ജി. ബി. എൽ. പി. എസ്. കൊടുവായൂർ/അക്ഷരവൃക്ഷം/നന്ദി ആരോട് ചൊല്ലേണ്ടൂ

നന്ദി ആരോട് ചൊല്ലേണ്ടൂ നന്ദി ഞാൻ ആരോട് ചൊല്ലേണ്ടൂ , തൻ മേനി നോക്കാതെ കോവിഡിൻ രോഗികൾക്കായ്-  സേവനം ചെയ്യുന്ന ആതുരസേവകർക്കോ ! വെയിലേറ്റു വാടാതെ ചൂടേറ്റു തളരാതെ, നാടിനായ് സേവനം ചെയ്യുന്ന പോലീസിനോ ! നന്ദി ഞാൻ ആരോട് ചൊല്ലേണ്ടൂ . വിശന്നു വലയുന്ന തെരുവിലെ ജനതയ്ക്ക്- അന്നം വിളമ്പുന്ന സേവകർക്കോ ! നാടിന്റെ നൻമയ്ക്കും നമ്മുടെ രക്ഷയ്ക്കും താങ്ങായി നിൽക്കുന്ന ഭരണകൂടത്തിനോ ! നന്ദി ഞാൻ ആരോട് ചൊല്ലേണ്ടൂ . നാടിന്റെ നേരുകൾ നമ്മെ അറിയിക്കും മാധ്യമപ്രവർത്തകർക്കോ! എല്ലാം സഹിക്കാനും എല്ലാം ക്ഷമിക്കാനും എന്നെ പഠിപ്പിച്ച എൻ ഗുരുനാഥനോടോ ! നന്ദി ഞാൻ ആരോട് ചൊല്ലേണ്ടൂ . നല്ലതു ചെയ്യുവാനായ് ഇരുകരങ്ങൾ നമുക്കായി നൽകിയ ജഗദീശനോടോ ! പത്തുമാസം വയറ്റിൽ ചുമന്നെന്നെ  ഞാനാക്കി മാറ്റിയ അമ്മയോടോ ! സന്താപം കൊണ്ടെൻ മിഴികൾ നിറയുമ്പോൾ വാരിപുണരുമെൻ അച്ഛനോടോ ! സ്നേഹവാൽസല്യങ്ങൾ ആവോളം ചൊരിയുന്ന എൻ കൂടപിറപ്പിനോടോ ! നന്ദി ഞാൻ ആരോട് ചൊല്ലേണ്ടൂ.   രവീന്ദ്രനാഥ് ടി.ജി. 5 A ജി.ബി .എൽ.പി .എസ്,കൊടുവായൂർ കൊല്ലങ്കോട് ഉപജില്ല പാലക്കാട് അക്ഷരവൃക്ഷം പദ്ധതി, 2020 കവിത