സെന്റ്.മേരീസ്എച്ച്.എസ്സ്.വട്ടയാൽ/എന്റെ ഗ്രാമം

വട്ടയാൽ - എന്റെ ഗ്രാമം

Vattayal is a Locality in Alappuzha City in Kerala State, India. It belongs to South Kerala Division.

Vattayal Location Map

വട്ടയാൽ പ്രദേശത്തിൽ ഉൾപ്പെടുന്ന സ്ഥലങ്ങൾ സെന്റ് പീറ്റേഴ്സ് ദേവാലയം, സെന്റ് മേരീസ് ഹൈസ്കൂൾ, Our Lady of Fathima Visitation Convent, സൂപ്പർ ഫിനീഷ് സർവ്വീസ് സ്റ്റേഷൻ, വട്ടയാൽ പോസ്റ്റ് ഓഫീസ്, ത്രിവേണി ജംഗ്ഷൻ, വെറ്റക്കാരൻ ജംഗ്ഷൻ, E S I Hospital, Bypass Road, Golden Bloom Garden, Common Distribution Center (Ration Shop), Sreedevi Medicals, Subramaniya Swamy Temple, Mujahid Masjid, Valiyakulam Juma Masjid, Layam Studio, Jan Oushadhi Medical Store Vattayal, St. Peter's Parish Hall.

വട്ടയാൽ എന്ന വാക്ക് വട്ട, ആൽ എന്നീ മരങ്ങൾ ഉള്ള സ്ഥലം എന്ന അർത്ഥത്തിൽ വന്നതാണ്. ഇത് വളരെ ചെറിയ സ്ഥലം മാത്രമാണ്. ഇത് വാഡയ്‍ക്കൽ എന്ന സ്ഥലത്തിന്റെ ഭാഗമായിരുന്നു. വാഡയ്‍ക്കൽ എന്ന വാക്കിന്റെ അർത്ഥം അതി‍ർവരമ്പ് എന്നാണ്. 'ആലപ്പുഴ പ്രവർത്തി' കൊല്ലം ജില്ലയുടെ ഭാഗമായിരുന്നപ്പോൾ വാഡയ്‍ക്കൽ ആയിരുന്നു അതി‍ർവരമ്പ് . അത് വാഡക്കനാൽ വരെ ആയിരുന്നു. രാജാ കേശവദാസ് ആലപ്പുഴ (അലയും പുഴയും ചേർന്ന സ്ഥലം) രൂപ കല്പന ചെയ്തപ്പോൾ വരച്ചു വെട്ടിയുണ്ടാക്കിയ കനാലുകൾ ചെറിയ പ്രദേശങ്ങൾക്ക് ജന്മമേകി.

ആറു നൂറ്റാണ്ടുകളുടെ മേൽ ചരിത്ര സ്മൃതി പേറുന്ന വിശാലമായ ഒരു പ്രദേശമാണ് വട്ടയാൽ . വട്ടയാൽ എന്ന നാമവും വട്ടയാൽ പള്ളിയും വട്ടയാൽ സ്കൂളും വട്ടയാൽ ഇടവകയും തമ്മിൽ ബന്ധപ്പെട്ടിരിക്കുന്നു.

വട്ടയാൽ ഇടവകയുടെ ചരിത്രം

എ.ഡി. 1400 കളുടെ ആരംഭത്തിൽ പുറക്കാട്ട് വന്ന പോർച്ചുഗീസ് / കർമ്മലീത്ത മിഷനറിമാരുടെ പ്രവർത്തന ഫലമായി 1410-ൽ വട്ടയാലിൽ ഒരു കുരിശു സ്ഥാപിച്ചതായി കാണുന്നു.

