"എസ്.എസ്.യു.പി സ്കൂൾ തൊടുപുഴ/എന്റെ ഗ്രാമം" എന്ന താളിന്റെ പതിപ്പുകൾ തമ്മിലുള്ള വ്യത്യാസം

വർഷം മുഴുവൻ നിറഞ്ഞൊഴുകുന്ന കേരളത്തിലെ ചുരുക്കം നദികളിൽ ഒന്നാണ് തൊടുപുഴയാർ. ആരംഭത്തിൽ ഒരു ചെറിയ തോട് ആയിരുന്നു ഇത്.  മൂലമറ്റം പവർഹൗസിൽ നിന്നും വൈദ്യുതി ഉത്പാദനത്തിനു ശേഷം പുറംതള്ളുന്ന വെള്ളം ഒഴുകാൻ തുടങ്ങിയതോടെയാണ് തോട് പുഴയായി മാറിയത്. അങ്ങനെ  തോട് പുഴയായ ഈ പുഴ തൊടുപുഴ എന്ന് അറിയപ്പെടാൻ തുടങ്ങി. കുടയത്തൂരിൽ നിന്നും ഉത്ഭവിച്ച് മുവാറ്റുപുഴയാറിൽ ചേരുന്ന ഈ പുഴ തൊടുപുഴയുടെയും പരിസരപ്രദേശങ്ങളുടേയും ജീവനാഡിയാണ്. തൊടുപുഴ മുനിസിപ്പാലിറ്റിയിലെ കുടിവെള്ള പദ്ധതികളുടെ മുഖ്യ ജലസ്രോതസ്സാണ് തൊടുപുഴയാർ.

2011 സെൻസസ് പ്രകാരം, 884.93 km2 (341.67 ചതുരശ്ര മൈൽ) വിസ്തീർണ്ണമുള്ള തൊടുപുഴ താലൂക്കിൽ ആകെ ജനസംഖ്യ 325,951 ആയിരുന്നു; ജനസംഖ്യയുടെ 49% പുരുഷന്മാരും 51% സ്ത്രീകളും ഉൾപ്പെടുന്നു. 2011-ൽ തൊടുപുഴ താലൂക്കിലെ സാക്ഷരതാ നിരക്ക് 95.56% ആയിരുന്നു, ഇതിൽ പുരുഷന്മാരുടെയും സ്ത്രീകളുടെയും സാക്ഷരത യഥാക്രമം 96.81%, 94.33% ആയിരുന്നു. തൊടുപുഴയിൽ ജനസംഖ്യയുടെ 9% 6 വയസ്സിൽ താഴെയുള്ളവരാണ്.  

തൊടുപുഴയുടെ സമ്പദ്‌വ്യവസ്ഥയെ നയിക്കുന്നത് കൃഷി, വ്യാപാരം, ചെറുകിട വ്യവസായങ്ങൾ എന്നിവയാണ്. തൊടുപുഴയിലെ കർഷകർ നിരവധി വിളകൾ വളർത്തുന്നു, കൂടുതലും റബ്ബർ. മറ്റ് വിളകളായ പൈനാപ്പിൾ, തെങ്ങ്, നെല്ല്, കുരുമുളക്, കൊക്കോ, മരച്ചീനി, വാഴ, ഇഞ്ചി, മഞ്ഞൾ എന്നിവയും കൃഷി ചെയ്യുന്നു. ജില്ലയിലെ ആദ്യ ഉൽപ്പാദന വ്യവസായ സ്ഥാപനമായ ധന്വന്തരി വൈദ്യശാലയുടെ ആസ്ഥാനം തൊടുപുഴയിലാണ്.  

ആതുര ശുശ്രൂഷ രംഗത്ത് അതിവേഗ പുരോഗതി കൈവരിക്കുന്ന ഒരു പട്ടണമാണ് തൊടുപുഴ. ക്യാൻസർ ചികിത്സാ രംഗത്ത് നൂതന സാങ്കേതിക വിദ്യകളുമായി തൊടുപുഴ വെങ്ങല്ലൂരിൽ  തുടങ്ങിയ സ്മിത മെമ്മോറിയൽ ഹോസ്പിറ്റൽ ആൻഡ് റിസർച്ച് സെൻറർ ആണ് ഈ രംഗത്തെ അവസാന സംരംഭം. ദേശീയ കായിക താരങ്ങൾ  ഉൾപ്പെടെ ചികിത്സയ്ക്കായി എത്തുന്ന   ജില്ല ആയുർവേദ ആശുപത്രിയും ധന്വന്തരി ആയുർവേദ ആശുപത്രിയും തൊടുപുഴയിലാണ്.   ചികിത്സാ രംഗത്തെ  തൊടുപുഴയിലെ മറ്റു പ്രധാന ആശുപത്രികൾ താഴെ കാണുന്നവയാണ്.

* സെന്റ് മേരിസ് ആശുപത്രി

* ചാഴിക്കാട്ട് ആശുപത്രി  

* കരുണ ആശുപത്രി  

* സ്മിത മെമ്മോറിയൽ  ആശുപത്രി ആൻഡ് റിസർച്ച് സെന്റർ,വെങ്ങല്ലൂർ

* ഹോളി ഫാമിലി ആശുപത്രി, മുതലക്കോട