"എ.എം.എൽ.പി.എസ്. വില്ലൂർ/പ്രവർത്തനങ്ങൾ/2024-25" എന്ന താളിന്റെ പതിപ്പുകൾ തമ്മിലുള്ള വ്യത്യാസം

നമ്മുടെ പരിസ്ഥിതിയെ സംരക്ഷിക്കുന്നതിനുള്ള അവബോധം വളർത്തുന്നതിനും പ്രോത്സാഹിപ്പിക്കുന്നതിനും ലക്ഷ്യമിട്ടുള്ള ഒരു ആഗോള പരിപാടിയാണ് ലോക പരിസ്ഥിതി ദിനം. എല്ലാ വർഷവും ജൂൺ 5 നാണ് ഇത് നടക്കുന്നത്. കാലാവസ്ഥ വ്യതിയാനം, മലിനീകരണം , വനനശീകരണം, ജൈവ വൈവിധ്യ നഷ്ടം തുടങ്ങിയ പാരിസ്ഥിതിക പ്രശ്നങ്ങളെ കുറിച്ച് ബോധവൽക്കരണം നടത്തുകയാണ് ഈ പരിപാടിയുടെ ലക്ഷ്യം. അതിനാൽ നമ്മൾ മുന്നോട്ട് പോകുമ്പോൾ ലോക പരിസ്ഥിതി ദിനത്തിൻ്റെ പ്രാധാന്യം കൂടുതൽ ആഴത്തിലാക്കുന്നു. 2024 ലെ ലോക പരിസ്ഥിതി ദിനത്തിൻ്റെ തീം "ഭൂമി പുനസ്ഥാപിക്കൽ, മരുഭൂകരണം , വരൾച്ച, പ്രതിരോധം എന്നതാണ്.

            കേവലം ഒരു ദിനം ആഘോഷിക്കേണ്ട പരിപാടിയല്ല പരിസ്ഥിതി ദിനം. 365 ദിവസവും പരിസ്ഥിതി ദിന പരിപാടി നടക്കേണ്ടതുണ്ട്. 5/06/24 ബുധനാഴ്ച്ച സ്കൂളിൽ ഇന്ന് അതിന് തുടക്കം കുറിച്ചു. എന്ത് കൊണ്ട് പ്ലാസ്റ്റിക് ഒഴിവാക്കണം എന്ന ബോധവൽക്കരണ ക്ലാസ് ക്ലാസ്റൂമിൽ നടന്നു. തുടർന്ന് പരിസ്ഥിതി ക്ലബ്ബ് രൂപീകരണം നടന്നു. സെക്രട്ടറിയായി 4 A ക്ലാസിലെ ത്വാഹിർഷയെയും പ്രസിഡൻ്റായി 4B ക്ലാസിലെ റുസ്‌ലയെയും തെരഞ്ഞെടുത്തു. പരിസ്ഥിതി ക്ലബ്ബംഗങ്ങൾ ചേർന്ന് സ്കൂൾ അംഗണത്തിൽ മാവിൻ തൈ , ഡിവിഡിവി തൈ എന്നിവ വെച്ച് പിടിപ്പിച്ചു. ആറ് മാസം നീണ്ട് നിൽക്കുന്ന തൈ നടൽ മത്സരത്തിനും തുടക്കം കുറിച്ചു. പ്ലാസ്റ്റിക് രഹിത മാലിന്യ മുക്ത വിദ്യാലയം എന്നതാണ് ഞങ്ങളുടെ വിദ്യാലയത്തിൻ്റെ കാഴ്ചപ്പാട്.

      ബക്രീദ് പ്രമാണിച്ച് 15.6 . 2024 ശനിയാഴ്ച്ച രക്ഷിതാക്കൾക്കായി മൊഞ്ചുള്ള മൈലാഞ്ചി മത്സരം നടത്തി. രാവിലെ 11 മണിക്ക് മൈലാഞ്ചിയുമായി രക്ഷിതാക്കളെത്തി. "കുഞ്ഞു കൈവെള്ളയിൽ വിരിഞ്ഞ പെരുന്നാൾ പൂക്കൾ " . 13 രക്ഷിതാക്കളാണ് മത്സരത്തിൽ പങ്കെടുത്തത്. ഈ മത്സരത്തിൽ 4B ക്ലാസിൽ പഠിക്കുന്ന മുഹമ്മദ് റിയാൻ്റെ മാതാവ് റുഷ്ദ ഒന്നാം സ്ഥാനവും,UKG A ക്ലാസിൽ പഠിക്കുന്ന ഹസ്സൻ ബഷരിയുടെ മാതാവ് ഖദീജ മിൻഹ രണ്ടാം സ്ഥാനവും,   1B ക്ലാസിൽ പഠിക്കുന്ന ഷസ്ല യുടെ മാതാവ് ആസിഫയും, 1B ക്ലാസിൽ പഠിക്കുന്ന രഹ്നയുടെ മാതാവ് ഫസീലയും മൂന്നാം സ്ഥാനവും കരസ്ഥമാക്കി