ആ കാലഘട്ടത്തിൽ തന്നെ പള്ളിയായി അത് രൂപം പ്രാപിച്ചപ്പോൾ ഈജിപ്തിലെ വിശുദ്ധ അന്തോനിയുടെ (വനത്തിലെ അന്തോനി / വനവാസം അന്തോനി) നാമത്തിൽ ചെറിയ ഇടവകയായി രൂപം പ്രാപിക്കുകയും തിരുക്കർമ്മങ്ങൾ അനുഷ്ടിക്കപ്പെടുകയും ജനുവരി 17 ന് ഇടവക തിരുന്നാൾ മകരം പെരുന്നാൾ എന്ന പേരിൽ നടത്തിപ്പോരുകയും ചെയ്തു.

കത്തോലിക്കാ തിരുസഭയിൽ പാദ്രുവാദോ ഭരണം റദ്ദു ചെയ്യപ്പെടുകയും കൊച്ചി രൂപതാ പ്രവർത്തനങ്ങൾ മന്ദീഭവിക്കുകയും ചെയ്തപ്പോൾ സഭയിലെ പ്രവർത്തനങ്ങൾ, അങ്കമാലി രൂപത ആലപ്പുഴ പഴയങ്ങാടി ഹോളിക്രോസ് ദേവാലയ അധികാരികൾ വട്ടയാൽ പ്രദേശം അതിനു കീഴിലാക്കുകയും ചെയ്തു. ഇക്കാലത്ത് ഈ പള്ളിയും ഈ മേഖലയും കുരിശു പള്ളി/ കുരിശു പള്ളിക്കൽ എന്നും അറിയപ്പെട്ടു.

എന്നാൽ പതിനാറാം നൂറ്റാണ്ടിന്റെ പൂർവ്വ വർഷങ്ങളിൽ വി. പത്രോസിന്റെ നാമധേയത്തിൽ ഈ ദൈവാലയം പുനർ നാമകരണം ചെയ്തത് ഈശോ സഭാ വൈദികരാണ്. 1760-ൽ ആ സ്ഥലത്ത് പുതിയ ദൈവാലയം നിർമ്മിക്കുകയും ഇടവകയായി ഉയർത്തപെടുകയും ചെയ്തു. (ഇന്നത്തെ ദൈവാലയം അല്ല.) പാലസ് - ബീച്ച് റോഡ് വടക്കേ അതിരും തെക്ക് തോട്ടപ്പള്ളി വരേയും കിഴക്ക് പള്ളാത്തുരുത്തി - പൂക്കൈതയാറുകളും പടിഞ്ഞാറ് അറബിക്കടലും അതിരിടുന്ന അതി വിശാലമായ ഒരു പ്രദേശം വട്ടയാൽ ഇടവകയുടെ ഭാഗമായിരുന്നു.

ഈ കാലഘട്ടത്തിൽ 1879-ൽ അതി പ്രാധാന്യമുള്ള രേഖകളും അമൂല്യ വസ്തുക്കളും മോഷണം പോയി. തന്മൂലം അതിന് മുൻപുള്ള ശരിയായ വിവരങ്ങൾ നമുക്ക് ലഭ്യമല്ല. 1879 ന് ശേഷം വട്ടയാൽ ഇടവകയിൽ വികാരിയായിരുന്ന റവ. ഫാദർ എം ഫെർണാണ്ടസിന്റെ പേരു മാത്രമേ രേഖകളിൽ കാണുന്നുള്ളു. ഈ കാലത്താണ് വട്ടയാൽ ഇടവക വി. പത്രോസിന്റെ പേരിൽ പുനർ നാമകരണം ചെയ്യപ്പെട്ടത്.

വിദ്യാഭ്യാസ സ്ഥാപനങ്ങൾ

• Govt.Muhammadens ghss Alappuzha (2.1 km)
• Govt.Muhammadens Boys HSS Alappuzha (2.1 km)
• Leo XIII HSS Alappuzha (2.2 km)
• TDHSS Alappuzha ( 2.2 km)
• HSS Thiruvampady (2.4 km)

പ്രധാന പൊതുസ്ഥലങ്ങൾ

• ESI Hospital (1.2Km)
• Alappuzha Railwaystation(1.6kM)
• Sree Subrahmaniya Swamy Temple (450m)
• Sree Jain Shwethambar Temple(2.8Km)
• Alappuzha Beach (2.7Km)
• Alappuzha Light house(2.5Km)
• Vijaya park(3.3 Km)
• seaviewpark(3km)

