"ജി.വി.എൽ.പി.എസ് ചിറ്റൂർ/പ്രവർത്തനങ്ങൾ/2021-22" എന്ന താളിന്റെ പതിപ്പുകൾ തമ്മിലുള്ള വ്യത്യാസം

[[ചിത്രം:21302-environmentday2021 48.jpg|150px|thumb]]

പ്രവേശനോത്സവം കഴിഞ്ഞു വരുന്ന ആദ്യത്തെ ദിനാചരണമാണ് പരിസ്ഥിതി ദിനാചരണം. ഈ ദിനാചരണത്തിൽ എന്തെല്ലാം പ്രവർത്തനങ്ങൾ ചെയ്യാമെന്ന് നേരത്തെ തന്നെ കുട്ടികളെ അറിയിച്ചിരുന്നു. ചെടികളും മരങ്ങളും സംരക്ഷിക്കേണ്ടതിന്റെ ആവശ്യകതയെക്കുറിച്ച് ടീച്ചർമാർ ഗ്രൂപ്പിൽ സന്ദേശം കൊടുത്തു. കൂടാതെ കുട്ടികളും ഈ സന്ദേശം ഉൾക്കൊള്ളുന്ന പ്രസംഗങ്ങളും പാട്ടുകളും പാടി ഗ്രൂപ്പിലേക്കയച്ചു. ഈ പരിസ്ഥിതി ദിനത്തിൽ ഒരു ചെടിയെങ്കിലും നട്ടു സംരക്ഷിക്കും എന്ന പ്രതിജ്ഞയോടെ ധാരാളം കുട്ടികൾ തങ്ങൾ ചെടികൾ നടുന്നതിൻ്റെ വീഡിയോകൾ അയച്ചു തന്നു. ധാരാളം കുട്ടികൾ പ്രസംഗം പറഞ്ഞു. പരിസ്ഥിതി ദിന ആശംസകൾ നേർന്നു. പരിസ്ഥിതി സംരക്ഷണവുമായി ബന്ധപ്പെട്ട പോസ്റ്റർ, പ്ലക്കാർഡ്, പതിപ്പ്, ബാഡ്ജ് എന്നിവയെല്ലാം കുട്ടികൾ നിർമിച്ച് അവ പരിചയപ്പെടുത്തി. ഇങ്ങനെയെല്ലാം വളരെ നല്ല രീതിയിൽ തന്നെ പരിസ്ഥിതി ദിനാചരണം ഞങ്ങൾ കൊണ്ടാടി.

[[ചിത്രം:21302-moonday2021 08.jpg|150px|thumb]]

ചാന്ദ്രദിനം വളരെ നല്ല രീതിയിൽ സ്കൂളിൽ ആചരിച്ചു. ജൂലൈ 21 ചാന്ദ്രദിനത്തിന്റെ പ്രാധാന്യത്തെക്കുറിച്ചും ആദ്യ ചാന്ദ്രയാത്രയെക്കുറിച്ചും ടീച്ചർമാർ ക്ലാസ്സ് ഗ്രൂപ്പുകളിൽ പറഞ്ഞു കൊടുത്തു. 1969-ൽ ചന്ദ്രനിൽ മനുഷ്യനെ ഇറക്കുന്നതിൽ അമേരിക്ക വിജയിച്ചുവെന്നും മനുഷ്യൻ ആദ്യമായി ചന്ദ്രനിൽ ഇറങ്ങിയ ദിവസം ചാന്ദ്രദിനമായി ലോകം ആചരിക്കുന്നതെന്നും ടീച്ചർമാർ പറഞ്ഞു കൊടുത്തു. ചാന്ദ്രദിനവുമായി ബന്ധപ്പെട്ട വിവിധ കലാപരിപട്ടികൾ കുട്ടികൾ ക്ലാസ്  ഗ്രൂപ്പുകളിൽ അവതരിപ്പിച്ചു. ചന്ദ്ര നെക്കുറിച്ചുള്ള കവിതകൾ, പാട്ടുകൾ എന്നിവ ആലപിച്ച് കുട്ടികൾ ക്ലാസ് ഗ്രൂപ്പുകളിൽ ഇട്ടു. ഇവ കൂടതെ ചാന്ദ്രദിന ചിത്ര രചന, പോസ്റ്റർ നിർമാണം, . അപ്പോളോ_11 ന്റെ മാതൃകകളും കുട്ടികൾ നിർമ്മിച്ച് ഗ്രൂപ്പിൽ ഇട്ടു. എല്ലാ ക്ലാസുകാരും ചാന്ദ്രദിന ക്വിസ് ഓൺലൈൻ ആയി നടത്തി. കുട്ടികൾ പ്രസംഗങ്ങൾ അവതരിപ്പിച്ച് ഗ്രൂപ്പുകളിൽ ഇട്ടു. ഇങ്ങനെയെല്ലാം ചാന്ദ്രദിനം വളരെ നന്നായി സ്കൂളിൽ ആഘോഷിച്ചു.

