ജി എൽ പി എസ് ശിവപുരം/ചരിത്രം

ജി എൽ പി എസ് ശിവപുരം/ചരിത്രം

ഇവിടെ രാവിലെ മതപഠനവും തുടർന്ന് ഔപചാരിക പഠനവും നടത്തപ്പെട്ടിരുന്നു.പ്രസ്തുത ഷെഡ് 1961 ൽ പൊളിഞ്ഞു പോയതോടെ ബഹു, കുട്ടുസൻ ഹാജി ഈ കെട്ടിടം കൈയൊഴിഞ്ഞു. അതിനു മുമ്പു തന്നെ  ഇതിന് മലബാർ ഡിസ്ട്രിക്റ്റ് ബോർഡിൻ്റെ അംഗീകാരം ലഭിച്ചിരുന്നു. സ്വാതന്ത്ര്യ ലബ്ധിക്കു ശേഷം മതപഠനം സ്കൂളിൽ നിന്ന് മാറ്റപ്പെടുകയും ഔപചാരിക വിദ്യാഭ്യാസത്തിന് സ്വതന്ത്ര സ്ഥാപനങ്ങൾ ഉണ്ടാക്കണമെന്ന അവസ്ഥ സംജാതമാവുകയും ചെയ്തപ്പോൾ നാട്ടിലെ പൗര പ്രധാനിയായ എ.പി മൊയ്തീൻ കുട്ടി സാഹിബ് ഇന്ന് സ്കൂൾ സ്ഥിതി മെയ്യുന്ന സ്ഥലത്ത് സ്വന്തം നിലയിൽ 75 X 15 അടിയിൽ ഓടിട്ട ഒരു നല്ല കെട്ടിടം ഉണ്ടാക്കുകയും റി. സ 47/7 ൽ 71 സെൻ്റ് സ്ഥലം സ്കൂളിനായി നീക്കി വെക്കുകയും ചെയ്തു.

പിന്നീട് പല കാരണങ്ങളാലും സ്കൂളിൽ കുട്ടികളുടെ എണ്ണം കുറഞ്ഞു വരികയും സ്കൂളിൻ്റെ അംഗീകാരം റദ്ദാക്കപ്പെടുകയും ചെയ്യുമെന്ന ഘട്ടമെത്തിയപ്പോഴേക്കും അന്നത്തെ ഹെഡ്മാസ്റ്ററും നാട്ടുകാരനുമായ ശ്രീ.പി.വി കൃ ഷണമാരാരും  മൊയ്തീൻ കുട്ടി സാഹിബും ഡിസ്ട്രിക്റ്റ് ബോർഡ് പ്രസിഡൻ്റായിരുന്ന ശ്രീ.പി.ടി ഭാസ്കര പണിക്കരെ ചെന്നു കണ്ടു. ഇവിടുത്തെ വിദ്യാഭ്യാസ  പിന്നോക്കാവസ്ഥ ബോധ്യപ്പെടുത്തിയതിൻ്റെ ഫലമായി സ്കൂളിൻ്റെ അംഗീകാരം നിലനിർത്തിക്കിട്ടി..1956 ൽ കേരള സംസ്ഥാനം രൂപീകൃതമായതോടെ  സ്കൂൾ ഗവൺമെൻ്റ് ഏറ്റെടുത്തു . കുട്ടികളുടെ വർദ്ധനവിനനുസരിച്ച് സ്കൂളിൽ സൗകര്യം പോരാതെ വന്നതിനാൽ 1980 ൽ രൂപീകൃതമായ അധ്യാപക രക്ഷാകർത്തൃസമിതിയുടെ ശ്രമഫലമായി 20 x 20 ൽ ഒരു താൽക്കാലിക ക്ലാസ് റൂം പണിതു.

അടുത്ത വർഷം തന്നെ 20 x 20 ൻ്റെ 4 ക്ലാസ്സ് മുറികളായി വിപുലപ്പെടുത്തി.സ്കൂളിൻ്റെ ഭൗതിക സൗകര്യം മെച്ചപ്പെടുത്തുന്നതിനായി പി.ടി.എ നിരന്തരം സർക്കാരിൽ സമ്മർദ്ദം ചെലുത്തിയതിൻ്റെ ഭാഗമായി ഓപ്പറേഷൻ ബ്ലാക് ബോർഡ് സ്കീമിൽ ഉൾപ്പെടുത്തി 20 x 40 ൻ്റെ ഒരു കോൺക്രീറ്റ് കെട്ടിടം സ്കൂളിന് ലഭ്യമായി. ഇതിൻ്റെ ചെലവിൻ്റെ 4 ശതമാനം നാട്ടുകാരുടെ സംഭാവനയായിരുന്നു. തുടർന്ന് 1991 ൽ വിദ്യാഭ്യാസ മന്ത്രിയായിരുന്ന ശ്രീ. ഇ .ടി മുഹമ്മദ് ബഷീർ പ്രത്യേക ഉത്തരവു പ്രകാരം 80 x 20 ൻ്റെ കോൺക്രീറ്റു കെട്ടിടം സ്കൂളിനനുവദിച്ചു. ഇതോടൊപ്പം ഒരു കിണറും ചുറ്റുമതി ലും സ്കൂളിന് ലഭ്യമായി.പി.ടി.എ യുടെ സംഭാവനയായി ഒരു വാട്ടർ ടാങ്ക് നിർമ്മിക്കുകയും മോട്ടോർ ഫിറ്റ് ചെയ്യുകയും ചെയ്തു.ത്രിതല പഞ്ചായത്ത് സംവിധാനം നിലവിൽ വന്നതോടെ 1997ൽ പേരാവൂർ ബ്ലോക്ക് പഞ്ചായത്ത് ഒരു കഞ്ഞിപ്പുരയും പുകയില്ലാത്ത അടുപ്പും സ്കൂളിനനുവദിക്കുകയുണ്ടായി. മാലൂർ ഗ്രാമപഞ്ചായത്ത് ഒരു കമ്പ്യൂട്ടറും ഒരു പ്രിൻ്ററും അനുവദിച്ചു.