       ജൂൺ 19 നാം വായനാദിനമായി ആചരിക്കുന്നു.വായിച്ചു വളരുക ചിന്തിച്ച് വിവേകം നേടുക എന്ന ആശയം നമ്മൾ ഓരോ മലയാളിയുടെയും മനസ്സിലേക്ക് കൊണ്ടുവന്ന [https://ml.wikipedia.org/wiki/%E0%B4%AA%E0%B4%BF.%E0%B4%8E%E0%B5%BB._%E0%B4%AA%E0%B4%A3%E0%B4%BF%E0%B4%95%E0%B5%8D%E0%B4%95%E0%B5%BC പി എൻ പണിക്കരുടെ] ചരമദിനമാണല്ലോ ജൂൺ 19.അദ്ദേഹത്തോടുള്ള ആദരസൂചകമായി നാം ഈ ദിനം [https://ml.wikipedia.org/wiki/%E0%B4%B5%E0%B4%BE%E0%B4%AF%E0%B4%A8%E0%B4%A6%E0%B4%BF%E0%B4%A8%E0%B4%82 വായനാദിനമായി] ആചരിക്കുകയാണ്.കേരളത്തിൽ ജൂൺ 19 മുതൽ 25 വരെയുള്ള ഒരാഴ്ച വായനാവാരമായി ആഘോഷിക്കുന്നു.

        20/6/ 24 ന്    വായനാവാര പ്രവർത്തനങ്ങളുടെ ഭാഗമായി ലൈബ്രറി പ്രവർത്തനങ്ങൾ എങ്ങനെയെന്ന് മനസ്സിലാക്കാനായി വിദ്യാർത്ഥികൾ കോട്ടക്കൽ മുനിസിപ്പാലിറ്റിയിൽ പ്രവർത്തിക്കുന്ന ലൈബ്രറിയിലേക്ക് യാത്ര സംഘടിപ്പിച്ചു.അവിടെയുള്ള പുസ്തകങ്ങൾ,ദിനപത്രങ്ങൾ, ബാല മാസികകൾ,എന്നിവ കാണാനും പരിചയപ്പെടാനും വിദ്യാർഥികൾക്ക് അവസരം ലഭിച്ചു.കോട്ടക്കൽ മുനിസിപ്പാലിറ്റി വൈസ് ചെയർമാൻ മുഹമ്മദ് അലി . സി പരിപാടി ഉദ്ഘാടനം ചെയ്തു.വിദ്യാഭ്യാസ സ്ഥിരം സമിതി ചെയർപേഴ്സൺ പാറോളി റംല ടീച്ചർ ആശംസ അർപ്പിച്ചു.ലൈബ്രറി പ്രവർത്തനങ്ങളെക്കുറിച്ച് ലൈബ്രേറിയൻ അഖിൽദാസ് സംസാരിച്ചു.ടി സി സിദിൻ മാഷ് അധ്യക്ഷൻ വഹിച്ച ചടങ്ങിൽ മുഹമ്മദ് ശരീഫ് സ്വാഗതവും, പി അനുഷ നന്ദിയും, രേഖപ്പെടുത്തി.വിദ്യാരംഗം കൺവീനർ പി അവന്തിക പരിപാടി ഫ്ലാഗ് ഓഫ് ചെയ്തു

             25/ 6/24 ന് വായനാദിനത്തോടനുബന്ധിച്ച് കേരളത്തിലെ പ്രശസ്തരായ സാഹിത്യകാരന്മാരെ വിദ്യാർത്ഥികൾക്ക് മുന്നിൽ അണി നിരത്തി.പതിനഞ്ചോളം സാഹിത്യകാരന്മാരുടെ ചിത്രങ്ങൾ പ്രദർശിപ്പിക്കുകയും,അവരുടെ വിവരണങ്ങളും പുസ്തകങ്ങളും വിദ്യാർത്ഥികൾ പരിചയപ്പെടുത്തുകയുണ്ടായി.

    25/6/24 ന് വിദ്യാരംഗം കലാസാഹിത്യ വേദിയുടെ ആഭിമുഖ്യത്തിൽ വായനാവാര പ്രവർത്തനങ്ങളുടെ ഭാഗമായി ഒന്ന് മുതൽ നാലു വരെയുള്ള ക്ലാസുകളിൽ ശിൽപ്പശാല നടത്തി വായന കാർഡ് തയ്യാറാക്കുകയുണ്ടായി . കുരുന്നുകൾ അക്ഷരം നിരത്തിയപ്പോൾ പിറന്നത് നൂറ് വായനാകാർഡുകളാണ്.വായന പ്രവർത്തനങ്ങളുടെ ഭാഗമായി ഒരു വർഷം നീണ്ടുനിൽക്കുന്ന വിവിധ പരിപാടികളാണ് സ്കൂളിൽ ആസൂത്രണം ചെയ്തിട്ടുള്ളത്.കാർഡ് സ്കൂൾ പ്രധാനാദ്ധ്യാപകൻ ടി സി സിദിൻ മാഷ് പ്രകാശനം ചെയ്തു.മുഹമ്മദ് ശരീഫ് അധ്യക്ഷനായി.പി അനുഷ, അശ്വിൻ സുരേഷ്,പി ഫസീല , എം ഉമ്മു ഹബീബ എന്നിവർ നേതൃത്വം നൽകി

       വിദ്യാർത്ഥികളുടെ സർഗാത്മകശേഷി    വളർത്തുന്നതിനും,പരിപോഷിപ്പിക്കുന്നതിനും ,ഭയരഹിതമായി ആടാനും, പാടാനും,കഥ എഴുതാനും, കവിത എഴുതാനും, അഭിനയിക്കാനും, ഒരുക്കുന്ന വേദിയാണ് വിദ്യാരംഗം കലാസാഹിത്യ വേദി.