"മൂത്തേടത്ത് എച്ച് എസ്സ് തളിപ്പറമ്പ്/പ്രവർത്തനങ്ങൾ/2025-26" എന്ന താളിന്റെ പതിപ്പുകൾ തമ്മിലുള്ള വ്യത്യാസം
No edit summary |
|||
| വരി 499: | വരി 499: | ||
'''ഇൻസ്പയർ അവാർഡ്:''' ശാസ്ത്ര സാങ്കേതിക രംഗത്തെ മികവിന് ഇൻസ്പയർ (INSPIRE) ജേതാക്കളായ വിദ്യാർത്ഥികൾക്കുള്ള പുരസ്കാരങ്ങൾ വിതരണം ചെയ്തു | '''ഇൻസ്പയർ അവാർഡ്:''' ശാസ്ത്ര സാങ്കേതിക രംഗത്തെ മികവിന് ഇൻസ്പയർ (INSPIRE) ജേതാക്കളായ വിദ്യാർത്ഥികൾക്കുള്ള പുരസ്കാരങ്ങൾ വിതരണം ചെയ്തു | ||
== '''2026 മാർച്ച് 31: അടുത്ത അധ്യയനവർഷത്തേക്കുള്ള ഒരുക്കങ്ങൾക്കായി സ്കൂൾ സ്റ്റാഫ് കൗൺസിൽ യോഗം ചേർന്നു.''' == | == '''2026 മാർച്ച് 31''' == | ||
== '''മധുരസ്മരണകളുമായി പടിയിറക്കം: വിരമിക്കുന്ന അധ്യാപകർ സ്നേഹവിരുന്ന് നൽകി.''' == | |||
മൂത്തേടത്ത് ഹയർ സെക്കൻഡറി സ്കൂളിൽ നിന്നും നീണ്ട വർഷത്തെ സേവനത്തിന് ശേഷം സർവീസിൽ നിന്നും വിരമിക്കുന്ന അധ്യാപകർ, സഹപ്രവർത്തകർക്കും പി. ടി. എ. ഭാരവാഹികൾക്കുമായി സ്നേഹവിരുന്ന് ഒരുക്കി. മൂത്തേടത്ത് ഹയർ സെക്കൻ്ററി സ്കൂളിൽ നടന്ന ലളിതമായ ചടങ്ങിൽ, ഈ അധ്യയന വർഷം മാർച്ച് 31 ന് വിരമിക്കുന്ന പി.കെ.രത്നാകരൻ മാസ്ററർ , മെയ് 31 ന് വിരമിക്കുന്ന എ.വി . സത്യഭാമ ടീച്ചർ എന്നിവരാണ് വിരുന്ന് നൽകിയത്. | |||
അറിവിന്റെ വെളിച്ചം പകർന്നുനൽകിയ പ്രിയ അധ്യാപകരുടെ പടിയിറക്കം വിദ്യാലയ മുറ്റത്തെ കണ്ണീരണിയിക്കുന്ന ഓർമ്മയാക്കി മാറ്റാതെ, സന്തോഷത്തോടെ യാത്രയാക്കുക എന്ന ലക്ഷ്യത്തോടെയാണ് ഈ ഒത്തുചേരൽ സംഘടിപ്പിച്ചത്. സ്നേഹ വിരുന്നിനുശേഷം ശേഷം സ്റ്റാഫ് മീറ്റിംഗ് നടന്നു. സ്നേഹവിരുന്നിൽ സ്കൂളിലെ മുഴുവൻ ജീവനക്കാരും, പിടിഎ പ്രതിനിധികളും പങ്കെടുത്തു. | |||
== '''അടുത്ത അധ്യയനവർഷത്തേക്കുള്ള ഒരുക്കങ്ങൾക്കായി സ്കൂൾ സ്റ്റാഫ് കൗൺസിൽ യോഗം ചേർന്നു.''' == | |||
2025-26 അക്കാദമിക വർഷം വിജയകരമായി പൂർത്തിയാക്കി, വരാനിരിക്കുന്ന പുതിയ അധ്യയനവർഷത്തെ (2026-27) വരവേൽക്കാനൊരുങ്ങി മൂത്തേടത്ത് ഹയർസെക്കൻ്ററി സ്കൂളിൽ മാർച്ച് 31 ചൊവ്വാഴ്ച സ്കൂൾ കോൺഫറൻസ് ഹാളിൽ വെച്ച് സ്റ്റാഫ് മീറ്റിംഗ് ചേർന്നു. സ്കൂൾ ഹെഡ്മാസ്റ്ററുടെ അധ്യക്ഷതയിൽ നടന്ന യോഗത്തിൽ അധ്യാപകരും ജീവനക്കാരും പങ്കെടുത്തു.പുതിയ അധ്യയനവർഷത്തെ പ്രവർത്തനങ്ങൾ സുഗമമാക്കുന്നതിനായുള്ള പ്രധാന തീരുമാനങ്ങളാണ് യോഗത്തിൽ കൈക്കൊണ്ടത്. | 2025-26 അക്കാദമിക വർഷം വിജയകരമായി പൂർത്തിയാക്കി, വരാനിരിക്കുന്ന പുതിയ അധ്യയനവർഷത്തെ (2026-27) വരവേൽക്കാനൊരുങ്ങി മൂത്തേടത്ത് ഹയർസെക്കൻ്ററി സ്കൂളിൽ മാർച്ച് 31 ചൊവ്വാഴ്ച സ്കൂൾ കോൺഫറൻസ് ഹാളിൽ വെച്ച് സ്റ്റാഫ് മീറ്റിംഗ് ചേർന്നു. സ്കൂൾ ഹെഡ്മാസ്റ്ററുടെ അധ്യക്ഷതയിൽ നടന്ന യോഗത്തിൽ അധ്യാപകരും ജീവനക്കാരും പങ്കെടുത്തു.പുതിയ അധ്യയനവർഷത്തെ പ്രവർത്തനങ്ങൾ സുഗമമാക്കുന്നതിനായുള്ള പ്രധാന തീരുമാനങ്ങളാണ് യോഗത്തിൽ കൈക്കൊണ്ടത്. | ||
17:54, 31 മാർച്ച് 2026-നു നിലവിലുണ്ടായിരുന്ന രൂപം
| Home | 2026-27 |
|
Archive   2022-23 2023-24 2024-25 2025-26
|
2025 -26 വർഷത്തെ പ്രവർത്തനങ്ങൾ
ജൂൺ 2025
1. ജൂൺ 2 പ്രവേശനോത്സവം
മൂത്തേടത്ത് ഹയർ സെക്കന്ററി സ്കൂളിലെ പുതിയ കുട്ടികളെ വരവേൽക്കുന്ന പ്രവേശനോത്സവം ജൂൺ 2നു നടത്തി. ഈ പരിപാടിക്ക് മൂത്തേടത്ത് സ്കൂളിന്റെ പൂർവ വിദ്യാർത്ഥി കൂടി ആയ പ്രശസ്ത നടൻ സന്തോഷ് കീഴാറ്റൂർ പരിപാടിയുടെ ഉദ്ഘാടനം നിർവഹിച്ചു. ഈ പരിപാടിയ്ക്കു സ്വാഗതം പ്രിൻസിപ്പൽ ശ്രീമതി ദേവിക ടീച്ചർ നിർവഹിച്ചു. അധ്യക്ഷത പി ടി എ പ്രസിഡൻ്റ് ശ്രീ വിനോദ് ടി വി നിർവഹിച്ചു. സ്കൂൾ മാനേജർ അഡ്വക്കറ്റ് എം വിനോദ് കുമാർ, പ്രസിഡൻ്റ് പി മോഹൻകുമാർ, പ്രധാന അധ്യാപകൻ ശ്രീ. രത്നാകരൻ മാസ്റ്റർ , പി ടി എ വൈസ് പ്രസിഡൻ്റ് വി കെ ഷാജി, മദർ പി ടി എ പ്രസിഡൻ്റ് നിഷ എ, വി പി സന്തോഷ് മാസ്റ്റർ , മുഹമ്മദ് നിസാർ എന്നിവർ ആശംസ നൽകി . പിന്നെ കുട്ടികളുടെ വിവിധ കലാപരിപാടികളും അവതരിപ്പിക്കുകയുണ്ടായി.
2.സമഗ്ര ഗുണമേന്മ വിദ്യാഭ്യാസ പദ്ധതി
ജൂൺ 3 ലഹരി വേണ്ടേ വേണ്ട
ജൂൺ 3നു മൂത്തേടത്ത് ഹയർ സെക്കന്ററി സ്കൂളിൽ ലഹരിയുടെ ദോഷ വശങ്ങൾ കുട്ടികളെ മനസിലാക്കി കൊണ്ട് ക്ലാസ് നടത്തി. തുടർന്ന് സമൂഹത്തിൽ വർദ്ധിച്ചുവരുന്ന ലഹരി ഉപയോഗത്തെക്കുറിച്ചും അത് വ്യക്തികളെ എങ്ങനെ ബാധിക്കുന്നു എന്നതിനെക്കുറിച്ചും അധ്യാപകരും കുട്ടികളും തമ്മിൽ ചർച്ചകൾ നടന്നു.
ജൂൺ 4 ട്രാഫിക് നിയമ ബോധവൽക്കരണം & റോഡ് സേഫ്റ്റി
നമ്മുടെ നാട്ടിൽ റോഡപകടങ്ങൾ ദിനം പ്രതി വർധിച്ചു വരുകയാണ്. മൂത്തേടത്ത് സ്കൂളിൽ ജൂൺ 4നു റോഡിൽ നാം പാലിക്കേണ്ട നിയമങ്ങൾ ഒക്കെ പറഞ്ഞു കൊണ്ട് ക്ലാസ് നടത്തി . പിന്നെ കുട്ടികളുടെ വിവിധ പരിപാടികളും നടത്തി . അതായത് പോസ്റ്റർ നിർമാണം, നാടകം എന്നിവയൊക്കെ നടത്തി.
♦️8-ക്ലാസ്സിൽ ട്രാഫിക് ആക്സിഡൻ്റ് സ്കിറ്റ്
♦️9 -ക്ലാസ്സിൽ ' ഞാൻ ഗതാഗത മന്ത്രിആയാൽ എന്തു മാറ്റങ്ങൾ റോഡിൽ കൊണ്ടുവരും' അവതരണം.
♦️10- ക്ലാസ്സിൽ ട്രാഫിക് സുരക്ഷ പോസ്റ്റർ നിർമ്മാണം എന്നിവ സംഘടിപ്പിക്കുക.
