എസ്.ജി.യു.പി കല്ലാനിക്കൽ/പ്രവർത്തനങ്ങൾ

സ്കൂൾ

സൗകര്യങ്ങൾ

പ്രവർത്തനങ്ങൾ

ക്ലബ്ബുകൾ

ചരിത്രം

അംഗീകാരം

ഓൺലൈൻ ദിനാഘോഷ പ്രവർത്തനങ്ങൾ

ഓൺലൈൻ ദിനാഘോഷ പ്രവർത്തനങ്ങൾ

സ്കൂൾ തലത്തിൽ കഴിഞ്ഞ 4 വർഷങ്ങളായി ഓരോ മാസത്തിലെയും പ്രധാന ദിനങ്ങൾ  ആഘോഷിക്കുകയും ഡോക്യൂമെന്റുകൾ സൂക്ഷിക്കുകയും അനുബന്ധ മത്സരങ്ങൾ നടത്തുകയും ചെയ്തു വരുന്നു.കോവിഡ് പശ്ചാത്തലത്തിൽ പോലും നോട്ടീസ് തയ്യാറാക്കി ഓൺലൈൻ മത്സരങ്ങൾ സംഘടിപ്പിക്കുകയും സർട്ടിഫിക്കറ്റ് വിതരണം ചെയുകയും ദിനാഘോഷ പരിപാടികളിൽ മുഴുവൻ കുട്ടികളുടെയും പങ്കാളിത്തം ഉറപ്പ് വരുത്തുകയും ചെയ്തു വരുന്നു.  ദിനാഘോഷ കലണ്ടർ ഓരോ മാസവും മുൻകൂട്ടി തയ്യാറാക്കി പ്രവർത്തനപദ്ധതികൾ ആസൂത്രണം ചെയ്തു നടപ്പിലാക്കാൻ ദിനാഘോഷ ക്ലബ്‌ സദാ പ്രവർത്തനസജ്ജമാണ്.

സ്കൗട്ട് and ഗൈഡ്സ്

കുട്ടികളിൽ നല്ല സ്വഭാവരൂപീകരണം, അച്ചടക്ക ബോധം, അടുക്കും ചിട്ടയുമുള്ള ജീവിതം, ജീവിതമൂല്യങ്ങൾ തുടങ്ങിയ ജീവിത ബന്ധിയായ ഗുണങ്ങൾ നേടി എടുക്കുന്നതിനും പാഠ്യപാഠ്യേതര മേഖലയിൽ മികവ് തെളിയിക്കുന്നതിനും സഹായകമാകുന്ന വിധത്തിൽ 2022- 2023 വർഷത്തിൽ സെന്റ് ജോർജ് യു. പി സ്കൂളിൽ സ്കൗട്ട് & ഗൈഡ് ആരംഭിച്ചു.

പച്ചക്കുടുക്ക

പച്ചകുടുക്ക

പച്ചക്കുടുക്ക

വിദ്യാർത്ഥികളിൽ കാർഷിക സംസ്കാരം വളർത്തുന്നതിനും സമ്പാദ്യശീലം വർധിപ്പുക്കുന്നതിനുമുള്ള പച്ചക്കുടുക്ക പദ്ധതിക്ക്‌ തൊടുപുഴ കാഡ്സിന്റെ ആഭിമുഖ്യത്തിൽ  ഈ സ്കൂളിൽ പ്രവർത്തിച്ചുവരുന്നു..കുട്ടികൾ അവരുടെ ഭവനങ്ങളിൽ നിന്ന് അധികമുള്ള വിഭവങ്ങൾ സ്കൂളിൽ എത്തിക്കുന്നു. ഈ വിഭവങ്ങൾ കാഡ്സ്‌ സംഭരിച്ച് അപ്പോൾ തന്നെ കുട്ടികൾക്ക് അതിന്റെ വില നൽകുന്ന പദ്ധതിയാണ് സ്കൂളിൽ നടപ്പിലാക്കുന്നത്. ആഴ്ചയിൽ ഒരിക്കൽ ഇങ്ങനെ വിഭവങ്ങൾ ശേഖരിച്ച് അതിന്റെ വില അവരുടെ അക്കൗണ്ടിൽ നിക്ഷേപിക്കുന്ന പദ്ധതിയാണിത്. കൃഷിയെ അടുത്തറിഞ്ഞ്, കാർഷികപ്രവർത്തനങ്ങളിൽ താൽപര്യമുള്ളവരായി വളരാൻ വിദ്യാർഥികളെ പ്രേരിപ്പിക്കുകയാണ് പച്ചക്കുടുക്ക പദ്ധതിയുടെ ലക്ഷ്യം. ഒപ്പം വീട്ടുവളപ്പുകളിൽ പാഴായിപ്പോവുന്ന ഫലവർഗങ്ങൾ ആവശ്യക്കാരിലെത്തിക്കുന്നതിനും വിദ്യാർഥികളിൽ സമ്പാദ്യശീലം വളർത്തുന്നതിനും ഈ പദ്ധതി സഹായകമാവുന്നുണ്ട്. മികച്ച വിലയ്ക്കാണ് വിദ്യാർഥികളിൽനിന്ന് കാർഷികോൽപന്നങ്ങൾ വാങ്ങുന്നത്.

