വി.എച്ച്.എസ്. എസ് ഫോർ ഗേൾസ് തിരുവല്ലം/പ്രവർത്തനങ്ങൾ/2025-26

സ്കൂൾ പ്രവേശനോത്സവം 2025

.

2025-26 വർഷത്തെ പ്രവേശനോത്സവം 02-06-2025 തിങ്കളാഴ്ച വളരെ ഗംഭീരമായി നടന്നു.മുഖ്യമന്ത്രി നിർവഹിച്ച സംസ്ഥാനതല സ്കൂൾ തല പ്രവേശനോത്സവ ഉദ്ഘാടന ചടങ്ങിൻ്റെ തത്സമയ സംപ്രേക്ഷണവും മുഖ്യമന്ത്രിയുടെ സന്ദേശവും വേദിയിൽ കാണിച്ചതിനു ശേഷം സ്കൂൾ പ്രവേശനോത്സവ പരിപാടികൾ ആരംഭിച്ചു.പ്രസ്തുത പരിപാടിയിൽ സ്കൂൾ സ്ററാഫ് സെക്രട്ടറി ശ്രീ വിഷ്ണു സാർ സ്വാഗതം ആശംസിച്ചു. ചടങ്ങിൻ്റെ അധ്യക്ഷപദം സ്കൂൾ പിറ്റി എ പ്രസിഡൻ്റ് ശ്രീ ഷിബു സാർ അലങ്കരിച്ചു.വാർഡ് കൗൺസിലർ ശ്രീ ശിവൻ കുട്ടി അവർകൾ സ്കൂൾതല ഉത്ഘാടനം നിർവഹിച്ചു. ബി.എൻ.വി. ഗ്രൂപ്പിൻറെ മാനേജിംഗ് ചെയർപേഴ്സണും കോളേജ് ഓഫ് ടീച്ചേഴ്സ് എജ്യുകേഷൻറെ അക്കാഡമിക് കോഡിനേറ്ററുമായ ശ്രീമതി മീര ടീച്ചർ മുഖ്യപ്രഭാഷണം നടത്തി. സ്കൂൾ മാനേജർ ശ്രീ സുരേഷ് സാർ പുതിയ സ്കൂൾ ബസിൻറെ താക്കോൽ ദാനം നിർവഹിച്ചു. സ്കുൂൾ പ്രിൻസിപ്പാൾ ശ്രീമതി ഡോ.ജാനു, എച്ച് എം ശ്രീമതി കുമാരി രശ്മി എന്നിവർ ആശംസകൾ അർപ്പിച്ചു.

വാർഡ് കൗൺസിലർ ശ്രീ ശിവൻകു‍‍‍‍‍ട്ടി ഉത്ഘാടനം ചെയ്യുന്നു

• 
  43068-praveshanolsavam1.jpg പ്രവേശനോത്സവം

പരിസ്ഥിതി ദിനം

ജൂൺ 5 പരിസ്ഥിതി ദിനത്തിന് പ്രത്യേകം അസംബ്ലി നടത്തി. പരിസ്ഥിതി ദിനത്തിന് പ്രത്യേക അതിഥിയായി മുൻ വിദ്യാർഥിനി കൂടിയായ കുട്ടി കർഷക അവാർഡ് കിട്ടിയ കുമാരി ആതിര കുട്ടികളോട് കൃഷിസംബന്ധമായ കാര്യങ്ങൾ സംസാരിക്കുകയും കുട്ടികളുടെ സംശയങ്ങൾക്ക് ഉത്തരങ്ങൾ നൽകുകയും ചെയ്തു. കുട്ടികളുടെ വിവിധ കലാവിരുന്നുകൾ വേദിയിൽ അരങ്ങേറി. പരിസ്ഥിതി ദിന ക്വിസ്സിൽ ഹൈസ്കൂൾ വിഭാഗത്തിൽ വിജയികളായ കുമാരി സുകന്യ (9.A), ശ്രീലക്ഷ്മി (10.A) എന്നിവരെ വേദിയിൽ അനുമോദിച്ചു.

പരിസ്ഥിതി ദിന നൃത്തം അവതരിപ്പിക്കുന്നു.

മുൻ വിദ്യാർഥിനി കൂടിയായ കുട്ടി കർഷക അവാർഡ് കിട്ടിയ കുമാരി ആതിര കുട്ടികളോട് സംവദിക്കുന്നു

പരിസ്ഥിതിദിന ക്വിസ് വിജയി സുകന്യയെ അനുമോദിക്കുന്നു

പരിസ്ഥിതിദിന പോസ്ററർ

വിമുക്തി ക്ലബ്

വിമുക്തി ക്ലബ്ബിന്റെ ആഭിമുഖ്യത്തിൽ ജൂൺ 11 ഉച്ചയ്ക്ക് 2 മണിക്ക് തിരുവല്ലം പ്രൈമറി ഹെൽത്ത് സെന്ററിലെ ഹെൽത്ത് ഇൻസ്പെക്ടർ ആയ ശ്രീ.രാജ് കുമാർ സാർ ലഹരി വിരുദ്ധ ബോധവൽക്കരണ ക്ലാസ് നടത്തി.