"എ എം യു പി എസ് മാക്കൂട്ടം" എന്ന താളിന്റെ പതിപ്പുകൾ തമ്മിലുള്ള വ്യത്യാസം
No edit summary |
|||
| വരി 365: | വരി 365: | ||
===അലിഫ് അറബി ക്ലബ് === | ===അലിഫ് അറബി ക്ലബ് === | ||
സ്കൂള് വര്ഷാരംഭത്തില് ഏഴാം ക്ലാസ് വിദ്യാര്ത്ഥിനിയായ ഫാത്തിമ ഫിസ.എം സെക്രട്ടറിയായി യു.പി തലത്തിലും നാലാം ക്ലാസ് വിദ്യാര്ത്ഥിനിയായ ഫാത്തിമ ഫിദ സെക്രട്ടറിയായി എല്.പി. തലത്തിലും ക്ലബ് രൂപീകരിച്ചു. സ്കൂള് തലത്തില് വിദ്യാര്ത്ഥികളെ കണ്ടെത്തി ഉപജില്ലാ ജില്ലാ - ജില്ലാ മല്സരങ്ങളിലേക്ക് പ്രാപ്തരാക്കുന്നതിന് തുടക്കം കുറിച്ചു. വിദേശ അറബി ആനുകാലികങ്ങള്, ചാര്ട്ടുകള്, അറബിക് റേഡിയോ-ടി.വി പരിപാടികള്, കാര്ട്ടൂണുകള് തുടങ്ങിയവ എെ.സി.ടി സാധ്യതകളുപയോഗിച്ച് കുട്ടികള്ക്ക് ലഭ്യമാക്കുന്നു. ദിനാചരണങ്ങളുടെ അച്ചടിച്ച ബഹുവര്ണ പോസ്റ്ററുകളുടെ പ്രദര്ശനം, അറബിക് കാലിഗ്രാഫി, കൈയ്യെഴുത്ത് മാസികാ നിര്മാണം, അറബിക് ഇസ്ലാമിക് പുരാവസ്തു പ്രദര്ശനം, കൈപ്പുസ്തകങ്ങളുടെ സൗജന്യ വിതരണം തുടങ്ങി വിദ്യാര്ത്ഥികളില് ഭാഷാ നൈപുണി പരിപോഷിക്കുന്നതിനാവശ്യമായ ഒട്ടനവധി പ്രവര്ത്തനങ്ങള് ക്ലബിന് കീഴില് നടത്തുന്നു. | |||
ഉപജില്ലാ തലത്തില് അലിഫ് അറബിക് ക്ലബ് നടത്തിയ പ്രശ്നോത്തരി മല്സരത്തില് എല്. പി. വിഭാഗം ഒന്നാം സ്ഥാനവും യു.പി. വിഭാഗം മൂന്നാം സ്ഥാനവും നേടി. | |||
===സാമൂഹ്യ ശാസ്ത്ര ക്ലബ്=== | ===സാമൂഹ്യ ശാസ്ത്ര ക്ലബ്=== | ||
===ജൂനിയര് റെഡ് ക്രോസ്=== | ===ജൂനിയര് റെഡ് ക്രോസ്=== | ||
15:30, 19 ജനുവരി 2017-നു നിലവിലുണ്ടായിരുന്ന രൂപം
| എ എം യു പി എസ് മാക്കൂട്ടം | |
|---|---|
| വിലാസം | |
ചൂലാംവയല് | |
| സ്ഥാപിതം | 01 - 06 - |
| വിദ്യാഭ്യാസ ഭരണസംവിധാനം | |
| റവന്യൂ ജില്ല | കോഴിക്കോട് |
| വിദ്യാഭ്യാസ ജില്ല | താമരശ്ശേരി |
| സ്കൂൾ ഭരണ വിഭാഗം | |
| മാദ്ധ്യമം | മലയാളം,ഇംഗ്ളീഷ് |
| അവസാനം തിരുത്തിയത് | |
| 19-01-2017 | 47234 |
കോഴിക്കോട് ജില്ലയില് കുന്ദമംഗലം ഗ്രാമപഞ്ചായത്തില് മുറിയനാലിനും പതിമംഗലത്തിനും ഇടയില് ചൂലാംവയല് പ്രദേശത്ത് ദേശീയപാത 212 ന്റെ ഇരുവശങ്ങളിലുമായാണ് കുന്ദമംഗലം വിദ്യാഭ്യാസ ഉപജില്ലയില്പ്പെട്ട മാക്കൂട്ടം എ.എം.യു.പി സ്കൂള് സ്ഥിതി ചെയ്യുന്നത്. 1929 ലാണ് സ്കൂള് ആരംഭിച്ചത്. ഒന്നു മുതല് ഏഴു വരെ ക്ലാസുകളില് മലയാളം, ഇംഗ്ലീഷ് മാധ്യമങ്ങളിലായി 710 വിദ്യാര്ത്ഥികള് പഠനം നടത്തുന്നു. സ്കൂളിനോടനുബന്ധിച്ച് 76 വിദ്യാര്ത്ഥികള് പഠിക്കുന്ന പ്രീ പ്രൈമറിയും പ്രവര്ത്തിക്കുന്നുണ്ട്.
ചരിത്രം
വര്ഷം 1925. സ്വാതന്ത്ര്യ സമരത്തിന്റെ അലയൊലികള് മലബാറില് മുഴങ്ങുന്ന സമയം. സാമ്പത്തികമായും സാമൂഹികമായും വിദ്യാഭ്യാസപരമായും പിന്നണിയില് നില്ക്കുന്ന ജനവിഭാഗം. ബ്രിട്ടീഷുകാരോടുള്ള വിരോധത്തില് ഔപചാരിക വിദ്യാഭ്യാസ രീതികളോട് പൊതുജനം മുഖം തിരിച്ചു നിന്നിരുന്ന ആ നാളുകളിലാണ് ജനാബ് തൊടുകയില് തറുവയ് കുട്ടി ഹാജി സാഹിബും കാക്കാട്ട് അഹമ്മദ് കുട്ടി സാഹിബും ചേര്ന്ന് പ്രദേശത്ത് ഒരു ലോവര് എലിമെന്ററി സ്കൂള് ആരംഭിച്ചത്. കുന്നമംഗലത്ത് ഒരു പീടിക മുറിയിലാണ് വിദ്യാലയം പ്രവര്ത്തിച്ച് തുടങ്ങിയത്. മാക്കൂട്ടം എന്ന പേരിലാണ് കുന്ദമംഗലം ആദ്യകാലത്ത് അറിയപ്പെട്ടിരുന്നത്. മാക്കൂട്ടം പറമ്പ് എന്ന പേരില് ഒരു സ്ഥലം ഇപ്പോഴും കുന്ദമംഗലത്തുണ്ട്. സ്കൂളിന്റെ പേരിന്റെ തുടക്കത്തില് ഇന്നും മാക്കൂട്ടം എന്നു കാണുന്നത് ഇതുകൊണ്ടാണ്. കുന്ദമംഗലം ഗ്രാമപഞ്ചായത്തിലെ 1, 6 വാര്ഡുകള് ഉള്ക്കൊള്ളുന്ന ചൂലാംവയല് എന്ന സ്ഥലത്താണ് മാക്കൂട്ടം എ.എം.യു.പി. സ്കൂള് ഇപ്പോള് സ്ഥിതി ചെയ്യുന്നത്.