പൊതുവിപണിയിൽ അത്ര സുലഭമല്ലാത്ത വാഴപ്പിണ്ടി, പൂച്ചപ്പഴം, ചെമ്മീൻപുളി, ഞാവൽ, അടതാപ്പ്, സ്റ്റാർ ഫ്രൂട്ട് എന്നിവയൊക്കെ ഉപഭോക്താക്കൾക്ക് ലഭ്യമാക്കുന്നതുമൂലം പച്ചക്കുടുക്ക, ഉപഭോക്താക്കളുടെയും മനം കവരുന്നുണ്ട്. നാട്ടിൻപുറങ്ങളിലെ വീട്ടുവളപ്പുകളിൽനിന്നെത്തുന്ന ഇത്തരം ഉൽപന്നങ്ങൾക്കായി ജനങ്ങൾ കാത്തിരിക്കുകയാണ്. ആദായത്തിനായി കൃഷി ചെയ്യാത്തതും എന്നാൽ പോഷക സമ്പന്നവുമായ ഉൽപന്നങ്ങളിലൂടെ  കിട്ടുന്ന മാന്യമായ വരുമാനം ഭാവിയിൽ കൃഷി ഉപജീവനമാർഗമാക്കാൻ കുട്ടികളെ പ്രേരിപ്പിക്കുമെന്ന് കാഡ്സ് ഭാരവാഹികൾ പ്രതീക്ഷിക്കുന്നു. അധ്വാനിച്ചു സമ്പാദിക്കുന്നതിന്റെ മഹത്വം തിരിച്ചറിയുന്ന കുട്ടികളുടെ സ്വഭാവരൂപീകരണവും ആത്മവിശ്വാസവും മെച്ചപ്പെടുമെന്നും ഇതിലൂടെ ലക്ഷ്യം വെക്കുന്നു.

പച്ചക്കുടുക്ക       

പച്ചക്കറിത്തോട്ടം

മാതൃഭൂമി സീഡ്

കല്ലാനിക്കൽ സ്കൂളിന്റെ ഏറ്റവും ആകർഷണീയതകളിൽ എടുത്തു പറയേണ്ടതാണ് ഇവിടുത്തെ മനോഹരമായ പച്ചക്കറിത്തോട്ടം. ഏകദേശം അഞ്ചു വർഷങ്ങളായി സീഡ് പ്രവർത്തനങ്ങൾ നടത്തിവരുന്നു. പാവൽ ,കോവൽ, വെണ്ട, വഴുതന, പയർ, മത്തൻ ,കോളിഫ്ലവർ മുതലായ വിവിധ ഇനം പച്ചക്കറികൾ തോട്ടത്തിൽ ഉടനീളം കാണാൻ സാധിക്കും . കൃഷിയുടെ മേൽനോട്ടത്തിനും ഉന്നമനത്തിനു മുന്നിൽ നിൽക്കുന്നത്  സ്കൂളിലെ കുട്ടികൾ തന്നെയാണ്. സ്കൂൾ പച്ചക്കറി തോട്ടത്തിൽ നിന്ന് ലഭിക്കുന്ന പച്ചക്കറികൾ ഉച്ചഭക്ഷണത്തിൻ്റെ ഭാഗമായി ഉപയോഗിച്ചുവരുന്നു. ഇത്തരത്തിലുള്ള പ്രവർത്തനങ്ങൾ ചെയ്യുന്നതിൽ കുട്ടികളെ പ്രോത്സാഹിപ്പിക്കുന്നതുമൂലം കൃഷിയും മണ്ണും ആയി കുട്ടികളെ കൂടുതൽ അടുപ്പിക്കാനും, ആരോഗ്യപൂർണമായ ഭക്ഷണശൈലി വാർത്തെടുക്കാനും , മാനസിക ഉല്ലാസവും സാധ്യമാക്കുന്നു. മാതൃഭൂമി സീഡ് ക്ലബ്ബിൻറെ ഭാഗമായി കുട്ടികൾക്ക് മുതൽക്കൂട്ടാകുന്ന മറ്റുചില പ്രവർത്തനങ്ങളും നടത്തി വരുന്നു. ശുചീകരണ പ്രവർത്തനങ്ങളും, നല്ല ആരോഗ്യ ശീലങ്ങൾ എങ്ങനെ വാർത്തെടുക്കാൻ സാധിക്കുംഎന്നതിനെക്കുറിച്ച് ക്ലാസുകൾ നൽകാനും സീഡ് ക്ലബ്ബ് കഴിയുന്നുണ്ട്.

