"ഗവ. ബോയ്സ് എച്ച് എസ് എസ് കായംകുളം/നാടോടി വിജ്ഞാനകോശം" എന്ന താളിന്റെ പതിപ്പുകൾ തമ്മിലുള്ള വ്യത്യാസം

തിരുവിതാംകൂറിലെ പത്ത് നാട്ടു രാജ്യങ്ങളിലെ പ്രധാനപ്പെട്ട ഒരു നാട്ടുരാജ്യമായിരുന്നു ഓടനാട്. മാവേലിക്കര, കാർത്തികപ്പള്ളി, കുട്ടനാട് തെക്ക്,ചെങ്ങന്നൂരിൻറെ കുറച്ചു ഭാഗങ്ങൾ ഇത്രയും ചേർന്ന ഒരു കൊച്ചു രാജ്യമായിരുന്നു ഓടനാട്.ഇതിനെ ഓണാട് എന്നും പിൽക്കാലത്ത് കായംകുളം എന്നും അറിയാൻ തുടങ്ങി.കൊല്ലവർഷം 3-ാം നൂറ്റാണ്ടിനു ശേഷം ഉണ്ടായ ഓടനാട് കണ്ടിയൂർമറ്റം തലസ്ഥാനമാക്കി ഭരണമാരംഭിച്ചു എന്നാണ് വിശ്വാസം. വീര രവി വർമ്മൻറെ ഭരണകാലമായപ്പോഴേക്കും ഓടനാടിന് കായംകുളം എന്ന പേരിൽ പ്രസിദ്ധമായി.15-ാം നൂറ്റാണ്ടിൽ ഓടനാടിൻറെ തലസ്ഥാനം കായുകുളത്തിന് വടക്ക് എരുവയിലേക്ക് മാറ്റി.കോയിക്കൽപ്പടി കോയിക്കലായിരുന്നു അവരുടെ കൊട്ടാരം.ഭരണസൗകര്യത്തിനു വേണ്ടി കൃഷ്ണപുരത്തൊരു പുതിയ കൊട്ടാരം പണിതു.'കീർത്തിപുരം' എന്നായിരുന്നു ഈ സ്ഥലത്തിൻറെ അന്നത്തെ പേര് എന്ന് ചരിത്ര ഗവേഷകർ  പറയുന്നു.കൊട്ടാരത്തിൻറെ രക്ഷയ്ക്കുവേണ്ടി വലിയ മൺകോട്ട പണികഴിപ്പിച്ചു.ഇതിനായി മണ്ണെടുത്ത സ്ഥലത്തെ 'അതിർത്തിച്ചിറ' എന്നറിയപ്പെടുന്നു.ഇന്നത്തെ സി.പി.സി.ആർ.ഐ നിൽക്കുന്ന സ്ഥലത്തായിരുന്നു കായംകുളം രാജാവിൻറെ കുതിരലായം സ്ഥിതി ചെയ്തിരുന്നത്.

കായംകുളവുമായി നിരന്തരം ശത്രുത പുലർത്തിയിരുന്ന ഒരു നാട്ടുരാജ്യമായിരുന്നു അമ്പലപ്പുഴ നാട്ടുരാജ്യം.കായംകുളം രാജാവായിരുന്ന വീര രവി വർമ്മൻ അമ്പലപ്പുഴയെ പ്രതിരോധിക്കാനായി നിയോഗിച്ച കുണ്ടണിപ്പടയുടെ പ്രധാന ആയുധം ഇരുവശവും മൂർച്ചയുള്ള വാളായിരുന്നു. ഇതിനെ കായംകുളം വാൾ എന്നറിയപ്പെടുന്നു.

കായംകുളം യുദ്ധത്തിനു ശേഷം കൃഷ്ണപുരത്തെ കൊട്ടാരം ധാരാളം ജോലിക്കാരുടെ മൂന്നു മാസത്തെ കഠിനാധ്വാനം കൊണ്ടാണ് പൊളിച്ചു മാറ്റിയത്.ആ സ്ഥാനത്ത് രാമയ്യൻ ദളവയുടെ മേൽനോട്ടത്തിൽ ഇപ്പോഴുള്ള കൊട്ടാരത്തിറെ പണി ആരംഭിച്ചു.ഇത് വിപുലീകരിച്ച് പൂർത്തിയാക്കിയത് അയ്യപ്പൻ മാർത്താണ്ഡ പിള്ള ദളവയായിരുന്നു.