1925 ല് സ്കൂള് പ്രവര്ത്തിച്ച് തുടങ്ങിയെങ്കിലും ഔദ്യാേഗിക അംഗീകാരം ലഭിച്ചത് 1929 ലാണ് (അംഗീകാര നമ്പര് 3(56) ഡി 05.10.1929). 1932 ല് അഞ്ചാം തരവും കൂടി അനുവദിച്ചു കിട്ടി (14(52) ഡി തിയ്യതി 29.09.1932 ). അതോടെ ഇതൊരു പൂര്ണ ലോവര് എലിമെന്ററി സ്കൂളായി മാറി. സ്കൂളില് അക്കാലയളവില് രാവിലെ മത പഠനവും നടത്തിരുന്നു. സ്ത്രീകള്ക്ക് വിദ്യാഭ്യാസം നല്കുന്ന കാര്യത്തില് സമൂഹം ഏറെ പിന്നില് നിന്നിരുന്ന അക്കാലത്ത് പെണ്കുട്ടികള് ഭൂരിപക്ഷവും മൂന്നാം ക്ലാസ് വരെ മാത്രമേ പഠിച്ചിരുന്നുള്ളൂ. പ്രദേശത്തെ സ്ത്രീ വിദ്യാഭ്യാസനിലവാരം ഉയര്ത്തിക്കൊണ്ടുവരുന്നതില് സ്കുൂള് വഹിച്ച പങ്ക് വളരെ വലുതാണ്.
കൂട്ടു മാനേജ്മെന്റ് പാടില്ല എന്ന സര്ക്കാര് ഉത്തരവനുസരിച്ച് ജനാബ് തറുവയ്ക്കുട്ടി ഹാജി കെട്ടിടമുടമയും ജനാബ് അഹമ്മദ് കുട്ടി സാഹിബ് മാനേജ്മെന്റും കറസ്പോണ്ടന്റുമായി മാറുകയായിരുന്നു. 1952 ല് അഹമ്മദ് കുട്ടി സാഹിബ് തന്റെ അവകാശം തറുവയ്ക്കുട്ടി ഹാജിയുടെ മകന് തൊടുകയില് ഇസ്മായില് കുട്ടി ഹാജിക്ക് നല്കി. തുടര്ന്നുള്ള 22 വര്ഷക്കാലം ജനാബ് ഇസ്മായില് കുട്ടി ഹാജി മാനേജറായി തുടര്ന്നു. അദ്ദേഹത്തിന്റെ കാലത്ത് ഒാലയും മുളയും കൊണ്ടുള്ള പഴയ കെട്ടിടത്തിന് പകരം ഒാട് മേഞ്ഞു. ഒാടു മേഞ്ഞ പുതിയ കെട്ടിടങ്ങള് നിര്മ്മിക്കുകയും സ്കൂളിലേക്കാവശ്യമായ പുതിയ ഫര്ണിച്ചറുകള് ലഭ്യമാക്കുകയും ചെയ്തു. 1975 ല് ഇസ്മായില് കുട്ടി ഹാജി അന്തരിച്ചപ്പോള് ഭാര്യ പി. കദീശ മാനേജറായി ചുമതലയേറ്റു. അവരുടെ മരണാനന്തരം സ്കൂളിന്റെ ഭരണച്ചുമതല ടി.എെ. കുട്ടി ഹാജി മെമ്മോറിയല് എജ്യുക്കേഷണല് ട്രസ്റ്റിന്റെ കീഴിലാക്കി. ടി.എെ.കുട്ടി ഹാജിയുടെ മകള് വി.പി. പാത്തുമ്മ ആണ് ഇപ്പോഴത്തെ മാനേജര്.
1961 ല് സര്ക്കാര് ഉത്തരവ് പ്രകാരം 5 -ാംക്ലാസ് പിന്വലിക്കപ്പെട്ടു. സ്കൂള് അപ്ഗ്രേഡ് ചെയ്യുകയെന്നത് നാട്ടുകാരുടെ ചിരകാലാഭിലാഷമായിരുന്നു. ഈ കാര്യത്തിന്നായി അന്നത്തെ അധ്യാപക രക്ഷാകര്തൃ സമിതിയും പൗരമുഖ്യരും മാനേജര് ഇസ്മായില് കുട്ടി ഹാജിയെ സമീപിച്ചപ്പോള് അദ്ദേഹം സസന്തോഷം സമ്മതിക്കുകയും സര്ക്കാരിലേക്ക് നിവേദനം സമര്പ്പിക്കുകയും ചെയ്തു. തത്ഫലമായി 1976 ല് സ്കൂള് അപ്ഗ്രേഡ് ചെയ്തു.
1975-76 ല് എല്.പി സ്കൂളായിരുന്നപ്പോള് 13 അധ്യാപകരും 447 വിദ്യാര്ത്ഥികളും ഉണ്ടായിരുന്നു. അപ്ഗ്രേഡ് ചെയ്തപ്പോള് 19 ഡിവിഷനുകളിലായി 761 വിദ്യാര്ത്ഥികള്, 24 അധ്യാപകര്, ഒരു പ്യൂണ് ഉണ്ടായിരുന്നു. 1977 ല് വിദ്യാലയം പൂര്ണ യു.പി സ്കൂളായി മാറിയെങ്കിലും സ്ഥിരാംഗീകാരം ലഭിച്ചത് 1985 ലാണ് (കെ.ഡി.സ്. 10903/85 തിയ്യതി 14.09.1985 ഡി.ഇ.ഒ).
1979 മാര്ച്ച് 23,24,25 തിയ്യതികളില് സ്കൂളിന്റെ സുവര്ണ ജൂബിലി വിപുലമായ പരിപാടികളോടെ ആഘോഷിക്കുകയുണ്ടായി. 2003 സെപ്റ്റംബര് 27 ന് സ്കൂളിന്റെ പ്ലാറ്റിനം ജൂബിലിയുടെ ഒൗപചാരികമായി ഉത്ഘാടനം നിര്വ്വഹിക്കപ്പെടുകയുണ്ടായി. 2004 മാര്ച്ച് 23,24 25 തിയ്യതികളില് പ്ലാറ്റിനം ജൂബിലിയുടെ സമാപനം വൈവിധ്യമാര്ന്ന പരിപാടികളോടെ ആഘോഷിച്ചു.
