സെന്റ്. മേരീസ് എച്ച്.എസ്സ്.എസ്സ് കുറവിലങ്ങാട്/ആനിമൽ ക്ലബ്ബ്-17

ആനിമൽ ക്ലബ്ബ്

സെന്റ് മേരീസ് ഹൈസ്കൂളിൽ പുതുതായി ആരംഭിച്ച ആനിമൽ & പൗൾട്രി ഫാം ക്ലബ്ബ് കുട്ടികളും രക്ഷിതാക്കളും ഏറെ സന്തോഷത്തോടെ സ്വാഗതം ചെയ്തു. കോഴാ കേന്ദ്രമാക്കി പ്രവർത്തിക്കുന്ന മൃഗസംരക്ഷണ വകുപ്പും കുറവിലങ്ങാട് ഗ്രാമ പഞ്ചായത്തും ഈ ക്ലബ്ബുകൾക്ക് നേതൃത്വവും സഹകരണവും നൽകിവരുന്നു. മൃഗസംരക്ഷണ വകുപ്പിൽ നിന്ന് വിദഗ്ധ ഡോക്ടർമാർ സ്കൂളിലെത്തി കുട്ടികൾക്ക് പരിശീലനം നൽകി. ആനിമൽ & പൗൾട്രി ഫാം ക്ലബ്ബിന്റെ ആഭിമുഖ്യത്തിൽ സ്കൂളിലെ 50 വിദ്യാർത്ഥികൾക്ക് പ്രതിരോധ ശേഷിയുള്ള അഞ്ചു കോഴികളെ വീതം സൗജന്യമായി വിതരണം ചെയ്തു. കോഴിത്തീറ്റയും പ്രതിരോധ മരുന്നുകളും ഇതോടൊപ്പം കുട്ടികൾക്ക് നൽകുകയുണ്ടായി. കോഴിക്കുഞ്ഞ് വിതരണം ഗ്രാമപഞ്ചായത്ത് പ്രസിഡണ്ട് ശ്രീ. പി.സി. കുര്യൻ നിർവ്വഹിച്ചു. ആനിമൽ & പൗൾട്രി ഫാം ക്ലബ്ബിന്റെ പ്രവർത്തനങ്ങൾക്ക് അധ്യാപകനായ ശ്രീ. സോജൻ ജേക്കബ്ബ് നേതൃത്വം നൽകുന്നു.
മറ്റു പ്രവർത്തനങ്ങൾ

• ആനിമൽ & പൗൾട്രി ഫാം ക്ലബ്ബിന്റെ ആഭിമുഖ്യത്തിൽ സ്കൂളിൽ വിവിധ പ്രവർത്തനങ്ങൾ നടത്തിവരുന്നു.
• മാസംതോറും ക്ലബ്ബ് അംഗങ്ങൾ യോഗങ്ങൾ ചേരുന്നു.
• വളർത്തു മൃഗങ്ങളെ സ്നേഹിക്കാൻ പരിശീലിപ്പിക്കുന്നു.
• വീടുകളിൽ മൃഗസംരക്ഷണം ഹോബിയായി മാറ്റുന്നു.
• കുട്ടികൾക്ക് മൃഗസംരക്ഷണത്തെ സംബന്ധിച്ച ക്ലാസുകൾ സംഘടിപ്പിക്കുന്നു.
• മൃഗസംരക്ഷണകേന്ദ്രം അധികാരികൾ വീടുകൾ സന്ദർശിക്കുന്നു.
• മൃഗങ്ങൾക്കുള്ള രോഗപ്രതിരോധമരുന്നുകൾ വിതരണം ചെയ്യുന്നു.
• മൃഗങ്ങൾക്കുള്ള തീറ്റകൾ സൗജന്യമായി നൽകുന്നു.
• രക്ഷ‍ാകർത്താക്കൾക്ക് ബോധവൽക്കരണം നടത്തുന്നു.

ആനിമൽ & പൗൾട്രി ഫാം ക്ലബ്ബിന്റെ പ്രവർത്തനങ്ങൾ വാർത്താമാധ്യമങ്ങളിൽ വലിയ പ്രാധാന്യം നേടുകയുണ്ടായി. കോഴിക്കു‍ഞ്ഞു വിതരണത്തിന്റെ ഫോട്ടോകൾ പത്രങ്ങളിൽ വന്നത് കുട്ടികൾക്ക് വലിയ ഒരു പ്രോത്സാഹനമായി മാറി. 50 കുട്ടികളാണ് ആനിമൽ & പൗൾട്രി ഫാം ക്ലബ്ബിൽ ഇപ്പോൾ പ്രവർത്തിച്ചുകൊണ്ടിരിക്കുന്നത്.

'കുറവിലങ്ങാട് ഗ്രാമപഞ്ചായത്തിന്റെയും കോഴാ മൃഗാശുപത്രിയുടെയും ആഭിമുഖ്യത്തിൽ നമ്മുടെ സ്കൂളിലെ പൗൾട്രി ക്ലബിലെ കുട്ടികൾക്കായി, മുട്ടക്കോഴിക്കുഞ്ഞുങ്ങളുടെയും അവയ്ക്കുള്ള തീറ്റയുടെയും മരുന്നിന്റെയും വിതരണം ബഹു. പഞ്ചായത്ത് പ്രസിഡന്റ് ശ്രീ.പി.സി.കുര്യൻ നിർവഹിക്കുന്നു.'

• 

  കോഴിക്കുഞ്ഞു വിതരണോത്ഘാടനം- ശ്രീ. പി.സി.കുര്യൻ

• 

  മാതാപിതാക്കളുടെ പ്രോത്സാഹനം

• 

  വിതരണത്തിന് തയ്യാർ

• 

  വെറ്ററിനറി ഡോക്ടറുടെ നിർദ്ദേശങ്ങൾ

• 

  സുരക്ഷിതമായി വീടുകളിലേയ്ക്ക്