"എ. എം .എം. ഹയർസെക്കണ്ടറി സ്കൂൾ ഇടയാറന്മുള/പ്രവർത്തനങ്ങൾ/2024-25" എന്ന താളിന്റെ പതിപ്പുകൾ തമ്മിലുള്ള വ്യത്യാസം

ഭാരതീയ വാസ്തുവിദ്യയുടെയും അനുബന്ധ വിഷയങ്ങളുടെയും പ്രചാരണത്തിനും സംരക്ഷണത്തിനും ആയി സംസ്ഥാന സർക്കാരിന്റെ സാംസ്കാരിക വകുപ്പിന്റെ കീഴിൽ പത്തനംതിട്ട ജില്ലയിലെ ആറന്മുളയിൽ പ്രവർത്തിച്ചുവരുന്ന സാധനമാണ് വാസ്തുവിദ്യ ഗുരുകുലം. പത്തനംതിട്ട ജില്ലയിൽ ആറന്മുളയിൽ പാർത്ഥസാരഥി ക്ഷേത്രത്തിന് പടിഞ്ഞാറ് വശത്തായി പമ്പാനദിയിൽ മനോഹരമായ ഒരു നാല്കെട്ടിൽ വാസ്തുവിദ്യ ഗുരുകുലം 1993 നവംബർ മാസം ഒന്നാം തീയതി പ്രവർത്തനം ആരംഭിച്ചു.

വാസ്തുവിദ്യയുടെ   ആധാര ഗ്രന്ഥങ്ങളെ അടിസ്ഥാനപ്പെടുത്തി യൂണിവേഴ്സിറ്റി അംഗീകൃത അക്കാദമി കോഴ്സുകൾ, കൺസൾട്ടൻസി വിഭാഗം, ചുമർചിത്ര വിഭാഗം തുടങ്ങിയ വിവിധ വിഭാഗങ്ങൾ ആയിട്ടാണ് സ്ഥാപനത്തിന്റെ പ്രവർത്തനം സംവിധാനം ചെയ്തിരിക്കുന്നത്.പ്രത്യേകിച്ച് പരമ്പരാഗത വാസ്തുവിദ്യയും ശില്പകലയും ചുവർച്ചിത്രങ്ങളും കലകളും അവതരിപ്പിക്കുകയും സംരക്ഷിക്കുകയും പ്രോത്സാഹിപ്പിക്കുകയും ചെയ്യുക, എല്ലാ തരത്തിലുമുള്ള സാംസ്കാരിക പ്രവർത്തനങ്ങൾ പ്രോത്സാഹിപ്പിക്കാനും പരിപോഷിപ്പിക്കാനുമുള്ള കേന്ദ്ര സ്ഥാപനമായി പ്രവർത്തിക്കുക തുടങ്ങിയവയാണ്  ലക്ഷ്യം.