ജൂൺ 5 വ്യക്തി ശുചിത്വം, പരിസര ശുചിത്വം, ഹരിത ക്യാമ്പസ് &സ്കൂൾ സൗന്ദര്യവൽക്കരണം
സമഗ്ര ഗുണമേന്മ വിദ്യാഭ്യാസ പദ്ധതിയുടെ ഭാഗമായി ജൂൺ 5 നമ്മുടെ വിദ്യാലയത്തിലെ വിദ്യാർത്ഥികൾക്ക് ശുചിത്വം,മാലിന്യ സംസ്കരണം എന്നീ വിഷയത്തിൽ മൂന്നാമത്തെ പിരീഡ് ആണ് ക്ലാസ് നൽകിയതും മറ്റു പ്രവർത്തനങ്ങൾ നടത്തിയതും. ആ പീരിയഡ് കൈകാര്യം ചെയ്യുന്ന അധ്യാപകർ കുട്ടികളോട് വ്യക്തി ശുചിത്വം,പരിസര ശുചിത്വം എന്നിവയെ അധികരിച്ച് സംവാദങ്ങൾ നടത്തി . തുടർന്ന് 8,9,10 ക്ലാസുകളിലെ താഴെ കൊടുത്തിരിക്കുന്ന പ്രവർത്തനങ്ങൾ നൽകി.
♦️8th STD- പരിസര ശുചിത്വത്തിന്റെ ആവശ്യകത കാണിക്കുന്ന പോസ്റ്റർ.
♦️9th STD - സ്കൂൾ പരിസരം ശുചീകരിക്കാൻ നമുക്ക് എന്തൊക്കെ ചെയ്യാം?
♦️10th STD- പ്ലാസ്റ്റിക് മലിനീകരണത്തിന് അറുതി വരുത്തുക എന്ന വിഷയത്തെ ആസ്പദമാക്കി ഉപന്യാസം തയ്യാറാക്കുക .
ജൂൺ 9- ആരോഗ്യം,വ്യായാമം, കായികക്ഷമത
സമഗ്ര ഗുണമേന്മ വിദ്യാഭ്യാസ പദ്ധതിയുടെ ഭാഗമായി ജൂൺ 9ന് നമ്മുടെ വിദ്യാർഥികൾക്ക് ആരോഗ്യം,വ്യായാമം, കായികക്ഷമത എന്നീ വിഷയത്തിൽ നാലാമത്തെ പിരീഡ് ക്ലാസ് നൽകുകയും മറ്റു പ്രവർത്തനങ്ങൾ നടത്തുകയും ചെയ്തു. ആ പിരീഡ് കൈകാര്യം ചെയ്യുന്ന അധ്യാപകർ ശാരീരിക, മാനസിക, സാമൂഹിക,വൈകാരിക ആരോഗ്യത്തെക്കുറിച്ചും വ്യായാമത്തിന്റെ ആവശ്യകത, കായികക്ഷമത എന്നീ വിഷയത്തെക്കുറിച്ചും ബോധവൽക്കരണം നടത്തി.
കൂടാതെ കുട്ടികളുടെ ഏറോബിക്സ് ഡാൻസ് പ്രദർശനവും നടത്തി.
ജൂൺ 10 ഡിജിറ്റൽ അച്ചടക്കം
ജൂൺ പത്തിന് മൂന്നാം പിരീഡ് ഡിജിറ്റൽ അച്ചടക്കവുമായി ബന്ധപ്പെട്ട ക്ലാസുകൾ നടത്തി . തുടർന്ന് ഓരോ ക്ലാസിനും താഴെ കൊടുത്തിരിക്കുന്ന പ്രവർത്തനങ്ങൾ നൽകി .
♦️X- ഡിജിറ്റൽ അച്ചടക്കം (Digital Discipline )എന്ന വിഷയവുമായി ബന്ധപ്പട്ട ക്വിസ് .
♦️IX - Digital Discipline എന്ന വിഷയവുമായി ബന്ധപ്പെട്ട essay .
♦️VIII- Digital discipline slogan /പ്ലാകാർഡ്.
ജൂൺ 11 പൊതുമുതൽ സംരക്ഷണം സമഗ്ര ഗുണമേന്മ വിദ്യാഭ്യാസ പദ്ധതിയുടെ ഭാഗമായി പൊതുമുതൽ സംരക്ഷണത്തിന്റെ പ്രാധാന്യത്തെ കുറിച്ച് മൂന്നാമത്തെ പിരീഡ് ക്ലാസുകൾ നടത്തി .
"പൊതുമുതൽ സംരക്ഷണത്തിൻെറ പ്രാധാന്യം" എന്ന വിഷയവുമായി ബന്ധപ്പെട്ട് മൂത്തേടത്ത് ഹയർസെക്കൻ്ററി സ്കൂൾ ലിറ്റിൽ കൈറ്റ്സ് അംഗങ്ങളും 9 B ക്ലാസ്സിലെ കുട്ടികളും ചേർന്ന് “കണ്ണ് തുറക്കൂ" എന്ന ഷോർട്ട് ഫിലിം തയ്യാറാക്കി .
വീഡിയോ കാണാൻ ഇവിടെ ക്ലിക്ക് ചെയ്യുക
https://drive.google.com/file/d/1aoM6JSLbpb8DVMdga9EiRmbdkHRhWHGX/view?usp=drivesdk
9 ബിയിലെ ലിറ്റിൽ കൈറ്റ്സ് കുട്ടികൾ നിർമിച്ച ഷോർട് ഫിലിം കാണാൻ ഈ ലിങ്ക് ക്ലിക്ക് ചെയ്യുക .
ജൂൺ 12 പരസ്പര സഹകരണത്തിന്റെ പ്രാധാന്യം ,റാഗിംഗ് ,വൈകാരിക നിയന്ത്രണം ഇല്ലായ്മ -ബോധവൽക്കരണം
സമഗ്ര ഗുണമേന്മ വിദ്യാഭ്യാസ പദ്ധതിയുടെ ഭാഗമായി ജൂൺ 12 ന് ഒന്നാം പീരിയഡ് പരസ്പര സഹകരണം നന്മയുള്ള ജീവിതത്തിന്, വൈകാരിക നിയന്ത്രണം, റാഗിങ്ങ് എന്നിവയുമായി ബന്ധപ്പെട്ട ക്ലാസ് നൽകുകയും മറ്റു പ്രവർത്തനങ്ങൾ നടത്തുകയും ചെയ്തു .
പ്രവർത്തനങ്ങൾ
♦️10-ക്ലാസ് - വൈകാരിക നിയന്ത്രണത്തിന്റെ പ്രാധാന്യം ജീവിതത്തിൽ-ഷോർട്ട് ഫിലിം.
♦️8,9ക്ലാസ് - റാഗിങ്ങിന് എതിരെയുള്ള പോസ്റ്റർ തയ്യാറാക്കുക.
3.ജൂൺ 5 - പരിസ്ഥിതി ദിനാഘോഷം
മൂത്തേടത്ത് ഹയർ സെക്കന്ററി സ്കൂളിൽ ജൂൺ 5നു ലോക പരിസ്ഥിതി ദിനം ആചരിച്ചു . അതോടൊപ്പം ഉച്ചയ്ക്ക് 2:30നു സ്കൂൾ മെയിൻ ഹാളിൽ വച്ച്സ്കൂളിന്റെ പരിസ്ഥിതി ക്ലബ്ബിന്റെ ഉദ്ഘാടനവും നടത്തി .ഈ പരിപാടിയ്ക്ക് സി പ്രദീപൻ മാസ്റ്റർ (ആർ ടി ടി ശാസ്ത്രാധ്യാപകൻ ) നിർവഹിച്ചു. പിന്നെ ക്ലാസ് തല , സ്കൂൾ തല ക്വിസ് മത്സരവും നടത്തി.
ജൂൺ 12 - എസ്.പി.സി സെലക്ഷൻ ടെസ്റ്റ്
12-6-25 (വ്യാഴാഴ്ച) SPC യിൽ അംഗങ്ങളാകേണ്ട കുട്ടികളെ തെരഞ്ഞെടുക്കുന്നതിനുള്ള ഒബ്ജകീട് മാതൃകയിലുള്ള എഴുത്തുപരീക്ഷ നടത്തി . 365 കുട്ടികൾ പരീക്ഷയിൽ പങ്കെടുത്തു .
ജൂൺ 17 - അനുമോദനം
മൂത്തേടത്ത് ഹയർ സെക്കന്ററി സ്കൂളിൽ 2024-25 വർഷത്തിൽ 10ാം ക്ലാസ്സിൽ ഫുൾ A+ കിട്ടിയ കുട്ടികളെയും ,USS,LSS സ്കോളർഷിപ് ലഭിച്ച വിദ്യാർത്ഥികളെയും സ്കൂൾ മെയിൻ ഹാളിൽ വെച്ച് അനുമോദിച്ചു .ഡോ. എ വി കുട്ടികൃഷ്ണൻ (മുൻ പ്രൊ വൈസ് ചാൻസലർ,കണ്ണൂർ സർവ്വകലാശാല) പരിപാടി ഉദ്ഘാടനം ചെയ്തു .
ജൂൺ 19 - വായനാദിനം
ജൂൺ 19നു വായനാ ദിനത്തോടനുസ്മരിച്ചു മൂത്തേടത്ത് ഹയർ സെക്കൻഡറി സ്കൂളിൽ ക്ലാസ് തലത്തിലും സ്കൂൾതലത്തിലും ക്വിസ് മത്സരം നടത്തി .പിന്നെ ലൈബ്രറിയുടെ ഉദ്ഘാടനവും നടത്തി .
ജൂൺ 21 - യോഗ ദിനം
ജൂൺ 23 തിങ്കളാഴ്ച്ച രാവിലെ 9:30 ന് അന്താരാഷ്ട്ര യോഗ ദിനാചരണത്തോടനുബന്ധിച്ച് NCC , Guides കേഡറ്റുകളുടെ യോഗ പ്രദർശനം നടന്നു.
ജൂൺ 25 - ആപ്റ്റിട്യൂട് ടെസ്റ്റ്
മൂത്തേടത്ത് ഹയർ സെക്കന്ററി സ്കൂളിൽ 2025-2028 അധ്യയന വർഷത്തെ ലിറ്റൽ കൈറ്റ്സിലേക്കുള്ള ആപ്റ്റിട്യൂട് ടെസ്റ്റ് 25/6/2025 ബുധനാഴ്ച്ച നടന്നു.