1929 ല് കീക്കോത്ത്കൃഷ്ണന് നായരായിരുന്ന ഹെഡ്മാസ്റ്റര്. സ്കൂളിന്റെ 88 വര്ഷത്തെ ചരിത്രത്തിനിടയില് പ്രഗല്ഭരും സേവനതത്പരരുമായ നൂറോളം അധ്യാപകര് ഇവിടെ സേവനമനുഷ്ഠിച്ചിട്ടുണ്ട്. എന്.ചന്തു, എ.സി. അയമ്മദ് കുട്ടി, എ. ഗംഗാധരന് നായര്, എ. മൊയ്തീന്, എം. അബൂബക്കര്, ഇ. ഉഷ എന്നിവരായിരുന്നു സ്കൂളിലെ പ്രധാനാധ്യാപകര്. എ.പി ഇമ്പിച്ചിക്കോയ മുസ് ലിയാര്, ചെറിയാമ്പ്ര തടായില് ആലി മൊല്ല, മാധവന് നായര്, വി. ഖദീജ, കെ.രാഘവന് നായര്, എം. പെരവന്, ഒ.കെ.ഐ. പണിക്കര്, കെ.പി. മുഹമ്മദ് മുന്ഷി, കെ.പി. ചെറുണ്ണിക്കുട്ടി, പി. അസൈനാര്,കെ. മമ്മിക്കുട്ടി, പി.സി. മൂസ്സ, എം. മമ്മദ്, എം. കെ. കല്ല്യാണിക്കുട്ടി, ആര്. ആനന്ദവല്ലി അമ്മ, വി. ആര്. ശാന്തകുമാരി, പി.ടി. മാളു, വി. മുഹമ്മദ്, പി.കെ. സുലൈമാന്, എന്. ഖാദര്, ആലീസ് തോമസ്, സി.എ. ശാന്തമ്മ, പി.കെ. മുഹമൂദ്(പ്യൂണ്), എന്.ശശീന്ദ്രന്, എ.കെ. ആയിഷ എന്നിവര് ദീര്ഘകാല സേവനത്തിന് ശേഷം ഇവിടെ നിന്ന് വിരമിച്ചവരാണ്. താത്കാലികമായി ജോലി ചെയ്ത മറ്റ് നിരവധി അധ്യാപകരുടെ സേവനവും വിദ്യാലയത്തിന് ലഭ്യമായിട്ടുണ്ട്.
വി. കോയാമു സാഹിബ്, സി.വി. മൊയ്തീന് ഹാജി, എ.സി. അയമ്മദ് കുട്ടി സാഹിബ്, എ.പി. കുഞ്ഞായിന്, ടി. ഉസ്സയിന് ഹാജി, എ.ടി. അഹമ്മദ് കുട്ടി, കെ.സി. രാജന്, ടി. കോയ തുടങ്ങിയവര് ഈ വിദ്യാലയത്തിന്റെ പി.ടി.എ പ്രസിഡണ്ടുമാരായി നേതൃത്വപരമായ പങ്കുവഹിച്ചവരാണ്.
ഈ ചരിത്രം തയ്യാറാക്കുന്നതിന് സ്കൂള് രേഖകള്ക്ക് പുറമേ മുന് ഹെഡ്മാസ്റ്റര്മാരും അധ്യാപകരും പൂര്വ വിദ്യാര്ത്ഥികളും നാട്ടുകാരുമായ ഒട്ടനവധി പേരോട് കടപ്പെട്ടിരിക്കുന്നു.
ആദ്യത്തെ വിദ്യാര്ത്ഥികള്
സ്കൂള് പ്രവേശന രജിസ്റ്റര് പ്രകാരം ആദ്യവിദ്യാര്ത്ഥിയായ പുല്പ്പറമ്പില് മൊയ്തീന്, ഏഴാം നമ്പര് വിദ്യാര്ത്ഥിയായ എടമ്പോട്ടുമണ്ണില് ആലി, ഒന്പതാം നമ്പര് വിദ്യാര്ത്ഥിയായ പി.കെ. കുഞ്ഞഹമ്മദ് ഹാജി എന്നിവര് തങ്ങളുടെ വിദ്യാലയാനുഭവങ്ങള് 2004 ല് സ്കൂളുമായി പങ്കുവെച്ചിരുന്നത് താഴെ കൊടുക്കുന്നു.
പുല്പ്പറമ്പില് മൊയ്തീന് ( ജനനം 01.09.1917)
പി.കെ. കുഞ്ഞഹമ്മദ് ഹാജി, കണയങ്ങോട്ട് പാത്തുമ്മ, കളച്ചിപ്പറമ്പില് കൗസ്സെ എന്നിവരായിരുന്നു സഹപാഠികള്. മൂന്നാം ക്ലാസ് വരെ കുന്ദമംഗലത്ത് പീടികമുറിയിലായിരുന്നു സ്കൂള്. മണലില് കൈവിരല് കൊണ്ട് എഴുതിയാണ് കണക്ക് പഠിച്ചിരുന്നത്. ശിശുപാഠം എന്ന പുസ്തകം പഠിച്ചത് ഒാര്മയുണ്ട്. ഹാജര് സംവിധാനം ഇല്ല. ഇന്സ്പെക്ടര് വന്ന് പരീക്ഷ നടത്തും. മാവിന്റെ പലകയില് ചീടിമണ്ണു കൊണ്ട് എഴുതുന്നതും അതില് ചെമ്പരത്തിപ്പൂവ് കൊണ്ട് മായ്ക്കുന്നതും ഒാര്മയുണ്ട്. ഉച്ച വരെയേ ക്ലാസ് ഉണ്ടായിരുന്നുള്ളൂ. പെണ്കുട്ടികള് ചുവപ്പ് നിറത്തിലുള്ള മദ്രാസി കിണ്ടന് എന്ന വസ്ത്രം ധരിക്കും. അധ്യാപകര്ക്ക് പലകയായിരുന്നു ഇരിപ്പിടം.
എടമ്പോട്ടുമണ്ണില് ആലി (ജനനം 04.06.1911)
ഒാത്തുപള്ളിയിലായിരുന്നു തുടക്കം. ബിച്ചിക്കോയ മുസ് ലിയാരായിരുന്നു ഉസ്താദ്. ഒാല മേഞ്ഞ് കെട്ടിയ ഷെഡിലായിരുന്നു ഒാത്തുപള്ളി. രണ്ട് കാശിക്ക് ഒരു പത്തിരി വാങ്ങിയത് ഒാര്മയുണ്ട്. ഒാത്തുപള്ളിക്ക് ശേഷം സ്കൂളില് പോയിത്തുടങ്ങി. പഠനത്തില് മുന്നിലായിരുന്നുവെങ്കിലും കുടംബം പുലര്ത്തേണ്ടതുകൊണ്ട് അധ്വാനിക്കാനിറങ്ങി. പിന്നീട് പഠനവും തൊഴിലും ഒരുമിച്ചുകൊണ്ടുപോയി. ഇന്നത്തെപ്പോലെ ടോര്ച്ചും വൈദ്യുതിയുമൊന്നുമുണ്ടായിരുന്നില്ല. സ്കൂളില് പോകാന് രാത്രിയില് ചൂട്ട് വിറ്റ് പണമുണ്ടാക്കി. ഒരു ചൂട്ടിന് ഒരു കാശി വില കിട്ടും.
പി.കെ കുഞ്ഞഹമ്മദ് ഹാജി (ജനനം 01.06.1913)
ചീടികൊണ്ടുണ്ടാക്കിയ സ്ലേറ്റുമായി ഉമ്മയുടെ കൈയും പിടിച്ച് ആദ്യമായി സ്കൂളിലേക്ക് പോയ രംഗം ഒാര്മയുണ്ട്. ഉമ്മയുടെ കൈയില് സ്കൂളില് കൊടുക്കാനുള്ള പലഹാരപ്പൊതിയും ഉണ്ടായിരുന്നു. സ്കൂളില് അക്കാലത്ത് നിലത്തിരുന്നാണ് പഠിച്ചിരുന്നത്. സ്കൂളില് അക്കാലത്ത് മുസ്ലീം പെണ്കുട്ടികള് പഠിച്ചിരുന്നില്ല.