[[ചിത്രം:21302-independenceday2021 06.jpg|150px|thumb]]

പൂർണമായും കോവിസ് മാനദണ്ഡങ്ങൾ പാലിച്ചു കൊണ്ടാണ് ഈ വർഷം സ്വാതന്ത്ര്യ ദിനം ആഘോഷിച്ചത്. വളരെ പരിമിതമായ പങ്കാളിത്തത്തോടെയാണ് സ്വാതന്ത്ര്യദിന പരിപാടികൾ നടത്തിയത്. രാവിലെ ചെറിയ തോതിൽ സ്കൂൾ മുറ്റം തോരണങ്ങൾ കൊണ്ട് അലങ്കരിച്ചു. ഈശ്വര പ്രാർത്ഥനയോടെ കൂടിയാണ് സ്വാതന്ത്യദിനാഘോഷം ആരംഭിച്ചത്.കൃത്യം 9 മണിക്ക് PTA അംഗം സുഗതൻ കൊടിയുയർത്തി. സ്കൂളിലെ പ്രധാനധ്യാപികയുടെ ചുമതലയുള്ള ജയശ്രീ മറ്റ് എല്ലാ അധ്യാപകരും സ്വാതന്ത്ര്യദിനാഘോഷത്തിൽ പങ്കെടുത്തു. തുടർന്ന് പതാകഗാനം എല്ലാവരും ചേർന്ന് ആലപിച്ചു. പിടിഎ അംഗം സുഗതൻ, ജയശ്രീ എന്നിവർ സ്വാതന്ത്ര്യ ദിനാഘോഷത്തെക്കുറിച്ച് സംസാരിച്ചു. സ്വാതന്ത്ര്യ ദിനാഘോഷ വേളയിൽ സ്കൂളിൽ വരാൻ സാധിക്കാത്ത കുട്ടികൾക്ക് പരിപാടികൾ വീഡിയോ വഴി കാണാനുള്ള അവസരം ഉണ്ടാക്കി കൊടുത്തു എന്നത് വളരെ വ്യത്യസ്തത നിറഞ്ഞ ഒരു കാര്യം തന്നെയായിരുന്നു. ഗാന്ധിജി, നെഹ്റു തുടങ്ങിയ സ്വാതന്ത്ര്യസമര സേനാനികളുടെ വേഷങ്ങളിൽ കുട്ടികൾ വളരെ പുതുമ നിറഞ്ഞ ഒരനുഭവം കാഴ്ച്ച വച്ചു. സ്വാതന്ത്ര്യദിനപ്പതിപ്പ് എല്ലാ കുട്ടികളും നിർമ്മിച്ച് ക്ലാസ് ഗ്രൂപ്പുകളിൽ അവതരിപ്പിച്ചു.

[[പ്രമാണം:21302-vidhooravedhi21 1.jpg|200px|thumb]]

മുൻ വർഷത്തെപ്പോലെ തന്നെ സ്കൂൾതല കലാ മത്സരങ്ങൾ ഓൺലൈനിൽ സംഘടിപ്പിക്കുകയുണ്ടായി. മലയാളം പദ്യംചൊല്ലൽ, പ്രസംഗം, ആംഗ്യപ്പാട്ട്, English Action song, ശാസ്ത്രീയ സംഗീതം, ലളിതഗാനം, മാപ്പിളപ്പാട്ട്, നാടോടി നൃത്തം തുടങ്ങിയ മത്സരയിനങ്ങൾ മൂന്നു ദിവസങ്ങളിലായി നടത്തി ആദ്യ മൂന്നു സ്ഥാനങ്ങളിൽ എത്തിയവരെ കണ്ടെത്തുകയും സർട്ടിഫിക്കറ്റുകൾ നൽകുകയും ചെയ്തു. വിദ്യാർത്ഥികളും രക്ഷിതാക്കളും ഒരുപോലെ സ്വീകരിച്ച ഈ ഓൺലൈൻ കലാമത്സരം കലാമികവുകൾ പ്രകടിപ്പിക്കാനുള്ള സുവർണ്ണാവസരമായിരുന്നു.