ജൂൺ 25 - സൂമ്പ പരിശീലനം
25/6/2025 ബുധനാഴ്ച്ച ആരോഗ്യകായിക പഠനത്തിന്റെ ഭാഗമായി മൂത്തേടത്ത് ഹയർ സെക്കന്ററി സ്കൂളിൽ അന്താരാഷ്ട്ര ലഹരി വിരുദ്ധ ദിനത്തിനുമുന്നോടിയായി ആര്യലക്ഷ്മി ടീച്ചറുടെ നേതൃത്വത്തിൽ സൂമ്പ പരിശീലനം നടന്നു.
വീഡിയോ കാണാൻ ഇവിടെ ക്ലിക്ക് ചെയ്യുക https://www.instagram.com/reel/DKrtu_ISWq_/?igsh=MThtbXd1NDB3OGxlMQ==
ജൂൺ 26-അന്താരാഷ്ട്ര ലഹരി വിരുദ്ധ ദിനം
ജൂൺ-26 അന്താരാഷ്ട്ര ലഹരി വിരുദ്ധ ദിനത്തിൽ മൂത്തേടത്ത് ഹയർ സെക്കന്ററി സ്കൂളിൽ ലഹരി വിരുദ്ധ ദിനാചരണവും ലഹരി വിരുദ്ധ ക്ലബ് ഉദ്ഘാടനവും സംഘടിപ്പിച്ചു. കുട്ടികളുടെ കലാപരവും ഭാവനാത്മകമായ ചിന്തകളും കഴിവുകളും വർധിപ്പിക്കുന്നതിനു വേണ്ടിയും കുട്ടികളിൽ നിന്ന് ലഹരിക്കെതിരെ നൂതനാശയങ്ങൾ കണ്ടെത്തുന്നതിനു വേണ്ടിയും പോസ്റ്റർ രചന മത്സരം നടന്നു. തളിപ്പറമ്പ് ഡി.വൈ.എസ്.പി. കെ.ഇ പ്രേമചന്ദ്രൻ സാർ ക്ലബ്ബ് ഉദ്ഘാടനം ചെയ്തു. ലഹരിക്ക് അടിമപ്പെടുന്ന ലോകത്തെ ലഹരിയിലേക്ക് വഴുതി വീഴാതിരിക്കാനും ലഹരിക്കെതിരെ ശക്തമായി നേരിടാനും പ്രേമചന്ദ്രൻ സാർ ലഹരി വിരുദ്ധ ബോധവൽക്കരണ ക്ലാസ് നൽകി. നാടക പ്രവർത്തകൻ വാടി സജി സാർ അഭിനയം കൊണ്ട് ലഹരിയുടെ വിപത്ത് കുട്ടികൾക്ക് മനസ്സിലാക്കി കൊടുത്തു. അദ്ദേഹത്തിന്റെ 'മക്കൾ'എന്ന ഏക പാത്ര നാടകമാണ് അവതരിപ്പിച്ചത്. ഉദ്ഘാടന ചടങ്ങിൽ പോസ്റ്റർ രചനാ മത്സര വിജയികളെ അനുമോദിച്ചു. 'ലഹരി അല്ല വിനോദം' എന്ന് കുട്ടികൾക്ക് മനസ്സിലാക്കി കൊടുക്കാൻ യുപി കുട്ടികൾ സൂമ്പയും എൻഎസ്എസ് കുട്ടികൾ 'ലഹരിക്കെതിരെ' എന്നാ വിഷയത്തിൽ ഡാൻസും പ്രദർശിപ്പിച്ചു. ഭാരത് സ്കൗട്ട് & ഗൈഡ്സിൽ ഗൈഡ്സ് യൂണിറ്റിന്റെ നേതൃത്വത്തിൽ മനുഷ്യച്ചങ്ങല, ലഹരി വിരുദ്ധ പ്രതിജ്ഞ എന്നിവ നടന്നു. സ്കൂൾ പ്രിൻസിപ്പാൾ ഡോ. എ ദേവിക ടീച്ചർ അധ്യക്ഷത വഹിച്ച ചടങ്ങിൽ വിദ്യാർത്ഥിനി വൈഷ്ണവി ലതീഷ് സ്വാഗതവും അനുജ ടീച്ചർ നന്ദിയും പറഞ്ഞു. എച്ച് എം പി.കെ രത്നാകരൻ മാസ്റ്റർ, പിടിഎ പ്രസിഡന്റ് ടി.വി വിനോദ് സാർ, ഡെപ്യൂട്ടി എച്ച് എം എ.വി സത്യഭാമ ടീച്ചർ, സ്റ്റാഫ് സെക്രട്ടറി ബി.പി സന്തോഷ് മാസ്റ്റർ, എ.വി അനുശ്രീ ടീച്ചർ , ആശ ടീച്ചർ എന്നിവർ സംസാരിച്ചു. ലഹരിയിൽ അടിമപ്പെടാതിരിക്കാൻ സ്കൂളിലെ എല്ലാ വിദ്യാർത്ഥികൾക്കും പ്രതിജ്ഞ ചൊല്ലി കൊടുക്കുകയും എല്ലാവരും ഏറ്റുചൊല്ലുകയും ചെയ്തു.
ജൂൺ 30
ജൂൺ 26 ന് ലഹരി വിരുദ്ധ ദിനത്തോടനുബന്ധിച്ച് അവതരിപ്പിച്ച സൂംബഡാൻസ് വളരെ അധികം വൈറലായി. ഇതിൻെറ അടിസ്ഥാനത്തിൽ 30/6/25 തിങ്കളാഴ്ച്ച Kairali , News 18, Twenty Four എന്നീ ചാനലുകാർ സ്കൂളിൽ വരികയും , കുട്ടികൾ സൂംബ ഡാൻസ് അവതരിപ്പിക്കുകയും , ഇത് ചാനലുകളിൽ പ്രക്ഷേപണം ചെയ്യുകയുമുണ്ടായി.
ജൂലായ് 2025
ജൂലായ് 1 - ഡോക്ടർസ് ദിനം
ജൂലായ് 1 ഡോക്ടർസ് ഡേ യുമായി ബന്ധപ്പെട്ട് JRC യുടെ നേതൃത്വത്തിൽ മൂത്തേടത്ത് ഹൈസ്കൂൾ പൂർവ്വ വിദ്യാർഥികൂടിയായ Dr.വി പ്രശാന്തിനെ(Rtd. District Animal Husbandry Officer, Kannur.) ആദരിച്ചു. പരിപാടിയിൽ സ്റ്റാഫ് സെക്രട്ടറി വി. പി സന്തോഷ് മാസ്റ്റർ സ്വാഗതം ആശംസിച്ചു.ബഹുമാനപ്പെട്ട HM പി കെ രത്നാകരൻ മാസ്റ്റർ അധ്യക്ഷത വഹിച്ചു. പ്രിൻസിപ്പാൾ Dr. എ ദേവിക ടീച്ചർ ഉദ്ഘാടന കർമ്മം നിർവഹിച്ചു. സ്കൂൾ മാനേജർ അഡ്വ. വിനോദ് രാഘവൻ ഉപഹാരം നൽകി ആദരിച്ചു. SRG കൺവീനർ വി.വി.ലീനടീച്ചർ ആശംസകൾ നേർന്നു സംസാരിച്ചു. തുടർന്ന് ഡോ.വി പ്രശാന്തിന്റെ നേതൃത്വത്തിൽ ഹൈസ്കൂൾ ക്ലാസുകളിലെ കുട്ടികൾക്ക് പേവിഷ ബോധവൽക്കരണ ക്ലാസ് നടത്തി.
ജൂലായ് 11-നവീകരിച്ച കമ്പ്യൂട്ടർ ലാബ് ഉദ്ഘാടനം
നവീകരിച്ച കമ്പ്യൂട്ടർ ലാബിന്റെ ഉദ്ഘാടനം തളിപ്പറമ്പ എജുക്കേഷൻ സൊസൈറ്റി പ്രസിഡണ്ട് മോഹനചന്ദ്രൻ സാർ ജൂലായ് 11 ാം തീയതി നിർവഹിച്ചു. സ്കൂൾ മാനേജർ അഡ്വ. വിനോദ് രാഘവൻ സാർ അധ്യക്ഷത വഹിച്ച ചടങ്ങിൽ പ്രിൻസിപ്പൽ ഡോ. എ.ദേവിക ടീച്ചർ, ഹെഡ്മാസ്റ്റർ പി .കെ . രത്നാകരൻ മാസ്റ്റർ, പിടിഎ പ്രസിഡണ്ട് ടി.വി. വിനോദ് സാർ , ഡെപ്യൂട്ടി ഹെഡ്മിസ്ട്രസ്സ് എ .വി . സത്യഭാമ ടീച്ചർ , സ്റ്റാഫ് സെക്രട്ടറി വി .പി . സന്തോഷ് മാസ്റ്റർ എന്നിവർ ആശംസ അർപ്പിക്കുകയും; എം സുഗേഷ് മാസ്റ്റർ നന്ദി പറയുകയും ചെയ്തു.
ജൂലായ് 17-സ്റ്റേജ് സമുച്ചയം,ഓപ്പൺ ഓഡിറ്റോറിയം , കോൺഫറൻസ് ഹാൾ ഉദ്ഘാടനം
മുത്തേടത്ത് ഹയർ സെക്കന്ററി സ്കൂളിൽ ജൂലൈ 17-ന് സ്റ്റേജ് സമുച്ചയം, ഓപ്പൺ ഓഡിറ്റോറിയം, കോൺഫറൻസ് ഹാൾ എന്നിവയുടെ ഉദ്ഘാടനം കേരളാസംസ്ഥാന മനുഷ്യാവകാശ കമ്മീഷൻ ജുഡീഷ്യൽ അംഗം കെ. ബൈജുനാഥ് നിർവഹിച്ചു. ഉദ്ഘാടനത്തിന് ശേഷം കുട്ടികളുടെ വിവിധ കലാപരിപാടികളും അരങ്ങേറി.