ലോകപ്രശസ്തനായ പൂര്വ വിദ്യാര്ത്ഥി
തന്റെ പേര് കൊണ്ട് ആമസോണ് നദിയുടെ ഭൂഗര്ഭ നദി നാമകരണം ചെയ്യപ്പെട്ട് പ്രശസ്തിയുടെ കൊടുമുടികള് താണ്ടിയ പൂര്വ്വ വിദ്യാര്ത്ഥി ലോക പ്രശ്സ്ത ഭൂഗര്ഭ ശാസ്ത്രജ്ഞന് ഡോ.വലിയ മണ്ണത്താള് ഹംസ, ഇപ്പോള് ബ്രസീലിലെ റിയോഡി ജനീറയിലുള്ള നാഷണല് ഒബ്സര്വേറ്ററിയില് ഇമെരിറ്റ്സ് പ്രൊഫസറാണ്. സ്കൂളിള് ഒാരോ അധ്യയന വര്ഷവും ഏറ്റവും മികച്ച വിദ്യാര്ത്ഥികള്ക്ക് അദ്ദേഹം തന്റെ സ്കൂള് സന്ദര്ശനവേളയില് പ്രഖ്യാപിച്ച റിയോ ഹംസ എക്സലന്സ് അവാര്ഡ് വര്ഷം തോറും നല്കി വരുന്നു.
വിദ്യാലയ കാഴ്ചപ്പാട്
അനുഭവങ്ങളുടെ വൈവിധ്യം നിറച്ചാര്ന്ന് പകര്ന്ന് ഉപരിപഠനത്തിന് അടിത്തറയാകേണ്ട പൂങ്കാവനമായിരിക്കണം പ്രൈമറി വിദ്യാലയം. പാഠപുസ്തകത്തോടൊപ്പം പൂരകമാവേണ്ടവയാണ് സര്ഗവാസനകളും. എഴുതാനും വരക്കാനും പാടാനും ആടാനും നിരീക്ഷിക്കാനും ആവിഷ്കരിക്കാനും ചോദ്യങ്ങള് ചോദിക്കാനും വിദ്യാര്ത്ഥി നിപുണനാവുന്നത് ഈയൊരു പശ്ചാത്തലത്തിലാണ്. അറിവിന്റെ പ്രയോഗത്തിനും ആരോഗ്യകരമായ മനോഭാവ രൂപീകരണത്തിനും ഉത്തേജകമാവുന്നു വൈവിധ്യമാര്ന്ന വിദ്യാലയാനുഭവങ്ങള്. അക്കാദമിക് മികവിന്റെ പരമോന്നതി പാഠ്യ സഹപാഠ്യ പ്രവര്ത്തനങ്ങളുടെ വിജയകരമായ വിളക്കിച്ചേര്ക്കലിലൂടെ മാത്രമേ സാധ്യമാവുകയുള്ളൂവെന്ന് മാക്കൂട്ടം വിശ്വസിക്കുന്നു.
നൂറ്റാണ്ടിലേക്ക് നടന്നടുക്കുന്ന മാക്കൂട്ടം എ.എം.എല്. പി &യു.പി സ്കൂള് ഈയൊരു കാഴ്ചപ്പാടിലാണ് ഒാരോ വിദ്യാലയ പ്രവര്ത്തനങ്ങളും ക്രമീകരിച്ചിരിക്കുന്നത്. ദൈനം ദിന ക്ലാസ് റൂം പ്രവര്ത്തനങ്ങളോടൊപ്പം കലാ കായിക മേളകള്, ശാസ്ത്ര-ഗണിതശാസ്ത്ര-സാമൂഹികശാസ്ത്ര-പ്രവൃത്തി പരിചയ-ഐ.ടി മേളകള്, ക്വിസ് മല്സരം, ദിനാചരണം, ഒാണം-ക്രിസ്തുമസ്-ഈദ് ആഘോഷങ്ങളോടനുബന്ധിച്ചുള്ള മല്സരങ്ങള്, പഠനക്യാമ്പ്, ഫീല്ഡ് ട്രിപ്പ്, തനതു പ്രവര്ത്തനം, പരിഹാരബോധനം, സ്കൂള് സ്പോര്ട്സ് & ഗെയിംസ്, വാര്ഷികാഘോഷം തുടങ്ങിയവയിലൂടെ സമ്പന്നമായ അനുഭവങ്ങള് പ്രദാനം ചെയ്തതുകൊണ്ടാണ് ജില്ലയിലെ മികച്ച വിദ്യാലയങ്ങളിലൊന്നാവാന് സ്കൂളിന് കഴിഞ്ഞത്.
സമൂഹത്തിന്റെ അരിച്ചെടുക്കപ്പെടാത്ത പരിച്ഛേദമായ പൊതുവിദ്യാലയത്തില് രൂപപ്പെടുന്ന വൈവിധ്യമാര്ന്ന ഇത്തരം കൂട്ടായ്മകളിലൂടെ അറിഞ്ഞും തിരിച്ചറിഞ്ഞും കൊണ്ടും കൊടുത്തുമുള്ള പങ്കുവെക്കലിലൂടെയാണ് പഠനം നിര്വഹിക്കപ്പെടേണ്ടത് എന്നും കേവലമായി അറിവിനും പുറം കാഴ്ചകള്ക്കുമപ്പുറം തിരിച്ചറിവിനും ഉള്ക്കാഴ്ചക്കുമാണ് പ്രാധാന്യം നല്കപ്പെടേണ്ടത് എന്നതും സാക്ഷ്യപ്പെടുത്തുന്നതാണ് മാക്കൂട്ടത്തിലെ മികവിന്റെ ഒാരോ മുദ്രകളും.
ഭൗതികസൗകര്യങ്ങൾ
റോഡിന്റെ ഇരുവശങ്ങളിലായുള്ള 1.5 ഏക്ര സ്ഥലത്തെ ആറ് കെട്ടിടങ്ങളില് 23 ഡിവിഷനുകളിലായാണ് ഒന്നു മുതല് ഏഴു വരെ ക്ലാസുകള് പ്രവര്ത്തിക്കുന്നത്. എട്ട് ക്ലാസ് മുറികള് ഉള്ക്കൊള്ളുന്ന രണ്ട് കെട്ടിടങ്ങള് കോണ്ക്രീറ്റ് മേല്ക്കൂരയുള്ളതും ബാക്കിയുള്ളവ ഒാടു മേഞ്ഞതുമാണ്. വിശാലമായ രണ്ട് കളിസ്ഥലങ്ങള്, ഒരു സ്റ്റേജ്, മൂന്ന് ശുചിമുറി കെട്ടിടങ്ങള്, ഒരു പാചകപ്പുര, അനുബന്ധമായുള്ള വിറകുപുര, ബയോഗ്യാസ് പ്ലാന്റ്, ഉച്ചഭക്ഷണ സാധനങ്ങള്ക്കുള്ള ഒരു സൂക്ഷിപ്പ് മുറി, കുടിവെള്ള സംവിധാനം, രണ്ട് സ്റ്റാഫ് മുറികള്, ഒരു ഒാഫീസ് മുറി, അഞ്ച് കമ്പ്യൂട്ടറുകളുള്ള ബ്രോഡ്ബാന്റ് ഇന്റര്നെറ്റ് സൗകര്യത്തോടെയുള്ള ലാബ് എന്നിവ സ്കൂളിലുണ്ട്. രണ്ട് എല്.സി.ഡി പ്രൊജക്ടറുകള്, ഒരു ടെലിവിഷന്, സയന്സ് ലാബ്, ലൈബ്രറി എന്നിവയുമുണ്ട്. വിദ്യാര്ത്ഥികളുടെ യാത്രാസൗകര്യത്തന് വേണ്ടി രണ്ട് സ്കൂള് ബസുകള് നിലവിലുണ്ട്.
