ഗവ. യു.പി.എസ്. രാമപുരം/അക്ഷരവൃക്ഷം/ലോക്ക് ഡൗൺ

ലോക്ക് ഡൗൺ ലേഖനം ലോക്ക്ഡൗൺ ചൈനയിലെ വുഹാനിൽ നിന്ന് പടർന്നു പിടിച്ച് ലോകം മുഴുവൻ ഭീതിയോടെ ഇന്നും നേരിടുന്ന മഹാമാരിയായ കൊറോണ വൈറസ് നമ്മുടെ ഇന്ത്യയിൽ ലോക്ക് ഡൗണിനു കാരണമായി. ഞാൻ ആദ്യമായിട്ടാണ് ലോക്ക്ഡൗൺ എന്ന് കേൾക്കുന്നത്. അത് എന്താണ് എന്ന് വിശദമായി ഉമ്മി എനിക്ക് പറഞ്ഞു തന്നു. സ്കൂളുകൾ എല്ലാം അടച്ചു, പരീക്ഷകളും മാറ്റിവെച്ചു. പരീക്ഷ എഴുതാതെ എങ്ങനെ പാസ്സാകാമെന്നു ലോക്ക്ഡൗൺ പഠിപ്പിച്ചു. ഓഫീസുകൾ അടച്ചു, ബസ്സുകൾ ഓടുന്നില്ല. ഇപ്പോൾ പുറത്തിറങ്ങാനും പറ്റുന്നില്ല. വൈറസിനെ തുരത്തുന്നതിനുവേണ്ടി എത്രത്തോളം ശുചിത്വമോടെ നാം നടക്കണം എന്ന് നമ്മൾ അറിഞ്ഞു. മാസ്ക് ധരിച്ച് മാത്രം പുറത്ത് പോകണം. സോപ്പും വെള്ളവും ഉപയോഗിച്ച് നിരന്തരം കൈകഴുകണം. സർക്കാരിന്റെ "ബ്രേക്ക്‌ ദി ചെയിൻ" എല്ലാ കുട്ടികളെയും മുതിർന്നവരെയും ബോധവാന്മാരാക്കി. പുറത്തു പോകാതെ വീട്ടിലിരുന്ന് എങ്ങനെ സമയം ചിലവഴിക്കാം, മാളുകളും സിനിമ തീയേറ്ററും പാർക്കുകളും ഇല്ലെങ്കിലും ഞായറാഴ്ച കടന്നുപോകുമെന്ന് പഠിച്ചു. നമ്മൾ എല്ലാവരും മറന്നുപോയ വായനയും ഒളിച്ചുകളിയും ക്യാരം ബോർഡും, കഞ്ഞിയും കറിയും ഒക്കെ തിരികെ വന്നു. ഹോട്ടലിൽ നിന്ന് ആഹാരം കഴിച്ചിരുന്നവർ മൂന്ന് നേരവും വീടുകളിൽ നിന്ന് കഴിച്ചു തുടങ്ങി. എല്ലാവരും ഒരുമിച്ചിരുന്നു ഭക്ഷണം കഴിക്കുന്നതിന്റ സുഖം അറിഞ്ഞു. വിനോദയാത്രകൾ ഇല്ലെങ്കിലും അവധിക്കാലം കടന്നു പോകുമെന്ന് അറിഞ്ഞു. കല്യാണം, ഉത്സവം, ആഘോഷങ്ങൾ എല്ലാം 5 പേര് വെച്ച് നടത്താനാകും എന്ന് പഠിച്ചു. പ്രളയവും വൈറസും ഇതുപോലുള്ള മഹാമാരികൾ വരുമ്പോൾ കേരളത്തിലെ ജനങ്ങൾ ഒരുമയോടെ പ്രവർത്തിക്കുന്നു. മുന്നിൽ നിന്ന് സർക്കാരും വേണ്ടത് ചെയ്യുന്നു. ഭീതി നിറഞ്ഞ ഈ കാലവും നമ്മൾ അതിജീവിക്കും.... സൈനബ് ലത്തീഫ് 3 A ഗവ . യു പി എസ് രാമപുരം നെടുമങ്ങാട് ഉപജില്ല തിരുവനതപുരം അക്ഷരവൃക്ഷം പദ്ധതി, 2020 ലേഖനം