ജൂലായ് 21 - ചാന്ദ്രദിനം
വിവിധ ക്ലബ്ബുകളുടെ ഉദ്ഘാടനം
ക്ലബ്ബുകളുടെ ഉദ്ഘാടനം
കാർഗിൽ വിജയദിനാഘോഷം
ജൂലായ് 30- സ്കൂൾ അസംബ്ലി 2024 ജൂലായ് 30 ന് കേരളത്തെ നടുക്കിയ വയനാട് ജില്ലയിലെ മുണ്ടകൈ-ചൂരൽമല ഉരുൾ പൊട്ടൽ ദുരന്തത്തിൽ മരണപ്പെട്ടവരുടെ വേർപാടിന് ഇന്നേക്ക് ഒരു വർഷം. അതിന്റെ ഭാഗമായി മൂത്തേടത്ത് ഹയർ സെക്കന്ററി സ്കൂളിൽ സ്കൂൾ അസംബ്ലിയും മൗനാചരണവും നടന്നു. അസംബ്ലിയിൽ സ്കൂൾ ഹെഡ് മാസ്റ്റർ പി.കെ. രത്നാകരൻ മാസ്റ്റർ സംസാരിച്ചു.
ആഗസ്റ്റ് 2025
ആഗസ്റ്റ് 2 - SPC ദിനാചരണ ജില്ലാതല ഉദ്ഘാടനം
സ്റ്റുഡൻറ് പോലീസ് കേഡറ്റ് ദിനാചരണത്തിന്റെ ഭാഗമായി തളിപ്പറമ്പ് മൂത്തേടത്ത് ഹയർസെക്കൻഡറി സ്കൂളിൽ ലഹരിക്കെതിരെ സന്ദേശ മതിൽ തീർത്തു.എസ് പി സി പതിനഞ്ചാം വാർഷികത്തിന്റെ ഭാഗമായി നടന്ന പരിപാടികൾ ജില്ലാ പോലീസ് മേധാവി അനൂജ് പാലിവാൾ IPS ഉദ്ഘാടനം ചെയ്തു.
വീഡിയോ കാണാൻ ഇവിടെ ക്ലിക്ക് ചെയ്യുക
ഹിരോഷിമ -നാഗസാക്കി ദിനാചരണം -സോഷ്യൽ സയൻസ് ക്ലബ്ബ്
ഹിരോഷിമ- നാഗസാക്കി ദിനചാരണത്തിന്റെ ഭാഗമായി സോഷ്യൽ സയൻസ് ക്ലബ്ബിന്റെ നേതൃത്വത്തിൽ 🍁ചിത്രകാര സംഗമം🍁 ആഗസ്ത് 7ന് സംഘടിപ്പിച്ചു.കൂടാതെ കുട്ടികൾ സഡാക്കോ കൊക്കുകൾ നിർമ്മിക്കുകയും ചെയ്തു.
ഹിരോഷിമ - നാഗസാക്കി ദിനാചരണം - ലിറ്റിൽ കൈറ്റ്സ്
ഹിരോഷിമ - നാഗസാക്കി ദിനാചരണം - എസ് പി സി
ഹിരോഷിമ - നാഗസാക്കി ദിനത്തോടനുബന്ധിച്ച് മൂത്തേടത്ത് സ്കൂൾ SPC കേഡറ്റുകൾ യുദ്ധവിരുദ്ധ പോസ്റ്ററുകൾ തയ്യാറാക്കുകയും യുദ്ധവിരുദ്ധ സന്ദേശ ജ്വാല തെളിയിക്കുകയും ചെയ്തു.
സ്കൂൾ പാർലമെന്റ് തെരഞ്ഞെടുപ്പ്:ടീച്ചേഴ്സ് പരിശീലനം
ലിറ്റിൽ കൈറ്റ്സ് വിദ്യാർത്ഥികളുടെ നേതൃത്വത്തിൽ , സ്ക്രാച്ച് സോഫ്റ്റ്വെയർ ഉപയോഗിച്ച് പത്താം ക്ലാസിലെ കുട്ടികളെ വോട്ടിംങ് ചെയ്യിക്കാനുള്ള പരിശീലനം ടീച്ചേഴ്സിന് നൽകി.
വീഡിയോ കാണാൻ ഇവിടെ ക്ലിക്ക് ചെയ്യുക
സ്കൂൾ പാർലമെന്റ് തെരഞ്ഞെടുപ്പ്: - ലിറ്റിൽകൈറ്റ്സ്
മൂത്തേടത്ത് ഹയർ സെക്കൻഡറി സ്കൂളിലെ ലിറ്റിൽ കൈറ്റ്സ് വിദ്യാർത്ഥികൾ സ്കൂൾ പാർലമെന്റ് തിരഞ്ഞെടുപ്പിൽ സാങ്കേതിക വിദ്യയുടെ സാധ്യതകൾ ഉപയോഗപ്പെടുത്തി വോട്ട് ചെയ്യുവാനുള്ള സൗകര്യം ഏർപ്പെടുത്തി. HTML കോഡുകളും സ്ക്രാച്ച് സോഫ്റ്റ്വെയറും ഉപയോഗിച്ച് പത്താം ക്ലാസിലെ കുട്ടികൾക്ക് വോട്ടിംഗ് സൗകര്യം ഒരുക്കിയാണ് ഈ വിദ്യാർത്ഥികൾ ശ്രദ്ധേയമായ ഒരു കാൽവെപ്പ് നടത്തിയത്. തിരഞ്ഞെടുപ്പ് പ്രക്രിയ കൂടുതൽ സുതാര്യവും രസകരവുമാക്കുക എന്ന ലക്ഷ്യത്തോടെയാണ് ഈ നൂതന പദ്ധതി നടപ്പിലാക്കിയത്. കമ്പ്യൂട്ടറുകളിലൂടെയും ടാബ്ലെറ്റുകളിലൂടെയും വോട്ട് രേഖപ്പെടുത്താൻ സാധിക്കുന്ന ഒരു ഡിജിറ്റൽ സംവിധാനമാണ് ഇവർ വികസിപ്പിച്ചത്. വിദ്യാർത്ഥികൾക്ക് അവരവരുടെ ഇഷ്ടപ്പെട്ട സ്ഥാനാർത്ഥിയുടെ പേരിൽ ക്ലിക്ക് ചെയ്ത് വോട്ട് ചെയ്യാൻ ഈ സംവിധാനം അവസരം നൽകി. സാധാരണയായി പേപ്പർ ബാലറ്റുകൾ ഉപയോഗിച്ച് നടത്തുന്ന തിരഞ്ഞെടുപ്പിന് പകരമായാണ് ഈ പുതിയ സാങ്കേതിക വിദ്യ ഉപയോഗിച്ചത്. വോട്ടിംഗ് സൗകര്യത്തിന് പിന്നിലെ സാങ്കേതിക വിദ്യയെക്കുറിച്ച് വിശദീകരിക്കുമ്പോൾ, ലിറ്റിൽ കൈറ്റ്സ് അംഗങ്ങൾ സ്ക്രാച്ച് പ്രോഗ്രാമിംഗ് സോഫ്റ്റ്വെയറാണ് പ്രധാനമായും ഉപയോഗിച്ചത്. ഓരോ പേരിനു നേരെയുള്ള ഓരോ ക്ലിക്കിനും ഒരു വോട്ട് എന്ന രീതിയിൽ സ്കോർ രേഖപ്പെടുത്താനും, വോട്ടെണ്ണൽ വേഗത്തിൽ പൂർത്തിയാക്കാനും ഈ സോഫ്റ്റ്വെയർ സഹായിച്ചു. കൂടാതെ, വോട്ടിംഗ് വെബ് പേജ് രൂപകൽപ്പന ചെയ്യാൻ HTML കോഡുകൾ ഉപയോഗിച്ചതും ഈ സംരംഭത്തിന്റെ മറ്റൊരു പ്രത്യേകതയാണ്. ഈ നൂതനപദ്ധതിക്ക് വിദ്യാർത്ഥികളിൽ നിന്ന് മികച്ച പ്രതികരണമാണ് ലഭിച്ചത്. ഈ വർഷം വിദ്യാലയത്തിൽ നടന്ന തിരഞ്ഞെടുപ്പ് ഏറെ ആവേശകരമായിരുന്നു എന്ന് വിദ്യാർത്ഥികൾ അഭിപ്രായപ്പെട്ടു. സ്കൂളിലെ അദ്ധ്യാപകരും ഈ സംരംഭത്തെ അഭിനന്ദിച്ചു. വിദ്യാർത്ഥികളുടെ ഈ കഴിവും കഠിനാധ്വാനവും മറ്റ് കുട്ടികൾക്ക് ഒരു പ്രചോദനമായിരിക്കുമെന്നും അവർ പറഞ്ഞു. വിദ്യാലയങ്ങളിൽ സാങ്കേതിക വിദ്യ ഉപയോഗിച്ച് പുതിയ കാര്യങ്ങൾ ചെയ്യുന്നതിനുള്ള സാധ്യതകൾക്ക് ഈ പദ്ധതി ഒരു നല്ല ഉദാഹരണമാണ്. ഈ ചെറു പ്രായത്തിൽ തന്നെ ഇത്തരത്തിൽ ഒരു പ്രോജക്ട് വിജയകരമായി പൂർത്തിയാക്കിയ ലിറ്റിൽ കൈറ്റ്സ് അംഗങ്ങൾ അഭിനന്ദനം അർഹിക്കുന്നു. ഇത് ഡിജിറ്റൽ യുഗത്തിൽ വിദ്യാർത്ഥികളെ ശാക്തീകരിക്കുന്നതിനുള്ള ഒരു പ്രധാന ചുവടുവെപ്പാണ്.
