"ജി.എച്ച്.എസ്.എസ് മംഗൽപാടി/ചരിത്രം" എന്ന താളിന്റെ പതിപ്പുകൾ തമ്മിലുള്ള വ്യത്യാസം

ಸರಕಾರಿ ಬುನಾದಿ ಕಿರಿಯ ಪ್ರಾಥಮಿಕ ಶಾಲೆ ಮಂಗಲ್ಪಾಡಿ ಇದರ ವಟಾರದಲ್ಲಿ 1958 ರಲ್ಲಿ ಆರನೇ ತರಗತಿಯಿಂದ ಮೊದಲ್ಗೊಂಡು ಪ್ರೌಢಶಾಲಾ ವಿಭಾಗವನ್ನು ಆರಂಭಿಸಲಾಯಿತು. ಕುಕ್ಕರು ಶ್ರೀಯುತ ಮಹಾಬಲ ಶೆಟ್ಟಿ ಮಂಗಲ್ಪಾಡಿ ಶ್ರೀಯುತ ತ್ಯಾಂಪಣ್ಣ ಶೆಟ್ಟಿ ಎಂಬವರ ನೇತೃತ್ವದಲ್ಲಿ ಸ್ಥಳೀಯ ಮುಖಂಡರು ಈ ಪ್ರದೇಶದ ಶೈಕ್ಷಣಿಕ ಕೊರತೆಯನ್ನು ಮನಗಂಡು ಇದನ್ನು ಪರಿಹರಿಸಲು ಒಂದು ಶಾಲೆ ಆರಂಭಿಸಲು ಮುತುವರ್ಜಿವಹಿಸಿದರು. ಇದರ ಫಲವಾಗಿ ಅವಿಭಕ್ತ ಕಣ್ಣನೂರು ಜಿಲ್ಲೆಯ ವಿದ್ಯಾಧಿಕಾರಿಗಳ ನೇತೃತ್ವದಲ್ಲಿ ಮಲಬಾರ್ ಜಿಲ್ಲಾ ವಿದ್ಯಾಭ್ಯಾಸ ಬೋರ್ಡಿನ ಆಶ್ರಯದಲ್ಲಿ ಈ ಪ್ರೌಢಶಾಲೆ ಆರಂಭವಾಯಿತು.ಇಂದು ಉಪ್ಪಳದಲ್ಲಿ ಪ್ರಸಿದ್ಧ ಮಕ್ಕಳ ತಜ್ಞರಾಗಿರುವ ಡಾಕ್ಟರ್ ರತ್ನಾಕರ ಶೆಟ್ಟಿ ಈ ಶಾಲೆಯಲ್ಲಿ ಮೊತ್ತಮೊದಲು ದಾಖಲಾತಿ ಪಡೆದ ವಿದ್ಯಾರ್ಥಿ ಆಗಿರುತ್ತಾರೆ. ಪೈವಳಿಕೆ ಸರಕಾರಿ ಹೈಸ್ಕೂಲ್ ಎಸ್ಐಟಿ ಹೈಸ್ಕೂಲ್ ಮಂಜೇಶ್ವರ ,ಈ ಶಾಲೆಗಳನ್ನು ಹೊರತು ಪಡಿಸಿದರೆ ಮಂಜೇಶ್ವರ ಪಿಕಾ೯ದ ಮಕ್ಕಳಿಗೆ ಕಲಿಯಲು ಈ ಶಾಲೆಯನ್ನು ಆಶ್ರಯಿಸಬೇಕಾಗಿತ್ತು. ದೇಶ-ವಿದೇಶಗಳಲ್ಲಿ ಹಲವಾರು ಉನ್ನತ ಹುದ್ದೆಗಳಲ್ಲಿ ವ್ಯವಸಾಯ ರಂಗದಲ್ಲಿ ಇಲ್ಲಿನ ಹಳೆಯ ವಿದ್ಯಾರ್ಥಿಗಳು ವಿಶೇಷ ಸ್ಥಾನಗಳನ್ನು ಹೊಂದಿದ್ದರೆ. ಹೀಗಿದ್ದರೂ ಕೂಡ ಬೌದ್ಧಿಕ ವ್ಯವಸ್ಥೆಗಳ ಕೊರತೆ ಪೀಠೋಪಕರಣಗಳ ಕೊರತೆ ಶೌಚಾಲಯ ಗ್ರಂಥಾಲಯ ಸಭಾಂಗಣ ಪ್ರಯೋಗಾಲಯ ಪಾಕಶಾಲೆಯ ಕೊರತೆ ಶಾಲೆಯ ಅಭಿವೃದ್ಧಿಯನ್ನು ಕುಂಠಿತಗೊಳಿಸಿವೆ.ಮೇಲಿನ ಕೊರತೆಯಿಂದಲೂ ಈ ಪ್ರದೇಶ ಇತರ ಶಾಲೆಗಳ ಫಲಿತಾಂಶಕ್ಕಿಂತಲೂ ಮುಂದಿದೆ.