2012-13 വർഷം സ്കൂൾ ഗ്രൗണ്ട് ലവൽ ചെയ്യുന്നതിനും സ്റ്റേജ് നിർമ്മിക്കുന്നതിനുമായി ഒരു ലക്ഷം രൂപ അനുവദിച്ചു.2014-15 വർഷം ഒരു ലാപ്ടോപ്പും ഒരു സൈക്കിളും സ്കൂളിന് ന ൽകി. കൂടാതെ മൂത്രപ്പുരയ്ക്ക് മേൽക്കൂര നിർമ്മിച്ചു നൽകുകയും ചെയതിട്ടുണ്ട്.

സർവ്വശിക്ഷാ അഭിയാൻ പദ്ധതി നിലവിൽ വന്നതോടെ സ്കൂളിൻ്റെ അക്കാദമിക ഭൗതിക അന്തരീക്ഷങ്ങളിൽ പ്രകടമായ മാറ്റങ്ങളാണ് ഉണ്ടായിട്ടുള്ളത് . പഞ്ചായത്തുതല ക്ലസ്റ്റർ റിസോഴ്സ് സെൻറർ ഈ സ്കൂളിലാണ് പ്രവർത്തിക്കുന്നത്. ഇതിനായി 2004-05 വർഷം 20 X 20 ൻ്റ ക്ലസ്റ്റർ റൂം  നിർമ്മിക്കുകയുണ്ടായി എസ് എസ്  പദ്ധതിപ്രകാരം 2003 - 2004 വർഷം പെൺകുട്ടികൾക്കായുള്ള മൂത്രപ്പുരയും കക്കൂസും ലഭിച്ചിട്ടുണ്ട്. 2007 ൽ ഒരു അഡാപ്റ്റഡ് ടോയ്ലറ്റും 2010 - 2011 വർഷം കുടിവെള്ള പദ്ധതിയും 2012-13 വർഷം വൈദ്യുതീകരണത്തിനും എസ്.എസ്.എ വഴി ഫണ്ടുകൾ ലഭ്യമായിട്ടുണ്ട്. 2014-15 വർഷം സി.ആർ സി ഫണ്ട് ഉപയോഗിച്ച് ഒരു എൽ.സി.ഡി പ്രൊജക്ടർ വാങ്ങിയിട്ടുണ്ട്. 2012-13 വർഷം ശിശു സൗഹൃവിദ്യാലയംരൂപപ്പെടുത്തുന്നതിനായി എസ്.എസ്.എ ഒരു ലക്ഷം രൂപ അനുവദിച്ചു. ഈ തുക ഉപയോഗിച്ച് ക്ലാസ് മുറികൾക്കകവും പുറവും മലനാഹരമാക്കാനും ധാരാളം സമഗ്രികൾ ഒരുക്കാനും സാധിച്ചു .

സ്കൂളിൻ്റെ ഭൗതിക സൗകര്യങ്ങൾ ഉയർത്തുന്നതിൽ പി.ടി.എ സജീവ ശ്രദ്ധ പതിപ്പിക്കാറുണ്ട്.പരേതനായ എ.പി കുഞ്ഞു , വി.കുഞ്ഞാലി വാങ്ങി എന്നിവരും സി.കെ മുഹമ്മദ് ഹാജി, ടി.പി അബൂബക്കർ ഹാജി, യു.വി അബ്ദുൾ ലത്തീഫ്, കെ.എ കാദർ ഹാജി, കെ.എ മായൻ ഹാജി, അബ്ദുൽ ഖാദർഎന്നിവരും പി.ടി.എ ക്ക് നേതൃത്വം നൽകിയ വ്യക്തികളാണ്.

നിലവിൽ 200 ലധികം കുട്ടികൾ പഠിക്കുന്ന ഒരു വലിയ സ്ഥാപനമായി ശിവപുരം ഗവ.എൽ .പി മാറിക്കഴിഞ്ഞു. അന്താരാഷ്ട്ര നിലവാരത്തിലേക്ക് കുതിക്കാനായി ഭൗതിക സാഹചര്യങ്ങൾ മെച്ചപ്പെടുത്തുന്നതിനുമായി സഹായ സഹകരണങ്ങൾ മട്ടന്നൂർ നിയോജക മണ്ഡലം MLA  ഉറപ്പു നൽകിയിട്ടുണ്ട്.കണ്ണൂർ ജില്ലയിൽ നിന്ന് മോഡൽ പ്രീ - പ്രൈമറി സ്കൂളായി തെരഞ്ഞെടുക്കപ്പെട്ട രണ്ടിൽ ഒരു സ്കൂളാണിത്. പ്രീ -പ്രൈമറി നവീകരണത്തിനും മോഡൽ പ്രീ - പ്രൈമറി സ്കൂളായി മാറ്റുന്നതിനും 15 ലക്ഷം രൂപയുടെ SSK ഫണ്ട് നിലവിൽ സ്കൂളിൻ്റെ സ്വപ്ന പദ്ധതിയിലുൾപ്പെടുന്നു