നല്ല പാഠം

മനോരമ നല്ലപാഠം

ക്ലാസ്മുറിക്കു പുറത്തുള്ള ലോകത്തെയും അറിയാനും പഠിക്കാനും സ്നേഹഭരിതമായി ഇടപെടാനും പുസ്തകപാഠങ്ങൾക്കപ്പുറം വിദ്യാർഥികളെ സജ്ജമാക്കുന്നതിൽ നവമാതൃക തീർത്ത നല്ലപാഠം വലിയ പങ്കുവഹിക്കുന്നു. നല്ല പാഠത്തിൻറെ ഭാഗമായി നവീന കൃഷി രീതി സ്കൂളിൽ നടത്തുവാൻ കഴിഞ്ഞിരുന്നു ഇപ്പോഴും അത് നടത്തിപ്പോരുന്നു.ആധുനികരീതിയിലുള്ള  ബഡ്ഫാമിംഗ് കൃഷി രീതിയിലൂടെ പച്ചക്കറി കൃഷി നടത്തുന്നതിനാണ് മുൻതൂക്കം നൽകുന്നത്.

ആഴത്തിൽ കാനങ്ങൾ കീറിയ ശേഷം അതിനുള്ളിൽ ജൈവവളങ്ങൾ നിക്ഷേപിച്ച മണ്ണിട്ട് മൂടുകയാണ് ആദ്യപടി. ബഡ് നിർമ്മിച്ച ശേഷം പോളിത്തീൻ ഷീറ്റ് ഇട്ടു മൂടുന്നു .ചെറിയ കുഴികൾ എടുത്തതിനുശേഷം അതിനുള്ളിൽ തൈകൾ നടും. ജലസേചനത്തിനായി ഡ്രിപ്പ് ഇറിഗേഷൻ സൗകര്യവും ഒരുക്കും. ഇത്തരത്തിലുള്ള ആധുനിക കൃഷി രീതിയിലൂടെ നല്ല പാഠം ശരിയായ മാർഗത്തിൽ പ്രവർത്തിച്ചുവരുന്നു.

നല്ല പാഠത്തിൻറെ ഭാഗമായി വൈവിധ്യമായ പ്രവർത്തനങ്ങളും സ്കൂളിൽ നടത്തിവരുന്നു. അതിൽ എടുത്തു പറയേണ്ട പ്രവർത്തനങ്ങളിൽ ഒന്നാണ് ഭക്ഷ്യമേള. ഫാസ്റ്റ് ഫുഡ് സംസ്കാരത്തിൽ നിന്നും പുതിയതലമുറയെ രക്ഷിക്കുക എന്ന സന്ദേശം ഉയർത്തിപ്പിടിച്ചുകൊണ്ട് കുട്ടികൾക്ക് നാടൻ വിഭവങ്ങളുടെ രുചിക്കൂട്ടുകൾ പരിചയപ്പെടുത്തി കപ്പ, ചേന, ചേമ്പ്, കാന്താരി മുളക് അരച്ചത് ക്യാരറ്റ്, കേക്ക് ,പായസം തുടങ്ങിയ വൈവിധ്യമാർന്ന വിഭവങ്ങൾ മേളയിൽ ഒരുക്കാൻ സാധിച്ചു. ഇത്തരത്തിലുള്ള വൈവിദ്ധ്യമാർന്ന പ്രവർത്തനത്തിലൂടെ മികച്ച പ്രവർത്തനത്തിനുള്ള ഫലകവും ക്യാഷ് അവാർഡും ലഭിച്ചു .

വായനമൃതം

വായിച്ചു വളരുവാനും വായനയെ പരിപോഷിപ്പിക്കാനും സ്കൂളിൽ വർഷങ്ങളായി നടപ്പിലാക്കി വരുന്ന പദ്ധതിയാണ് വായനാമൃതം. ക്ലാസ്സ്‌ തല വയനാമൂലകൾ സജ്ജീകരിച്ചും വായന കാർഡുകളും ചാർട്ടുകളും ഒരുക്കിയും വായനയിൽ പിന്നോകാം നിൽക്കുന്ന കുട്ടികൾക്ക് വായിക്കാൻ പരിശീലനം നൽകുന്നു. രാവിലെ ക്ലാസ്സ്‌ സമയം തുടങ്ങും മുൻപ് വായിക്കാൻ ബുദ്ധിമുട്ട് നേരിടുന്ന കുട്ടികൾക്കായി വായനമൃതം പരിപാടിയുടെ ഭാഗമായി അദ്ധ്യാപകർ അടിസ്ഥാനപരിശീലനം നൽകി വരുന്നു. അക്ഷരം പരിചയപ്പെടാനും വായിക്കാനും നൂതന സാധ്യതകൾ എല്ലാം ഉപയോഗിക്കുന്നു. വായനയുടെ ലോകത്തേക്ക് കുരുന്നുകളെ കൈ പിടിച്ചു ഉയർത്തുവാൻ വായനമൃതം പദ്ധതിയ്ക്ക് സാധിച്ചു.