"ജി.യു.പി.എസ്. പുല്ലൂർ/പ്രവർത്തനങ്ങൾ/2025-26" എന്ന താളിന്റെ പതിപ്പുകൾ തമ്മിലുള്ള വ്യത്യാസം

== സ്കൂൾ സോഷ്യൽ സർവീസ് സ്കീം ത്രിദിന ക്യാമ്പ് (31-12-2025 to 2-1-2026) ==

സ്കൂൾ സോഷ്യൽ സർവീസ് സ്കീം ത്രിദിന ക്യാമ്പ് 2025 ഡിസംബർ 31 മുതൽ ജനുവരി 2 വരെ ഗവൺമെന്റ് യുപിഎസ് സ്കൂൾ പുല്ലൂരിൽ  നടന്നു. കാഞ്ഞങ്ങാട് ബ്ലോക്ക് പഞ്ചായത്ത് മെമ്പർ ശ്രീ നാരായണൻ മാടിക്കാൽ ഉദ്ഘാടനം ചെയ്ത ക്യാമ്പിൽ ബേക്കൽ ഉപജില്ല വിദ്യാഭ്യാസ ഓഫീസർ  ശ്രീ സുരേന്ദ്രൻ കെ, വാർഡ് മെമ്പർ ശ്രീമതി നളിനി എന്നിവർ സന്നിഹിതരായിരുന്നു. സ്കൂൾ ഹെഡ്മാസ്റ്റർ ശ്രീ ജനാർദ്ദനൻ പി, SSSS കോഡിനേറ്റർ ശ്രീമതി ബീന വി വി,  പിടിഎ പ്രസിഡണ്ട് ശ്രീ ബാലകൃഷ്ണൻ ,എം പി ടി എ പ്രസിഡണ്ട് ശ്രീമതി നിഷ ,എസ് എം സി ചെയർമാൻ ,മറ്റ് പിടിഎ അംഗങ്ങൾ എന്നിവർ സംസാരിച്ചു. മൂന്ന് ദിവസങ്ങളിലായി നടന്ന ക്യാമ്പിൽ വിവിധ പ്രവർത്തനങ്ങൾ കുട്ടികൾക്കായി നടത്തി. ഹെൽത്ത് ഇൻസ്പെക്ടർ ശ്രീ അശോകൻ എംപിയുടെ നേതൃത്വത്തിൽ ആരോഗ്യ - ബോധവൽക്കരണ ക്ലാസ്, ബി.ആ‌‌‍ർ.സി  അധ്യാപിക ശ്രീമതി  സരിത ,ശ്രീമതി ജയശ്രീ എന്നിവരുടെ നേതൃത്വത്തിൽ പാഴ്വസ്തുക്കൾ നിർമ്മാണ കളരിയും , പ്രണ്ജിത്ത്കൃഷ്ണ , കുമാരി അനാമിക മധു എന്നിവരുടെ നേതൃത്വത്തിൽ പാടാം രസിക്കാം, ഗവൺമെന്റ് എൽ പി സ്കൂൾ ഉദുമ ഹെഡ്മാസ്റ്റർ ശ്രീ ആനന്ദ് പേക്കടം നേതൃത്വത്തിൽ പ്രകൃതിയെ അറിയാം,  സംവിധായകനായ അജയ് പ്രസീദിന്റെ നേതൃത്വത്തിൽ അഭിനയക്കളരി ,ജിഎച്ച്എസ്എസ് കോട്ടപ്പുറം അധ്യാപകൻ ശ്രീ രാജീവൻ  ടിവിയുടെ നേതൃത്വത്തിൽ ശാസ്ത്ര കൗതുകം ,ഗവൺമെന്റ് കോളേജ് കാസർകോഡ് റിട്ട. പ്രിൻസിപ്പൽ പ്രൊഫസർ എം ഗോപാലൻ എന്നിവരുടെ നേതൃത്വത്തിൽ നക്ഷത്ര നിരീക്ഷണവും ,അമ്പലത്തറ പോലീസ് സ്റ്റേഷൻ ഓഫീസർ ശ്രീ പ്രമോദ് ടിവിയുടെ നേതൃത്വത്തിൽ  സൈബർ നിയമം, ശ്രീരാജ് ഇ വിയുടെ നേതൃത്വത്തിൽ നിർമത ബുദ്ധി എന്തേ എങ്ങനെ? , റാംഗോകുൽ  നേതൃത്വത്തിൽ, നടന്ന ചിത്രകലാ ക്യാമ്പ് എന്നിവ വ്യത്യസ്ത പരിപാടികൾ ആയിരുന്നു. കൂടാതെ പൂന്തോട്ട പരിപാലനം, ശുചീകരണം ,പച്ചക്കറിത്തോട്ട നിർമ്മാണം എന്നിവയും ഈ ക്യാമ്പിന്റെ ആഭിമുഖ്യത്തിൽ നടത്തുകയുണ്ടായി.