പുല്ലാഞ്ഞിയോട് എൽ പി സ്കൂൾ/ക്ലബ്ബുകൾ

സ്കൂൾ

സൗകര്യങ്ങൾ

പ്രവർത്തനങ്ങൾ

ക്ലബ്ബുകൾ

ചരിത്രം

അംഗീകാരം

• ഭാഷാ ക്ലബ്ബ്

വിദ്യാരംഗം കലാസാഹിത്യവേദി

കുട്ടികളുടെ സർഗാത്മക ശേഷികൾ വളർത്താനും വ്യക്തിത്വ വികസനത്തിനും ഭാഷാപരമായ ഉന്നമനത്തിനും വേണ്ടി സ്കൂളിൽ വിദ്യാരംഗം കലാ സാഹിത്യ വേദി പ്രവർത്തിച്ചു വരുന്നു. വായനാ ദിനത്തോടനുബന്ധിച്ചും മറ്റ് അനുബന്ധ ദിനാചരണത്തിലും പ്രത്യേക പരിപാടികൾ സംഘടിപ്പിക്കാറുണ്ട്. വായനാദിന ക്വിസ്, പത്രവാർത്ത ക്വിസ്, അക്ഷര മരം, അമ്മ വായന, മാഗസീൻ നിർമാണം, പോസ്റ്റർ രചന, ചിത്ര വായന തുടങ്ങി വിവിധ പ്രവർത്തനങ്ങൾ വിദ്യാരംഗം കലാസാഹിത്യ വേദിയുടെ നേതൃത്വത്തിൽ നടത്താറുണ്ട്.സബ്ജില്ലാ  തലത്തിൽ സംഘടിപ്പിച്ച സർഗ്ഗോത്സവം പരിപാടിയിലും  നമ്മുടെ സ്കൂളിലെ സാനിധ്യം ഉണ്ടായിരുന്നു. ആഴ്ചയിൽ ഒരു ദിവസം വിദ്യാരംഗത്തിന്റെ ഭാഗമായി സ്കൂളിൽ ബാലസഭ സംഘടിപ്പിക്കാറുണ്ട്.

ഗണിതശാസ്ത്ര ക്ലബ്ബ്

ഗണിത ക്ലബ്ബിന്റെ ആഭിമുഖ്യത്തിൽ വിവിധ പരിപാടികൾ സ്കൂളിൽ സംഘടിപ്പിക്കാറുണ്ട്. 2020-21 വർഷങ്ങളിൽ പാഠ്യ - പാഠ്യേതര പ്രവത്തനങ്ങൾ ഓൺലൈൻ ഫ്ലാറ്റ് ഫോമിൽ ആയതിനാൽ ഗണിത ക്ലബ്ബിന്റെ നടത്തിപ്പിന് വേണ്ടി വാട്ട്സ്ആപ്പിൽ maths@palps.com ഗ്രൂപ്പ് തുടങ്ങുകളും.അതിൽ ഗണിത ചാലഞ്ച്, പസിൽ മത്സരം, പാറ്റേൺ നിർമാണം, ഗണിത ക്വിസ്, ജോമെട്രിക് പൂക്കള നിർമാണം തുടങ്ങി വിവിധ പരിപാടികൾ സംഘടിപ്പിച്ചു.ഇതിലൂടെ കുട്ടികളിൽ ഗണിതത്തോടുള്ള അഭിരുചിയും താൽപര്യവും യുക്തി ബോധവും വളർത്താൻ സാധിക്കുന്നു.

ശാസ്ത്ര ക്ലബ്ബ്

സയൻസ് ക്ലബ്ബ് ഓരോ വർഷവും സ്കൂളിൽ വളരെ ഊർജസ്വലതയോടെ തന്നെ പ്രവർത്തിച്ചു വരുന്നു. കുട്ടികളിൽ ശാസ്ത്രീയ അഭിരുചിയും അന്വേഷണത്വരയും വളർത്തി,ചിന്തിക്കാനുള്ള ശേഷി വളർത്തി എടുക്കുകയെന്നതാണ് ഉദ്ദേശം.കുട്ടികളുടെ ചോദ്യം ചോദിക്കാനുള്ള ശേഷിയും ശേഖരണ മനോഭാവവും പരീക്ഷണങ്ങളിലൂടെ കണ്ടെത്തുന്ന ശേഷിയും ഇതുമൂലം വർദ്ധിപ്പിക്കാം.സ്കൂളിൽ ശാസ്ത്ര അഭിരുചിയുള്ള കുട്ടികൾ ഒന്നിച്ച് പ്രവർത്തിച്ചാണ് സയൻസ് ക്ലബ്ബ് പ്രവർത്തനം സുഗമമാക്കുന്നത്.എല്ലാവർഷവും ശാസ്ത്രമേളകളിൽ ഞങ്ങളുടെ സ്കൂൾ സമ്മാനങ്ങൾ നേടുന്നു.ഇതെല്ലാം സാധ്യമാകുന്നത് സയൻസ് ക്ലബ്ബിൻറെ സജീവസാന്നിധ്യം ഒന്നുകൊണ്ടുമാത്രമാണ്.. പാഠ ഭാഗവുമായി ബന്ധപ്പെട്ട് നിരീക്ഷണങ്ങൾ നടത്തി കുറിപ്പുകൾ തയാറാക്കി. ചാന്ദ്രദിനത്തിൽ ക്വിസ് മത്സരം നടത്തി. ചന്ദ്രന്റെ ചിത്രം വരച്ചു ഓസോൺ ദിനത്തിൽ പോസ്റ്ററുകൾ തയാറാക്കി ഭക്ഷ്യദിനവുമായി ബന്ധപ്പെട്ട് പാചകം തയാറാക്കി കുറിപ്പുകൾ തയാറാക്കി,പരീക്ഷണങ്ങൾ ചെയ്തു കുറിപ്പുകൾ തയാറാക്കി. ശാസ്ത്ര താല്പര്യം ജനിപ്പിക്കുക എന്ന ലക്ഷ്യത്തോടെയാണ് പ്രവർത്തനങ്ങൾ  നടത്തി വരുന്നത്‌.

ബുൾബുൾ - കബ് യൂണിറ്റ്

കുട്ടികളുടെ മാനസികവും ശാരീരികവും ഭൗതികവുമായ കഴിവുകളെ പരിപോഷിപ്പിച്ചു സമൂഹത്തിനും രാജ്യത്തിനും വേണ്ടി മഹത്തായ കാര്യങ്ങൾ ചെയ്യാൻ പ്രാപ്തരാക്കുക എന്ന ലക്ഷ്യത്തോടെ ഭാരത് സ്കട്ട്സ് ആൻഡ് ഗൈഡ്സ് എന്ന പ്രസ്ഥാനത്തിന്റെ ഭാഗമായിട്ടുള്ള 5 മുതൽ 10 വയസ്സ് വരെയുള്ള പെൺകുട്ടികൾക്കുള്ള ബുൾബുൾ - ആൺകുട്ടികൾക്കുള്ള കബ്‌ എന്നിവയുടെ യൂണിറ്റുകൾ സ്കൂളിൽ പ്രവർത്തിക്കുന്നു.