ജി.എൽ..പി.എസ്. ഒളകര/എന്റെ ഗ്രാമം

ഗ്രാമം

ജി എൽ പി എസ് ഒളകര

മനുഷ്യസമൂഹം ഒരുമിച്ചു താമസിക്കുന്ന പ്രദേശമാണ് ഗ്രാമം. ചരിത്രം പരിശോധിക്കുകയാണെങ്കിൽ ഗ്രാമം എന്നത് കൃഷിയുമായി ബന്ധപ്പെട്ട സാമുദായിക കൂട്ടായ്മകൾ ആയിരുന്നു . ഉപജീവനമായി കൃഷി ചെയ്യുന്ന സമൂഹങ്ങൾ. മിക്ക സംസ്കാരങ്ങളിലും നാഗരികതയുടെ ഉത്ഭവം ഗ്രാമങ്ങളിലായിരുന്നു. വ്യവസായ വിപ്ലവത്തിന്റെ ഫലമായി ധാരാളം ആളുകൾ വ്യവസായങ്ങളുണ്ടായിരുന്ന ഗ്രാമങ്ങളിൽ ആകർഷിക്കപ്പെടുകയും ഗ്രാമങ്ങൾ പട്ടണങ്ങളുമായി മാറുകയും ചെയ്ത വസ്തുതകൾ ചരിത്രത്തിലെങ്ങും കാണാൻ സാധിക്കും. ഇന്ന് കേരളത്തിൽ പൊതുവെ ഗ്രാമം എന്ന സങ്കൽപം അപ്രത്യക്ഷമായിക്കൊണ്ടിരിക്കുകയാണ്. . അതിവേഗത്തിൽ നഗരവൽകരണം നടക്കുന്ന ഒരു പ്രദേശമായി കേരളം മാറിക്കൊണ്ടിരിക്കുന്നു .

ഒളകര എന്ന എന്റെ ഗ്രാമം

ഇന്നലെയുടെ ഓർമകുറിപ്പുകളാണ് ഓരോ ചരിത്രവും. നാം വസിക്കുന്ന നമ്മുടെ നാടിനെ കുറിച്ചറിയാൻ ചരിത്രം അനിവാര്യമാണ്. ഒളകര എന്ന കൊച്ചു ഗ്രാമത്തിന്റെ ചരിത്രമാണ് ഇവിടെ വിവരിക്കുന്നത്. ഗ്രാമമായതിനാൽ കൃഷിയുമായി ബന്ധപ്പെട്ട സാമുദായിക കൂട്ടായ്മകൾ ധാരാളം ഉണ്ടായിരുന്ന നാടാണിത്. മിക്ക സംസ്കാരങ്ങളിലും നാഗരികതയുടെ ഉദ്ഭവം ഗ്രാമങ്ങളിലായിരുന്നു. അതിവിടെയും തുടരുന്നു. ഇന്ന് വലിയ മാറ്റം വന്നെങ്കിലും ഒരു സാധാരണ ഗ്രാമം പോലെ, ഏതാണ്ട്  30 ൽ താഴെ കുടുംബങ്ങൾ മാത്രം വസിക്കുന്ന ഗ്രാമമായിരുന്നു ഒളകര. സാധാരണയായി ഗ്രാമത്തിൽ കാണുന്ന പോലെ വീടുകൾ വളരെ അടുത്തടുത്തായി സ്ഥിതി ചെയ്തിരുന്നില്ല. വീടുകളുടെ പരിസര വയലുകൾ കാർഷിക വൃത്തിക്ക് ഉപയോഗിക്കുകയായിരുന്നു പതിവ്. വികസനത്തിന്റെ കാലൊച്ചകൾ ഒളകര ഗ്രാമത്തിലും വന്നെത്തിയതോടെ വലിയ മാറ്റങ്ങളാണ് ഇവിടെ വന്നിട്ടുള്ളത് . വലിയ കെട്ടിടങ്ങളും പല വ്യവസായിക സംരഭങ്ങളും അവിടെ ഉയർന്നു പൊങ്ങി. അതിനനുസരിച്ചുള്ള മാറ്റം ജനങ്ങളുടെ ജീവിത രീതിയിലും നമുക്ക് കാണാൻ സാധിക്കും.

ഭൂമിശാസ്ത്രം

മലപ്പുറം ജില്ലയിലെ പെരുവളളൂർ ഗ്രാമപഞ്ചായത്തിലെ ഉൾപ്രദേശമാണ് കല്ലട എന്നറിയപ്പെടുന്ന ഒളകര.അതി വിശാലമായ വയലുകൾ, ജല സ്രോതസ്സുകൾ,കുന്നിൻ ചെരുവുകൾ, പള്ളികൾ, അമ്പലങ്ങൾ, കാവ് എന്നിവയെല്ലാം ഇവിടെ കാണാം. നെല്ല്, തെങ്ങ്, കവുങ്ങ്, വാഴ, കപ്പ, തുടങ്ങിയവ ഈ ഗ്രാമത്തിലെ പ്രധാന കൃഷികളാണ്. ഇന്നും ധാരാളം നെൽപാടങ്ങൾ നമുക്ക് ഇവിടെ കാണാം.മഴക്കാലത്ത് വെള്ളം നിറഞ്ഞ് കവിയുന്ന ഒളകര പാടം പ്രസിദ്ധമാണ്. ഇതിലൂടെ ഒഴുകുന്ന തോട് പെരുവള്ളൂർ പഞ്ചായത്തിലെ പ്രധാനപ്പെട്ട ജല സ്രേതസ്സുകളിൽ ഒന്നാണ്.

ജി.എൽ.പി.എസ്.ഒളകര‍

മലപ്പുറം ജില്ല യിലെ തിരുരങ്ങാടി താലൂക്കിലെ പെരുവള്ളൂർ പഞ്ചായത്തിലാണ് ഒളകര ഗ്രാമം സ്ഥിതിചെയ്യുന്നത്. പെരുവള്ളൂർ ഗ്രാമപഞ്ചായത്തിന്റെ ഒരറ്റത്ത് സ്ഥിതിചെയ്യുന്നതിനാൽ എ.ആർ നഗർ പഞ്ചായത്തുമായി അതിർത്തി പങ്കിടുന്നു .'ഒളകര എന്ന ഗ്രാമത്തിന്റെ ഒത്തനടുവിലായി ഒരു രത്നംപോലെ തിളങ്ങുന്ന വിദ്യാലയമാണ് ജി.എ.ൽ.പി.എസ്.ഒളകര'.ര‍ണ്ട്പഞ്ചായത്തുകളുടെ അതിർത്തിയിലായി സ്ഥിതി ചെയ്യുന്നു.

പ്രധാന പൊതുസ്ഥാപനങ്ങൾ

• പോസ്റ്റ് ഓഫീസ് പുകയൂർ
• പ്രാഥമിക ആരോഗ്യ കേന്ദ്രം - കൊല്ലംചിന
• പൊതുവിതരണ കേന്ദ്രം