ഗവൺമെന്റ് മോഡൽ. എച്ച്. എസ്. എസ് വർക്കല/അക്ഷരവൃക്ഷം/സമന്മാർ

സമന്മാർ മനുഷ്യന് നിറങ്ങളോട് ഭ്രാന്തായിരുന്നു , മനുഷ്യന് മതങ്ങളോട് ഭ്രാന്തായിരുന്നു, മനുഷ്യന് ദൈവങ്ങളോട് ഭ്രാന്തായിരുന്നു , മനുഷ്യന് കൊടികളോട് ഭ്രാന്തായിരുന്നു, മനുഷ്യന് മുദ്രാവാക്യങ്ങളോട് ഭ്രാന്തായിരുന്നു, ആ ഭ്രാന്ത് അവന് ലഹരിയായി മാറി, ആ ലഹരി അവന്റെ കൈകളിൽ ചോരക്കറ പുരട്ടി, ആ ചോരക്കറ കഴുകിക്കളയാൻ ജലത്തിന് സാധിച്ചില്ല, ആ ചോരക്കറ കഴുകിക്കളയാൻ വീഞ്ഞിന് സാധിച്ചില്ല, എന്നാൽ , ആ ചോരക്കറ കഴുകിക്കളയാൻ വിധിക്കപ്പെട്ടത് ഒരു രൂപമില്ലാ പിശാചായിരുന്നു . അവനത് ചെയ്തു, ഒരുപാടുപേരെ അവനൊപ്പം കൊണ്ടുപോയി , ഒരുപാടു യുഗങ്ങളുടെ പ്രയത്നം അവനൊപ്പം കൊണ്ടുപോയി , എന്നാൽ, അവൻ പല മതിലുകളും തകർത്തുകളഞ്ഞു , പല ഭ്രാന്തുകളും എരിച്ചുകളഞ്ഞു, അപ്പോൾ, മനുഷ്യന് മുന്നിൽ- നിറങ്ങളില്ലാതായി , മതങ്ങളില്ലാതായി , ദൈവങ്ങളില്ലാതായി, കൊടികളില്ലാതായി, മുദ്രാവാക്യങ്ങളുമില്ലാതായി . ഒറ്റ നിറവും, ഒറ്റ മതവും, ഒറ്റ ദൈവവും , ഒറ്റ കൊടിയും , ഒറ്റ മുദ്രാവാക്യവും-- മാത്രമേയുള്ളൂവെന്ന് തിരിച്ചറിഞ്ഞു എല്ലാവരും സമന്മാരാണെന്നും തിരിച്ചറിഞ്ഞു. ചെങ്കൽപാതകളിലും , ടാറിട്ട റോഡുകളിലും , കുടിലുകളിലും, കൊട്ടാരങ്ങളിലും-- കാണുന്നവർക്ക് ഒറ്റ മുഖമായി  അരൂപിയായ പിശാചിൽ നിന്നും മാനവരാശിയുടെ രക്ഷയ്ക്കായി പൊരുതിയവർക്ക് ദൈവത്തിന്റെ മുഖവുമായി .  ചെറുത്തുനിൽപ്പിന്റെ കഥയിൽ , തകർന്നുവീണ കോട്ടകളുടെ കഥയിൽ, പൊട്ടിച്ചെറിഞ്ഞ ചങ്ങലകളുടെ കഥയിൽ, അരൂപിപ്പിശാച് നൽകിയതൊരൊറ്റ ചോദ്യത്തിന് ഉത്തരം -- രാജാവിനും യാചകനും ഒരു മുഖമെന്ന ഉത്തരം.   അനാമിക.വി.കെ XI.സയൻസ്.ബി ഗവൺമെന്റ്. മോഡൽ.എച്ച്.എസ്.എസ്. വർക്കല വർക്കല ഉപജില്ല തിരുവനന്തപുരം അക്ഷരവൃക്ഷം പദ്ധതി, 2020 കവിത  സാങ്കേതിക പരിശോധന - Sai K shanmugam തീയ്യതി: 15/ 04/ 2020 >> രചനാവിഭാഗം - കവിത