"എസ്.എസ്.പി.ബി.എച്ച്.എസ്.എസ്. കടയ്ക്കാവൂർ/എന്റെ ഗ്രാമം" എന്ന താളിന്റെ പതിപ്പുകൾ തമ്മിലുള്ള വ്യത്യാസം

ബ്രിട്ടീഷ് വിരുദ്ധ വിപ്ലവങ്ങളിൽ ഭാഗഭാക്കാവുന്നതോടെയാണ് കടയ്ക്കാവൂർ ചരിത്ര രേഖകളിൽ സ്ഥാനം പിടിക്കുന്നത്. ചിറയിൻകീഴ് താലൂക്കിൽ ഉൾപ്പെട്ട കടയ്ക്കാവൂർ പ്രദേശത്തിലെ ദേശാഭിമാനികൾ ബ്രിട്ടീഷുകാർക്ക് എതിരായിരുന്നു. ഉദാഹരണമാണ് 1721 ലെ [https://ml.wikipedia.org/wiki/%E0%B4%86%E0%B4%B1%E0%B5%8D%E0%B4%B1%E0%B4%BF%E0%B4%99%E0%B5%8D%E0%B4%99%E0%B5%BD_%E0%B4%95%E0%B4%B2%E0%B4%BE%E0%B4%AA%E0%B4%82 ആറ്റിങ്ങൽ  ലഹള] . 1684 ൽ ആദ്യമായി അഞ്ചുതെങ്ങു  കടൽക്കരയിലെത്തിയ ബ്രിട്ടീഷുകാർക്ക് അവിടെ ഒരു വാണിജ്യകേന്ദ്രം സ്ഥാപിക്കുവാൻ ആറ്റിങ്ങൽ റാണി അനുവാദം നൽകി . 1690 ൽ ഒരു കോട്ട നിർമിക്കുന്നതിനും റാണി ബ്രിട്ടീഷുകാരെ അനുവദിച്ചു. ആറ്റിങ്ങൽ രാജകുടുംബവും തിരുവിതാംകൂർ രാജാവും ഈ വിദേശീയർക്ക് നിലവിട്ടുള്ള സഹായങ്ങൾ നൽകിയത് തദ്ദേശീയരിൽ അമർഷം ഉളവാക്കി . നാടുഭരിക്കുന്നവരുടെ പൂർണമായ പിന്തുണയോടെ എന്തഴിമതിയും അക്രമവും കാണിക്കാമെന്ന മട്ടിൽ ഇംഗ്ളീഷുകാർ അഞ്ചുതെങ്ങിൽ ശരിക്കും ഭരണം തുടങ്ങിയതോടെ ജനരോഷം വർദ്ധിച്ചു. എന്നാൽ വിലയേറിയ സമ്മാനങ്ങൾ കാഴ്ചവച്ച് റാണിയെ പ്രീതിപ്പെടുത്താൻ ഇംഗ്ലീഷുകാർ ശ്രെമിച്ചു. 1721 ഏപ്രിൽ 15 നു റാണിക്കുള്ള സമ്മാനങ്ങൾ നേരിട്ട് സമർപ്പിക്കുന്നതിന് അംഗരക്ഷകരോടും പരിവാരങ്ങളോടും കൂടി ബ്രിട്ടീഷ് തലവൻ ആറ്റിങ്ങലിലേക്കു തിരിച്ചു. വെള്ളക്കാരുടെ ഹുങ്കിലും ശക്തിപ്രകടനത്തിലും അമർഷം പൂണ്ട ജനങ്ങൾ വെള്ളപ്പടയെ ആക്രമിച്ചു. ബ്രിട്ടീഷ് തലവൻ ഉൾപ്പെടെ 141 പേരെയും വധിച്ചു. ബ്രിടീഷുകാർക്കെതിരെ ഇന്ത്യയിൽ  നടന്ന ആദ്യത്തെ ആസൂത്രിത മുന്നേറ്റമായിരുന്നു ആറ്റിങ്ങൽ കലാപം. ഈ സംഭവവുമായി ബന്ധപ്പെട്ടു കടക്കാവൂരിലെ ഒട്ടനവധി ബ്രിട്ടീഷ് വിരുദ്ധ പ്രക്ഷോഭകാരികളെ പീഡനങ്ങൾക്കു വിധേയമാക്കുകയും പലരും ദാരുണമായി വധിക്കപ്പെടുകയും ചെയ്‌തു. ഇന്ത്യൻ ദേശീയ പ്രസ്ഥാനത്തിലും സ്വാതന്ത്ര്യ സമര ചരിത്രത്തിലും കടക്കാവൂരിന്റെ സജീവ പങ്കാളിത്തം ഉണ്ട്. സ്വാതന്ത്ര്യ സമര പ്രവർത്തനങ്ങളിൽ ഏർപ്പെട്ടവരും കുറവായിരുന്നില്ല. ശ്രീമാൻ.എൻ.കുഞ്ഞുരാമന്റെ നേതൃത്വത്തിൽ സ്റ്റേറ്റ് കോൺഗ്രസ് പ്രവർത്തനം ശക്തി പ്രാപിച്ചു. പിൽകാലങ്ങളിൽ ശ്രീ.ആർ.പ്രകാശത്തിന്റെ നേതൃത്വത്തിൽ കമ്മ്യൂണിസ്റ്റു പ്രസ്ഥാനവും ശക്തിയാർജിച്ചു.

