പയസ് ഗേൾസ് എച്ച്. എസ്. ഇടപ്പിള്ളി/2019-20

പ്രവേശനോത്സവം
മദ്ധ്യവേനൽ അവധി കഴിഞ്ഞ് ജൂൺ 6ന് സ്ക്കൂൾ തുറന്നു. പ്രവേശനോത്സവം നന്നായി ആഖോഷിച്ചു. യോഗം ബഹു. മാനേജർ വെ. റവ. ഫാദർ കുര്യാക്കോസ് ഇരവിമംഗലം ഉദ്ഘാടനം ചെയ്തു. ഹെ‍ഡ്മിസ്ട്രസ് ശ്രീമതി ജില്ലി പി ജിയോ സ്വാഗതം പറഞ്ഞു. പി റ്റി എ പ്രസിഡന്റ് ശ്രീ തോമസ്ജി പള്ളിപ്പാടൻ കൈക്കാരൻ ശ്രീ ജോയി പള്ളിപ്പാടൻ ആശംസകൾ നേർന്ന് സംസാരിച്ചു. സ്റ്റാഫ് സെക്രട്ടറി മേരി ജേക്കബ് സോഫി കൃതജ്ഞത പറഞ്ഞു. യോഗത്തിനുശേഷം പുതിയതായി ചേർന്ന കുട്ടികളെ ക്ലാസ് ടീച്ചേഴ്സ് അവരവരുടെ ക്ലാസിലേക്ക് കൊണ്ടുപോയി. മധുരപലഹാര വിതരണത്തോടെ കൂടി പരിപാടികൾ അവസാനിച്ചു.
ഉച്ച ഭക്ഷണോല്ഘാടനം
ഉച്ചക്ക് 12.45ന് ഈ വർഷത്തെ ഉച്ചഭക്ഷണ പരിപാടി ഹെഡ്മിസ്ട്രസ് ജില്ലി പി ജിയോ ഉത്ഘാടനം ചെയ്തു. വിഭവ സമൃദ്ധമായതും സ്വാദിഷ്ടമായതും ആയ ഭക്ഷണം അധ്യാപകർ കുട്ടികൾക്ക് വിളമ്പി കൊടുത്തു.
വായന്ക്കളരിയുടെ ഉല്ഘാടനം
ഹോട്ടൽ ഉഡുപ്പി ഭവന്റെ സഹകരണത്തോടെ ആരംഭിച്ച വായനക്കളരിയുടെ ഉത്ഘാടനം ഉഡുപ്പി മാനേജിങ്ങ് ഡയറക്ടർ വി വി രാജീവ് വിദ്യാർത്ഥിക്ക് മനോരമ പത്രം നല്കി നിർവഹിച്ചു.
വായനാദിനം
ബാഹാഹോട്ടൽ ഇടപ്പിള്ളിയുടെ മനേജിങ്ങ് ഡയറക്ടർ പി റഷീദ് പുറക്കാട്ട് മാധ്യമം പത്രം വിദ്യാർത്ഥികൾക്ക് കൈമാറി നിർവഹിച്ചു. എല്ലാദിവസവും കുട്ടികൾ പ്രശസ്തസാഹിത്യകാരന്മാരുടെ പുസ്തകങ്ങൾ അസംബ്ലിയിൽ വായിച്ചു.

ക്രിസ്തുമസ് ദിനാഘോഷം
ഞങ്ങളുടെ സ്ക്കൂളിലെ ഈ വർഷത്തെ ക്രിസ്തുമസ് ഡിസംബർ 4-ാം തീയതി ആഘോഷിച്ചു. അന്നേ ദിവസം സാന്താക്ലോസ് മത്സരം നടത്തി. ഏറ്റവും നല്ല സാന്താക്ലോസിന് ക്ലാസടിസ്ഥാനത്തിൽ സമ്മാനങ്ങൾ നൽകി. കരോൾ ഗാനം ,ഡാൻസ് തുടങ്ങിയ കുട്ടിളുടെ വിവിധ കലാപരിപാടികൾ അന്നേ ദിവസത്തിന്റെ ഭംഗി ഒന്നു കൂടി വർദ്ധിപ്പിച്ചു. അദ്ധ്യാപകരുടെ നേതൃത്വത്തിൽ കുട്ടികൾ അധിമനോഹരമായ ഒരു പുൽക്കൂടും നിർമ്മിച്ചു.