"ജി.എച്ച്.എസ്.എസ്. കടുങ്ങപുരം/എന്റെ ഗ്രാമം" എന്ന താളിന്റെ പതിപ്പുകൾ തമ്മിലുള്ള വ്യത്യാസം

|}

ആദികലാരൂപങ്ങളുടെ വിളനിലമായിരുന്ന പുഴക്കാട്ടിരിയിലെ രാമപുരം ശ്രീരാമകൃഷ്ണസ്വാമി ക്ഷേത്രത്തിൽ വെച്ചുനടത്തിയിരുന്ന ഏകാദശിവിളക്ക് ജാതിമതവർഗ്ഗഭേദമെന്യേ വിപുലമായ പരിപാടികളോടെ ആഘോഷിച്ചിരുന്നു. അതിന്റെ ഭാഗമായി കഥകളിയും നാടൻകലാരൂപങ്ങളും പതിവായി അരങ്ങേറിയിരുന്നു. വളരെ പുരാതനകാലം മുതൽ തന്ന ആഘോഷിച്ചുവരുന്ന കടുങ്ങപുരം നേർച്ചയും ഏറെ പ്രസിദ്ധമാണ്. കോൽക്കളി, അർവനമുട്ടുകളി, പരിചമുട്ടുകളി, ചെറുമക്കളി തുടങ്ങിയവ പണ്ടുമുതൽ തന്ന ഇവിടെ നിലനിന്നിരുന്ന പാരമ്പര്യകലാരൂപങ്ങളാണ്. വേളൂർ ജുമാ അത്ത് പള്ളി, കടുങ്ങപുരം ജുമാ അത്ത് പള്ളി, കട്ടിളശ്ശേരിപള്ളി രാമപുരം, പുഴക്കാട്ടിരി പള്ളികൾ എന്നിവയാണ് പഴയ മുസ്ളീം ആരാധനാകേന്ദ്രങ്ങൾ. പനങ്ങാങ്ങര ശിവക്ഷേത്രം, രാമപുരം ശ്രീരാമസ്വാമിക്ഷേത്രം, പുഴക്കാട്ടിരി ശിവക്ഷേത്രം, മാലാപ്പറമ്പ് അയ്യപ്പൻകാവ്, കടുങ്ങപുരംകോവിൽ എന്നിവയാണ് പ്രധാനക്ഷേത്രങ്ങൾ. കോൺഗ്രസ്-സോഷ്യലിസ്റ്റ് പാർട്ടി (സി.എസ്.പി) പ്രവർത്തകരുടെ നേതൃത്വത്തിൽ 1936-37 കാലഘട്ടത്തിൽ പുഴക്കാട്ടിരിയിൽ സ്ഥാപിതമായ മഹാത്മാ വായനശാലയാണ് പഞ്ചായത്തിലെ ആദ്യഗ്രന്ഥശാല. മാതൃഭൂമി പത്രമായിരുന്നു സ്ഥിരമായി വായനശാലയിൽ എത്തിയിരുന്നത്. സി.എസ്.പി.യുടെ മുഖപത്രമായിരുന്ന പ്രഭാതം ദ്വൈവാരിക ഷൊർണ്ണൂരിൽ നിന്നും എത്തിയിരുന്നു. ഉദയം എന്ന പേരിൽ ഒരു കൈയ്യെഴുത്തുമാസികയും ഇറക്കിയിരുന്നു. മഹാത്മാ വായനശാലയുടെ പതനത്തിനു ശേഷമാണ് കടുങ്ങപുരത്തെ ഐ.എൻ.എ.നാരായണമേനോൻ സ്മാരക വായനശാല ആരംഭിക്കുന്നത്. ദേശീയപ്രസ്ഥാനവുമായി ബന്ധപ്പെട്ടു പ്രവർത്തിച്ചിരുന്നയാളായ കെ.നാരായണമേനോൻ ജോലിതേടി സിങ്കപ്പൂരിലേക്ക് പോവുകയും അവിടെ വെച്ച് നേതാജിയുടെ ഇന്ത്യൻ നാഷണൽ ആർമിയിൽ ചേരുകയും ബ്രിട്ടീഷുകാർക്കെതിരെ പൊരുതി, ഇംഫാലിൽ വെച്ച് യുദ്ധത്തിൽ കൊല്ലപ്പെടുകയും ചെയ്തുവെന്ന് പറയപ്പെടുന്നു. അദ്ദേഹത്തിന്റെ ഓർമ്മക്കായിട്ടായിരുന്നു ഐ.എൻ.എ.നാരായണമേനോൻ വായനശാല സ്ഥാപിക്കപ്പെട്ടത്. ആ കാലഘട്ടത്തിൽ തന്ന പ്രവർത്തിച്ചിരുന്ന മറ്റൊരു ഗ്രന്ഥശാലയാണ് രാമപുരം വായനശാല. സർക്കാർ സഹായത്തോടുകൂടി പുഴക്കാട്ടിരി കേന്ദ്രമായി പ്രവർത്തിക്കുന്ന ഒരു പൊതുജന വായനശാല പഞ്ചായത്തിലിപ്പോൾ നിലവിലുണ്ട്