[[പ്രമാണം:21302-onam2021 37.jpg|thumb|200px]]

ഓഗസ്റ്റ് 20, ചിങ്ങമാസത്തിലെ പൊന്നോണ പുലരിയെ വരവേൽക്കാൻ എല്ലാ കുട്ടികളും വളരെ ആകാംഷയോടെയാണ് കാത്തിരുന്നത്. കോവിഡ് കാലഘട്ടത്തിലെ സ്കൂൾ തുറക്കാത്ത സാഹചര്യമായതിനാൽ ഈ വർഷത്തെ ഓണാഘോഷത്തിന് അതിന്റേതായ പരിമിതികൾ ഉണ്ടായിരുന്നു. കുറേ കുട്ടികൾ മാവേലി മന്നന്റെ വേഷം ധരിച്ച് ക്ലാസ് ഗ്രൂപ്പുകളിലേക്ക് അയച്ചു തന്നിരുന്നു. ഇത് മറ്റുള്ള കുട്ടികൾക്ക് വളരെ കൗതുകകരമായ കാഴ്ച തന്നെയായിരുന്നു. മൂന്ന്, നാല് ക്ലാസുകളിലെ കുട്ടികൾ ഓണപ്പതിപ്പ് നിർമ്മിച്ചു. പതിപ്പിന്റെ പ്രദർശനം ഓരോ കുട്ടിയും ക്ലാസ് ഗ്രൂപ്പുകളിൽ തന്നെ നിർവഹിച്ചു. കോവിഡ് കാലത്തെ ഓൺലൈൻ മാധ്യമം ഉപയോഗപ്പെടുത്തിയുള്ള ഈ വർഷത്തെ ഓണാഘോഷം ഒരു വ്യത്യസ്ത അനുഭവം തന്നെയായിരുന്നു. കുട്ടികൾ ഓണപ്പാട്ടുകൾ പാടി അവതരിപ്പിച്ചിരുന്നു. പ്രീ പ്രൈമറി ക്ലാസുകളിലെ കുട്ടികൾ മുതൽ നാലാം ക്ലാസിലെ കുട്ടികൾ വരെ ഓണാഘോഷ പരിപാടികളിൽ പങ്കാളികളായിരുന്നു. ഓരോ കുട്ടിയുടെ വീട്ടിലിട്ട ഓണപ്പൂക്കളം മറ്റുള്ള കുട്ടികൾക്കും കാണാൻ വേണ്ടി ഫോട്ടോ എടുത്ത് ക്ലാസ് ഗ്രൂപ്പുകളിൽ ഇട്ടിരുന്നു. എല്ലാ ക്ലാസ് അധ്യാപകരും കുട്ടികൾക്ക് ഓണാശംസകൾ നേർന്നു.

===ഒക്ടോബർ===

[[ചിത്രം:21302-gandhijayanthi21_01.jpg|150px|thumb]]

ഒക്ടോബർ 2, ഗാന്ധിജയന്തിമായി ബന്ധപ്പെട്ട  വിവിധ തരം പ്രവർത്തനങ്ങൾ ഗ്രൂപ്പിൽ ചെയ്തയച്ചു ,പതിപ്പുകൾ ഗാന്ധിജിയുടെ ചിത്രം വരച്ചത് കഥകൾ, പാട്ടുകൾ ദേശഭക്തിഗാനങ്ങൾ എന്നിവ അതിൽ ഉൾപ്പെടുത്തി. നിരവധി കുട്ടികൾ ഗാന്ധിജിയുടെ വേഷം ധരിച്ച് പാട്ടുപാടി അതിൻറെ വീഡിയോ അയച്ചുതന്നു. ഒരാഴ്ച സേവനവാരം ആയി ആഘോഷിച്ചു. ബോധവൽക്കരണ ക്ലാസ്സ് നൽകി.

[[ചിത്രം:21302-xmas21_13.jpg|200px|thumb]]

