"ജി.എച്ച്.എസ്‌.എസ്.ചെറുവാടി" എന്ന താളിന്റെ പതിപ്പുകൾ തമ്മിലുള്ള വ്യത്യാസം

   മദ്ധ്യ കാലഘട്ടത്തോടെയാണ്‌ ചെറുവാടിയുടെ ചരിത്രം രേഖപ്പെടുത്തിക്കാണുന്നത്.പല്ലവനാട് രാജവംശത്തിലെ പന്നിക്കോട് അംശത്തിൽ ഉൾപ്പെട്ട ഗ്രാമമായിരുന്നു. ഫ്യൂഡലിസത്തിന്റെ മലബാറിലെ പ്രധാന കേന്ദ്രങ്ങളിലൊന്നായിരുന്നു. തിർ‌ക്കളയൂർ ക്ഷേത്രത്തിൻ ഏറെ ഭൂമിയുണ്ടായിരുന്നതായി പറയപ്പെടുന്നു.മദ്ധ്യ കലഘട്ടത്തിൽ തന്നെ മുസ്ലിംകളുടെ ആവാസമുണ്ടായിരുന്നു. അവർ കുടിയേറിയതാണോ പരിവർത്തനം ചെയ്തതാണോയെന്ന് കൃത്യമായ വിവരമില്ല. മുസ്ലിംകളാണു ഇവിടത്തെ ആദ്യകാല കുടിയേറ്റക്കാർ എന്നും അഭിപ്രായമുണ്ട്. താമരശ്ശേരി ചുരമിറങ്ങി കോഴിക്കോട്ടേക്ക് പുറപ്പെട്ട ടിപ്പു സുൽത്താൻ ബ്രിട്ടീഷുകാരുടെ കണ്ണു വെട്ടിച്ചു ചെറുവാടിയിലെത്തി പുഴയോരത്ത് സത്രം കെട്ടി ബോട്ടിൽ ഫറോക്ക് പേട്ടയിലേക്ക് പോവാറുണ്ടായിരുന്നു. മറ്റു സ്ഥലങ്ങളെപ്പോലെ ആരാധനാലയങ്ങളുമായി ബന്ധപ്പെട്ടതാണ്‌ ചെറുവാടിയുടെയും ചരിത്രം. തിക്കലയൂർ അമ്പലവും പുതിയോത്ത് മസ്ജിദു മാണ്‌ ആദ്യ കാല ആരാധനാലയങ്ങൾ. രണ്ടിന്റെയും ഉത്ഭവത്തെ ക്കുറിച്ച് കൃത്യ വിവരമില്ല. പൊന്നാനി യിൽ നിന്നും അനുഗ്രഹിച്ചു വിട്ട മുസ്ലിയാരകത്ത് ലവക്കുട്ടിയാൺ ആദ്യ ഖാസി. 1857ൻ ശേഷം ബ്രിട്ടീഷുകാർക്ക് നല്ല ആധിപത്യമായി. ലോകത്ത് ആദ്യമായി ബ്രിട്ടീഷുകാർ ബൊംബ് പരീക്ഷിച്ച്ത് ഇവിടെയാണെന്ന് വില്യം ലോഗൻ രേഖപ്പെടുത്തുന്നു.1921ലെ ഖിലാഫത്ത് പോരാട്ടം രൂക്ഷമായി നടന്ന സ്ഥലങ്ങളിൽ ഒന്നാണ്‌. കട്ടയാട്ട് ഉണ്ണിമൊയിൻ കുട്ടി അധികാരി അധികാരി പട്ടം രാജിവെച്ചു രക്തസാക്ഷ്യം വരിച്ചു.