നൊച്ചാട് എച്ച്. എസ്സ്.എസ്സ്./പ്രവർത്തനങ്ങൾ

വിവിധസ്കൂൾപ്രവർത്തനങ്ങൾ

കുട്ടികൾക്ക് കലാ-കായിക പരവും മാനസിക പരവുമായ പിന്തുണ നൽകുന്നതിനു വേണ്ടി ഒട്ടനവധി പ്രവർത്തനങ്ങൾ സ്കൂളിൽ നടന്നു വരുന്നു. ആർട്സ് ക്ലബ്ബായ 'വർണ്ണം' ക്ലബ്ബിന്റെ ആഭിമുഖ്യത്തിൽ കലാധ്യാപകനായ കെ. ബവീഷ് സാറിന്റെ നേതൃത്വത്തിൽ, ചിത്ര കലാരംഗത്ത് പ്രതിഭാധനരായ വിദ്യാർത്ഥികളെ കണ്ടെത്താൻ ഒട്ടനവധി പ്രവർത്തനങ്ങളാണ് സ്കൂളിൽ നടത്തി വരുന്നത്. പ്രശസ്ത ചിത്രകാരൻമാരുടെ ഓർമ്മ ദിനങ്ങളിൽ ചിത്രരചനയിൽ താല്പര്യമുള്ള വിദ്യാർത്ഥികളെ സംഘടിപ്പിച്ചുകൊണ്ട് ചിത്രരചനാ മത്സരങ്ങൾ നടത്താറുണ്ട്. കൂടാതെ ചരിത്ര ചിത്രരചനയുടെ ഭാഗമായി സ്കൂളിൽ  പെയിൻറിംഗ് നടത്തി. പെൻസിൽ, ജലച്‍ഛായം, എണ്ണച്‍ഛായം എന്നീ ഇനങ്ങളിൽ സബ്‍ജില്ലാ ജില്ലാ മത്സരങ്ങളിൽ വിദ്യാർഥികൾ കഴിവ് തെളിയിക്കുകണ്ടായി. 'വർണ്ണം' ആർട്സ് ക്ലബ്ബിന്റെ നേതൃത്വത്തിൽ ജില്ലയിലെ പ്രമുഖരായ ചിത്രകലാ അധ്യാപകരെ സ്കൂളിലെത്തിച്ച് നടത്തിയ ചിത്രരചനാ ശിൽപശാല വിദ്യാർത്ഥികൾക്ക് വേറിട്ടൊരനുഭവമായി മാറി.

