"എസ് വി ഡി യു പി എസ് പുറക്കാട്/ചരിത്രം" എന്ന താളിന്റെ പതിപ്പുകൾ തമ്മിലുള്ള വ്യത്യാസം

ഭാഷാന്യൂനപക്ഷ വിഭാഗത്തിൽപ്പെട്ട ഗൗഡസാരസ്വത ബ്രാഹ്‌മണരുടെ പുറക്കാട് ശ്രീവേണുഗോപാല ദേവസ്വം വകയാണ് ഈ സരസ്വതി ക്ഷേത്രം.ക്ഷേത്ര സമ്പത്ത് വിദ്യാഭ്യാസ പുരോഗതിക്ക് ഉപയോഗപ്പെടുത്തി സാമൂഹിക പുരോഗതിക്കു വിളക്കു കൊളുത്തിയ നിർണ്ണായക ചരിത്രഗതിക്കു വഴിയൊരുക്കിയവരിൽ പ്രധാനിയായിരുന്ന കെ. നാഗേന്ദ്രപ്രഭുവിന്റെ നേതൃത്വത്തിലാണ് പുറക്കാട് ശ്രീ വേണുഗോപാല ദേവസ്വം എന്ന പേരിൽ അപ്പർ പ്രൈമറി സ്കൂൾ ആരംഭിച്ചത്.

വിദ്യാഭാസ സഹായം നൽകാൻ വിദ്യാദി വർദ്ധിനി ഫണ്ടിന് രൂപം നൽകിയതും നാഗേന്ദ്ര പ്രഭുവാണ്. സമുദായികവും സാമൂഹിഹവുമായ പുരോഗതിക്കായി സാമ്പത്തികമായും നേതൃത്വപരമായും നാഗേന്ദ്ര പ്രഭു നൽകിയ സംഭവനകളും ചരിത്രത്തിലെ മായാത്ത മുദ്രകളാണ്. ഗോവയിൽ നിന്നും പലയാനം ചെയ്തു വിവിധ ദേശങ്ങളിലേക്ക് പടർന്ന കൊങ്കിണി മാതൃഭാഷയായ ഗൗഡ സാരസബ്രാഹ്മണ സമുദായക്കാരുടെ സംസ്കൃതി യുടെ വെളിച്ചങ്ങളിലൊന്നായ ശ്രീ. കെ. നാഗേന്ദ്ര പ്രഭുവിന്റെ മേൽനോട്ടത്തിൽ നിർമ്മിച്ച ശ്രീ വേണുഗോപാല ദേവസ്വം അപ്പർ പ്രൈമറി സ്കൂളിന് കാലാന്തരത്തിൽ ഭാഷ ന്യൂനപക്ഷ സമുദായമെന്ന നിലയിൽ വേണ്ട പരിഗണയോ സഹായമോ ലഭിക്കാതിരിന്നിട്ടും നല്ല രീതിയിൽ ഈ സരസ്വതി ക്ഷേത്രം അതിന്റെ വിജയ വഴിയിലൂടെ മുന്നോട്ടു പോകുന്നു.