ഗവ. എൽ. പി. എസ്സ്. മടവൂർ/ക്ലബ്ബുകൾ/മാതൃഭൂമി സീഡ് ക്ലബ്

ഓഗസ്റ്റ്

*ഹിരോഷിമ ദിനത്തിൽ "കുട്ടികളുടെ സമാധാനചാർട്ടർ"

കുട്ടികളുടെ സമാധാനചാർട്ടർ

*ഹിരോഷിമ ദിനത്തിൽ "കുട്ടികളുടെ സമാധാനചാർട്ടർ" അനാ ച്ഛാദനം ചെയ്ത് മടവൂർ ഗവ. എൽ.പി.എസ്*

മടവൂർ: വിദ്യാലയത്തിൽ ശാന്തിയും പരസ്പര സ്നേഹവും നിലനിർത്താൻ ഹിരോഷിമ ദിനത്തിൽ സമാധാനചാർട്ടർ അനാച്ഛാദനം ചെയ്ത് മടവൂർ ഗവ. എൽ.പി.എസിലെ കുട്ടികൾ

*വിദ്യലയാന്തരീക്ഷം സമാധാനപൂരിതമാകാൻ എന്തെല്ലാം ശ്രദ്ധിക്കണം എന്നതിൽ കേന്ദ്രീകരിച്ച് വിവിധ സൂചകങ്ങളെ ആസ്പദമാക്കി നടത്തിയ ക്ലാസ്റൂം ചർച്ചകളിൽ നിന്നും രൂപപ്പെടുത്തിയ പത്ത് നിർദേശങ്ങളാണ് സമാധാന ചാർട്ടറിൽ ഉൾക്കൊള്ളിച്ചത്*

യുദ്ധത്തിൻ്റെ അടിസ്ഥാന കാരണങ്ങൾ രാഷ്ട്ര ബന്ധിതം മാത്രമല്ലെന്നും ഓരോ മനുഷ്യനും സമാധാനത്തിൻ്റെ അംശങ്ങൾ പേറുന്നുവെന്നുമുള്ള തിരിച്ചറിവാണ് യുദ്ധവിരുദ്ധ പരിപാടിയിൽ "കുട്ടികളുടെ സമാധാനചാർട്ടർ" എന്ന ആശയത്തിന് പ്രചോദനമായതെന്ന് ഹെഡ്മാസ്റ്റർ ഷഹിൻ.പി.എം പറഞ്ഞു

*സ്ക്കൂൾ മുറ്റത്ത് ഒരുക്കിയ കൂറ്റൻ യുദ്ധവിരുദ്ധ ക്യാൻവാസിൽ കൂട്ടുകാരും രക്ഷിതാക്കളും അധാപകരും ചേർന്ന് സമാധാന സന്ദേശങ്ങൾ രേഖപ്പെടുത്തി. ചിലർ ചിത്രങ്ങൾ വരച്ചു*

ഹിരോഷിമയുടെ നൊമ്പരമായ സഡാക്കോ സസാക്കി, യുദ്ധത്തിൻ്റെ ഭീകരനാളുകളിലെ ഡയറിക്കുറിപ്പുകളാൽ ശ്രദ്ധേയയായ ആൻഫ്രാങ്ക്,രണ്ടാം ലോകയുദ്ധകാലത്ത് പ്രിയപ്പെട്ട തൻ്റെ ശിശു സൗഹൃദ വിദ്യാലയം എരിഞ്ഞൊടുങ്ങിയതിന് സാക്ഷിയായ ലോക പ്രശസ്തയായ പെൺകുട്ടി ടോട്ടോചാൻ എന്നിവരുടെ ലഘു ജീവചരിത്രങ്ങളും 'വെന്തെരിഞ്ഞ ബാലിക' എന്ന ഫലസ്തീൻ കവിതയും കൂട്ടുകാർ അവതരിപ്പിച്ചു

*പി.ടി.എ പ്രസിഡൻ്റ് രേഖാദിലീപ് അധ്യക്ഷത വഹിച്ചു.കുമാരി നവമി ബിനു സ്വാഗതവും ഹെഡ്മാസ്റ്റർ ഷഹിൻ. പി.എം നന്ദിയും പറഞ്ഞു*