ഗവൺമെന്റ് വി.&എച്ച്.എസ്.എസ്. പിരപ്പൻകോട്/എന്റെ ഗ്രാമം

എൻറെ ഗ്രാമം

പിരപ്പൻകോട് എന്ന ഗ്രാമം തിരുവനന്തപുരം ജില്ലയിൽ നെടുമങ്ങാട് താലൂക്കിൽ മാണിക്കൽ പഞ്ചായത്തിൽ ഉൾപ്പെടുന്നതാണ് പിരപ്പൻകോട് ഗ്രാമം. ഈ ഗ്രാമത്തിലെ പ്രധാന സ്ഥാപനങ്ങളിലൊന്നാണ് ഗവൺമെൻറ് വി. & എച്ച്. എസ്. എസ്. പിരപ്പൻകോട്. നെൽ കൃഷിയായിരുന്നു ഊ ഗ്രാമത്തിൻറെ പ്രധാന മുഖ മുദ്ര. 49പറ, തൈക്കാട് തൊഴുന്തൂർ ഏല, ഇവയെല്ലാം ഇവിടത്തെ കൃഷി ഇനങ്ങളാണ്. ഇവിടെ നിറയെ പാടശേഖരങ്ങൾ ആയിരുന്നു. റബ്ബർ, തെങ്ങ്, കവുങ്ങ, പ്ലാവ്, കുരുമുളക്, മരിച്ചീനി, പച്ചക്കറി ഇനങ്ങൾ തുടങ്ങയവ ഉൾക്കൊള്ളുന്ന മിശ്ര കൃഷി ഇവിടെ കാണാൻ കഴിയും . 1960-ൽ സ്ഥാപിക്കപ്പെട്ട കേരള സ്പോർട്സ് ക്ലബ്ബാണ് ഇവിടുത്തെ ഏറ്റവും പഴക്കം ചെന്ന സാംസ്കാരിക സംഘടന. ഈ ഗ്രാമത്തിലെ പ്രസിദ്ധമായ ക്ഷേത്രമാണ് പിരപ്പൻകോട് ശ്രീകൃഷ്ണ സ്വാമി ക്ഷേത്രം. ക്ഷേത്ര-നീന്തൽക്കുളം ഗ്രാമവാസികൾക്ക് അനുഗ്രഹമാണ്. ഒട്ടനവധി ദേശീയ-അന്തർദേശീയ നീന്തൽതാരങ്ങളെ വാർത്തെടുക്കാൻ ഈ ഗ്രാമത്തിനു കഴിഞ്ഞിട്ടുണ്ട്.

മനോഹരമായ പ്രകൃതി ഭംഗിയുള്ള പിരപ്പൻകോട് എന്ന് ഗ്രാമത്തിന്റെ പ്രധാനപ്പെട്ട കുറച്ച് പ്രമുഖ സ്ഥലങ്ങൾ പരിചയപ്പെടാം. പിരപ്പൻകോട് വിനോദസഞ്ചാരത്തിനും പ്രാധാന്യം നൽകുന്നു. ഇവിടെ ഒട്ടനവധി പ്രാധാന്യമർഹിക്കുന്ന പ്രദേശങ്ങളുണ്ട്.

വെള്ളാണിക്കൽ പാറ

തലസ്ഥാന നഗരമായ തിരുവനന്തപുരത്തിന്റെ പ്രാന്തപ്രദേശത്ത് സ്ഥിതി ചെയ്യുന്ന അത്രയൊന്നും അറിയപ്പെടാത്ത പ്രകൃതിരമണീയമായ സ്ഥലമാണ് മനോഹരമായ വെള്ളാനിക്കൽ പാറ. മടവൂർപ്പാറയ്ക്ക് സമീപം സ്ഥിതി ചെയ്യുന്ന 5 ഏക്കർ പാറക്കെട്ടുള്ള കുന്നാണിത്. ശാന്തമായ ഈ സൗന്ദര്യത്തിലേക്കുള്ള സന്ദർശനം, നിത്യജീവിതത്തിന്റെ തിരക്കിൽ നിന്ന് മാറി  മനസിന് കുളിർമയേകാൻ തീർച്ചയായും ഈ പ്രദേശത്തിൻറെ കാഴ്ചകൾ നിങ്ങൾക്ക് പ്രദാനം ചെയ്യും.

ശാന്തിഗിരി ആശ്രമം-താമര പർണശാല

പിരപ്പൻകോട് സ്കൂളിന് അടുത്തുള്ള മറ്റൊരു മനോഹരമായ കാഴ്ചയാണ് താമര പർണ്ണശാല. ശാന്തിഗിരി ആശ്രമത്തിലെ ഉള്ളിലായാണ് ഇത് സ്ഥിതി ചെയ്യുന്നത്. രാജസ്ഥാൻ മാർബിൾ തീർത്ത ഈ വെണ്മ ഉള്ള സൗധം ലോകത്തിലെതന്നെ വിനോദസഞ്ചാരികൾക്ക് മനം കുളിർക്കുന്ന കാഴ്ചയാണ്.