"ഗവ. എച്ച് എസ് എസ് മീനങ്ങാടി/വാർത്ത" എന്ന താളിന്റെ പതിപ്പുകൾ തമ്മിലുള്ള വ്യത്യാസം

=='''വൈദ്യർ അക്കാദമി പുരസ്കാരം ഡോ.ബാവ കെ. പാലുകുന്നിന് '''==

സംസ്ഥാന സർക്കാരിന്റെ സാംസ്കാരിക വകുപ്പിനു കീഴിൽ പ്രവർത്തിക്കുന്ന കൊണ്ടോട്ടി മോയിൻ കുട്ടിവൈദ്യർ മാപ്പിള കലാ അക്കാദമിയുടെ 2020 - ലെ മികച്ച സാഹിത്യ കൃതിക്കുള്ള പുരസ്കാരത്തിന് ഡോ. ബാവ കെ. പാലുകുന്ന് അർഹനായി. കേരള ഭാഷാ ഇൻസ്റ്റിറ്റ്യൂട്ട് പ്രസിദ്ധീകരിച്ച 'മോയിൻകുട്ടി വൈദ്യരുടെ കൃതികൾ ; ഭാഷയും വ്യവഹാരവും എന്ന വൈജ്ഞാനിക ഗ്രന്ഥത്തിനാണ് അവാർഡ്.    മീനങ്ങാടി ഗവ.ഹയർ സെക്കണ്ടറി സ്കൂളിലെ പ്ലസ് ടു വിഭാഗം മലയാളം അധ്യാപകനാണ് . അലിഗഢ് സർവകലാശാലാ മോഡേൺ ഇന്ത്യൻ ലാംഗ്വേജസ് വകുപ്പു മേധാവി ഡോ.എ.നുജൂമിന്റെ കീഴിൽ , മോയിൻ കുട്ടി വൈദ്യരുടെ കൃതികളെക്കുറിച്ചു നടത്തിയ ഗവേഷണത്തിന് കോഴിക്കോട് സർവകലാശാലയിൽ നിന്നും പി.എച്ച്.ഡി ലഭിച്ചു. വയനാടൻ ഗ്രാമങ്ങളിലൂടെ, മാറ്റത്തിന്റെ മാർഗ ദീപം , ഇശൽ വിസ്മയം; ഹുസ്നുൽ ജമാലിന്റെ 150 വർഷങ്ങൾ (എഡി.) , ഗോത്ര പൈതൃക പഠനങ്ങൾ (എഡി. ) എന്നിവ പ്രധാന കൃതികൾ . വിവിധ ഗവേഷണ ജേർണലുകളിലും , ആനുകാലികങ്ങളിലും എഴുതി വരുന്നു.  മീനങ്ങാടി ഹൈസ്കൂൾ അധ്യാപികയുമായ റജീന ബക്കറാണ് ഭാര്യ. അഹ്സന കെ (കവയിത്രി), അമൽ സിദാൻ എന്നിവർ മക്കളാണ്.