ആലപ്പുഴ ബീച്ച്

കേരളത്തിലെ പ്രശസ്തമായ ഒരു വിനോദസഞ്ചാര കേന്ദ്രമാണ് ആലപ്പുഴ ബീച്ച് .വിവിധ ജില്ലകളിൽ നിന്നും ഒത്തിരിയേറെ ആളുകൾ ആലപ്പുഴ ബീച്ചിലേക്ക് എത്താറുണ്ട്. അറബിക്കടലിന്റെ മനോഹരമായ കാഴ്ചകൾ ഉൾപ്പെടുത്തിക്കൊണ്ട് മൃദുവായ വെളുത്ത മണൽ അടങ്ങിയതാണ് ആലപ്പുഴ ബീച്ചിന്റെ തീരപ്രദേശം .വളരെ ശാന്തമായ അന്തരീക്ഷം. ആലപ്പുഴ ബീച്ചിനോട് ചേർന്ന് തന്നെ വിജയ് പാർക്ക് സ്ഥിതി ചെയ്യുന്നു .ധാരാളം റൈഡുകളും ഗെയിമുകളും ഉള്ള അമ്യൂസ്മെന്റ് പാർക്ക് ആണ് വിജയ് പാർക്ക് .ആലപ്പുഴ ബീച്ചിനോട് ചേർന്ന് ആലപ്പുഴയുടെ പുരാതന വിളക്കുമാടം സ്ഥിതി ചെയ്യുന്നു. ധാരാളം റെസ്റ്റോറൻറ് കളും കഫേകളും ബീച്ചിനോട് ചേർന്ന് സ്ഥിതി ചെയ്യുന്നു. അതിനോടൊപ്പം തന്നെ കുട്ടികളെ ആകർഷിക്കുന്നതിനുള്ള അമ്യൂസ്മെൻറ് പാർക്കും ആലപ്പുഴ ബീച്ച് സമീപം സ്ഥിതി ചെയ്യുന്നു.

ആലപ്പുഴ റെയിൽവേ സ്റ്റേഷൻ

ആലപ്പുഴ നഗരത്തിന്റെ മധ്യഭാഗത്തായി സ്ഥിതിചെയ്യുന്നു ആലപ്പുഴ റെയിൽവേ സ്റ്റേഷൻ. ഈ സ്റ്റേഷനിൽ മൂന്ന് പ്ലാറ്റ്ഫോമുകളും 5 ട്രാക്കുകളും ഉണ്ട്. കേരളം, തമിഴ്നാട് ,കർണാടക ,മഹാരാഷ്ട്ര എന്നിവിടങ്ങളിലെ പ്രധാന നഗരങ്ങളിലേക്കും ഡൽഹി ,മുംബൈ, ചെന്നൈ, ബാംഗ്ലൂർ തുടങ്ങിയ നഗരങ്ങളിലേക്കും പ്രതിവാര പ്രതിമാസ ട്രെയിനുകൾ പ്രവർത്തനം ചെയ്യുന്നു. 1989 ലാണ് ആലപ്പുഴ റെയിൽവേ സ്റ്റേഷൻ പ്രവർത്തനം ആരംഭിക്കുന്നത്. 2001 ഓഗസ്റ്റ് 30നാണ് ആലപ്പുഴ റെയിൽവേ സ്റ്റേഷൻ വൈദ്യുതികരിക്കുന്നത്. എറണാകുളം ജംഗ്ഷൻ -ആലപ്പുഴ- കായംകുളം തീരദേശ റെയിൽ പാതയിലെ പ്രധാന തീവണ്ടി നിലയമാണിത്. തിരുവനന്തപുരം റെയിൽവേ ഡിവിഷനു കീഴിലാണ് ഈ തീവണ്ടി നിലയം പ്രവർത്തിക്കുന്നത്.