ഗവ.വി.എച്ച്. എസ്.എസ്. ഇരവിപുരം./അക്ഷരവൃക്ഷം/അങ്ങനെ ഒരു അടച്ചുപൂട്ടൽ

അങ്ങനെ ഒരു അടച്ചുപൂട്ടൽ എൻ്റെ മാമൻ്റെ പുതിയ വീടിൻ്റെ ഗൃഹപ്രവേശന ചടങ്ങിലേക്കാണ് ഞാൻ കോട്ടയത്ത് എത്തിയത്. വാസ്തവത്തിൽ ഞാൻ ഒരു കൊല്ലംകാരനാണ് . കളിച്ചും ഉല്ലസിച്ചും സന്തോഷകരമായ ദിവസങ്ങൾ കടന്നു പോയി . നാട്ടിലേക്ക് പോകാൻ തയ്യാറെടുക്കുമ്പോഴാണ് ആ ഞെട്ടിക്കുന്ന വിവരം ഞങ്ങൾ അറിയുന്നത് അത് ലോക്ക് ഡൗൺ . അതെ കോവിഡ്19 കാരണം ബഹുമാനപ്പെട്ട പ്രധാനമന്ത്രി നരേന്ദ്രമോദി രാജ്യമൊട്ടാകെ സമ്പൂർണ ലോക് ഡൗൺ പ്രഖ്യാപിച്ചിരിക്കുന്നു. കേട്ടുകേൾവിപോലുമില്ലാത്ത ഒരു കാര്യം. ഞങ്ങൾ വാസ്തവത്തിൽ ഞെട്ടിപ്പോയി.<br< സങ്കടത്തോടെ ആണെങ്കിലും ജനങ്ങളുടെ ആരോഗ്യനിലയിൽ ശങ്കാകുലനായി ആണ് പ്രധാനമന്ത്രി തീരുമാനമെടുത്തതെന്ന് ഞാൻ സ്വയം പറഞ്ഞു ആശ്വസിച്ചു. വാർത്തകളിലൂടെ ആ മഹാമാരിയുടെ കൂടുതൽ വിവരങ്ങൾ ഞാൻ മനസ്സിലാക്കി. എല്ലാവർക്കും അവരവരുടെ ക്രിയാത്മകമായ കഴിവുകൾ പുറത്തുകൊണ്ടുവരാനുള്ള ഒരു അവസരം കൂടിയാണ് ഈ ലോക് ഡൗൺ എന്ന് എനിക്ക് ബോധ്യപ്പെട്ടു. തുടർന്ന് ഈ ലോക്ക് ഡൗൺ കാലയളവ് എങ്ങനെ ഉപയോഗപ്രദമാക്കാം എന്ന് ഞാൻ ചിന്തയിലാണ്ടു. എൻ്റെ ഇഷ്ട വിനോദമായ ചിത്രരചനയിൽ ഞാൻ കൂടുതൽ ശ്രദ്ധ ചെലുത്തി . മറ്റു പല വിനോദങ്ങളും ഈ അവസരത്തിൽ എനിക്ക് മനസ്സിലാക്കാൻ കഴിഞ്ഞു .കൂടാതെ വായനയുടെ മഹാലോകത്തിലേക്ക് ഞാൻ പിച്ചവെക്കാനും തുടങ്ങി. സാധാരണഗതിയിൽ കുടുംബാംഗങ്ങൾ അവരവരുടെ ജോലിയിൽ ഏർപ്പെടുകയാണ് പതിവ് .എന്നാൽ ഈ കാലത്ത് എല്ലാവരും കൂടി ഇരുന്ന് അവരുടെ ആശയങ്ങളും അനുഭവങ്ങളും പങ്കു വെക്കുന്ന മനോഹരമായ ഒരു അനുഭൂതി .അങ്ങനെ ഭവനങ്ങൾ സ്വർഗീയമാകാനുള്ള അവസരം കൂടിയാണ് ഈ ലോക്ക് ഡൗൺ.എത്രയും പെട്ടെന്ന് ഈ മഹാവിപത്ത് നമ്മെ വിട്ട് ഒഴിക്കട്ടെ എന്ന് ഞാൻ പ്രത്യാശിക്കുന്നു. മിഥുൻ 7 C ഗവ.വി.എച്ച്. എസ്.എസ്. ഇരവിപുരം. കൊല്ലം ഉപജില്ല കൊല്ലം അക്ഷരവൃക്ഷം പദ്ധതി, 2020 ലേഖനം