ഈ വര്ഷത്തെ മികവുകൾ
പാഠ്യ-സഹപാഠ്യ മേഖലകളില് ഒാരോ വര്ഷവും മികവ് നിലനിര്ത്തുന്ന വിദ്യാലയമാണ് മാക്കൂട്ടം എ.എം.യു.പി. സ്കൂള്. സബ് ജില്ലാ തലത്തില് 2016-2017 അധ്യയന വര്ഷത്തെ സുപ്രധാന മികവുകള് താഴെ കൊടുക്കുന്നു.
1. ചാത്തമംഗലം ആര്.ഇ.സി. ജി.വി.എച്ച്. എസ്.എസില് നടന്ന കുന്നമംഗലം ഉപജില്ലാ ഗണിതശാസ്ത്രമേള യു.പി വിഭാഗത്തില് തുടര്ച്ചയായി ആറാം തവണയും ഒാവറോള് ചാമ്പ്യന്ഷിപ്പ്.
2. ഉപജില്ലാ ഗണിതശാസ്ത്രമേള എല്. പി വിഭാഗത്തില് തുടര്ച്ചയായി ആറാം തവണയും ഒാവറോള് ചാമ്പ്യന്ഷിപ്പ്
3. ഉപജില്ലാ പ്രവൃത്തി പരിചയമേള യു.പി വിഭാഗം ഒാവറോള് ചാമ്പ്യന്ഷിപ്പ്.
4. ഉപജില്ലാ പ്രവൃത്തി പരിചയമേള എല്.പി വിഭാഗം ഒാവറോള് ചാമ്പ്യന്ഷിപ്പ്.
5.ഉപജില്ലാ അറബിക് കലോല്സവം യു.പി വിഭാഗത്തില് തുടര്ച്ചയായി പതിനാറാം തവണയും ഒാവറോള് ചാമ്പ്യന്ഷിപ്പ്.
5. ഉപജില്ലാ അറബിക് കലോല്സവം എല്. പി വിഭാഗത്തില് തുടര്ച്ചയായി പതിനാറാം തവണയുംഒാവറോള് ചാമ്പ്യന്ഷിപ്പ്.
6. ജെ.ഡി.ടി. എച്ച്.എസ്. എസില് നടന്ന കലാമേള അറബിക് കലോല്സവത്തില് ജില്ലയിലെ രണ്ടാം സ്ഥാനം.
7. കുന്ദമംഗലം ഗ്രാമപഞ്ചായത്ത്, മുഹമ്മദന്സ് ആര്ട്സ് & സ്പാേര്ട്സ് ക്ലബ് എന്നിവയുടെ സംയുക്താഭിമുഖ്യത്തില് നടത്തിയ കുന്ദമംഗലം പഞ്ചായത്ത് തല ഫുട്ബോള് മല്സരത്തില്
യു.പി വിഭാഗം ചാമ്പ്യന്ഷിപ്പ്. എല്. പി വിഭാഗത്തില് റണ്ണര് അപ്പ്.
8. അലിഫ് അറബിക് ക്ലബ് കുന്ദമംഗലം ഉപജില്ലാടിസ്ഥാനത്തില് നടത്തിയ ടാലന്റ് സേര്ച്ച് മല്സരത്തില് എല്.പി വിഭാഗത്തില് ഒന്നാം സ്ഥാനവുംയു.പി വിഭാഗത്തില് മൂന്നാം സ്ഥാനവുംലഭിച്ചു.
ഈ വര്ഷത്തെ പ്രധാന പ്രവര്ത്തനങ്ങള്
- 01.06.2016 കുന്ദമംഗലം പഞ്ചായത്ത് തല പ്രവേശനോല്സവം ജൂണ് ഒന്നിന് ഗ്രാമപഞ്ചായത്ത് പ്രസിഡണ്ട് ടി.കെ സീനത്ത് ഉല്ഘാടനം ചെയ്തു.
- 06.06.2016 വനം വകുപ്പ് നല്കിയ വൃക്ഷത്തൈ വിതരണം ജൂണ് ആറിന് ഗ്രാമപഞ്ചായത്തംഗം ശ്രീബ ഉദ്ഘാടനം ചെയ്തു.
- 17.06.2016 വായനാവാരത്തോടനുബന്ധിച്ച് ഡി.സി ബുക്സ്, ബുക്മാര്ക് എന്നിവയുമായി സഹകരിച്ച് പുസ്തകച്ചന്ത സംഘടിപ്പിച്ചു. ഗ്രാമ പഞ്ചായത്ത് അംഗങ്ങളായ എ.കെ ഷൗക്കത്ത്, ശ്രീബ, കുന്ദമംഗലം ഉപജില്ലാ വിദ്യാഭ്യാസ ഒാഫീസര്, ബി.പി.ഒ എന്നിവര് സംബന്ധിച്ചു.
- 22.06.2016 പൊതു തെരഞ്ഞെടുപ്പ് മാതൃകയില് സ്കൂള് പാര്ലമെന്റ് തെരഞ്ഞെടുപ്പ് നടന്നു.
13.07.2016ന് സ്കൂള് പാര്ലമെന്റിലേക്ക് തെരഞ്ഞെടുക്കപ്പെട്ടവരുടെ സത്യപ്രതിജ്ഞാ ചടങ്ങ് നടന്നു.
- 12.07.2016 2016-17 വര്ഷത്തേക്കുള്ള പി.ടി.എ കമ്മറ്റി തെരഞ്ഞെടുപ്പിന് വേണ്ടിയുള്ള വാര്ഷിക ജനറല് ബോഡി യോഗം.
- 21.07.2016 ചാന്ദ്രദിനത്തോടനുബന്ധിച്ച് സയന്സ് ക്ലബ് ആഭിമുഖ്യത്തില് ക്വിസ് മല്സരം, ചാര്ട്ട് പ്രദര്ശനം, പ്രസംഗ മല്സരം, സ്കൂള് റേഡിയോ പ്രക്ഷേപണം. മാതൃസമിതി സ്കൂള് തല കമ്മറ്റി രൂപീകരണം.
- 26.07.2016 കുന്ദമംഗലം ബി.ആര്.സി ആഭിമുഖ്യത്തില് നടത്തിയ നേത്രപരിശോധനാ ക്യാമ്പില് 30 വിദ്യാര്ത്ഥികള് പങ്കെടുത്തു.
- 06.08.2016 ഹിരോഷിമ നാഗസാക്കി ദിനത്തോടനുബന്ധിച്ച് സാമൂഹ്യശാസ്ത്രക്ലബിന്റെ ആഭിമുഖ്യത്തില് പ്രസംഗ മല്സരം, ചാര്ട്ട് നിര്മാണം, സഡാക്കോ കൊക്ക് നിര്മ്മാണം എന്നിവ സംഘടിപ്പിച്ചു.
- 10.08.2016 ദേശീയ വിര നിര്മാര്ജ്ജന ദിനത്തില് ഒന്നു മുതല് ഏഴു വരെ ക്ലാസുകളിലെ വിദ്യാര്ത്ഥികള്ക്ക് ഗുളികകള് നല്കി.
