"ഗവ. എച്ച് എസ് എസ് മീനങ്ങാടി/മികവുകൾ/2024-25" എന്ന താളിന്റെ പതിപ്പുകൾ തമ്മിലുള്ള വ്യത്യാസം

{{Yearframe/Pages}}

=='''ജില്ലാ കലോത്സവം; സർക്കാർ വിദ്യാലയങ്ങളിൽ മീനങ്ങാടിക്ക് ഒന്നാം സ്ഥാനം'''==

നടവയൽ സെൻ്റ് തോമസ് ഹയർ സെക്കണ്ടറി സ്കൂളിൽ ഡിസംബർ 26- 29 തിയ്യതികളിൽ നടന്ന വയനാട് റവന്യു ജില്ലാ സ്കൂൾ കലോത്സവത്തിൽ ജില്ലയിലെ സർക്കാർ വിദ്യാലയങ്ങളിൽ മീനങ്ങാടി ഗവ. ഹയർ സെക്കണ്ടറി സ്കൂളിന് ഒന്നാം സ്ഥാനം. 111 പോയൻ്റുകളുമായി നാലാം സ്ഥാനതെത്തിയ മീനങ്ങാടി, ബത്തേരി ഉപജില്ലയിൽ നിന്നും ഏറ്റവും കൂടുതൽ പോയൻ്റ് നേടിയ വിദ്യാലയം എന്ന ബഹുമതിക്കും അർഹമായി. ഒരു പോയൻ്റ് വ്യത്യാസത്തിലാണ് സ്കൂളിന് മൂന്നാം സ്ഥാനം നഷ്ടമായത്. ഹയർ സെക്കണ്ടറി വിഭാഗം ഒപ്പനയിൽ ഒന്നാം സ്ഥാനം നേടിയ സ്കൂളിന് അഞ്ച് വ്യക്തിഗത ഇനങ്ങളിൽ ഒന്നാം സ്ഥാനമുണ്ട്. ദേവാനന്ദ് സജി ഹൈസ്കൂൾ വിഭാഗം കുച്ചിപ്പുടിയിലും കേരളനടനത്തിലും സംസ്ഥാന തല മത്സരത്തിന് യോഗ്യത നേടി. ഹയർ സെക്കണ്ടറി വിഭാഗത്തിൽ സിദ്ധാർഥ് എസ്. രാജ് ( വയലിൻ- വെസ്റ്റേൺ ), ഗായത്രി ( സംസ്കൃതം കവിതാരചന , അവനിജ പുരുഷോത്തമൻ (മലയാളം പദ്യം ചൊല്ലൽ ) എന്നിവരാണ് ഒന്നാം സ്ഥാനത്തോടെ സംസ്ഥാന തല മത്സരത്തിലേക്ക് തിരഞ്ഞെടുക്കപ്പെട്ടവർ. ഹൈസ്കൂൾ വിഭാഗം ഒപ്പന , സംഘ നൃത്തം, ഇംഗ്ലീഷ് സ്കിറ്റ്, പണിയ നൃത്തം, വഞ്ചിപ്പാട്ട്, എന്നീ ഗ്രൂപ്പിനങ്ങളിലും തമിഴ് പദ്യം ചൊല്ലൽ ( ഫിദ ഫാത്തിമ ) കഥകളി സംഗീതം ( ഹിമ ലക്ഷ്മി ) മലയാളം കവിതാരചന ( പുണ്യ ശശീന്ദ്രൻ ) എന്നിവയിലും എ ഗ്രേഡ് നേടി.