സ്കൂളിലെ കായികാധ്യാപകനായ ആർ. അബ്ദുൽ മജീദ് സാറിന്റെ മേൽനോട്ടത്തിൽ പലവിധ കായിക പരിശീലനങ്ങൾ സ്കൂളിൽ നടന്നു വരുന്നു. കബഡി മത്സരത്തിൽ ദേശീയ തലം വരെ എത്തുന്നതിന് നമ്മുടെ വിദ്യാലയത്തിലെ കാവ്യ ജി എസിന് കഴിഞ്ഞു. കൂടാതെ ജൂഡോ മത്സരത്തിൽ ദേശീയ താരമായി മുഹമ്മദ് അഫ്‍നാസിനെ വളർത്തിയെടുക്കാനും കഴിഞ്ഞു. ഉപജില്ലാ തലത്തിൽ ഗെയിംസ് ഓവറോൾ ചാമ്പ്യൻഷിപ്പ് വർഷങ്ങളായി നിലനിർത്തി വരുവാൻ നമ്മുടെ വിദ്യാലയത്തിന് കഴിഞ്ഞിട്ടുണ്ട്. ജില്ലാ - സംസ്ഥാന തലങ്ങളിൽ മികവ് തെളിയിക്കാനും, കബഡിയിൽ ഉപജില്ലാ തലത്തിൽ ആൺകുട്ടികളുടെയും പെൺകുട്ടികളുടെയും വിഭാഗത്തിൽ വർഷങ്ങളായി ചാമ്പ്യൻഷിപ്പ് നേടാനും വോളിബോൾ, ക്രിക്കറ്റ്, ഫുട്ബോൾ, ഷട്ടിൽ എന്നിവയിലും അത്‌ലറ്റിക്സ് ഇനങ്ങളിലും നമ്മുടെ വിദ്യാർഥികൾക്ക് കഴിവ് തെളിയിക്കാൻ അവസരമുണ്ടായി. അധ്യാപകരെയും പൊതു ജനങ്ങളെയും ഉൾപ്പെടുത്തി സൗഹൃദ മത്സരങ്ങൾ സംഘടിപ്പിക്കാനും വിദ്യാർത്ഥികൾക്ക് യോഗ ക്ലാസുകൾ കൂടാതെ ആഴ്ചയിൽ ഒരു ദിവസം എന്ന കണക്കിന് കുട്ടികൾക്ക് കരാട്ടെ പരിശീലനം എന്നിവയും നടന്നു വരുന്നു. ഓണാഘോഷം വിനോദ-കായികമത്സരങ്ങളോടുകൂടി എല്ലാ വർഷവും സ്കൂളിൽ സംഘടിപ്പിക്കാറുണ്ട്. ചിട്ടയായ പരിശീലനവും അച്ചടക്കവും കായികരംഗത്തെ മികവിന് വിദ്യാലയത്തെ പ്രാപ്‍തമാക്കാൻ സാധിച്ചിട്ടുണ്ട്.

സ്കൂൾജാഗ്രതാ സമിതി, സദ്ഭാവനാ സമിതി , സ്കൂൾ വികസന സമിതി, ജനാതിപത്യ വേദി എന്നിവ സജീവമായി പ്രവർത്തിക്കുന്നു. സി. നസീറ ടീച്ചറുടെ നേതൃത്വത്തിൽ പ്രവർത്തിക്കുന്ന ജാഗ്രതാ സമിതിയുടെ നേതൃത്വത്തിൽ ആവശ്യമായ വിദ്യാർത്ഥികർക്ക് കൗസിലിങ് നൽകുന്നു. ആർ അബ്ദുൽ മജീദ് മാസ്റ്ററുടെ നേത്രത്വത്തിൽ പ്രവർത്തിക്കുന്ന സദ്ഭാവന സമിതി സ്കൂൾ അച്ചടക്കം നിലനിർത്തുന്നു. പ്രിൻസിപ്പൽ, ഹെഡ്മാസ്റ്റർ, ഡെപ്യൂട്ടി ഹെഡ്മാസ്റ്റർ, വാർഡ് മെമ്പർ, പി.ടി.എ ചെയർമാൻ, മാനേജ്മെൻ്റ് കമ്മിറ്റി അംഗങ്ങൾ എന്നിവർ അടങ്ങിയ സ്കൂൾ വികസന സമിതി സ്കൂൾ പ്രവർത്തനങ്ങളെവിലയിരുത്തുകയും ആസൂത്രണം ചെയ്യുകയും ചെയ്യുന്നു. ഇ കെ യൂസഫ് മാസ്റ്ററുടെ നേതൃത്വത്തിൽ സ്കൂൾ ജനാതിപത്യ വേദിയുടെ കീഴിൽ ക്ലാസ് സഭകൾ നടക്കുന്നു.

വിദ്യാർത്ഥികൾക്ക് ആവശ്യമായ പഠനോപകരണങ്ങൾ വിതരണം ചെയ്യുന്ന സ്കൂൾ സ്റ്റോർ കെ.കെ റഹനേഷ് സാറിൻ്റെ നേതൃത്വത്തിൽ തുറന്നു പ്രവർത്തിക്കുന്നു. ത്രിവേണി നോട്ടുബുക്കുകൾ സൗജന്യ നിരക്കിൽ വിതരണം ചെയ്യുന്നു.