വീഡിയോ കാണാൻ ഇവിടെ ക്ലിക്ക് ചെയ്യുക
79 മത് സ്വാതന്ത്ര്യദിനാഘോഷം
മൂത്തേടത്ത് ഹയർ സെക്കൻഡറി സ്കൂളിൽ 79-ാം സ്വാതന്ത്ര്യദിനം സമുചിതമായി ആഘോഷിച്ചു . ദേശഭക്തിയുടെയും ഐക്യത്തിന്റെയും സന്ദേശമുയർത്തിക്കൊണ്ട് നടന്ന പരിപാടികളിൽ അധ്യാപകരും, അനധ്യാപകരും, വിദ്യാർത്ഥികളും, രക്ഷിതാക്കളും പങ്കെടുത്തു . രാവിലെ 9 മണിക്ക് സ്കൂൾ പ്രിൻസിപ്പൽ ദേവിക ടീച്ചർ ദേശീയ പതാക ഉയർത്തി. തുടർന്ന് ദേശീയഗാനം ആലപിച്ചു. പ്രിൻസിപ്പൽ ദേവിക ടീച്ചർ, ഹെഡ്മാസ്റ്റർ രത്നാകരൻ മാസ്റ്റർ എന്നിവർ സ്വാതന്ത്ര്യത്തിന്റെ പ്രാധാന്യത്തെക്കുറിച്ചും രാജ്യത്തിന്റെ പുരോഗതിക്കായി ഓരോ പൗരനും ചെയ്യേണ്ട കടമകളെക്കുറിച്ചുംസംസാരിച്ചു. സ്വാതന്ത്ര്യ സമര സേനാനികളുടെ ത്യാഗങ്ങളെ ഓർമ്മിച്ചും, രാജ്യത്തിന്റെ ഭാവി ശോഭനമാക്കുന്നതിൽ യുവതലമുറയ്ക്കുള്ള പങ്ക് ഊന്നിപ്പറഞ്ഞും അവരുടെ പ്രസംഗം ശ്രദ്ധേയമായി. തുടർന്ന് സോഷ്യൽ സയൻസ് ക്ലബ്ബിന്റെയും എൻ എസ് എസ് യൂണിറ്റിന്റെയും നേതൃത്വത്തിൽ വൈവിധ്യമാർന്ന പരിപാടികളാണ് സംഘടിപ്പിച്ചത്. ആഘോഷങ്ങളുടെ ഭാഗമായി വിവിധ കലാപരിപാടികളും അരങ്ങേറി. ദേശഭക്തിഗാനങ്ങൾ, പ്രച്ഛന്നവേഷം , കവിതാലാപനം, നൃത്തശില്പങ്ങൾ തുടങ്ങിയവ കുട്ടികൾ അവതരിപ്പിച്ചു. സ്വാതന്ത്ര്യദിനവുമായി ബന്ധപ്പെട്ട് സ്കൂളിൽ നടന്ന ഉപന്യാസരചന, ക്വിസ് മത്സരങ്ങൾ എന്നിവയിൽ വിജയികളായവർക്ക് സമ്മാനങ്ങൾ വിതരണം ചെയ്തു. യു.പി.വിദ്യാർത്ഥികൾ ഒരുക്കിയ പ്രച്ഛന്നവേഷം സ്വാതന്ത്ര്യസമരചരിത്രത്തിലേക്ക് വെളിച്ചം വീശുന്നതായിരുന്നു. സ്കൂൾ അസംബ്ലിയിൽ നടന്ന ചടങ്ങിൽ അധ്യാപകരും പി.ടി.എ ഭാരവാഹികളും ആശംസകൾ അർപ്പിച്ചു.തുടർന്ന് മാനേജ്മെൻ്റിന്റെ വക MARCH 2025 SSLC പരീക്ഷയിൽ മുഴുവൻ വിഷയങ്ങൾക്കും A+ നേടിയ കുട്ടികളെ Cash Award നൽകി അനുമോദിക്കുകയുമുണ്ടായി.
ഡിജിറ്റൽ ഓണപ്പൂക്കളം
ലിറ്റിൽ കൈറ്റ്സിന്റെ നേതൃത്വത്തിൽ മൂത്തേടത്ത് ഹയർ സെക്കൻ്ററി സ്കൂളിൽ ഡിജിറ്റൽ ഓണപ്പൂക്കള മത്സരം സംഘടിപ്പിച്ചു.ഇത് കുട്ടികൾക്ക് സാങ്കേതിക വിദ്യ ഉപയോഗിച്ച് അവരുടെ കഴിവുകൾ പ്രകടിപ്പിക്കാൻ അവസരം നൽകി.മത്സരത്തിൽ ആദിഷ് വി വി , നിവേദ് പി സി , ദേവരാഗ് കെ എന്നീ കുട്ടികൾ ഒന്ന് , രണ്ട്, മൂന്ന് സ്ഥാനങ്ങൾ കരസ്ഥമാക്കി.
ആഗസ്റ്റ് 29 - ഓണാഘോഷം 2025
ആഗസ്റ്റ് 29- പി ടി എ ജനറൽബോഡി യോഗം
മൂത്തേടത്ത് ഹയർസെക്കൻ്ററി സ്കൂളിൽ 2025-26 അധ്യയന വർഷത്തെ പി ടി എ ജനറൽബോഡി യോഗം 29/8/25 ന് (വെള്ളിയാഴ്ച്ച) ഉച്ചയ്ക്ക് 2 മണിക്ക് സ്കൂൾ ഓപ്പൺ ഓഡിറ്റോറിയത്തിൽ വെച്ച് നടന്നു. യോഗത്തിൽ കഴിഞ്ഞ അധ്യയന വർഷത്തിലെ പ്രവർത്തന റിപ്പോർട്ട് അവതരിപ്പിക്കുകയും നടപ്പു വർഷത്തിൽ നടപ്പിലാക്കാൻ ഉദ്ദേശിക്കുന്ന പദ്ധതികളെക്കുറിച്ച് വിശദീകരിക്കുകയും ചെയ്തു. യോഗത്തിൽ പങ്കെടുത്ത രക്ഷാകർത്താക്കൾ തങ്ങളുടെ അഭിപ്രായങ്ങളും നിർദ്ദേശങ്ങളും പങ്കുവെയ്ക്കുകയും, പുതിയ അക്കാദമിക വർഷത്തേക്കുള്ള പിടിഎ ഭാരവാഹികളെ യോഗത്തിൽ തിരഞ്ഞെടുക്കുകയും ചെയ്തു. ശ്രീ ഷാജി വി കെ പുതിയ പി ടി എ പ്രസിഡണ്ടായും, ശ്രീ.അനിൽ പി വി വൈസ് പ്രസിഡണ്ടായും , ശ്രീമതി സ്മിതാ മോഹൻ മദർ പിടിഎ പ്രസിഡണ്ടായും തിരഞ്ഞെടുക്കപ്പെട്ടു.കൂടാതെ യോഗത്തിൽ മുൻ പിടിഎ പ്രസിഡണ്ട്, മദർ പി ടി എ പ്രസിഡണ്ട് എന്നിവർക്ക് അനുമോദനവും സ്നേഹോപകാരവും നൽകി.
സെപ്റ്റംബർ 2025
സെപ്റ്റംബർ 10 - ഏകദിന പഠനയാത്ര
എട്ടാം ക്ലാസ്സിലെ കുട്ടികൾക്ക് ചെടികളെ പറ്റിയും ബഡിങ്, ഗ്രാഫ്റ്റിങ് പോലുള്ള വിവിധതരം കൃഷിരീതികളെ കുറിച്ചും പഠിക്കാനാണ് ഈ പഠനയാത്ര പോയത് .രണ്ടു സസ്യങ്ങളുടെ മികച്ച ഗുണങ്ങൾ ഒരുമിച്ച് ലഭിക്കും. രോഗപ്രതിരോധം, ദീർഘായുസ്സ്, നല്ല വിളവ് എന്നിവയൊക്കെയാണ് ഇതിനെ കൊണ്ടുള്ള ഗുണങ്ങൾ .
സെപ്റ്റംബർ 15 - സ്കൂൾ ശാസ്ത്രോത്സവം
സെപ്റ്റംബർ 18 ,19 - കലോത്സവം 2025 - കലാ ലോകഃ Chapter 2k25
സ്കൂൾ കലോത്സവത്തിന്റെ പത്രം ലിറ്റിൽ കൈറ്റിന്റെ വക
മൂത്തേടത്ത് സ്കൂളിലെ ലിറ്റിൽ കൈറ്റിലെ കുട്ടികൾ സ്കൂൾ കലോത്സവത്തിന്റെ പത്രം നിർമിച്ചു. സ്ക്രൈബസ് എന്ന സോഫ്റ്റ്വെയർ ഉപയോഗിച്ചാണ് പത്രം നിർമിച്ചത്.
സെപ്റ്റംബർ 26 - സ്പോർട്സ്
വീഡിയോ കാണാൻ ഇവിടെ ക്ലിക്ക് ചെയ്യുക.
സെപ്റ്റംബർ 24 , 29 - ലിറ്റിൽ കൈറ്റ്സ് പ്രിലിമിനറി ക്യാമ്പ് 2025-28
2025-28 ബാച്ചിന്റെ പ്രിലിമിനറി ക്യാമ്പ് 24/9/25 , 29/09/25 (ബുധൻ , തിങ്കൾ) എന്നീ തീയതികളിൽ നടക്കുകയുണ്ടായി . KITE മാസ്റ്റർ ട്രെയിനർ ആയ സി .പി .അജിത് കുമാർ മാഷ് ആണ് ക്യാമ്പ് നയിച്ചത് . രണ്ടു ബാച്ചുകളിലായി 83 കുട്ടികളും ക്യാമ്പിൽ പങ്കെടുക്കുകയുണ്ടായി. വൈകുന്നേരം 3 .30 ന് എച്ച്.എം ന്റേയും പി.ടി.എ പ്രസിഡന്റിന്റെയും സാനിദ്ധ്യത്തിൽ എൽ.കെ അംഗങ്ങളുടെ രക്ഷിതാക്കളുടെ യോഗവും ഉണ്ടായിരുന്നു .
ഒക്ടോബർ 2025
ഒക്ടോബർ 22-സ്വീകരണം
മഹാകവി പി. കുഞ്ഞിരാമൻ നായരുടെ അർധകായ വെങ്കല ശിൽപ്പം 'കുഞ്ഞിമംഗലത്തുനിന്ന് കവിയുടെ കാൽപ്പാടുകൾ പതിഞ്ഞ കൂടാളിയിലേക്ക്' നടത്തിയ യാത്രാമധ്യേ മൂത്തേടത്ത് ഹയർ സെക്കൻഡറി സ്കൂളിൽ ഉജ്ജ്വല സ്വീകരണം നൽകി. 2025 ഒക്ടോബർ 22-ന് (ബുധനാഴ്ച) ആയിരുന്നു സ്വീകരണച്ചടങ്ങ് സംഘടിപ്പിച്ചത്.
പി.ടി.എ. പ്രസിഡൻ്റ് ശ്രീ. ഷാജി വി.കെ യുടെ അധ്യക്ഷതയിൽ ചേർന്ന യോഗത്തിൽ ഹെഡ്മാസ്റ്റർ പി കെ രത്നാകരൻ മാസ്റ്റർ സ്വാഗതം ആശംസിച്ചു. മാനേജർ ശ്രീ മോഹന ചന്ദ്രൻ സാർ , സ്റ്റാഫ് സെക്രട്ടറി സന്തോഷ് മാസ്റ്റർ അടക്കമുള്ളവർ കവിയെ അനുസ്മരിച്ചുകൊണ്ട് ആശംസകൾ നേർന്നു. ചടങ്ങിൽ പ്രിൻസിപ്പൽ ഡോ.എ. ദേവിക ടീച്ചർ മുഖ്യപ്രഭാഷണം നടത്തുകയും , തുടർന്ന് പ്രതിമയിൽ ഹാരാർപ്പണം നടത്തി ആദരവ് അർപ്പിക്കുകയും ചെയ്തു.