</gallery>[https://ml.wikipedia.org/wiki/%E0%B4%B6%E0%B5%8D%E0%B4%B0%E0%B5%80%E0%B4%A8%E0%B4%BE%E0%B4%B0%E0%B4%BE%E0%B4%AF%E0%B4%A3%E0%B4%97%E0%B5%81%E0%B4%B0%E0%B5%81 ശ്രീനാരായണ ഗുരു]വിന്റെയും [https://ml.wikipedia.org/wiki/%E0%B4%95%E0%B5%81%E0%B4%AE%E0%B4%BE%E0%B4%B0%E0%B4%A8%E0%B4%BE%E0%B4%B6%E0%B4%BE%E0%B5%BB കുമാരനാശാന്റെയും] [https://ml.wikipedia.org/wiki/%E0%B4%B5%E0%B4%95%E0%B5%8D%E0%B4%95%E0%B4%82_%E0%B4%85%E0%B4%AC%E0%B5%8D%E0%B4%A6%E0%B5%81%E0%B5%BD_%E0%B4%96%E0%B4%BE%E0%B4%A6%E0%B5%BC_%E0%B4%AE%E0%B5%97%E0%B4%B2%E0%B4%B5%E0%B4%BF വക്കം അബ്‌ദുൾ ഖാദർ മൗലവി]യുടെയും സാമൂഹിക സാംസ്കാരിക സ്വാതന്ത്ര്യം, സമര പ്രവർത്തനങ്ങൾ തുടങ്ങിയവ ഈ പ്രദേശത്തെ വിപ്ലവകരമായ മുന്നേറ്റത്തിന് ജനങ്ങളെ സജ്ജരാക്കി. ക്ഷേത്രപ്രവേശന വിളംബരം നടക്കുന്നതിന് പതിമൂന്നോളം വർഷങ്ങൾക്ക് മുൻപ് ക്ഷേത്രപ്രവേശനം നിഷേധിക്കപ്പെട്ടിരുന്ന അവർണ വിഭാഗത്തിലെ ഒരു സംഘം ചെറുപ്പക്കാർ, കാവിൽ പത്മനാഭൻ, എ.കെ.വേലു എന്നിവരുടെ നേതൃത്വത്തിൽ സംഘടിക്കുകയും തേവരുനട സുബ്രഹ്മണ്യസ്വാമി ക്ഷേത്രത്തിൽ പ്രവേശിച്ച് കൊടിമരത്തിൽ തൊട്ടുകൊണ്ട് ഒരു വിപ്ലവത്തിന് നാന്ദി കുറിക്കുകയും ചെയ്തു. വിപ്ലവം നയിച്ചവർക്കെതിരെ കേസെടുക്കുകയും മർദ്ദനത്തിന് വിധേയരാക്കുകയും ചെയ്തു. പിന്നോക്ക സമുദായങ്ങൾക്ക് ഹൈന്ദവ സ്കൂളുകളിൽ പ്രവേശനം നിഷേധിച്ചിരുന്ന കാലത്ത് അഞ്ചുതെങ്ങിൽ നിലവിലിരുന്ന ഇംഗ്ലീഷ് സ്കൂളുകളിലൂടെ ധാരാളംപേർ വിദ്യാഭ്യാസം നേടുകയും സമൂഹത്തിന്റെ മുൻനിരയിലേക്ക് ഉയർന്നു വരികയും ചെയ്തു. ഡി.ഐ.ജി, എ.എസ്.പി, രജിസ്ട്രാർ, പേഷ്കാർ, ലേബർ കമ്മീഷണർ, അഡ്വക്കേറ്റ്, തുടങ്ങിയ എല്ലാ മണ്ഡലങ്ങളിലും പ്രഗത്ഭരായവർ അക്കാലത്തു  പഞ്ചായത്തിൽ  ഉണ്ടായിരുന്നു.