"എ.എം.എൽ.പി.എസ്. വില്ലൂർ/പ്രവർത്തനങ്ങൾ/2024-25" എന്ന താളിന്റെ പതിപ്പുകൾ തമ്മിലുള്ള വ്യത്യാസം

മികച്ച ഒരു ചിൽഡ്രൻസ് പാർക്ക് ഒരു പാട് വർഷത്തെ ഞങ്ങളുടെ സ്വപ്നമായിരുന്നു. ആ സ്വപ്നം നടപ്പിലായി. 19/2/25 ബുധനാഴ്ച്ച ഉച്ചയ്ക്ക് 3 മണിക്ക് പാർക്കിൻ്റെ ഔപചാരിക ഉഘാടനം കോട്ടക്കൽ നഗരസഭ ചെയർപേഴ്സൺ ഡോ. കെ ഹനീഷ നിർവ്വഹിച്ചു. പി ടി എ പ്രസിഡണ്ട് ഇല്യാസ് അധ്യക്ഷം വഹിച്ച ചടങ്ങിൽ ഹെഡ്മാസ്റ്റർ സിദിൻ മാഷ് സ്വാഗതവും, വാർഡ് കൗൺസിലർ സറീന സുബൈർ, റഫീഖ്, മുഹമ്മദലി എന്നിവർ ആശംസയും അനുഷ ടീച്ചർ നന്ദിയും രേഖപ്പെടുത്തി

എല്ലാവർഷവും നടക്കുന്ന പഠനോത്സവം പരിപാടി കുട്ടികളുടെ ഒരു കൊയ്ത്തുൽസവമാണ്. വിദ്യാർത്ഥികളുടെ മികവുറ്റ പ്രകടനങ്ങൾ കാഴ്ചവെക്കാനുള്ള ഒരു വേദിയാണിത്.

12/3/25 ബുധനാഴ്ച്ച 10.30 ന് ഒന്ന് മുതൽ നാല് വരെ ക്ലാസ്സിൽനിന്നും മുഴുവൻ വിദ്യാർഥികളെയും പങ്കെടുപ്പിച്ചുകൊണ്ട് അവരുടെ നിലവാരത്തിനനുസരിച്ച് പരിപാടികൾ ആസൂത്രണം ചെയ്ത് നടപ്പിലാക്കി. അതിൽ വിദ്യാർത്ഥികളാട ദൃശ്യാവിഷ്കാരങ്ങൾ, പ്രസംഗം, വായനാനുഭവങ്ങൾ, ശാസ്ത്രോത്സവങ്ങൾ, ഗണിതോത്സവങ്ങൾ, ഇംഗ്ലീഷ് ഫെസ്റ്റ്, അറബി ഫെസ്റ്റ്, പതിപ്പുകൾ തുടങ്ങിയ വ്യത്യസ്ത പരിപാടികളാണ് ചെയ്തത്. ഓരോ ക്ലാസിലും ഉദ്ഘാടനം, സ്വാഗതം, നന്ദി എല്ലാം കുട്ടികൾ തന്നെയായിരുന്നു. അങ്ങനെ പഠനോത്സവം അവർ അവരുടെ ഒരുത്സവമാക്കി മാറ്റി.

13/3/25 വ്യാഴാഴ്ച്ച വിദ്യാരംഗം കലാ സാഹിത്യവേദിയുടെ ആഭിമുഖ്യത്തിൽ സർഗോത്സവം 25 പരിപാടി ആരംഭിച്ചു. വിദ്യാർത്ഥികളുടെ സമഗ്ര വളർച്ച ലക്ഷ്യം വെച്ചുള്ള പരിപാടിയിൽ വിവിധ ശിൽപശാലകൾ സംഘടിപ്പിക്കുകയാണ് ലക്ഷ്യം. പരിപാടി അധ്യാപകനും നാടക പ്രവർത്തകനുമായ ശ്രീ പ്രവീൺ കോട്ടക്കൽ ഉഘാടനം ചെയ്തു. ഷരീഫ് മാഷ് അധ്യക്ഷം വഹിച്ച ചടങ്ങിൽ അനുഷ ടീച്ചർ സ്വാഗതവും അശ്വിൻ മാഷ് നന്ദിയും രേഖപ്പെടുത്തി.പാട്ടും അഭിനയവും വ്യത്യസ്ത കളികളുമായി വിദ്യാർത്ഥികൾ മതിമറന്നാസ്വദിച്ചു.

13 / 3 / 25 വ്യാഴാഴ്ച്ച ഉച്ചയ്ക്ക് 2 മണിക്ക് വിദ്യാരംഗം കലാ സാഹിത്യവേദിയുടെ ആഭിമുഖ്യത്തിൽ സർഗോത്സവത്തിൻ്റെ ഭാഗമായുള്ള കഥ കവിത ശിൽപശാല നടന്നു. ദേശീയ അധ്യാപക അവാർഡ് ജേതാവ് ശ്രീ പി.വി മോഹനൻ മണ്ണഴിയാണ് പരിപാടിക്ക് നേതൃത്വം നൽകിയത്. കഥകളും കവിതകളും വിദ്യാർത്ഥികൾ തയ്യാറാക്കി. അവ മാഗസീൻ ആക്കുവാൻ തീരുമാനിച്ചു.

   18/3/25 ന് സർഗോത്സവത്തിൻ്റെ ഭാഗമായി വിദ്യാർത്ഥികൾക്ക് ഒറിഗാമി ശിൽപശാല സംഘടിപ്പിച്ചു. കെ.എം ഷാജി മാസ്റ്ററാണ് പരിപാടിക്ക് നേതൃത്വം നൽകിയത്. മാഷ് കളർ പേപ്പർ കൊണ്ട് വ്യത്യസ്ത തരത്തിലുള്ള ഒറിഗാമി രൂപങ്ങൾ കുട്ടികൾക്ക് പരിശീലനം നൽകി.

24/3/25 തിങ്കളാഴ്ച്ച വിദ്യാരംഗം കലാ സാഹിത്യവേദിയുടെ ആഭിമുഖ്യത്തിൽ സർഗോത്സവത്തിൻ്റെ ഭാഗമായുള്ള ചലച്ചിത്രോത്സവം പരിപാടി നടന്നു. കുട്ടികളുടെ അഞ്ച് കുഞ്ഞു സിനിമകളായ ഇമ്മ്ണി ബല്യാരാൾ, Hope, Vicky, Anthero, Tokri എന്നിവയാണ് കാണിച്ച് കൊടുത്തത്. ഒരു തീയേറ്ററിനെ പോലെ സജ്ജീകരിച്ച ക്ലാസ് റൂമാണ് കുട്ടികൾക്ക് ഒരുക്കിയത്. ഓരോ ഷോട്ട് ഫിലിമും വളരെ കൗതുകത്തോടെയും ആസ്വാദ്യകരവുമായാണ് കുട്ടികൾ വീക്ഷിച്ചത്. ഈ പരിപാടിക്ക് സ്കൂൾ അധ്യാപകനായ ശെരീഫ് മാസ്റ്റർ ഉദ്ഘാടനം ചെയ്തു.