കവിയുടെ ഓർമ്മകൾക്ക് പുതുജീവൻ നൽകിയ ഈ ചടങ്ങ് വിദ്യാർഥികൾക്കും അധ്യാപകർക്കും പുതിയ അനുഭവമായി.
ഒക്ടോബർ 25 - ഫുഡ് ഫെസ്റ്റ്
അമിതവണ്ണത്തെ നേരിടാൻ പഞ്ചസാരയുടെയും എണ്ണയുടെയും ഉപയോഗം കുറയ്ക്കുക എന്ന സന്ദേശവുമായി ബന്ധപ്പെട്ട് സ്കൂൾ ആരോഗ്യ ക്ലബ്ബിന്റെയും , പ്രവൃത്തി പരിചയ ക്ലബ്ബിന്റെയും നേതൃത്വത്തിൽ മൂത്തേടത്ത് ഹയർസെക്കഡറി സ്കൂളിലെ എട്ടാംതരത്തിലെ കുട്ടികൾ 25 ഒക്ടോബർ 2025 ന് ഒരു ഫുഡ് ഫെസ്റ്റ് സംഘടിപ്പിച്ചു.
-
Food Fest 2025 -
Food Fest 2025
.jpg)
വീഡിയോ കാണാൻ ഇവിടെ ക്ലിക്ക് ചെയ്യുക
ഒക്ടോബർ 30 , 31-ലിറ്റിൽ കൈറ്റ്സ് 2024-27 ബാച്ച് സ്കൂൾതല യൂണിറ്റ് ക്യാമ്പ് ഫേസ് 2 .
ഇന്ത്യയിലെ ഏറ്റവും വലിയ ഐ.ടി വിദ്യാർത്ഥി കൂട്ടായ്മയായ 'ലിറ്റിൽ കൈറ്റ്സ്' ഐ.ടി ക്ലബ്ബിന്റെ 2024-27 ബാച്ചിന്റെ സ്കൂൾ തല യൂണിറ്റ് ക്യാമ്പ് Phase 2 മൂത്തേടത്ത് ഹയർ സെക്കൻഡറി സ്കൂളിൽ ബാച്ച് 1 & 2 ലെ കുട്ടികൾക്ക് 2025 ഒക്ടോബർ 30 , 31 തീയതികളിലായി സംഘടിപ്പിച്ചു. ക്യാംപിന്റെ ഔപചാരികമായ ഉദ്ഘാടനം ഹെഡ്മാസ്റ്റർ പി കെ രത്നാകരൻ സാർ നിർവ്വഹിച്ചു. ലിറ്റിൽ കൈറ്റ്സ് മെൻറർ ഒ .പി . ജിഷ ടീച്ചർ സ്വാഗതവും , ലിറ്റിൽ കൈറ്റ്സ് മെന്റർ ഗായത്രി ടീച്ചർ നന്ദിയും പറഞ്ഞു. ചെറുകുന്ന് ബോയ്സ് സ്കൂളിലെ കൈറ്റ് മെന്റർ നീഷ്മ ടീച്ചറാണ് ക്ലാസ് നയിച്ചത്. ബാച്ച് 1 & 2 കളിലായി ലിറ്റിൽ കൈറ്റ്സ് ഐ.ടി ക്ലബ്ബിലെ 83 വിദ്യാർത്ഥികളാണ് ക്യാമ്പിൽ പങ്കെടുത്തത്. ആനിമേഷൻ, സ്ക്രാച്ച് എന്നിവയിലായിരുന്നു യൂനിറ്റ് തല ക്യാമ്പിലൂടെ വിദ്യാർത്ഥികൾ പ്രായോഗിക പരിശീലനം നേടിയത്. തുടർന്ന് വിദ്യാർത്ഥികൾക്ക് അസൈൻമെൻ്റുകളും നൽകി.
തളിപ്പറമ്പ് നോർത്ത് ഉപജില്ലാ കലോത്സവം
തളിപ്പറമ്പ് നോർത്ത് ഉപജില്ല കലോത്സവത്തിൽ
UP OVERALL 🏆
HS RUNNERS 🏆
കീഴടക്കി MOOTHEDATH HSS
നവംബർ 2025
നവംബർ 11 - വിജയഘോഷയാത്ര
സബ്ജില്ലാതലത്തിലും ജില്ലാതലത്തിലും,സംസ്ഥാനതലത്തിലും നടന്ന കായികമേളയിൽ വിജയിച്ച കുട്ടികളെ പങ്കെടുപ്പിച്ചുകൊണ്ടുള്ള വിജയ ഘോഷയാത്ര മൂത്തേടത്ത് ഹയർ സെക്കൻഡറി സ്കൂളിൽ ചൊവ്വാഴ്ച (11/11/25) രാവിലെ 10 30 ന് നടത്തി .സബ് ജില്ലാ , ജില്ലാ ,സംസ്ഥാന മത്സരങ്ങളിൽ പങ്കെടുത്ത മുഴുവൻ കുട്ടികളും സ്പോർട്സ് ഡ്രസ്സിൽ അവർ നേടിയ മെഡൽ ധരിച്ചുകൊണ്ട് ഘോഷരാത്രിയിൽ പങ്കെടുത്തു.
വീഡിയോ കാണാൻ ഇവിടെ ക്ലിക്ക് ചെയ്യുക
നവംബർ 14 - ശിശുദിനാഘോഷം
*ശിശുദിനത്തിൽ JRC യുടെ സ്നേഹസമ്മാനം🎁🎁
മുത്തേടത്ത് HSS ലെ JRC കേഡറ്റുകൾ അഞ്ചാം തരത്തിൽ പഠിക്കുന്ന കുഞ്ഞുങ്ങൾക്ക് ശിശുദിനത്തിൽ സ്നേഹസമ്മാനം കൈമാറി. കുരുന്നു പ്രതിഭകളുടെ സ്വപ്നങ്ങൾക്ക് നിറച്ചാർത്തേകാൻ ക്രയോൺസും നോട്ടുബുക്കുമടങ്ങുന്ന സമ്മാനപ്പൊതിയുമായാണ് JRC അംഗങ്ങൾ എത്തിയത്. *ലഹരിക്കെതിരെ കുട്ടിക്കൂട്ടം* പദ്ധതിയുടെ ഭാഗമായി ലഹരി വിരുദ്ധ സന്ദേശമടങ്ങിയ ബാഡ്ജും കുട്ടികളെ അണിയിച്ചു. ബഹുമാനപ്പെട്ട HM രത്നാകരൻ മാസ്റ്റർ, ഡെപ്യൂട്ടി HM സത്യഭാമ ടീച്ചർ, സ്റ്റാഫ് സെക്രട്ടറി സന്തോഷ് മാസ്റ്റർ, UP SRG കൺവീനർ ധനേഷ് മാസ്റ്റർ എന്നിവർ ചടങ്ങിൽ സംബന്ധിച്ചു.
കൂടാതെ ശിശുദിനത്തിൽ കുട്ടികളുടെ വിവിധ കലാപരിപാടികളും നടത്തി.
വീഡിയോ കാണാൻ ഇവിടെ ക്ലിക്ക് ചെയ്യുക
ഡിസംബർ 2025
ഡിസംബർ 26,27,28- SPC സ്കൂൾ ക്യാമ്പ്
ഡിസംബർ 26,27,28 തീയതികളിൽ മൂത്തേടത് ഹയർ സെക്കണ്ടറി സ്കൂളിലെ SPC കുട്ടികൾക് സ്കൂൾ ക്യാമ്പ് നടത്തി.
ജനുവരി 2026
ജനുവരി 6- ദേശീയ വിരവിമുക്ത ദിനം
ദേശീയ വിരവിമുക്ത ദിനത്തോടനുബന്ധിച്ച് തളിപ്പറമ്പ് മൂത്തേടത്ത് ഹയർ സെക്കണ്ടറി സ്കൂളിൽ പ്രത്യേക ബോധവൽക്കരണ പരിപാടി സംഘടിപ്പിച്ചു . 2026 ജനുവരി 6-നാണ് ഈ പരിപാടി നടത്തിയത്. 'ആരോഗ്യമുള്ള കുട്ടികൾ വിരബാധയില്ലാത്ത കുട്ടികൾ' എന്ന സന്ദേശമാണ് ഈ ദിനം മുന്നോട്ട് വെക്കുന്നത്. വിരബാധ മൂലം കുട്ടികളിൽ ഉണ്ടാകുന്ന പോഷകാഹാരക്കുറവ്, വിളർച്ച, തളർച്ച എന്നിവ പഠനമികവിനെയും കായികക്ഷമതയെയും സാരമായി ബാധിക്കുമെന്നതിനാൽ, കുട്ടികളുടെ ആരോഗ്യ സംരക്ഷണത്തിന് വിരവിമുക്തമായ സാഹചര്യം അത്യാവശ്യമാണ്.
ജനുവരി 26 - റിപ്പബ്ലിക് ദിനാഘോഷം
രാജ്യത്തിന്റെ എഴുപത്തിയേഴാം റിപ്പബ്ലിക് ദിനം മൂത്തേടത്ത് ഹയർ സെക്കൻഡറി സ്കൂളിൽ വിപുലമായ പരിപാടികളോടെ ആഘോഷിച്ചു. രാവിലെ 9 മണിക്ക് നടന്ന ചടങ്ങിൽ സ്കൂൾ പ്രിൻസിപ്പൽ ഡോ. എ ദേവിക ടീച്ചർ ദേശീയ പതാക ഉയർത്തി. പതാക വന്ദനത്തിനുശേഷം റിപ്പബ്ലിക് ദിന സന്ദേശം കൈമാറി.
തുടർന്ന് സ്കൂൾ അങ്കണത്തിലെ മഹാത്മാഗാന്ധി പ്രതിമയിൽ പുഷ്പാർച്ചന നടത്തുകയും ചെയ്തു . ആഘോഷങ്ങളുടെ ഭാഗമായി നടന്ന ഭരണഘടനാ ആമുഖത്തിന്റെ അവതരണം ചടങ്ങിലെ പ്രധാന ആകർഷണമായി. തുടർന്ന് സംസ്ഥാനതലത്തിൽ വിവിധ ഇനങ്ങളിൽ വിജയം കൈവരിച്ച കുട്ടികൾക്കുള്ള സമ്മാനവിതരണവും , സ്കോളർഷിപ്പ് വിതരണവും നടന്നു .തുടർന്ന് ദേശീയ ഗാനാലാപനത്തോടെ ചടങ്ങുകൾ അവസാനിച്ചു.
