൂണിയൻ്റെ നേതൃത്ത്വത്തിൽ ലഘുഭക്ഷണം വിതരണം ചെയ്തു.

• 
  ലഹരി വിരുദ്ധ റാലി വീയപുരം പഞ്ചായത്ത് പ്രസിഡന്റ് ശ്രീമതി ഷീജ സുരേന്ദ്രൻ ഫ്ലാഗ് ഓഫ് ചെയ്യുന്നു.
• 
  ലഹരി വിരുദ്ധ റാലി.

.

4. ഒപ്പുശേഖരണം

SHO ഷഫീക്ക് എ ലഹരിവിരുദ്ധ ഒപ്പുശേഖരണത്തിന് തുടക്കം കുറിക്കുന്നു..

ലഹരിക്കെതിരേയുള്ള ഒപ്പു ശേഖരണം വീയപുരം പോലീസ് SHO ഷെഫീക്ക് എ തുടങ്ങി വച്ചു. ജനപ്രതിനിധികൾ, പി. റ്റി. എ പ്രതിനിധികൾ അദ്ധ്യാപകർ, അനദ്ധ്യാപകർ, വിദ്യാർത്ഥികൾ, രക്ഷകർത്താക്കൾ എന്നിവർ പ്രസ്തുത പ്രവർത്തനത്തിൽ പങ്കാളികളായി.

5. പോസ്റ്റർ രചന മത്സരം

ലഹരി വിരുദ്ധ ദിനത്തിൻ്റെ ഭാഗമായി സ്കൂളിൽ പോസ്റ്റർ രചനാ മത്സരം സംഘടപ്പിച്ചു. ടി മത്സരത്തിൽ എച്ച്. എസ് വിഭാഗത്തിൽ ജിയ സൂസൻ (9B) 1-ാം സ്ഥാനവും, അനാമിക ഷാബു (9A) 2-ാം സ്ഥാനവും കരസ്ഥമാക്കി, യു. പി വിഭാഗത്തിൽ ഹൈഫ രാജീവ് (6B), അനുഷ ഹരിദാസ് (6B ) എന്നിവർ യഥാക്രമം ഒന്നും രണ്ടും സ്ഥാനങ്ങൾ കരസ്ഥമാക്കി.

6. ഫ്ലാഷ് മോബ്

ലഹരിക്കെതിരേയുള്ള സന്ദേശം നൽകുന്നത്തിനായി സീനിയർ വിഭാഗം പെൺകുട്ടികളുടെ നേതൃത്ത്വത്തിൽ ഫ്ലാഷ് മോബ് അവതരിപ്പിച്ചു.

SPC കേഡറ്റ്‌സ് നിർമിച്ച പോസ്റ്ററുകൾക്ക് ഒപ്പം

ലോക ജനസംഖ്യാദിനാചാരണം

2025 ജൂലൈ 11

ലോക ജനസംഖ്യ ദിനമായ ജൂലൈ 11 ന് ജനസംഖ്യാ വളർച്ച മൂലമുണ്ടാകുന്നു പ്രശ്നങ്ങളെക്കുറിച്ച് കുട്ടികളെ ബോധവത്കരിക്കുന്നതിനായി SPC യുടെ നേതൃത്ത്വത്തിൽ പോസ്റ്റർ നിർമ്മിക്കുകയും പോസ്റ്റർ പ്രദർശനം നടത്തുകയും ചെയ്തു.

ന്യൂട്രിയൻ്റ് ഗാർഡൻ ഉദ്ഘാടനം

ന്യൂട്രിയന്റ് ഗാർഡന്റെ ഉദ്‌ഘാടനം വാർഡ് മെമ്പർ ജഗേഷ് എം. തൈ നട്ടുകൊണ്ട് നിർവഹിക്കുന്നു

2025 ജൂലൈ 11

വീയപുരം  കൃഷിഭവൻ്റെ സഹകരണത്തോടെ  ഹെൽത്ത് ക്ലബ്ബ്, സീഡ് ക്ലബ്ബ്, SPC എന്നിവയുടെ നേതൃത്ത്വത്തിൽ GHSS വിയപുരത്ത് ന്യൂട്രിയൻ്റ് ഗാർഡൻ ആരംഭിച്ചു. പഞ്ചായത്ത് പ്രസിഡൻ്റ് ഷീജ സുരേന്ദ്രൻ ഉദ്ഘാടനം ചെയ്തു.