- 15.08.2016 സ്വാതന്ത്ര്യദിനാഘോഷം വിപുലമായി ആഘോഷിച്ചു. കലാപരിപാടികള്, ജെ.ആര്.സി, സ്കൗ്ട്ട് ഡിസ്പ്ലേ, സ്വാതന്ത്ര്യസമര ചരിത്ര ക്വിസ്, പായസവിതരണം, സമ്മാനദാനം എന്നിവ സംഘടിപ്പിച്ചു.
- 05.09.2016 അധ്യാപക ദിനാഘോഷ പരിപാടികള്. ജീവിത ശൈലി എന്ന വിഷയത്തില് നടന്ന സെമിനാര് പൂര്വ അധ്യാപകന് എന്. ഖാദര് മാസ്റ്റര് ഉദ്ഘാടനം ചെയ്തു.
- 09.09.2016 ഒാണാഘോഷ പരിപാടികള് രാവിലെ ആരംഭിച്ചു. ക്ലാസ് തല പൂക്കള മല്സരം, ഒാണസദ്യ, മാവേലി വരവ്, ഉറിയടി, കമ്പവലി എന്നിവ നടത്തി. ഗ്രാമപഞ്ചായത്ത് സാരഥികള്, ഉപജില്ലാ വിദ്യാഭ്യാസ ഒാഫീസ് പ്രധിനിധികള്, നാട്ടുകാര്, പൂര്വ വിദ്യാര്ത്ഥികള്, രക്ഷിതാക്കള് തുടങ്ങിയവര് പങ്കെടുത്തു.
- 26.09.2016 താമരശ്ശേരി കക്കാട് വനത്തില് വനം വകുപ്പ് സംഘടിപ്പിച്ച ഏകദിന പരിസ്ഥിതി പഠന ക്യാമ്പില് 43 വിദ്യാര്ത്ഥികളും 3 അധ്യാപകരും പങ്കെടുത്തു. സ്കൂള് തല പരിഹാര ബോധന ക്ലാസുകള്ക്ക് തുടക്കം കുറിച്ചു.
- 03.10.2016 ഗാന്ധിജയന്തിയോടനുബന്ധിച്ച് അസംബ്ലി, പ്രതിജ്ഞ, ശുചീകരണം എന്നിവ നടത്തി.
- 15.10.2016 സബ്ജില്ലാ സ്പോര്ട്സ് മല്സരങ്ങളിലേക്കുള്ള സ്കോഡ് തല തെരഞ്ഞടുപ്പ്.
- 18.10.2016 കേരളാ വനം വകുപ്പ് ഈങ്ങാപ്പുഴ വനപര്വ്വത്തില് നടത്തിയ ഏകദിന പരിസ്ഥിതി പഠന ക്യാമ്പില് 43 വിദ്യാര്ത്ഥികളും 3 അധ്യാപകരും പങ്കെടുത്തു.
- 27.10.2016 മുതല് 28.10.2016 വരെ ആര്.ഇ.സി.ജി.വി.എച്ച്.എസ്.എസില് നടന്ന ഉപജില്ലാ ശാസ്ത്ര-ഗണിതശാസ്ത്ര-പ്രവൃത്തിപരിചയ-സാമൂഹ്യശാസ്ത്ര-എെ.ടി മേളയിലെ എല്ലാ ഇനത്തിലും പങ്കെടുത്തു.
- 01.11.2016 കേരളപ്പിറവി ദിനത്തില് അസംബ്ലി, സന്ദേശം, ക്വിസ് മല്സരം, പ്രതിജ്ഞ എന്നിവ സംഘടിപ്പിച്ചു.
- 03.11.2016 മുതല് 05.11.2016 വരെ പയമ്പ്ര ജി.വി.എച്ച്.എസ്.എസില് നടന്ന ഉപജില്ലാ സ്പോര്ട്സ് മല്സരത്തില് പങ്കെടുത്തു.
- 07.11.2016 ഉപജില്ലാ മേളകളിലെ വിജയികള്ക്ക് സര്ട്ടിഫിക്കറ്റുകളും പാരിതോഷികങ്ങളും സ്കൂള് അസംബ്ലിയില് വെച്ച് വിതരണം ചെയ്തു.
- 11.11.2016 മുതല് 13.11.2016 വരെ പറമ്പില്ക്കടവ് എം.എ.എം.യു.പി സ്കൂളില് നടന്ന ഭാരത് സ്കുൗട്സ് പെട്രോള് ലീഡേര്സ് ക്യാമ്പില് 13 വിദ്യാര്ത്ഥികള് പങ്കെടുത്തു.
- 14.11.2016 മടപ്പള്ളി ഗവ.ബോയ്സ് & ഗേള്സ് സ്കൂളില് നടന്ന ജില്ലാ ഗണിതശാസ്ത്രമേള, ശാസ്ത്രോല്സവം എന്നിവയില് പങ്കെടുത്തു.
- 15.11.2016 മടപ്പള്ളിയില് നടന്ന എല്. പി വിഭാഗം ഗണിതമേള, സയന്സ് മേള എന്നിവയില് പങ്കെടുത്തു.
- 16.11.2016 മടപ്പള്ളി ഗവ. ഹയര്സെക്കന്ററിയില് നടന്ന എല്.പി, യു.പി വിഭാഗം പ്രവൃത്തിപരിചയ മേളയില് പങ്കെടുത്തു.
- 24.11.2016 മുതല് 26.11.2016 വരെ കുന്ദമംഗലം ഹയര് സെക്കണ്ടറി സ്കൂളില് നടന്ന ഉപജില്ലാ സ്കൂള് മേളയില് എല്ലാ ഇനങ്ങളിലും പങ്കെടുത്തു.
- 08.12.2016 ഹരിത കേരളം പദ്ധതിയുമായി ബന്ധപ്പെട്ട് പ്രത്യേക അസംബ്ലി ചേര്ന്നു.
- 23.12.2016 ഒന്ന്, രണ്ട് ക്ലാസ് വിദ്യാര്ത്ഥികള്ക്ക് വേണ്ടി കോഴിക്കോട് ഭാഗത്തേക്ക് ഏകദിന പഠനയാത്ര സംഘടിപ്പിച്ചു. ക്രിസ്തുമസ് -ന്യൂ ഇയര് ആഘോഷം നടത്തി.
- 06.01.2017 ഉപജില്ലാ മേളകളിലെ വിജയികള്ക്കുള്ള പി.ടി.എ യുടെ അനുമോദനച്ചടങ്ങും മാതൃസംഗമവും കുന്ദമംഗലം ബ്ലോക്ക് പഞ്ചായത്ത് പ്രസിഡണ്ട് രമ്യാ ഹരിദാസ് ഉദ്ഘാടനം ചെയ്തു.
- 04.01.2017 മുതല് 08.01.2017 വരെ ജെ.ഡി.റ്റി. ഹയര് സെക്കണ്ടറി സ്കൂളില് നടന്ന ജില്ലാ അറബിക് കലോല്സവത്തില് പങ്കെടുത്തു.
- 15.01.2017 കുന്ദമംഗലം ഗ്രാമപഞ്ചായത്ത്, മുഹമ്മദന്സ് ആര്ട്സ് & സ്പാേര്ട്സ് ക്ലബ് എന്നിവയുടെ സംയുക്താഭിമുഖ്യത്തില് നടത്തിയ കുന്ദമംഗലം പഞ്ചായത്ത് തല ഫുട്ബോള് മല്സരത്തില് പങ്കെടുത്തു.