ജനുവരി 31 - റാബീസ് മിഷൻ
പേവിഷബാധയുമായി ബന്ധപ്പെട്ട ബോധവൽക്കരണ ക്ലാസ് നടന്നു.എജുക്കേഷൻ ഓഫീസർ മിഷൻ റാബീസ് , ബിജു ആന്റണി ക്ലാസ് നയിച്ചു.
വീഡിയോ കാണാൻ ഇവിടെ ക്ലിക്ക് ചെയ്യുക
ഫെബ്രുവരി 2026
ഫെബ്രുവരി 6 - ടാലൻറ് ഡേ 2026
മൂത്തേടത്ത് ഹയർസെക്കൻഡറി സ്കൂളിലെ പൂർവ്വ വിദ്യാർത്ഥിയും സിനിമ പിന്നണി ഗായകനുമായിരുന്ന ശ്രീ വിശ്വനാഥൻ മാസ്റ്ററുടെ പേരിൽ ഏർപ്പെടുത്തിയ സ്കോളർഷിപ്പിന്റെ ഉദ്ഘാടനം , വിവിധ സ്കോളർഷിപ്പുകൾ, എൻസിസി ബെസ്റ്റ് കാഡറ്റ്സ് , ദേശീയ സംസ്ഥാന, ജില്ലാതല , കലാകായിക, ശാസ്ത്രമേളകളിലെ വിജയികളെ അനുമോദിക്കൽ എന്നിവ നടന്നു
വീഡിയോ കാണാൻ ഇവിടെ ക്ലിക്ക് ചെയ്യുക
ഫെബ്രുവരി 19- അറിവിന്റെ വിരുന്നൊരുക്കി യു പി വിഭാഗം പഠനോത്സവം
മൂത്തേടത്ത് ഹയർ സെക്കൻഡറി സ്കൂളിലെ യുപി വിഭാഗം വിദ്യാർത്ഥികളുടെ പഠന മികവ് തെളിയിക്കുന്ന 'പഠനോത്സവം' ആവേശകരമായി നടന്നു. കുട്ടികൾ ക്ലാസ് മുറികളിൽ നിന്ന് ആർജ്ജിച്ച അറിവുകൾ പ്രായോഗികമായി അവതരിപ്പിക്കാനും പങ്കുവെക്കാനും ലക്ഷ്യമിട്ടാണ് പരിപാടി സംഘടിപ്പിച്ചത്.
വീഡിയോ കാണാൻ ഇവിടെ ക്ലിക്ക് ചെയ്യുക .
ലിറ്റിൽ കൈറ്റ്സ് അവാർഡ് 2025 - 26
ജില്ലാതല പുരസ്കാരം: മൂത്തേടത്ത് ഹയർ സെക്കൻ്ററി സ്കൂൾ രണ്ടാം സ്ഥാനത്ത് :
പൊതുവിദ്യാഭ്യാസ വകുപ്പിന് കീഴിലെ കേരള ഇൻഫ്രാസ്ട്രക്ചർ ആൻഡ് ടെക്നോളജി ഫോർ എഡ്യൂക്കേഷൻ (KITE) ഏർപ്പെടുത്തിയ 2025-26 അധ്യയന വർഷത്തെ മികച്ച ലിറ്റിൽ കൈറ്റ്സ് യൂണിറ്റുകൾക്കുള്ള അവാർഡുകൾ പ്രഖ്യാപിച്ചു. ജില്ലയിൽ മികച്ച പ്രവർത്തനം കാഴ്ചവെച്ച യൂണിറ്റുകളിൽ രണ്ടാം സ്ഥാനം മൂത്തേടത്ത് ഹയർ സെക്കൻ്ററി സ്കൂൾ കരസ്ഥമാക്കി.
യൂണിറ്റുകളുടെ പ്രവർത്തന മികവ് കണക്കിലെടുത്ത് നൽകുന്ന ഈ പുരസ്കാരത്തിന് 30,000 രൂപയും ട്രോഫിയും പ്രശസ്തി പത്രവുമാണ് ലഭിക്കുക. സ്കൂളുകളിലെ ഐ.ടി അധിഷ്ഠിത പ്രവർത്തനങ്ങൾ, സ്കൂൾ വിക്കി അപ്ഡേഷൻ, സാമൂഹിക ഇടപെടൽ, ഹൈടെക് ക്ലാസ് റൂം പരിപാലനം തുടങ്ങിയ 16 ഓളം മാനദണ്ഡങ്ങൾ പരിശോധിച്ചാണ് വിജയികളെ നിശ്ചയിച്ചത്.
സ്കൂളിലെ ഐ.ടി മെൻ്റർമാരുടെയും ലിറ്റിൽ കൈറ്റ്സ് അംഗങ്ങളുടെയും ചിട്ടയായ പ്രവർത്തനങ്ങളാണ് ഈ നേട്ടത്തിന് പിന്നിലെന്ന് സ്കൂൾ അധികൃതർ അറിയിച്ചു. സംസ്ഥാനത്തെ മികച്ച യൂണിറ്റുകളെ തിരഞ്ഞെടുക്കുന്നതിനായി കൈറ്റ് സി.ഇ.ഒ കെ. അൻവർ സാദത്ത് ചെയർമാനായ സമിതിയാണ് പരിശോധനകൾ നടത്തിയത്. വരാനിരിക്കുന്ന സംസ്ഥാന ലിറ്റിൽ കൈറ്റ്സ് ക്യാമ്പിൽ വെച്ച് പുരസ്കാരങ്ങൾ വിതരണം ചെയ്യും.
മാർച്ച് 22- യാത്രയയപ്പ് നൽകി:
ദീർഘകാലത്തെ സേവനത്തിന് ശേഷം മൂത്തേടത്ത് ഹയർ സെക്കൻഡറി സ്കൂളിൽ നിന്നും വിരമിക്കുന്ന പ്രധാനാധ്യാപകൻ ശ്രീ. പി. കെ . രത്നാകരൻ, ഡെപ്യൂട്ടി പ്രധാനാധ്യാപിക ശ്രീമതി. സത്യഭാമ എ.വി. എന്നിവർക്ക് സ്കൂൾ സ്റ്റാഫ് കൗൺസിലിന്റെ ആഭിമുഖ്യത്തിൽ 2026 മാർച്ച് 22 ന്ഊഷ്മളമായ യാത്രയയപ്പ് നൽകി.
സ്കൂൾ ഓഡിറ്റോറിയത്തിൽ വെച്ച് നടന്ന ചടങ്ങിൽ പ്രിൻസിപ്പൽ ശ്രീമതി ദേവിക ടീച്ചർ അധ്യക്ഷത വഹിക്കുകയും , സ്റ്റാഫ് സെക്രട്ടറി സന്തോഷ് മാസ്റ്റർ സ്വാഗതവും പറഞ്ഞു. സ്കൂളിന്റെ ഭൗതിക സാഹചര്യങ്ങൾ മെച്ചപ്പെടുത്തുന്നതിലും വിദ്യാർത്ഥികളുടെ ഗുണനിലവാരം ഉയർത്തുന്നതിലും ഇരുവരും നൽകിയ പങ്ക് സ്തുത്യർഹമാണെന്ന് ചടങ്ങിൽ അനുസ്മരിച്ചു.
പ്രധാന ചടങ്ങുകൾ:
ഫോട്ടോ സെഷൻ
യാത്രയയപ്പ് ചടങ്ങിന്റെ ഏറ്റവും വൈകാരികമായ നിമിഷങ്ങളിലൊന്നായിരുന്നു വിരമിക്കുന്ന അധ്യാപകരോടൊപ്പമുള്ള സ്റ്റാഫ് ഫോട്ടോ സെഷൻ. സഹപ്രവർത്തകരോടൊപ്പം ദീർഘകാലം പങ്കിട്ട സൗഹൃദത്തിന്റെയും കൂട്ടായ്മയുടെയും ഓർമ്മ പുതുക്കലായി ഈ നിമിഷം മാറി.
വിരമിക്കുന്ന എച്ച്.എം, ഡെപ്യൂട്ടി എച്ച്.എം . എന്നിവർക്കൊപ്പം സ്കൂളിലെ മുഴുവൻ അധ്യാപകരും ജീവനക്കാരും ഒത്തുചേർന്നു.
ഉപഹാര സമർപ്പണം
വിരമിക്കുന്ന അധ്യാപകർക്ക് സ്കൂൾ സ്റ്റാഫ് കൗൺസിൽ ഉപഹാരങ്ങൾ സമർപ്പിച്ചു.
ആശംസകൾ
സഹപ്രവർത്തകർ തങ്ങളുടെ പ്രിയപ്പെട്ട അധ്യാപകരെക്കുറിച്ചുള്ള ഓർമ്മകൾ പങ്കുവെച്ചു.
മറുപടി പ്രസംഗം
തങ്ങളുടെ ഔദ്യോഗിക ജീവിതത്തിൽ ലഭിച്ച സഹകരണത്തിന് വിരമിക്കുന്ന അധ്യാപകർ നന്ദി രേഖപ്പെടുത്തി.
ചടങ്ങിന് ശേഷം വിപുലമായ സ്നേഹവിരുന്നും ഒരുക്കിയിരുന്നു.
മാർച്ച് 29 - സേവനമധ്യേ വിരമിക്കുന്ന എച്ച്.എം നും ഡെപ്യൂട്ടി എച്ച്.എം നും പി.ടി.എ യാത്രയയപ്പ് നൽകി.
ദീർഘകാലത്തെ സ്തുത്യർഹമായ സേവനത്തിന് ശേഷം വിരമിക്കുന്ന മൂത്തേടത്ത് ഹയർ സെക്കൻ്ററി സ്കൂളിലെ പ്രധാനാധ്യാപകൻ പി.കെ. രത്നാകരൻ, ഡെപ്യൂട്ടി പ്രധാനാധ്യാപിക എ . വി സത്യഭാമ എന്നിവർക്ക് സ്കൂൾ പി.ടി.എ യുടെ നേതൃത്വത്തിൽ ഹൃദ്യമായ യാത്രയയപ്പ് നൽകി. സ്കൂൾ ഓഡിറ്റോറിയത്തിൽ നടന്ന ചടങ്ങിൽ പി.ടി.എ പ്രസിഡന്റ് ഷാജി. വി .കെ അധ്യക്ഷത വഹിച്ചു.തളിപ്പറമ്പ് നഗരസഭ ചെയർമാൻ പി കെ സുബൈർ ഉദ്ഘാടനകർമവും നിർവഹിച്ചു.