SLAC മീറ്റിംഗ്

SLAC മീറ്റിംഗ്

2025 ജൂലൈ 31

വീയപുരം SPC യൂണിറ്റിൻ്റെ 2025-26 അക്കാദമിക വർഷത്തെ ആദ്യ SLAC മീറ്റിംഗ് 2025 ജൂലൈ 31 ന് നടത്തി. വീയപുരം പോലീസ് SHO ഷഫീക് എ, സ്കൂൾ HM ശ്രീലേഖ എസ്, വാർഡ് മെമ്പർ ജഗേഷ് എം, എക്സൈസ് ഇൻസ്പെക്ടർ ശ്രീ അരുൺ കുമാർ വി, സ്റ്റാഫ് സെക്രട്ടറി മുഹമ്മദ് ഷെരീഫ്, SPC DI അലി ഹസ്സൻകുഞ്ഞ്, CPO മാരായ പ്രദീപ് കുമാർ ജി, സജിത കുമാരി എസ്സ് എന്നിവർ പങ്കെടുത്തു. SPC യുടെ ഈ അക്കാദമിക വർഷത്തെ പ്രവർത്തനങ്ങൾ, വിവിധ ഡിപ്പാർട്ട്മെൻ്റുകളിൽ നിന്നും ഇൻഡോർ ക്ലാസ്സുകൾ ലഭ്യമാക്കുന്നത് സംബന്ധിച്ചും, SPC Day ആഘോഷങ്ങളെക്കുറിച്ചും തീരുമാങ്ങൾ എടുത്തു.

SHO ഷഫീക് എ. SPC പതാക ഉയർത്തുന്നു.

SPC ദിനാഘോഷം

2025 ആഗസ്റ്റ് 2

GHSS വീയപുരത്തെ SPC യൂണിറ്റിൻ്റെ നേതൃത്ത്വത്തിൽ SPC യുടെ സ്ഥാപക ദിനമായ ആഗസ്റ്റ് 2 വിവിധ പരിപാടികളോടെ ആഘോഷിച്ചു. വീയപുരം പോലീസ് SHO ആയ ഷെഫീക്ക് എ SPC പതാക ഉയർത്തിക്കൊണ്ട് പരിപാടികൾക്ക് തുടക്കം കുറിച്ചു. ശേഷം കേഡറ്റുകളുടെ നേതൃത്ത്വത്തിൽ വിവിധ കലാപരിപാടികൾ നടത്തി. ദിനാഘോഷത്തിൻ്റെ ഭാഗമായി നടത്തിയ SPC ക്വിസ്സിൽ സീനിയർ കേഡറ്റായ റിയ റേച്ചൽ വർഗീസ്സ് ഒന്നാം സ്ഥാനം നേടി.

SPC പാരന്റ്സ് മീറ്റിംഗ്

2025 ആഗസ്റ്റ് 6

SPC ജൂനിയർ കേഡറ്റിൻ്റെ പാരൻ്റ്സ് മീറ്റിംഗ് 6/8/2025 ന് നടത്തി. പാരൻ്റ്സ് മീറ്റിംഗിൽ SPC യെക്കുറിച്ചും SPC കേഡറ്റുകൾ പാലിക്കേണ്ട നീയമങ്ങളെക്കുറിച്ചും ACPO സജിതകുമാരി എസ് വിശദീകരിച്ചു.

സ്വാതന്ത്ര്യ ദിനാഘോഷം

സ്വാതന്ത്ര്യദിനാഘോഷ പരിപാടിയിൽ SPC കേഡറ്റ്‌സ്.

2025 ആഗസ്റ്റ് 15

GHSS വീയപുരത്ത് നടന്ന സ്വാതന്ത്ര്യ ദിനാഘോഷ പരിപാടികളിൽ സ്കൂൾ SPC യും സജീവമായി പങ്കെടുത്തു.  SPC സീനിയർ കേഡറ്റായ മൈഥിലി എം സ്വാത്രന്ത്ര്യ ദിനാഘോഷ പരിപാടികൾ ആങ്കർ ചെയ്തു. സ്വാതന്ത്ര്യ ദിനറാലിയിലും ശേഷം നടത്തിയ കലാപരിപാടികളിളും SPC കേഡറ്റുകളുടെ സജീവ പങ്കാളിത്തം ഉണ്ടായിരുന്നു.