ഗവ. വി എച്ച് എസ് എസ് കൈതാരം/അക്ഷരവൃക്ഷം/കൊറോണേ നന്ദി

കൊറോണേ നന്ദി ആകാശത്തിൽ പാറിനടന്നൊരെന്നെ എന്തിനു നീയിന്നു കൂട്ടിലടച്ചു? തിരക്കുമായി പാഞ്ഞുനടന്നൊരെനി - ക്കെന്തിനു 'വർക്ക് ഫ്രം ഹോം' എന്ന കേളി നൽകി? മണ്ണിനെ അറിയാനോ, മനുജനെ കാണാനോ, ശുചിത്വകാര്യങ്ങൾ ശീലിക്കാനോ? എന്തായാലും കൊറോണേ, എന്തിനായാലും നിനക്കിന്നു നന്ദി ചൊല്ലുന്നു ഞാൻ. നീയൊരു ഭീകര വൈറസാണെങ്കിലും നിന്റെ ഉള്ളിലുമൊരു നന്മയുണ്ട്. വീട്ടുകാരോടുള്ള അടുപ്പം കൂടി; എല്ലാരെയും വിളിക്കാൻ നേരം കിട്ടി. ‌ തിരക്കിനിടയിൽ മറന്ന പലതിനും ജീവൻവച്ചു വീണ്ടുമീ ലോക്ഡൗണിൽ; മണ്ണിൻ കനികളും കായ്കളും പിന്നെയും പിന്നെയും കറികളായി. പറമ്പിലും തൊടിയിലും നടന്നിട്ടുള്ള കാലമെന്നോർമ്മയിൽ പോലുമില്ല;  വീണ്ടും ആ തൊടിയിലെ ചെടികളോട് കിന്നാരം  ചൊല്ലാൻ കാരണമായി പടിയിലെ കിണ്ടിയും വെള്ളവും തിരിച്ചുവന്നു ഹാൻഡ് വാഷിന്റെ രൂപത്തിലെങ്കിലും സംസ്കാര ചിഹ്നമായ 'നമസ്തേ' വീണ്ടും ഓർമ്മയിൽ തെളിഞ്ഞുവന്നു അകലെയിരുന്നും ഒന്നായിരിക്കാം എന്നീകാലം പറഞ്ഞുവച്ചു വിവരശുചിത്വത്തിൽ ഒന്നാമനായി വ്യാജനെ ചവിട്ടി പുറത്താക്കാൻ ഈ നാള് നല്ലൊരു കാരണമായി ഒരുമതൻ കരുതലിൻ സ്നേഹത്തിൻ ശുചിത്വത്തിൻ ഈ നാളുകൾക്കായി നന്ദി കൊറോണെ നന്ദി