ഗവ. എച്ച്.എസ്.എസ്. പുത്തൻതോട്/അക്ഷരവൃക്ഷം/മഹാമാരിയായ കൊറോണ

മഹാമാരിയായ കൊറോണ ഈ അവധി ദിനങ്ങൾ അടച്ചുപൂട്ടലിന്റേതായിരുന്നു. കൊറോണ എന്ന മഹാമാരിയിലൂടെ ലോകം മുഴുവൻ അടച്ചിട്ട അവസ്ഥ. ഇങ്ങനെയൊരവസ്ഥ ഇതിനു മുമ്പ് ഉണ്ടായിട്ടില്ലെന്നാണ് എല്ലാവരും പറയുന്നത്. ആരാധനാലയങ്ങളും സ്കൂളുകളും എല്ലാം അടച്ചിടുന്നു. ഞങ്ങൾക്ക് പ്രാർത്ഥിക്കാൻ പോകാൻ പോലും സാധിക്കാറില്ല. ഈ അവധിക്കാലത്ത് വേളാങ്കണ്ണി ക്ക് കൊണ്ടുപോകാമെന്ന് ഏറ്റിരുന്നതാണ്. അനിയന്റെ കാതിലെ കമ്മൽ ഊരി മാതാവിന് നേർച്ചയിടേണ്ടതാണ്. പക്ഷേ ഒന്നും നടന്നില്ല. വീട്ടിൽ നിന്ന് പുറത്തിറങ്ങിയിട്ട് നാളുകളായി.റോഡ് കണ്ടിട്ടുപോലും എത്ര ദിവസമായി.ഞങ്ങൾ കൂട്ടുകാരോടൊപ്പം പോലും കളിക്കാറില്ല. മുറ്റത്തിറങ്ങി കളിച്ച് അകത്തു കയറുമ്പോൾ പോലും കൈകൾ സോപ്പുപയോഗിച്ച് കഴുകും. സോപ്പും വെള്ളവുമൊക്കെ പുറത്തു തന്നെ വെച്ചിട്ടുണ്ട്. അങ്ങനെ കൊറോണ വന്നപ്പോൾ ശുചിത്വം താനേ വന്നു. ഓരോ ദിവസവും ലോകത്ത് ഒത്തിരിപ്പേർ മരിക്കുന്നുണ്ട് എന്നു കേൾക്കുമ്പോൾ പേടി തോന്നും. ആർക്കും ഒരാപത്തും വരുത്തരുതെന്നാണ് ഞങ്ങളിപ്പോൾ പ്രാർത്ഥിക്കാറുള്ളത്. ഇതൊക്കെ മാറും. എല്ലാം പഴയതുപോലെയാകും. ഈ സമയത്ത് നമ്മുടെ രക്ഷയ്ക്കായി കഷ്ടപ്പെട്ട ആരോഗ്യ പ്രവർത്തകരേയും പോലീസുകാരേയും സന്നദ്ധ സംഘടനാ പ്രവർത്തകരേയും നന്ദിയോടെ ഓർക്കുന്നു. നല്ലൊരു നാളേയ്ക്കായി ഇന്നു നമുക്ക് വീട്ടിൽ തന്നെയിരിക്കാം. ശുചിത്വം പാലിക്കാം. ആൻ മരിയ ഫെർണാണ്ടസ് 4 C ജി എച്ച് എസ് എസ് പുത്തൻതോട് മട്ടാ‍ഞ്ചേരി ഉപജില്ല എറ‍ണാകുളം അക്ഷരവൃക്ഷം പദ്ധതി, 2020 ലേഖനം  സാങ്കേതിക പരിശോധന - pvp തീയ്യതി: 20/ 04/ 2020 >> രചനാവിഭാഗം - ലേഖനം