വിദ്യാലയത്തിന്റെ ഭൗതികവും ഗുണപരവുമായ വളർച്ചയിൽ വലിയ പങ്കുവഹിച്ച അധ്യാപകരെ യോഗം അഭിനന്ദിച്ചു. ഇരുവരും ഈ സ്കൂളിൽ നടത്തിയ പ്രവർത്തനങ്ങൾ മാതൃകാപരമാണെന്ന് ചടങ്ങിൽ സംസാരിച്ചവർ അനുസ്മരിച്ചു. പി.ടി.എ യുടെ വകയായുള്ള ഉപഹാരങ്ങൾ തളിപ്പറമ്പ് നഗരസഭ ചെയർമാൻ പി. കെ . സുബൈർ വിതരണം ചെയ്തു.
ചടങ്ങിൽ തദ്ദേശ സ്വയംഭരണ പ്രതിനിധികൾ, മാനേജ്മെൻറ് കമ്മിറ്റി ഭാരവാഹികൾ,പി.ടി.എ ഭാരവാഹികൾ, പ്രിൻസിപ്പാൾ,സ്റ്റാഫ് സെക്രട്ടറി, സഹപ്രവർത്തകർ, തുടങ്ങിയവർ സംസാരിച്ചു. യാത്രയയപ്പിന് മറുപടിയായി ഇരു അധ്യാപകരും വിദ്യാലയത്തോടും, മറ്റുള്ളവരോടുമുള്ള തങ്ങളുടെ ആദരവും സ്നേഹവും പങ്കുവെച്ചു. ചടങ്ങിനോടനുബന്ധിച്ച് വിവിധ കലാപരിപാടികളും ഭക്ഷണവും ഒരുക്കിയിരുന്നു.
ചടങ്ങിലെ പ്രധാന ഇനങ്ങൾ:
ഉപഹാര സമർപ്പണം:
വിരമിക്കുന്ന അധ്യാപകർക്ക് പിടിഎയുടെ വകയായി സ്നേഹോപഹാരങ്ങൾ കൈമാറി.
ആശംസകൾ:
ചടങ്ങിൽ പങ്കെടുത്ത പല പ്രമുഖ വ്യക്തികളും ആശംസകൾ അർപ്പിച്ചു സംസാരിച്ചു.
മറുപടി പ്രസംഗം:
തങ്ങളുടെ ഔദ്യോഗിക ജീവിതത്തിലെ മറക്കാനാവാത്ത അനുഭവങ്ങൾ പങ്കുവെച്ചുകൊണ്ട് വിരമിക്കുന്ന അധ്യാപകർ മറുപടി പ്രസംഗം നടത്തി.
പ്രതിഭകൾക്ക് ആദരം
സ്കൂളിന് അഭിമാനകരമായ നേട്ടങ്ങൾ കൈവരിച്ച വിദ്യാർത്ഥികളെ ചടങ്ങിൽ പ്രത്യേകമായി ആദരിച്ചു.
രാജ്യപുരസ്കാർ: സ്കൗട്ട് ആൻഡ് ഗൈഡ്സ് വിഭാഗത്തിൽ രാജ്യപുരസ്കാർ നേടിയ വിദ്യാർത്ഥികൾക്ക് ഉപഹാരങ്ങൾ നൽകി.
ലിറ്റിൽ കൈറ്റ്സ്: ഐടി മേഖലയിലെ മികച്ച പ്രവർത്തനത്തിന് സംസ്ഥാനതല അംഗീകാരം നേടിയ ലിറ്റിൽ കൈറ്റ്സ് അംഗങ്ങളെ അനുമോദിച്ചു.
സ്കോളർഷിപ്പ് ജേതാക്കൾ: അറബിക്, സംസ്കൃതം സ്കോളർഷിപ്പുകൾ കരസ്ഥമാക്കിയ മിടുക്കരെയും ചടങ്ങിൽ ആദരിച്ചു.
ഇൻസ്പയർ അവാർഡ്: ശാസ്ത്ര സാങ്കേതിക രംഗത്തെ മികവിന് ഇൻസ്പയർ (INSPIRE) ജേതാക്കളായ വിദ്യാർത്ഥികൾക്കുള്ള പുരസ്കാരങ്ങൾ വിതരണം ചെയ്തു
2026 മാർച്ച് 31
മധുരസ്മരണകളുമായി പടിയിറക്കം: വിരമിക്കുന്ന അധ്യാപകർ സ്നേഹവിരുന്ന് നൽകി.
മൂത്തേടത്ത് ഹയർ സെക്കൻഡറി സ്കൂളിൽ നിന്നും നീണ്ട വർഷത്തെ സേവനത്തിന് ശേഷം സർവീസിൽ നിന്നും വിരമിക്കുന്ന അധ്യാപകർ, സഹപ്രവർത്തകർക്കും പി. ടി. എ. ഭാരവാഹികൾക്കുമായി സ്നേഹവിരുന്ന് ഒരുക്കി. മൂത്തേടത്ത് ഹയർ സെക്കൻ്ററി സ്കൂളിൽ നടന്ന ലളിതമായ ചടങ്ങിൽ, ഈ അധ്യയന വർഷം മാർച്ച് 31 ന് വിരമിക്കുന്ന പി.കെ.രത്നാകരൻ മാസ്ററർ , മെയ് 31 ന് വിരമിക്കുന്ന എ.വി . സത്യഭാമ ടീച്ചർ എന്നിവരാണ് വിരുന്ന് നൽകിയത്.
അറിവിന്റെ വെളിച്ചം പകർന്നുനൽകിയ പ്രിയ അധ്യാപകരുടെ പടിയിറക്കം വിദ്യാലയ മുറ്റത്തെ കണ്ണീരണിയിക്കുന്ന ഓർമ്മയാക്കി മാറ്റാതെ, സന്തോഷത്തോടെ യാത്രയാക്കുക എന്ന ലക്ഷ്യത്തോടെയാണ് ഈ ഒത്തുചേരൽ സംഘടിപ്പിച്ചത്. സ്നേഹ വിരുന്നിനുശേഷം ശേഷം സ്റ്റാഫ് മീറ്റിംഗ് നടന്നു. സ്നേഹവിരുന്നിൽ സ്കൂളിലെ മുഴുവൻ ജീവനക്കാരും, പിടിഎ പ്രതിനിധികളും പങ്കെടുത്തു.
അടുത്ത അധ്യയനവർഷത്തേക്കുള്ള ഒരുക്കങ്ങൾക്കായി സ്കൂൾ സ്റ്റാഫ് കൗൺസിൽ യോഗം ചേർന്നു.
2025-26 അക്കാദമിക വർഷം വിജയകരമായി പൂർത്തിയാക്കി, വരാനിരിക്കുന്ന പുതിയ അധ്യയനവർഷത്തെ (2026-27) വരവേൽക്കാനൊരുങ്ങി മൂത്തേടത്ത് ഹയർസെക്കൻ്ററി സ്കൂളിൽ മാർച്ച് 31 ചൊവ്വാഴ്ച സ്കൂൾ കോൺഫറൻസ് ഹാളിൽ വെച്ച് സ്റ്റാഫ് മീറ്റിംഗ് ചേർന്നു. സ്കൂൾ ഹെഡ്മാസ്റ്ററുടെ അധ്യക്ഷതയിൽ നടന്ന യോഗത്തിൽ അധ്യാപകരും ജീവനക്കാരും പങ്കെടുത്തു.പുതിയ അധ്യയനവർഷത്തെ പ്രവർത്തനങ്ങൾ സുഗമമാക്കുന്നതിനായുള്ള പ്രധാന തീരുമാനങ്ങളാണ് യോഗത്തിൽ കൈക്കൊണ്ടത്.
പ്രധാന തീരുമാനങ്ങൾ:
വിവിധ കമ്മിറ്റികളുടെ രൂപീകരണം: 2026-27 അക്കാദമിക വർഷത്തേക്കുള്ള പ്രവർത്തനങ്ങൾ ഏകോപിപ്പിക്കുന്നതിനായി വിവിധ സ്കൂൾ കമ്മിറ്റികളെ തിരഞ്ഞെടുത്തു. അക്കാദമിക് കൗൺസിൽ, കായിക-കലാ സമിതികൾ, ഉച്ചഭക്ഷണ കമ്മിറ്റി , കലോത്സവ കമ്മിറ്റി തുടങ്ങി പ്രധാന വകുപ്പുകളുടെ ചുമതല പുതിയ ഭാരവാഹികൾക്ക് കൈമാറി.
പ്രമോഷൻ നടപടികൾ: 5 മുതൽ 9 വരെയുള്ള ക്ലാസുകളിലെ വിദ്യാർത്ഥികളുടെ വാർഷിക മൂല്യനിർണ്ണയവും പ്രമോഷൻ ലിസ്റ്റും സംബന്ധിച്ച കാര്യങ്ങൾ യോഗം വിശദമായി ചർച്ച ചെയ്തു.
പുതിയ അഡ്മിഷൻ: വരാനിരിക്കുന്ന വർഷത്തേക്കുള്ള പ്രവേശന നടപടികളെക്കുറിച്ചും (Admission 2026-27) മീറ്റിംഗിൽ ചർച്ചകൾ നടന്നു. അഡ്മിഷൻ നടപടികൾ ഉടൻ ആരംഭിക്കാനും കൂടുതൽ വിദ്യാർത്ഥികളെ സ്കൂളിലേക്ക് ആകർഷിക്കുന്നതിനുള്ള ക്യാമ്പയിനുകൾ സംഘടിപ്പിക്കാനും തീരുമാനിച്ചു.
വേനലവധിക്ക് ശേഷം സ്കൂൾ വീണ്ടും തുറക്കുമ്പോൾ കുട്ടികൾക്ക് മികച്ച സൗകര്യങ്ങളും പഠനാന്തരീക്ഷവും ഉറപ്പുവരുത്തുമെന്ന് സ്റ്റാഫ് കൗൺസിൽ അറിയിച്ചു. കൃത്യമായ പ്ലാനിംഗോടെ പുതിയ വർഷത്തെ വരവേൽക്കാൻ അധ്യാപകർ സന്നദ്ധരാകണമെന്ന് ഹെഡ്മാസ്റ്റർ യോഗത്തിൽ പറഞ്ഞു.