- 16.01.2017 മൂന്ന്, നാല് ക്ലാസുകളിലെ വിദ്യാര്ത്ഥികള്ക്ക് കോഴിക്കോട് ഭാഗത്തേക്കുള്ള പഠനയാത്ര.
- 17.01.2017 സ്കൂള് വികസന പദ്ധതിയുമായി ബന്ധപ്പെട്ട് പി.ടി.എ യുടെ ആഭിമുഖ്യത്തില് സംയുക്ത ശില്പശാല.
അദ്ധ്യാപകർ
| ക്രമ നമ്പര് |
അധ്യാപകരുടെ പേര് |
|---|---|
| 1 | പി. മുഹമ്മദ് കോയ (ഹെഡ്മാസ്റ്റര് |
| 2 | സി.പി കേശവനുണ്ണി |
| 3 | കെ. അബ്ദുല് അസീസ് |
| 4 | വി.പി. അബ്ദൂല് ഖാദര് |
| 5 | കെ. പാത്തുമ്മ |
| 6 | പി. അബ്ദുല് സലീം |
| 7 | പി. സുജാത |
| 8 | കെ. രമണി |
| 9 | കെ.കെ. പുഷ്പലത |
| 10 | ഒ .കെ. സൗദ ബീവി |
| 11 | വി.പി. മാസിത |
| 12 | എം.കെ. മുഹമ്മദ് |
| 13 | പി. ജമാലുദ്ദീന് |
| 14 | ഇ. അബ്ദൂല് ജലീല് |
| 15 | കെ. സാജിദ് |
| 16 | എ. കെ. ശ്രീജ |
| 17 | പി. ഷീജ |
| 18 | വി. സജ്നാബി |
| 19 | സി.എസ്. സോണിയ |
| 20 | എ.എം. ഷമീര് |
| 21 | കെ. ഷബ്ന |
| 22 | വി. ഷബ്ന |
| 23 | കെ.ടി. ജഗദാംബ |
| 24 | കെ.സി. ഷനിജ |
| 25 | പി. റജ്ന |
| 26 | കെ. സാജിദ |
| 27 | എന്.പി. റബീബ മുംതാസ് |
| 28 | എം. ജമാലുദ്ദീന് |
| 29 | എം. റഫീന |
| 30 | കെ. ഷഹനാസ് |
| 31 | കെ. ഫില്സി |
| 1 | ടി. മുഹമ്മദ് അഷ്റഫ് (ഒാഫീസ് അറ്റന്റന്റ്) |
ക്ളബുകൾ
വിബ്ജിയോര് സയൻസ് ക്ലബ്
രാമാനുജന് ഗണിത ക്ലബ്
വിദ്യാര്ത്ഥികള്ക്ക് ഗണിതശാസ്ത്രത്തില് താല്പര്യമുണ്ടാക്കുന്ന പ്രവര്ത്തനങ്ങള് ഏറ്റെടുത്ത് നടത്തി എല്ലാ വിദ്യാര്ത്ഥികളെയും ഗണിതാഭിരുചിയുള്ളവരാക്കി മാറ്റുകയെന്നതാണ് രാമാനുജന് ഗണിതക്ലബിന്റെ ലക്ഷ്യം. അക്കാദമിക വര്ഷത്തിന്റെ തുടക്കത്തില് ഗണിതശാസ്ത്രവുമായ ബന്ധപ്പെട്ട ചോദ്യങ്ങള് വിദ്യാര്ത്ഥികള്ക്ക് നല്കുകയും നിശ്ചിത നിലവാരം പുലര്ത്തുന്നവരെ ക്ലബില് അംഗങ്ങളാക്കുകയും ചെയ്യുന്നു. ഗണിത പസില്, പുസ്തക പരിചയം, ഗണിത ശാസ്ത്രഞജ്ഞരെ പരിചയപ്പെടല്, മാസത്തില് ഒരിക്കല് ഗണിത ക്വിസ്, ജനസംഖ്യാ ദിനത്തോടനുബന്ധിച്ച് ചര്ച്ച, ജ്യോമട്രിക്കല് ചാര്ട്ട് നിര്മ്മാണം, പസില്, നമ്പര് ചാര്ട്ട് ,അനുപാതം അനുസരിച്ച് ദേശീയ പതാക നിര്മാണം, ദേശീയ ഗണിത ദിനത്തോടനുബന്ധിച്ച് രാമാനുജന് ക്വിസ്, സെമിനാര് എന്നിവ പ്രധാന പ്രവര്ത്തനങ്ങളാണ്.
ഉപജില്ലയിലെ മികച്ച ഗണിതക്ലബ് ആയി സ്കൂള് ഗണിതക്ലബിനെ തെരഞ്ഞെടുത്തിട്ടുണ്ട്. ഗണിത രൂപങ്ങള്, ആശയങ്ങള്, നിര്മ്മിതികള്, കുട്ടികളുടെ ഉല്പ്പന്നങ്ങള് എന്നിവ ഉള്ക്കൊളളുന്ന ഗണിത ലാബ് സ്കൂളില് പ്രത്യേകമായുണ്ട്. ഉപജില്ലാ ഗണിതശാസ്ത്ര മേളയില് തുടര്ച്ചയായി ആറാം തവണയും എല്. പി, യു.പി വിഭാഗങ്ങളില് ഒാവറോള് ചാമ്പ്യന്ഷിപ്പ് നേടാന് വിദ്യാലയത്തിന് കഴിഞ്ഞത് ഗണിതക്ലബിന്റെ ചിട്ടയായ പ്രവര്ത്തനം ഒന്നുകൊണ്ട് മാത്രമാണ്.
ഹരിതം പരിസ്ഥിതി ക്ലബ്
റെയിന്ബോ ഇംഗ്ലീഷ് ക്ലബ്
ചാന്ദ്നി ഹിന്ദി ക്ലബ്
സൃഷ്ടി പ്രവൃത്തി പരിചയ ക്ലബ്
വിദ്യാര്ത്ഥികളില് കരകൗശല വിദ്യയിലുള്ള പ്രാവീണ്യം പരിപോഷിപ്പിക്കുന്നതിന് വേണ്ടി സൃഷ്ടി പ്രവൃത്തി പരിചയ ക്ലബ് വൈവിധ്യമാര്ന്ന അനുഭവങ്ങള് സ്കൂളില് പ്രദാനം ചെയ്യുന്നു. ഈ വര്ഷത്തെ ക്ലബ് രൂപീകരണം ജൂലായ് ഒന്നാം തിയ്യതി നടത്തുകയും ക്ലബ് സെക്രട്ടറിയായി ഏഴാം ക്ലാസ് വിദ്യാര്ത്ഥിനിയായ എം. ഹിബ ജെബിനെ തെരഞ്ഞെടുത്തു. ചിത്രത്തുന്നല്, പനയോല കൊണ്ടുള്ള ഉല്പന്ന നിര്മാണം, വെജിറ്റബ്ള് പ്രിന്റിംഗ്, പേപ്പര് ക്രാഫ്റ്റ്, പാവനിര്മ്മാണം, മുത്ത് കൊണ്ടുള്ള ആഭരണ നിര്മാണം, പാഴ് വസ്തുക്കള് കൊണ്ടുള്ള കൗതുക വസ്തുനിര്മാണം, ബാന്റ് മിന്റണ് നെറ്റ് നിര്മ്മാണം, കളിമണ് ശില്പ നിര്മ്മാണം എന്നീ ഇനങ്ങളില് ഈ വര്ഷം വിദ്യാര്ത്ഥികള്ക്ക് പരിശീലനം നല്കുകയും ഉപജില്ലാ, ജില്ലാ മല്സരങ്ങളില് പങ്കെടുക്കുകയും ചെയ്തു. വിദ്യാര്ത്ഥികള്ക്ക് നൂതന കരകൗശല രീതി ശാസ്ത്രം പരിചയപ്പെടുന്നതിന് വേണ്ടി ക്ലബിന് കീഴില് ഇരിങ്ങല് ക്രാഫ്റ്റ് വില്ലേജിലേക്ക് പഠനയാത്ര നടത്തി. കരകൗശല വിദ്യയില് താല്പര്യമുള്ള വിദ്യാര്ത്ഥികള്ക്ക് വേണ്ടി സ്കൂളില് ഏകദിന ശില്പശാല നടത്തി. ഈ വര്ഷത്തെ ഉപജില്ലാ പ്രവൃത്തി പരിചയ മേളയില് യു.പി വിഭാഗത്തില് ഓവറോള് ചാമ്പ്യന്ഷിപ്പ്, എല്.പി വിഭാഗം ഫസ്റ്റ് റണ്ണര് അപ്പ് എന്നിവ കരസ്ഥമാക്കി കരവിരുതിലും മികവിന്റെ മുദ്രകള് എഴുതിച്ചേര്ത്തു.