നവംബർ 1 വളരെ കെങ്കേമമായാണ് ഞങ്ങളുടെ സ്ക്കൂളിൽ ആഘോഷിച്ചത്. കോവിഡ് മൂലമുള്ള നീണ്ട ഒന്നര വർഷത്തെ അവധിക്കു ശേഷം സ്ക്കൂൾ തുറക്കുന്ന ദിവസം. കേരളപ്പിറവി ദിനം എന്നീ രണ്ടു പ്രത്യേകതകളാണ്. അന്നേ ദിവസം ഉണ്ടായിരുന്നത്. കോവിഡ് മാനദണ്ഡങ്ങൾ പാലിച്ച് 3 ബാച്ചുകളിലായാണ് കുട്ടികളെ വരുത്തിയത്. ഒന്നാം ബാച്ച് തിങ്കൾ, ചൊവ്വ ദിവസങ്ങളിൽ രണ്ടാം ബാച്ച് ബുധൻ, വ്യാഴം ദിവസങ്ങളിൽ മൂന്നാം ബാച്ച് വെള്ളി, ശനി എന്നീ ദിവസങ്ങളിൽ എന്നിങ്ങനെയാണ് ക്രമപ്പെടുത്തിയിരുന്നത്. എല്ലാ ബാച്ചുകളിലേയും ആദ്യ ദിവസങ്ങളിൽ ഞങ്ങൾ പ്രവേശനോത്സവം നടത്തി. BRCതല പ്രവേശനോത്സവ ഉദ്ഘാടനം ഈ സ്ക്കൂളിൽ വച്ചാണ് നടന്നത്. മുൻസിപ്പിൽ വൈസ് ചെയർമാൻ ശിവകുമാർ, വാർഡ് കൗൺസിലർ ശ്രീദേവി, വിദ്യാഭ്യാസ സ്റ്റാൻ്റിംഗ് ചെയർപേഴ്സൺ സുമതി, പി.ടി.എ പ്രസിഡന്റ് സ്വാമിനാഥൻ എന്നിവർ കുട്ടികൾക്ക് ആശംസകൾ നേർന്നു. സ്ക്കൂളിന്റെ പുതിയ ഹെഡ്മിസ്ട്രസ്സായി ചുമതലയേറ്റ ജയലക്ഷ്മി ചടങ്ങിൽ പൊന്നാട അണിയിച്ച് സ്വാഗതം ചെയ്തു. പകുതിയിൽ താഴെ കുട്ടികൾ മാത്രമേ അന്നേ ദിവസം സ്ക്കൂളിൽ വന്നിരുന്നുള്ളൂ. സ്ക്കൂൾ മുറ്റവും ക്ലാസ്സ് മുറിയും തോരണവും ബലൂണുകളും കൊണ്ട് അലങ്കരിച്ചിരുന്നു. സ്ക്കൂളിലെ ചെടിച്ചട്ടികൾക്കെല്ലാം ചായം തേച്ച് മനോഹരമാക്കിയിരുന്നു. സ്ക്കൂൾ മുറ്റത്തെ മരച്ചില്ലകളിൽ അക്ഷരക്കാർഡുകൾ തൂക്കിയിട്ടു. പുസ്തകവിതരണം, മധുര പലഹാര വിതരണം എന്നിവ യെല്ലാം ഉണ്ടായിരുന്നു. കുട്ടികൾ വളരെ ഉത്സാഹത്തോടെയാണ് സ്ക്കൂളിലേക്ക് വന്നത്. അന്ന് കേരളപ്പിറവി ദിനം കൂടി ആയിരുന്നതിനാൽ അതോടനുബന്ധിച്ചുള്ള ഒരു ക്വിസ് മത്സരം നടത്തി, പതിപ്പ് നിർമാണം, കേരളപ്പിറവി ഗാനാലാപനം എന്നിവയെല്ലാം അന്നേ ദിവസം ഉണ്ടായിരുന്നു.

====ശിശുദിനം====

[[ചിത്രം:21302-children's_day01.jpg|150px|thumb]]

ചാച്ചാജിയുടെ ജന്മദിനമായ നവംബർ 14 വളരെ നല്ല രീതിയിൽ തന്നെ ഞങ്ങൾ കൊണ്ടാടി. ധാരാളം കുട്ടികൾ ചാച്ചാജിയായി വേഷം കെട്ടിവന്നത് കാണുവാൻ നല്ല രസമായിരുന്നു. ശിശുദിന ക്വിസ്, ശിശുദിനപ്പതിപ്പ്, ശിശുദിനപ്പാട്ട് എന്നീ പരിപാടികളിലെല്ലാം ധാരാളം കുട്ടികൾ പങ്കെടുത്തു.

====സ്കൂളിലൊരു പച്ചക്കറിത്തോട്ടം====

[[ചിത്രം:21302-xmas2110.jpg|200px|thumb]]

കോവിഡ് മാനണ്ഡങ്ങൾ പാലിച്ചാണ് ക്രിസ്തുമസ് ആഘോഷം നടത്തിയത്. ക്രിസ്തുമസിനെ വരവേൽക്കാൻ വേണ്ടി മനോഹരമായ പുൽക്കൂടും, ക്രിസ്തുമസ് ട്രീയും ഒരുക്കി. വിവിധ നിറത്തിലുള്ള നക്ഷത്രങ്ങൾ തൂക്കി. കരോൾ സംഘം പാട്ട് പാടിക്കൊണ്ടാണ് ക്രിസ്തുമസ് അപ്പൂപ്പനെ സ്വാഗതം ചെയ്തത്. എല്ലാ വിദ്യാർത്ഥികൾക്കും അപ്പൂപ്പൻ ആശംസകൾ നേർന്നു. ആശംസക്കാർഡ് മത്സരം നടത്തി.അതിൽ എല്ലാ വിദ്യാർത്ഥികളും പങ്കെടുത്തു. വർണശബളമായ ആശംസക്കാർഡുകളാണ് കുട്ടികൾ തയ്യാറാക്കിയത്. അദ്ധ്യാപിക ലില്ലി വിദ്യാർത്ഥികൾക്ക് കേക്ക് നൽകി. മധുരമായ ഒരു ക്രിസ്തുമസ് കാലം കൂടി വരവേറ്റു.

===ജനുവരി ===