"ഗവ.എച്ച്. എസ്.എസ്. വള്ളിക്കീഴ്" എന്ന താളിന്റെ പതിപ്പുകൾ തമ്മിലുള്ള വ്യത്യാസം

        സസ്യ ശാമളമായ പ്രകൃതി ഭംഗിയാല്‍ അനുഗൃഹീതമായ വേണാടിന്റെ വിരി മാറില്‍ അഷ്ടമുടിക്കായലിനും അറബിക്കടലിനുമിടയില്‍ ഒന്നര ഏക്കറില്‍ അരനൂറ്റാണ്ടിന്റെ ചരിത്രവും പേറി ശിരസ്സുയര്‍ത്തി നില്‍ക്കുന്ന സരസ്വതീ ക്ഷേത്ര മാണ് വള്ളിക്കിഴ്ഗവണ്‍മെന്റെ് ഹയര്‍ സെക്കന്ററി സ്കൂള്‍. 1985-ല്‍ സ്ഥാപിതമായതായി രേഖകള്‍ സാക്ഷ്യപ്പെടുത്തുന്ന ഈ വിദ്യാലയം പ്രാരംഭത്തില്‍ ശക്തികുളങ്ങര പഞ്ചായത്തില്‍ കന്നിമേല്‍ച്ചരിയില്‍ പാലോട്ട് വീട്ടിലെ വണ്ടിപ്പുരയില്‍  പ്രവര്‍ത്തനം തുടങ്ങി. പിന്നീട് കുഴിക്കര ശ്രീ രാമന്‍പിള്ള വാഗ്ദാനം ചെയ്ത 33 സെന്ര് സ്ഥലത്ത് മുള്ളങ്കാട്  ശ്രീ വേലുപ്പിള്ള വൈദ്യര്‍ മാറ്റി സ്ഥാപിക്കുകയും കാലക്രമത്തില്‍ ഗവണ്‍മെന്റിന് വിട്ടുനല്‍കുകയും ചെയ്തു. 1938-39 കാലഘട്ടത്തില്‍ പരിപൂര്‍ണ്ണമായി സര്‍ക്കാര്‍ നിയന്ത്രണത്തിലായ ഈ വിദ്യാലയത്തില്‍ അന്ന് ഒന്ന് മുതല്‍ ഏഴാം ക്ലാസ്സ് വരെയാണ് അധ്യയനം നടന്നിരുന്നത്. 1972-ല്‍ ഹൈസ്ക്കൂളായും 1998-ല്‍ ഹയര്‍ സെക്കന്ററിയായും ഉയര്‍ത്തപ്പെട്ടു. വിവിധരംഗങ്ങളില്‍ വ്യക്തിമുദ്രപതിപ്പിച്ച് ഒട്ടനവധി വ്യക്തികളുടെ ചിന്തകളും സ്വപ്നങ്ങളും നാമ്പിട്ട ക്ലാസ്സ് മുറികളും ചരിത്രമുറങ്ങുന്ന മണ്ണും  നയനമനോഹരമായ പൂന്തോട്ടവും ചാരുതചാര്‍ത്തി നിലകൊള്ളന്നതോടൊപ്പം.പിന്നിട്ട നാള്‍വഴികളില്‍ സാമൂഹിക പ്രതിബദ്ധതയുള്ള പൗരസൃഷ്ടിയുടെ ശാക്തീകരണവേദിയായിത്തീരുവാനും കഴിഞ്ഞ ഈ വിദ്യാലയത്തില്‍ ഇന്ന് പ്രീപ്രൈമറി മുതല്‍ ഹയര്‍ സെക്കന്ററിവരെയുള്ള ക്ലാസ്സുകളിലായി രണ്ടായിരത്തോളം വിദ്യാര്‍ത്ഥികള്‍ പഠിക്കുന്നു.