അലിഫ് അറബി ക്ലബ്
സ്കൂള് വര്ഷാരംഭത്തില് ഏഴാം ക്ലാസ് വിദ്യാര്ത്ഥിനിയായ ഫാത്തിമ ഫിസ.എം സെക്രട്ടറിയായി യു.പി തലത്തിലും നാലാം ക്ലാസ് വിദ്യാര്ത്ഥിനിയായ ഫാത്തിമ ഫിദ സെക്രട്ടറിയായി എല്.പി. തലത്തിലും ക്ലബ് രൂപീകരിച്ചു. സ്കൂള് തലത്തില് വിദ്യാര്ത്ഥികളെ കണ്ടെത്തി ഉപജില്ലാ ജില്ലാ - ജില്ലാ മല്സരങ്ങളിലേക്ക് പ്രാപ്തരാക്കുന്നതിന് തുടക്കം കുറിച്ചു. വിദേശ അറബി ആനുകാലികങ്ങള്, ചാര്ട്ടുകള്, അറബിക് റേഡിയോ-ടി.വി പരിപാടികള്, കാര്ട്ടൂണുകള് തുടങ്ങിയവ എെ.സി.ടി സാധ്യതകളുപയോഗിച്ച് കുട്ടികള്ക്ക് ലഭ്യമാക്കുന്നു. ദിനാചരണങ്ങളുടെ അച്ചടിച്ച ബഹുവര്ണ പോസ്റ്ററുകളുടെ പ്രദര്ശനം, അറബിക് കാലിഗ്രാഫി, കൈയ്യെഴുത്ത് മാസികാ നിര്മാണം, അറബിക് ഇസ്ലാമിക് പുരാവസ്തു പ്രദര്ശനം, കൈപ്പുസ്തകങ്ങളുടെ സൗജന്യ വിതരണം തുടങ്ങി വിദ്യാര്ത്ഥികളില് ഭാഷാ നൈപുണി പരിപോഷിക്കുന്നതിനാവശ്യമായ ഒട്ടനവധി പ്രവര്ത്തനങ്ങള് ക്ലബിന് കീഴില് നടത്തുന്നു.
ഉപജില്ലാ തലത്തില് അലിഫ് അറബിക് ക്ലബ് നടത്തിയ പ്രശ്നോത്തരി മല്സരത്തില് എല്. പി. വിഭാഗം ഒന്നാം സ്ഥാനവും യു.പി. വിഭാഗം മൂന്നാം സ്ഥാനവും നേടി.
സാമൂഹ്യ ശാസ്ത്ര ക്ലബ്
ജൂനിയര് റെഡ് ക്രോസ്
1996 മുതല് സ്കൂളില് ജൂനിയര് റെഡ്ക്രോസ് വിഭാഗം പ്രവര്ത്തിച്ചുവരുന്നു.(അംഗത്വ നമ്പര് 156/96-97). സ്വാതന്ത്ര്യദിനം, റിപ്പബ്ലിക് ദിനം, ദിനാചരണങ്ങള് തുടങ്ങിയവയില് ജെ.ആര്.സി വിദ്യാര്ത്ഥികള് ഡ്രില് അവതരിപ്പിക്കുന്നു. വര്ഷം തോറും നടത്തുന്ന ബേസിക് പരീക്ഷയിലും ഏകദിന ക്യാമ്പിലും കേഡറ്റുകള് പങ്കെടുക്കുന്നു. ശൂചീകരണ പ്രവര്ത്തനങ്ങള്, ആതുരാലയ സന്ദര്ശനം, യുദ്ധ വിരുദ്ധ ബോധവല്ക്കരണം, ജുവനൈല് ഹോം സന്ദര്ശനം, തുടങ്ങിയവയിലൂടെ സേവന മനോഭാവമുള്ള ഒരു തലമുറയെ സൃഷ്ടിക്കുന്നതില് സ്കൂള് ജെ.ആര്.സി യൂണിറ്റ് സുപ്രധാനമായ പങ്കുവഹിക്കുന്നു.
ഭാരത് സ്കൗട്ട്സ്
വിദ്യാര്ത്ഥികളില് അച്ചടക്കം, കൃത്യനിഷ്ഠ, സാമൂഹ്യ സേവനം എന്നിവ പരിപോഷിപ്പിക്കുന്നതിന് ഭാരത് സ്കൗട്സ് യൂണിറ്റ് സ്കൂളില് പ്രവര്ത്തിച്ചുവരുന്നു. 2005 സെപ്റ്റംബര് മാസത്തില് രൂപീകൃതമായി. 32 വിദ്യാര്ത്ഥികള് ഇപ്പോള് അംഗങ്ങളായുണ്ട്. ലഹരിവിരുദ്ധ ബോധവല്ക്കരണം, പരിസ്ഥിതി ദിന റാലി, യുദ്ധ വിരുദ്ധ സന്ദേശം എന്നിവ നടത്തി. 2016 നവംബര് 11 മുതല് 13 വരെ പറമ്പില്ക്കടവ് എം.എ.എം.യു.പി. സകൂളില് നടന്ന പെട്രോള് ലീഡേര്സ് ക്യാമ്പില് 13 വിദ്യാര്ത്ഥികള് പങ്കെടുത്തു. സ്കൂള് പരിപാടികളുടെ അച്ചടക്ക ചുമതല സ്കൗട്ട് വിദ്യാര്ത്ഥികളാണ് ഏറ്റെടുക്കാറുള്ളത്.
വഴികാട്ടി
{{#multimaps:11.323095,75.884508|width=800px|zoom=12}}
എങ്ങിനെ സ്കൂളിലെത്താം
- കുന്നമംഗലത്ത് നിന്ന് വയനാട് റോഡിലൂടെ 2.5 കിലോമീറ്റര് യാത്ര ചെയ്താല് ചൂലാംവയലില് എത്താം.
- ചൂലാംവയല് ബസ് സ്റ്റോപ്പില് നിന്ന് നേരെ കാണുന്നതാണ് വിദ്യാലയം.