പി.കെ.എം.എം.എച്ച്. എസ്.എസ്. എടരിക്കോട്/എന്റെ ഗ്രാമം

എടരിക്കോട്
എന്റെ നാട് മലപ്പുറം ജില്ലയിലെ എടരിക്കോട് ഗ്രാമമാണ്. ആയുർവേദത്തിന്റെ ഈറ്റില്ലമായ കോട്ടക്കലിനടുത്താണ് ഈ പ്രദേശം. ഗ്രാമത്തിന്റെ മുഖഛായ ഇന്ന് നഷ്ടപ്പെട്ടുകൊണ്ടിരിക്കുകയാണ് എന്ന് പറയാം. ഗൾഫിന്റെ സ്വാധീനം അത്രകണ്ട് ഇവിടെയുണ്ട്. മോടിയുള്ള വീടുകളും കാറുകളും എവിടേയും കാണാം. എന്നാൽ ദാരിദ്ര്യം നിഴലിക്കുന്ന മുഖങ്ങൾ എന്നെ അലോസരപ്പെടുത്താറുണ്ട്. ആരും ഗൗനിക്കാതെ പോവുന്ന അവരെ കൈപിടിച്ചുയർത്താൻ എനിക്കാവുന്നില്ലല്ലോ എന്ന ചിന്ത മാത്രം ബാക്കി. കോൽക്കളിയാണ് സാംസ്കാരികമായി എടരിക്കോടിന്റെ മുഖമുദ്ര. പി.കെ.എം.എം.സ്കൂൾ അതിന് കാരണവും. ഇന്നും എന്റെ സ്കൂൾ ആ പാരമ്പര്യം കാത്തുസൂക്ഷിക്കുന്നു എന്നത് എനിക്ക് അഭിമാനിക്കാവുന്നതാണ്. കോട്ടക്കലിന്റെ ആയുർവേദത്തിന്റെ കാറ്റും മണവും ഇവിടേയും അന്തരീക്ഷത്തെ സുഗന്തപൂരിതമാക്കുന്നുണ്ട്. ഗവ.ആയുർവേദ കോളേജും കേരളത്തിലെ ഏക ആയുർവേദ മെന്റൽ ഹോസ് പിറ്റലും ഈ ഗ്രാമത്തിലാണ്. വിദ്യാഭ്യാസപരമായി പിന്നോക്കം നില്ക്കുന്ന ഇവിടെ എന്റെ വിദ്യാലയം കൂടാതെ പുതുപ്പറമ്പ് സ്കൂളും ഗവ. പോളിടെക് നിക്കും പിന്നോക്കം പരിഹരിക്കാനായി കിണഞ്ഞു ശ്രമിക്കുന്നു. കേരളത്തിലെ മലപ്പുറം ജില്ലയിലെ ഒരു ഗ്രാമീണ തദ്ദേശ സ്ഥാപനമാണ് എടരിക്കോട് ഗ്രാമപഞ്ചായത്ത്. മലപ്പുറം ജില്ലാ പരിഷത്തിൻ്റെ ഭാഗമായ വേങ്ങര പഞ്ചായത്ത് സമിതിയുടെ ഭാഗമാണിത്. സ്ഥാനം മലപ്പുറം ജില്ലയിലെ തിരൂരങ്ങാടി താലൂക്കിലെ ഒരു ഗ്രാമമാണ് എടരിക്കോട് കോട്ടക്കൽ പട്ടണത്തിനടുത്താണ് ഇത് സ്ഥിതി ചെയ്യുന്നത് രൂപീകരണം 2013 ഡിസംബറിലാണ് തെന്നല വില്ലേജ് വിഭജിച്ച് ഇടരിക്കോട് രൂപീകരിച്ചത്

പൊതുസ്ഥാപനങ്ങൾ

• പി. കെ. എം. എച്ച്. എസ്. എസ്. എടരിക്കോട്
• ജി. യു. പി. സ് ക്ലാരി
• പോസ്റ്റ്‌ ഓഫീസ്
• പഞ്ചായത്ത്‌ ഓഫീസ്
• മൃഗാശുപത്രി
• ഗവ ആയുർവേദ കോളേജ്

വിദ്യാഭ്യാസ സ്ഥാപനങ്ങൾ

• പി.കെ.എം.ഏച്ച്.എസ്.എസ്.എടരിക്കോട്
• ഐ.യു.ഏച്ച്.എസ്.എസ്.പറപ്പൂർ
• ജവഹർ നവോദയ വിദ്യാലയം
• ജി.യു.പി.എസ്.ക്ലാരി

എടരിക്കോടും കോൽക്കളിയും

മലപ്പുറം ജില്ലയിലെ എടരിക്കോട് കേരളത്തിന്റെ സാംസ്‌കാരിക ഹൃദയമായി വിശേഷിപ്പിക്കാവുന്നതാണ്.ഇവിടെ മാപ്പിള സമൂഹത്തിന്റെ സമ്പന്നമായ കലാരൂപങ്ങൾ ജീവിതത്തിന്റെ ഭാഗമാണ്.ഇതിൽ പ്രത്യേകമായി എടുത്തുപറയേണ്ട ഒന്നാണ് കോൽക്കളി.കോൽക്കളിയുടെ ഈറ്റില്ലം എന്നു തന്നെ എടരിക്കോടിനെ പറയാം.കോൽക്കളിയിലെ വടക്കൻ വൈമലക്കൂത്ത് എന്ന ശൈലി എടരിക്കോടൻ ശൈലി എന്നാണ് അറിയപ്പെടുന്നത്.ഈ കലാരൂപം എടരിക്കോടിന്റെ ബഹുമുഖപാരമ്പര്യത്തിന് ഒരു മിന്നൽ വിളക്കായി നിലകൊള്ളുന്നു.